Në analizën e publikuar më 20 shtator, autori Alexander Rhotert vëren se të akuzuarit janë liruar nga akuzat për krime kundër njerëzimit, ndërsa e konsideron të kuptueshme kritikën e ardhur nga Kosova lidhur me lartësinë e dënimeve.

“Cicero” e vendos rastin në kontekst me disa prej proceseve të zhvilluara nga tribunalet ndërkombëtare për krimet e luftës në ish-Jugosllavi.

Në analizë përmenden raste si ai i Biljana Plavšić, e dënuar me 11 vjet burg, Vojislav Šešelj me 10 vjet, Jovica Stanišić me 15 vjet dhe ish-gjenerali i policisë serbe Vlastimir Đorđević, i dënuar me 18 vjet burg.

Në rastin e Đorđevićit, “Cicero” rikujton se dënimi lidhej me krime të kryera ndaj civilëve shqiptarë të Kosovës.

Në këtë kontekst, autori krahason dënimin e Thaçit me dënime të tjera të dhëna për krime të rënda gjatë luftërave në ish-Jugosllavi dhe argumenton se dënimi prej 25 vitesh burgim duket dukshëm më i lartë se në disa prej rasteve të krahasuara.

Sipas analizës, krahasimi mes rastit të Thaçit dhe atij të Đorđevićit ngre të paktën një pikëpyetje, megjithëse autori pranon se bëhet fjalë për dy gjykata të ndryshme dhe për raste me rrethana juridike të ndryshme.

“Cicero” ndalet gjithashtu te një tjetër element i rëndësishëm i aktgjykimit, duke theksuar se Gjykata nuk ka konstatuar se të dënuarit kishin synim dëbimin apo vrasjen masive të personave jo-shqiptarë dhe se akuza nuk arriti të provonte një synim të tillë.

Analiza e mediumit gjerman e vendos kështu aktgjykimin ndaj ish-krerëve të UÇK-së në një debat më të gjerë mbi proporcionalitetin e dënimeve dhe mënyrën se si janë trajtuar juridikisht rastet e krimeve të luftës në ish-Jugosllavi.

Në Kosovë, aktgjykimi ndaj ish-krerëve të UÇK-së ka shkaktuar reagime të shumta, ndërsa krahasimet me vendimet e tribunalëve ndërkombëtarë për ish-zyrtarë serbë dhe boshnjakë, kanë qenë pjesë e debatit publik mbi drejtësinë e procesit dhe masën e dënimeve.

The post Mediumi gjerman kritikon Hagën: Thaçi 25 vite, zyrtarë serbë për krime kundër njerëzimit morën më pak appeared first on Albeu.com.

Me flamuj kombëtar dhe flamuj të UÇK qytetarët në natën e katërt të tubimit bënë thirrje për drejtësi për Hashim Thaçin, Jakup Krasniqin, Rexhep Selimin dhe Kadri Veselin.

Çlirim Haziri, një prej organizatorëve të protestës, është shprehur se tubimet do të vazhdojnë dei nnë realizimin e kërkesës për drejtësi ndaj çlirimtarëve, duke theksuar se protestuesit janë të bashkuar nga UÇK-ja e jo nga ndonjë parti.

Po ashtu këtë të shtunë qindra emigrantë shqiptarë u mblodhën edhe në sheshe të qendrave europiane në tubime paqësore. Protesta u organizuan në Koln dhe Mynih të Gjermanisë, Cyrih të Zvicrës, Vjenë të Austrisë e edhe Kanada. Teksa kujtojmë se edhe në SHBA do të zhvillohet një protestë të martën.

Një ditë më parë u paraqitën 4 kërkesa drejtuar qeverisë dhe presidentces së Kosovës nga protestuesit, ato përfshinin:

Shfuqizim ndryshim i ligjit për dhomat e specializuara,

Shkarkim i ministres së drejtesisë Donika Gervalla,

Mbështetje e pakufizuar dhe fonde të mjaftueshme për mbrojtjen e ish krerëve,

Angazhim ekspertësh ndërkombetar në mbrojtjen e ish krerëve.

