Klubi kosovar e ka bërë publik afrimin e futbollistit me një njoftim zyrtar, ku thuhet: “FC Drita njofton arritjen e marrëveshjes me futbollistin Altin Bytyçi. Bytyçi, qendërmbrojtës nga Kosova, i bashkohet klubit tonë për të forcuar repartin defensiv dhe për të sjellë cilësi, përvojë dhe karakter në skuadër”.

Qendërmbrojtësi është produkt i akademisë së Kukësit, ndërsa gjatë karrierës së tij ka luajtur edhe për Laçin, Besën e Pejës dhe Medjimurje në Kroaci. Pjesë e Partizanit, Bytyçi ishte prej gushtit të vitit 2023 dhe deri më sot.

The post Zyrtare/ Pas ndarjes me Partizanin, Altin Bytyçi firmos me kampionët e Dritës appeared first on Albeu.com.

Sipas rezultateve të përditësuara deri në orën 10:00 të së shtunës, Lëvizja Vetëvendosje kryeson bindshëm garën me 44.09 për qind të votave, që përkthehen në 310,591 vota.

Aleanca për Ardhmërinë e Kosovës ka siguruar deri tani 7.09 për qind të votave, ose 49,939 vota.

Sipas përllogaritjeve të KQZ-së mbi rezultatet aktuale, Lëvizja Vetëvendosje ka siguruar 50 ulëse në Kuvend, PDK 23 ulëse, LDK 19 ulëse, ndërsa AAK 8 ulëse.

Procesi i numërimit vijon, ndërsa rezultatet pritet të konfirmohen zyrtarisht pas përfundimit të plotë të tabelimit në të gjitha vendvotimet.

The post Zgjedhjet në Kosovë/ Numërohen mbi 92% e votave, LVV kryeson bindshëm, ja si ndahen ulëset në Kuvend appeared first on Albeu.com.

Telegrafi sjell pesë kandidatet më të votuara nga katër partitë që kanë siguruar numrin më të madh të votave në zgjedhje.

Nga radhët e Lëvizjes Vetëvendosje, kandidatja më e votuar është Albulena Haxhiu me 59,621 vota.

Pas saj renditet Donika Gërvalla-Schwarz me 48,090 vota, ndërsa në vendin e tretë është Mimoza Kusari-Lila me 33,418 vota.

Shqipe Mehmeti-Selimi mban pozitën e katërt me 22,409 vota, ndërsa pesëshen e grave më të votuara në këtë subjekt e përmbyll Saranda Bogujevci me 14,578 vota.

Në PDK, kandidatja më e votuar është Vlora Çitaku me 21,765 vota. Pas saj vjen Sala Jashari me 21,676 vota.

E treta në renditje është Ganimete Musliu me 16,802 vota, ndërsa vendin e katërt e zë Besa Kabashi-Ramaj me 11,727 vota.

Në pozitën e pestë renditet Blerta Deliu-Kodra me 10,396 vota.

Nga LDK-ja, më e votuara është bartësja e listës, Vjosa Osmani-Sadriu, e cila ka siguruar 42,533 vota.

Në vendin e dytë renditet Doarsa Kica-Xhelili me 30,035 vota, ndërsa e treta është Hykmete Bajrami me 23,780 vota.

Janina Ymeri renditet e katërta me 12,289 vota, kurse pesëshen e grave më të votuara nga LDK-ja e përmbyll Jehona Lushaku-Sadriu me 10,889 vota.

Në AAK, kandidatja më e votuar është Albana Bytyqi me 5,436 vota. Pas saj renditet Teuta Haxhiu me 4,270 vota.

E treta në listë është Diellza Kukaj me 3,330 vota, ndërsa Malëzore Ramosaj-Januzaj mban vendin e katërt me 2,125 vota.

Pesëshen e grave më të votuara në këtë subjekt politik e përmbyll Fitore Hulaj me 2,001 vota.

The post Kosovë/ Këto janë pesë gratë më të votuara nga partitë kryesore appeared first on Albeu.com.

