Këshilli Ekzekutiv ka sjellë vendim për formimin e grupeve të punës për regjistrim aktiv të anëtarëve për votim në zgjedhjet brenda-partiake, si dhe për organizimin e një kongresi llogaridhënës të LSDM-së.

“Këshilli ekzekutiv e obligoi Komisionin Zgjedhor, mbi baza të statutit të partisë të propozojë rregullore për zbatimin e zgjedhjeve direkte brenda-partiake gjatë muajit qershor, në procedurë transparente dhe demokratike”, thonë nga LSDM, raporton Alsat. 

Nga LSDM njoftojnë se dorëheqje nga funksionet kanë dhënë edhe anëtarët e Këshillit Ekzekutiv si dhe anëtarët e kryesisë, nënkryetarët, sekretari i përgjithshëm, ai organizativ dhe sekretari për bashkëpunim rajonal.

Këshillit Qendror gjithashtu i kërkohet që ta ndjekin të njëjtin shembull, si një akt moral I përgjegjësisë. Nga LSDM njoftojnë se sipas statutit të partisë, me dorëheqjen e Kovaçevskit të gjithë kryetarët e organizatave komunale janë në dorëheqje, duke pasur parasysh faktin që ata janë emëruar nga ana e kryetarit të partisë, ndërsa funksionin do ta kryejnë deri në zgjedhjen e kryetarëve të rinj.

Analistët vlerësojnë se pas rezultateve të zgjedhjeve dorëheqjet ishin të pritshme, madje ato duhej të dorëzoheshin natën e zgjedhjeve.

“Pritej që atë natë të jep dorëheqje edhe vetë kryetari edhe udhëheqësia. Nëse nuk gënjehem me siguri ky ishte rezultati më i keq i LSDM-së në të gjitha zgjedhjet deri më tani…

Shihet qartë se LSDM-së do t’I duhet një fillim I ri dhe në përgjithësi rregulli është që ata që e kanë bërë problemin, vështirë se mund të jenë pjesë të zgjidhjes. Megjithatë kjo I takon vetë partisë që të diskutojë”, deklaroi Aleksandar Kërzhallovski, analist.

Për pozicionin e kreut të LSDM-së, tashmë kanë filluar që të qarkullojnë zëra për kandidatët e mundshëm. Përmenden, Venko Filipçe, Petre Shilegov, Stefan Bogoev, Jovan Despotovski dhe Igor Ivanovski.

The post Pas dorëheqjes së Kovaçevskit, LSDM-ja fillon përgatitjet për zgjedhjen e liderit të ri appeared first on Albeu.com.

Pas paralajmërimeve të Kovaçevskit se planifikon që ky takim të jetë publik, Mickoski në një intervistë për press24 tha se nuk pajtohet me takime të fshehta, ndërsa në lidhje me atë se kur do të kumtojë kandidatët, paralajmëroi se kjo do të bëhet pas festave.

“Jo, nuk kemi pasur asnjëfarë takimi. Dhe nuk ekziston diçka si paralajmërim publik për takim të fshehtë, siç tha edhe vet kryeministri. Vlerësoj se nuk ka nevojë që të takohemi në ndonjë takim sekret. Nuk e di për Kovaçevskin, por unë me të nuk kam asnjë të fshehtë për të ndarë. Pas festës së Ujit të Bekuar do të kemi pasqyrë të plotë për përmbajtjen e ardhshme. Nuk shpejtojmë në këtë plan. VMRO-DPMNE ka numër të madh të kuadrit që mund të përgjigjen në pozitat që kërkohen”, tha Hristijan Mickoski, kryetar i VMRO-DPMNE-së.

Por kryeministri Kovaçevski pohon se asnjëherë nuk ka thënë se do të ketë takime sekrete, mbase tha se do ta ftojë Mickoskin në rrugën Maqedonia.