The post Prishtina protestoi edhe sot për çlirimtarët, emigrantët u mblodhën në Europë appeared first on Albeu.com.

Protesta e mbrëmjes pritet të nisë në orën 21:00, ndërsa qytetarët janë mbledhur për të shprehur kundërshtimin e tyre ndaj vendimit të shpallur në Hagë.

Gjatë së njëjtës ditë, në orën 12:00, u zhvillua edhe një protestë e ngjashme. Tubimi i mbrëmjes pritet të vijojë me pjesëmarrjen e qytetarëve që kundërshtojnë dënimin e ish-krerëve të UÇK-së.

Protestat u organizuan pas vendimit të Gjykatës Speciale për dënimin e Hashim Thaçit, Kadri Veselit, Jakup Krasniqit dhe Rexhep Selimit.

The post Protestë në Prishtinë kundër dënimit të ish-drejtuesve të UÇK-së, qytetarët mblidhen në shesh appeared first on Albeu.com.

Një pjesë dërrmuese e këtyre fondeve, rreth 39.8 milionë euro, i është dedikuar pikërisht përfaqësimit ligjor, bazuar në informacionet që Ministria e Drejtësisë e Kosovës ka përcjellë për Radion Evropa e Lirë.

Katër ish-figurat kryesore të Ushtrisë Çlirimtare të Kosovës, Hashim Thaçi, Kadri Veseli, Rexhep Selimi dhe Jakup Krasniqi, kanë përfituar vetëm ata mbi 28.4 milionë euro nga viti 2021 e deri më 14 shtator 2026.

Këto shifra dalin në dritë pak para datës 16 shtator, moment kur këta katër ish-komandantë të UÇK-së do të njihen me vendimin e trupit gjykues, pas një procesi që ka zgjatur më tepër se tre vjet.

Të gjithë ata ndodhen në paraburgim në Hagë që prej nëntorit 2020 dhe përballen me akuza për krime lufte e krime kundër njerëzimit, të cilat i kanë refuzuar kategorikisht dhe janë shprehur të pafajshëm.

Sipas Ministrisë së Drejtësisë, që nga fillimi i pagesave dhe deri në 14 shtator 2026, shteti ka paguar gjithsej mbi 40.6 milionë euro për skemën mbështetëse të personave të akuzuar në Hagë. Nga kjo shumë, gati 39.8 milionë euro kanë shkuar për shërbimet e avokatëve mbrojtës, ndërsa rreth 28.47 milionë euro janë shpenzuar ekskluzivisht për Thaçin, Veselin, Selimin dhe Krasniqin gjatë intervalit 2021-2026.

Kosova e ka të sanksionuar me ligj detyrimin për të financuar shpenzimet e mbrojtjes dhe forma të tjera ndihme për individët që akuzohen ose mund të akuzohen nga kjo gjykatë speciale.

Në vitet 2020 dhe 2021 u alokuan së bashku 14.14 milionë euro për të vënë në jetë këtë legjislacion, ndërsa në vitin 2022 u ndanë 6.85 milionë euro, në vitin 2023 ishin 7 milionë euro, dhe në vitin 2024 po ashtu 6.85 milionë euro. Për periudhën 2025-2026 janë parashikuar 8.05 milionë euro për çdo vit.

Kur mblidhen këto zëra buxhetorë, totali i ndarjeve për harkun kohor 2020-2026 arrin afërsisht 50.95 milionë euro. Megjithatë, Ministria nuk ka vënë në dispozicion të dhënat para vitit 2020, pavarësisht se REL kishte kërkuar informacion për çdo vit duke filluar nga 2015.

Nga analiza e buxheteve shtetërore, REL ka konstatuar se për periudhën 2018-2026, fondet e dedikuara për këtë qëllim i kalojnë 60 milionë eurot. Ministria e Drejtësisë pohon se për momentin nuk ka asnjë detyrim të pashlyer ndaj avokatëve apo përfituesve të tjerë të programit.