Në një deklaratë dhënë Radios Evropa e Lirë, pas zgjedhjeve të parakohshme parlamentare të 7 qershorit, ai përgëzoi qytetarët për pjesëmarrjen në zgjedhje dhe vlerësoi angazhimin e Komisionit Qendror të Zgjedhjeve në organizimin e tyre në një afat të shkurtër.

Megjithatë, diplomati britanik vuri në dukje se kriza politike po rrezikon seriozisht të ardhmen e Kosovës.

“Kosova duhet të jetë krenare për historikun e saj demokratik që nga pavarësia. Mbretëria e Bashkuar është krenare që ka qenë pranë Kosovës në çdo hap. Por, pjesëmarrja e dukshme e ulët në zgjedhjet e së dielës tregon se durimi i qytetarëve me politikanët po shteron”, tha Hargreaves për Radion Evropa e Lirë.

Zgjedhjet e 7 qershorit u mbajtën pas dështimit të Kuvendit të Kosovës për të zgjedhur presidentin, në përputhje me një vendim të Gjykatës Kushtetuese.

Ky ishte procesi i tretë zgjedhor brenda më pak se një viti e gjysmë, pas zgjedhjeve të rregullta të 9 shkurtit 2025 dhe një tjetër procesi të parakohshëm më 28 dhjetor.

Sipas rezultateve preliminare të KQZ-së, Lëvizja Vetëvendosje e kryeministrit në detyrë, Albin Kurti, doli e para me rreth 42 për qind të votave, e ndjekur nga Partia Demokratike e Kosovës me rreth 21 për qind, Lidhja Demokratike e Kosovës me rreth 17 për qind, Aleanca për Ardhmërinë e Kosovës me rreth 7 për qind dhe Lista Serbe me rreth 6 për qind.

Hargreaves tha se krizat dhe bllokadat institucionale të një viti e gjysmë po e dëmtojnë seriozisht pozitën e Kosovës në arenën ndërkombëtare.

“Këto ngërçe rrezikojnë të dobësojnë kredibilitetin dhe progresin e Kosovës ndërkombëtarisht. Ato u japin mundësi kundërshtarëve të Kosovës ta paraqesin atë si një vend të dobët dhe jostabil, ndërsa ua bëjnë të vështirë aleatëve që ta mbrojnë dhe përkrahin”, tha ambasadori britanik.

Ai shtoi se Kosova ka nevojë urgjente për stabilitet politik dhe institucione funksionale, duke theksuar se partitë duhet të arrijnë marrëveshje për formimin e Kuvendit, Qeverisë dhe zgjedhjen e presidentit, në mënyrë që vendi të marrë vendime dhe të prodhojë rezultate.

“Kuvendi ka qenë plotësisht funksional vetëm për rreth 10 javë në 75 javët e fundit. Shumë nga kjo kohë u është kushtuar procedurave, jo ndikimit te populli i Kosovës”, tha Hargreaves, duke shtuar se “është jetike që të sigurohet certifikimi i shpejtë i rezultateve, respektimi i vullnetit të votuesve dhe marrëveshja ndërpartiake për formimin e institucioneve”.

Sipas tij, Kosova ka një kornizë të fortë kushtetuese që inkurajon bashkëpunimin në vend të dominimit, por funksionimi i saj varet nga gatishmëria e liderëve politikë për kompromis dhe bashkëpunim.

Pas shpalljes së rezultateve, Kurti la të hapur mundësinë për negociata me përfaqësuesit e tjerë politikë, por pa sinjale të qarta për marrëveshje të shpejtë.

Kryetari i PDK-së, Bedri Hamza, tha se nuk përjashton asnjë parti nga bashkëpunimi për formimin e institucioneve të reja, ndërsa lideri i LDK-së, Lumir Abdixhiku, vendosi si kusht për bisedime përfshirjen e Vjosa Osmanit në postin e presidentes.

Thirrje për formimin e shpejtë të institucioneve bënë një ditë më herët edhe ambasadat e vendeve të tjera të Quint-it, Gjermanisë dhe Italisë.