“Unë nuk shoh se ka nevojë që të kemi takime të fshehta, kështu që kur do të kemi takim do të jetë takim që do të ndodhë në hapësirë publike, a do të jetë në Klubin e deputetëve, në Kuvend apo në rrugën Maqedonia, apo në ndonjë kafene. Do të shohim se si do të dakordohemi, ne kemi komunikim në nivel partiak. Nënkryetari i VMRO-DPMNE-së është në komunikim të vazhdueshëm me nënkryetaren e LSDM-së”, deklaroi Dimitar Kovaçevski, kryeministër.

Kovaçevski pret që të kalojnë festat dhe të fillojë bisedimet me BDI-në rreth formimit të Frontit Europian, në të cilin i fton të gjithë partitë. Nuk kemi biseduar këto ditë duke pasur parasysh se ishin festat e fund vitit, u përgjigj shkurt kryeministri.

The post Mickoski nuk pranon takime të fshehta, Kovaçevski përgjigjet: Mund të ulemi edhe në ndonjë kafene appeared first on Albeu.com.

Zoti Kovaçevski tha se partitë anti-NATO, anti-BE dhe proruse në vendin e tij kanë bllokuar rrugën e integrimit. Ndërkaq, VMRO-ja i quan “fushatë të errët” komentet e kryeministrit dhe të partisë Lidhja Social Demokrate.

Bashkimi Evropian rikonfirmoi dje vendimin se pa ndryshimet kushtetuese, nuk do të mbahet konferenca e dytë ndërqeveritare me Maqedoninë e Veriut.

The post Kryeministri Kovaçevski akuzon opozitën për dështimin e Maqedonisë së Veriut për hapjen e kapitujve me BE-në appeared first on Albeu.com.

Gjatë fjalës së tij në pikën kufitare të Qafë Thanës, krah kryeministrit Edi Rama, kryeministri maqedonas Dimitar Kovacevski tha se ky është shembull si duhet të sillen dy vende fqinje.

Ai shtoi se në Evropë nuk ka kufij, prandaj të tillë nuk ka pse të ketë as mes Shqipërisë dhe Maqedonisë së Veriut.

“Sot ne jemi shembull si duhet të sillen dy vende fqinje. Me këtë lehtësohet puna e kompanive tona.

Në Ballkan nuk na duhen kufijtë, kufij nuk ka në Evropë dhe nuk ka pse të ketë në Ballkan. Nëse shikoni marrëdhëniet politike mes Maqedonisë dhe Shqipërisë janë në nivelin më të lartë.

Jemi bashkë këtu me Shqipërinë që të hapim one stop shop për shërbimet policore dhe doganore”, tha ndër të tjera kryeministri Maqedonas.

The post Shqipëria dhe Maqedonia e Veriut me kontroll të përbashkët doganor, Kovacevski: Shembull si duhet të sillen dy vende fqinje appeared first on Albeu.com.

Sipas kryeministrit Edi Rama, ky program do të lehtësojë qarkullimin e njerëzve dhe të mallrave mes dy vendeve.

Ditën e sotme, Rama dhe homologu i tij maqedonas, Dimitar Kovačevski ishin në pikën kufitare të Qafë Thanës, ku tashmë sipas kreut të qeverisë shqiptare “do të “zhbëhet” kufiri mes dy vendeve”.

“Qafë Thanë – Hyn në fuqi programi i ri kufitar “Një ndalesë – Një kontroll”, duke “zhbërë” kufirin mes Shqipërisë dhe Maqedonisë së Veriut dhe lehtësuar qarkullimin e njerëzve dhe mallrave me procedura shumë të thjeshtuara”, shkruan Rama.

Ndërkohë, gjatë fjalës së tij Rama vuri në dukje rritjen e turizmit në Shqipëri dhe tha se zhvillimi i mëtejshëm kërkon një qasje komplekse.