Shpenzimet i nënshtrohen një procesi auditimi nga ana e Zyrës Kombëtare të Auditimit, por gjetjet e këtij auditimi mbeten të fshehta për qytetarët.

Raportet e auditimit sqarojnë se këto pagesa janë të klasifikuara si “të kufizuara” dhe si rrjedhojë nuk bëhen pjesë e raportit publik, por trajtohen me një dokument të veçantë që u përcillet vetëm autoriteteve përgjegjëse.

Edhe pse informacionet e fundit nga Ministria japin një panoramë më të qartë, organizatat monitoruese vlerësojnë se mungesa e transparencës për mënyrën e përdorimit të këtyre parave ka qenë një shqetësim i vazhdueshëm ndër vite.

Drejtori ekzekutiv i Institutit të Kosovës për Drejtësi, Ehat Miftaraj, theksoi se që nga viti 2020 IKD ka ngritur zërin për mungesë informacioni mbi shpenzimet dhe ka kritikuar qasjen partiake që ndërton një narrativë duke mjegulluar detajet e pagesave për secilin individ.

Miftaraj shtoi se është e drejtë e opinionit publik të dijë jo vetëm totalin, por edhe shumën e saktë që i ka shkuar çdo të akuzuari, si dhe llojet e shërbimeve që janë mbuluar, pa rrezikuar konfidencialitetin e strategjisë mbrojtëse.

Në të njëjtën linjë, Anton Nrecaj nga Qendra për Ndihmë Juridike dhe Zhvillimin Rajonal, tërheq vëmendjen për nevojën e dallimit midis buxhetit të planifikuar dhe atij të ekzekutuar realisht, duke kërkuar bërjen publike të shumave, periudhave dhe kategorive të pagesave, në përputhje me tarifat dhe kompleksitetin e çështjeve.

Kuadri ligjor për këtë financim u ngrit në vitin 2015, me miratimin e Ligjit për Dhomat e Specializuara dhe Ligjit për mbrojtjen juridike dhe mbështetjen financiare të personave potencialisht të akuzuar.

Ky legjislacion garanton mbulimin e kostove të avokatëve dhe forma të tjera ndihme. Ministria e Drejtësisë bazon pagesat në një Udhëzim Administrativ të vitit 2022, i cili u plotësua më tej në vitin 2024, ndërkohë që vizitat e familjarëve rregullohen nga një udhëzim tjetër i vitit 2020, i rishikuar në vitin 2022.

Sipas rregullave në fuqi, një i akuzuar ka të drejtë të vizitohet nga maksimumi 12 anëtarë të ngushtë të familjes gjatë një viti, me jo më shumë se tre persona për çdo vizitë.

Dhomat e Specializuara, të themeluara me ligje të Kosovës por me seli në Hagë dhe me staf ndërkombëtar, hetojnë pretendimet për krime të kryera gjatë dhe pas konfliktit të viteve 1998-1999, duke u fokusuar tek ish-pjesëtarët e UÇK-së.

Në rast të shpalljes së pafajësisë me vendim të formës së prerë, ligji dhe udhëzimet përkatëse parashikojnë një të drejtë kompensimi për të akuzuarit.

Kjo përfshin periudhën e privimit nga liria, dëmin material, fitimin e humbur dhe dëmin jomaterial ose moral. Ndonëse nuk ka një tarifë fikse ditore, Miftaraj shpjegon se praktika administrative referon deri në 25 euro në ditë, por vendimet gjyqësore në raste të ngjashme kanë shkuar edhe nga 30 deri në 60 euro për ditë, në varësi të rrethanave.

Me aktgjykimin e 16 shtatorit, procesi gjyqësor ndaj katër ish-krerëve të UÇK-së mund të marrë një drejtim të ri, duke hapur rrugën për apelime, ndërsa ligji parashikon vazhdimin e përkrahjes financiare edhe gjatë shqyrtimit të mëtejshëm të çështjes.

The post Kostoja e përballimit të mbrojtjes ligjore për të akuzuarit në Hagë nga buxheti i Kosovës appeared first on Albeu.com.

Përmes një reagimi në Facebook, Sejdiu sqaroi arsyet e vendimit dhe u bëri thirrje partive politike që të gjejnë një zgjidhje për situatën e krijuar institucionale.

Ai theksoi se Kosova dhe qytetarët e saj nuk kanë nevojë për përplasje të reja politike apo polarizim më të thellë, por për maturi dhe bashkëpunim në forcim të shtetit. Sipas tij, ngërçi i vazhdueshëm po zbeh shpresën e qytetarëve për një të ardhme më të mirë për veten dhe familjet e tyre.

Sejdiu bëri të ditur se rreth dy javë më parë ishte kontaktuar nga përfaqësues të Lidhjes Demokratike të Kosovës dhe ishte ftuar në një takim me delegacionet e LDK-së dhe Lëvizjes Vetëvendosje, të drejtuara nga liderët e tyre.

Gjatë takimit, ai tha se ishte informuar se, pas një serie të gjatë negociatash, të dyja partitë kishin rënë dakord që ai të propozohej si kandidat i pavarur për President të Republikës së Kosovës.

Sejdiu e cilësoi këtë propozim si një shenjë të rëndësishme besimi ndaj tij dhe si vlerësim për angazhimin e tij në jetën institucionale të Kosovës. Ai falënderoi përfaqësuesit e Lidhjes Demokratike të Kosovës dhe Lëvizjes Vetëvendosje për besimin dhe mbështetjen e dhënë gjatë këtij procesi.

Ai shpjegoi se e kishte pranuar kandidaturën duke pasur parasysh periudhën e vështirë që po kalon vendi dhe rrezikun që kriza institucionale të përshkallëzohej.

Sipas tij, komoditeti personal dhe qëndrimi indiferent nuk kanë qenë asnjëherë alternativa përballë detyrimit për t’i shërbyer vendit, veçanërisht në kohë krizash. Sejdiu nënvizoi se intelektualët dhe profesionistët kanë përgjegjësi ndaj shoqërisë dhe se njohuritë e tyre marrin kuptim vetëm kur vihen në shërbim të interesit të përgjithshëm.

Ai kujtoi se, edhe në deklarimin e tij publik, kishte sqaruar se nuk kishte pasur ambicie për poste publike përtej angazhimeve akademike dhe profesionale. Motivimi i vetëm për të pranuar propozimin, sipas tij, ishte kontributi në zgjidhjen e bllokimit institucional.

Sejdiu tha se kishte besuar që partitë parlamentare dhe deputetët e Kuvendit do të gjenin vullnetin për të kapërcyer ndasitë politike apo interesat e tjera dhe për t’i siguruar vendit institucione të qëndrueshme në një periudhë të vështirë.

Megjithatë, ai u shpreh se mungesa e mbështetjes së nevojshme në Kuvend për zgjedhjen e tij dhe zhvendosja e procesit drejt përplasjeve të brendshme politike e çuan në vendimin për t’u tërhequr nga kandidatura për President të Republikës së Kosovës.

Për këtë vendim, Sejdiu tha se kishte njoftuar më herët përfaqësuesit e Lidhjes Demokratike të Kosovës dhe të Lëvizjes Vetëvendosje.

Ai vlerësoi gjithashtu mbështetjen e marrë gjatë ditëve të fundit nga kolegët, miqtë, figurat publike, përfaqësuesit e shoqërisë civile dhe veçanërisht nga mërgata shqiptare në Shtetet e Bashkuara të Amerikës.

Sejdiu deklaroi se kjo mbështetje e ka bërë krenar për punën e tij në shërbim të Republikës së Kosovës dhe i ka forcuar bindjen se lojaliteti institucional dhe patriotizmi kushtetues kanë qenë udhërrëfyesit e tij të vetëm në angazhimin publik.