“Shqipëria këtë vit po përjeton një impakt të jashtëzakonshëm të transformimit të imazhit të saj. Fluksi i turistëve dhe numri i investitorëve të mëdhenj, së bashku me shqiptarë të diasporës apo edhe ata që banojnë në Shqipëri është inkurajues. Zhvillimi mëtejshme dhe rritja e dëshiruar e industrisë së turizmit, kërkojnë një qasje komplekse”, tha Rama.

The post “Një ndalesë-Një kontroll”, Shqipëria dhe Maqedonia e Veriut me kontroll të përbashkët kufitar, Rama: Do të lehtësohet lëvizja appeared first on Albeu.com.

The post VMRO-DPMNE: Kovaçevski është i përfshirë drejtpërdrejt në krimin e BDI-së appeared first on Albeu.com.

“Dyshimet janë se këto ndryshime janë bërë për firmën “Eptisa” e cila më pas e ka fituar tendrin prej 22 milion eurosh sepse, sipas të dhënave tek të cilat kemi arritur, ajo në vitin 2019 ka punuar me humbje prej 6.7 milion eurosh, në vitin 2020 me 6.9 milion euro kurse në vitin 2021 me 8.5 milion euro humbje. Me ndryshimin e kushtit që ofertuesi të mos duhet të ketë bilanc pozitiv në tre vitet e fundit është hapur mundësia që “Eptisa” të marrë pjesë”, tha Bojan Stojanovski, VMRO-DPMNE.

Qeveria vazhdon të mos përgjigjet në pyetjet e Alsat se mbi cilën bazë ja ka rikthyer të drejtën kompanisë Eptisa që të mund të marrë tenderë me vlerë mbi 1 milion euro, vetëm dy muaj pasi në seancë qeveritare kishte marrë vendim për t’ja hequr këtë të drejtë.

Alsat ka siguruar informacione jozyrtare sipas të cilave në kompaninë “EPTISA” si konzorcium franko-spanjoll, lider i ekipit menaxhues rezulton Branisllav Dimitrijeviq, i akuzuar në Armeni për “mashtrim”. Dimitrijeviq ndiqej penalisht për të paktën tri vepra penale. Nga Armenia ai ishte arratisur falë ndihmës së diplomatëve maqedonas të cilët atij i kishin siguruar një pasaportë diplomatike dhe e kishin evakuuar me aeroplan privat deri sa për të kishte masë kujdesi-mos largimi nga shteti armen. Nga të dhënat e siguruara, rezulton që Dimitrijeviq përveç si lider menaxhues i “EPTISA”-s rezulton edhe themelues i kompanisë “Euro Konsallting”, gjithashtu kompani e përzgjedhur për të mbikëqyrur konzorciumin i cili do të ndërtojë Korridorin 8 dhe 10-d në Maqedoni. Udhëheqës të kompanisë që nga qershori i vitit 2021 ai ka caktuar djalin e tij Zoran Dimitrijeviq.

Alsat ka siguruar informacionin se kompania “EPTISA” në vitin 2016 i është bashkëngjitur grupit të kompanive kineze “JSTI Group” si njëra nga kompanitë më të mëdha inxhinierike në botë. Nuk dihet nëse gjatë përzgjedhjes, Qeveria ka mbajtur llogari edhe për përcaktimet strategjike dhe parandalimin e shtrirjes së ndikimit kinez në vend.

Kompania e themeluar nga Dimitrijeviq “Euro Konsallting” në Maqedoni mësohet të ketë përfituar mbi 270 tenderë nga institucionet shtetërore dhe komunat. Vlera e tyre arrin mbi 4.5 milion euro./alsat.mk

The post “EPTISA”, VMRO: Tenderi është rregulluar nga Kovaçevski dhe Grubi appeared first on Albeu.com.