Ai shtoi se qëndrimi i tij, sidomos në mbrojtje të Kushtetutës së Republikës së Kosovës, nuk ka qenë asnjëherë selektiv apo i diktuar nga rrethanat, por parimor dhe profesional.

Bekim Sejdiu përsëriti se vendi ka nevojë për bashkim dhe qetësi, jo për drama politike e ndarje të mëtejshme.

Ai u shpreh se shpreson që partitë politike të gjejnë një rrugëdalje nga rrethi vicioz ku ndodhen, pasi kjo situatë po dëmton besimin e qytetarëve dhe po zbeh pritshmëritë e tyre për një të ardhme më prosperuese.

Në përfundim, Sejdiu e cilësoi Republikën e Kosovës si shtëpinë e përbashkët të të gjithë qytetarëve, të ndërtuar mbi ideale të pathyeshme dhe sakrifica sublime. Ai theksoi se Kosova qëndron mbi çdonjërin prej tyre dhe se të gjithë kanë detyrimin t’i shërbejnë me përkushtim, në çdo kohë dhe pa kushte.

Bekim Sejdiu

The post Bekim Sejdiu tërhiqet nga gara për President të Kosovës: Partitë të dalin nga ngërçi politik appeared first on Albeu.com.

Sipas Krakit, emri për të cilin është rënë dakord është Bekim Sejdiu. Ai i kërkoi LDK-së të vijojë qasjen konstruktive dhe të tregojë se mbështet funksionimin normal të institucioneve.

Kraki tha se pret që LDK-ja të reflektojë gjatë ditëve në vijim, të rikthejë unitetin e brendshëm dhe të konkretizojë qëndrimin e saj në procesin e zgjedhjes së presidentit.

“Marrëveshja mes lidershipit të LDK-së dhe atij të Lëvizjes Vetëvendosje, përfshirë zotin Kurti, lidhet me emrin e Bekim Sejdiut, i cili konsiderohet kandidat konsensual. Nga pikëpamja matematikore, 18 deputetët e LDK-së dhe 62 deputetët tanë bëjnë 80, duke përmbushur edhe kushtin e kuorumit të dyfishtë në Kosovë”, u shpreh ai.

Deputeti shtoi se 80 deputetët duhet të jenë të pranishëm në sallë dhe të marrin pjesë drejtpërdrejt në votim, duke u ngritur nga vendet e tyre dhe duke depozituar votën në kuti.

“Kushtet ekzistojnë. U bëj thirrje kolegëve të LDK-së që konstruktivitetin e treguar gjatë javëve të fundit ta çojnë deri në fund dhe ta dëshmojnë së bashku se kjo parti ka vërtet ndjeshmëri institucionaliste. Funksionimi i rregullt i sistemit duhet të jetë mbi partitë politike dhe mbi çdo situatë politike që mund të krijohet”, deklaroi Kraki.

The post LVV dhe LDK dakord për një kandidat konsensual për presidentin, Kraki: Së bashku i kemi numrat appeared first on Albeu.com.

Ngjarja e rëndë ndodhi më 23 gusht në fshatin Kërvasari të Malishevës. Bytyqi, i dyshuar për veprën penale “Vrasje e rënduar”, ndërroi jetë pas disa ditësh.

Zëdhënësi i Policisë së Kosovës për rajonin e Gjakovës, Sheremet Elezaj, deklaron se i dyshuari ndërroi jetë më 27 gusht, rreth orës 17:15.

“Procedurat hetimore lidhur me këtë rast do të vazhdojnë në koordinim me prokurorin kompetent”, deklaroi Elezaj.

Vrasja e Jetlira Foniqit shkaktoi reagime të shumta në Kosovë, ndërsa rasti riktheu në vëmendje shqetësimin për dhunën ndaj grave dhe rastet e rënda të dhunës në familje.

The post Goditi për vdekje gruan 8 muajshe shtatzënë dhe vetë mbeti i plagosur rëndë, ndërron jetë i riu në Kosovë appeared first on Albeu.com.