“Ne si sistem nuk e kemi humbur ketë luftë hibride dhe nuk do ta humbim, këto sulme hibride janë pjesë e luftës që po zhvillohet në Ukrainë, këtë të gjithë e dimë sepse kjo nuk ndodh vetëm tek ne por edhe në vende tjera anëtare të NATO-s. Sot kemi mbledhje me përfaqësuesit e MPB-së dhe Ministrisë së Arsimit, ku do të flasim për miratimin e masave shtesë me të vetmin qëllim neutralizimin e plotë të këtij problemi me të cilin po përballet edhe Republika e Maqedonisë së Veriut por edhe vende të tjera, me të vetmin qëllim që të mund të mundësojmë mbarëvajtje të procesit mësimorë”, tha Kovaçevski.

Sipas tij obligim i MPB-së është që ta siguroj dhe garantoj sigurinë e qytetarëve.

“Ju thash se MPB-ja dhe MASH-i po punojnë intenzivisht, edhe unë jam prind dhe po ballafaqohemi me probleme të njëjta. Po ju them se MPB-ja dhe MASH po punojnë në zgjidhjen e problemit”, deklaroi Dimitar Kovaçevski, kryeministër. /Alsat.mk

The post Alarmet për bomba, Kovaçevski: Këto sulme hibride janë pjesë e luftës që po zhvillohet në Ukrainë appeared first on Albeu.com.

Kryeministri i Maqedonisë së Veriut, Dimitar Kovaçevski hodhi poshtë kategorikisht propozimin e Alternativës për formimin e një bashkësie të komunave shqiptare në Maqedoni.

Sipas tij kjo ide është joserioze dhe në kundërshtim me Marrëveshjen e Ohrit.

“Një ide joserioze. Së pari, marrëdhëniet në vend zgjidhen me Marrëveshjen e Ohrit dhe ku garantojnë SHBA dhe BE. Bazuar në atë marrëveshje Maqedonia e Veriut sot është një shembull i bashkëjetesës dhe të drejtave të të gjitha komuniteteve etnike në vend. Nga kjo unë mendoj se ky propozim është i papranueshëm, joserioz…Duke pasur parasysh që së bashku ne kemi rregulluar të drejtat tona dhe jemi bërë anëtar i NATO-s dhe ne jemi duke negociuar me BE -në, një propozim i tillë është jo-evropian dhe anti-amerikan”, tha Kovaçevski. /Alsat.mk

The post Kovaçevski: Propozimi i Alternativës në kundërshtim me Marrëveshjen e Ohrit appeared first on Albeu.com.

Mickoski thotë se qëndrimi i partisë së tij është parimor, sepse sipas tij, ata as nuk morën pjesë në negociatat për propozimin francez dhe as nuk morën përsipër ta përmbushin atë.

“Tani VMRO-DPMNE kërkon zgjedhje të parakohshme pa qeveri teknike. Prandaj kam një kundërpropozim për ta, të shkojmë në zgjedhje dhe secila parti politike të ofrojë zgjidhje për problemin në të cilin e kanë zhytur Maqedoninë”, thotë Hristijan Mickoski, kryetar i VMRO-DPMNE-së.

LSDM theksoi se Mickoski sërish dështoi duke manipuluar dhe mashtruar se do të siguroj shumicë të re dhe se do të ketë zgjedhje të parakohshme.

“Mickoski nuk ka 61 deputetë, por kemi një shumicë parlamentare të përforcuar dhe të shtuar. Mickoski tha se zgjedhjet e parakohshme do të mbaheshin në maj. Sigurisht që ndodhi e kundërta. Zgjedhje të parakohshme nuk ka, Mickoski edhe një herë kapitulloi dhe kjo temë tashmë është mbyllur. Pas kapitullimit me zgjedhjet e parakohshme, Mickoskin e pret disfatë në zgjedhjet e vitit 2024”, thonë nga LSDM./ina

The post Mickoski kërkon zgjedhje të parakohshme, merr përgjigjen nga LSDM appeared first on Albeu.com.