Ministri në detyrë i Punëve të Jashtme, Glauk Konjufca, deklaroi se VV-ja dhe kryeministri në detyrë, Albin Kurti, janë të gatshëm të zhvillojnë një takim me kryetarin e LDK-së, Lumir Abdixhiku.

Sipas tij, në këtë tryezë pritet të paraqiten dhe të diskutohen kandidatura konkrete për kreun e ardhshëm të shtetit.

Konjufca tha se gatishmëria e shprehur nga LDK-ja për takime, si dhe paralajmërimi se diskutimi i radhës do të përqendrohet te emra konkretë, përbëjnë një mundësi të re për arritjen e një marrëveshjeje.

Ai vlerësoi se ka gjasa të konsiderueshme që Kosova të zgjedhë presidentin ose presidenten e ardhshme përmes negociatave mes Kurtit dhe Abdixhikut. Këto komente ai i bëri pas nisjes së rigjykimit për hedhjen e gazit në Kuvend.

Duke konfirmuar se Vetëvendosje i ka gati kandidaturat, Konjufca sqaroi se zbulimi i tyre në këtë fazë do t’ia humbte kuptimin procesit negociues. Ai theksoi se si VV-ja, ashtu edhe kryeministri Kurti, janë të përgatitur për bisedimet.

Sipas Konjufcës, edhe LDK-ja pritet të jetë së shpejti gati, pasi Abdixhiku kishte deklaruar javën e kaluar se takimi do të zhvillohej gjatë kësaj jave.

Megjithatë, nga informacionet që ai ka, Kurti ende nuk ka marrë një ftesë dhe nuk është zhvilluar ndonjë diskutim për caktimin e ditës së takimit.

Konjufca shtoi se Vetëvendosje, po pret që takimi i paralajmëruar nga Abdixhiku të realizohet. Në vlerësimin e tij, sapo palët të ulen për të shqyrtuar emrat konkretë, marrëveshja për presidentin e Republikës së Kosovës do të jetë shumë pranë.

The post A po merr fund ngërçi politik në Kosovë? Konjufca: Kandidaturat për president janë përcaktuar appeared first on Albeu.com.

Elmi Reçica, deputet i Partisë Demokratike të Kosovës, deklaroi se askush nuk mund ta pengojë përmbylljen e procesit të konstituimit të Kuvendit.

“Kush ka të drejtë ta ndalë konstituimin dhe përfundimin e tij? Kush ka të drejtë t’ua marrë deputetëve mandatin? Kush ka të drejtë të vendosë se kur Republika funksionon dhe kur pret. Asnjë deputetet dhe asnjë parti. Ky shtet nuk është pronë private e askujt, Kushtetuta nuk është pronë private, Kuvendi nuk është pronë private, Republika nuk është pronë private”, u shpreh Reçica.

Ai drejtoi kritika edhe ndaj administratës së Kuvendit, duke paralajmëruar për dëmin që mund t’u shkaktohet institucioneve.

“Është shumë më e lehtë ta dëmtosh një institucion se sa ta ndërtosh. Një shtet nuk rrënohet domosdo brenda një nate, ai rrënohet dalëngadalë”, deklaroi deputeti.

The post Ngërçi politik në Kosovë/ PDK dhe Aleanca sërish në Kuvend: Shteti nuk është pronë private e askujt appeared first on Albeu.com.

Sipas mediave në Kosovë gruaja e cila ndërroi jetë, ishte në javën e 34 të shtatzënisë.

Ndërkohë, burri që ka mbetur i plagosur dhe është në gjendje të rëndë shëndetësore. Ai ndodhet në spital i intibuar.

Rrethanat e ngjarjes së rëndë nuk dihen, ndërsa policia po punon për të zbardhur krimin.

The post Ngjarje e rëndë në Kosovë/ Vritet gruaja shtatzënë, një person tjetër në gjendje kritike për jetën appeared first on Albeu.com.