“Na duhet një partner i fortë me të cilin mund të punojmë. Progresi në rrugën drejt integrimit në BE varet nga të gjithë aktorët politikë që t’i lënë mënjanë dallimet e tyre dhe të punojnë së bashku në interesin më të mirë të vendit”, tha Ambasada gjermane.

Ambasada e Italisë tha se i inkurajon të gjithë udhëheqësit politikë që të angazhohen në dialog konstruktiv dhe të punojnë së bashku për të mirën e vendit dhe të ardhmen e tij.

Ajo e SHBA-së dhe e Francës nuk iu përgjigjën kërkesave të REL-it për koment.

The post Britania paralajmëron Kosovën: Bllokada rrezikon mbështetjen ndërkombëtare appeared first on Albeu.com.

Ky proces, sipas kryetarit të Komisionit Qendror të Zgjedhjeve pritet të përfundojë maksimalisht mesin e javës së ardhshme.

“Ne shpresojmë që me këtë tempo do të përfundojë numërimi deri kah fundi javës, eventualisht në mesin e javës tjetër”, shprehet Kreshnik Radoniqi, kryetar, KQZ.

KQZ njoftoi po ashtu se janë tërhequr të gjitha pakot e supozuara me fletëvotime nga diaspora e numri i tyre është mbi 100 mijë.

“Tërheqjet janë përfunduar, të gjitha dje, përveç në Australi që është bërë tërheqja sot, për shkak se atje dita e hënë ka qenë ditë pushimi. Numri i përafërt është diku rreth 85 mijë, bashkë me votat e përfaqësive diplomatike do të bëhen diku rreth 100 mijë vota”, shtoi ai.

Kreu i Komisionit Qendror të Zgjedhjeve tha se kontrolli i procesit të numërimit është më i rreptë kësaj here, për shkak të manipulimit në numërimin e votave të kandidatëve në zgjedhjet e 28 dhjetorit. Ndërkohë në Qendrën Komunale të Numërimit në Prishtinë, për monitorim të procesit, të martën ishte edhe e ngarkuara me punë e Bashkimit Evropian, Eva Palatova dhe ambasadori i Mbretërisë së Bashkuar, Jonthan Hargreaves. Ky i fundit përcjelli një mesazh të qartë për partitë politike.

“Mesazhi është ai që ka qenë gjithmonë. Cilido që të jetë rezultati nga ky proces do të duhet bashkëpunim mes partive politike. Vendi ka një kushtetutë të fortë që ka shërbyer shumë mirë këto 18 vjetët e fundit dhe detyron politikanët të punojnë së bashku për të mirën e vendit dhe të bashkohen për të formuar institucionet dhe zgjedhin presidentin. Kjo shpresoj që do të ndodhë sapo të qartësohet rezultati.”, deklaroi Jonathan Hargreaves, ambasadori i MB në Kosovë.

Deri në mesditë janë numëruar rreth 30% e kutive dhe vazhdon të prijë Lëvizja Vetëvendosje, pasuar nga Partia Demokratike, pastaj Lidhja Demokratike e Kosovës dhe Aleanca. Sipas rezultatit, te Lëvizja Vetëvendosje, treshja më e votuar mbetet, Albin Kurti, Glauk Konjufca dhe Albulena Haxhiu. Te PDK-ja, i pari me më shumë vota është Bedri Hamza që pasohet nga Përparim Gruda dhe Arian Tahiri.

Në listën e Lidhjes Demokratike të Kosovës, më e votuara është Vjosa Osmani, që ndiqet nga Lumir Abdixhiku dhe Doarsa Kica – Xhelili. Të Aleanca, prin Ardian Gjini e pas tij janë Ramush e Daut Haradinaj.

The post Numërimi drejt fundit në Kosovë, KQZ pret mbylljen e procesit, mbi 100 mijë vota nga diaspora appeared first on Albeu.com.

Sipas të dhënave të publikuara nga KQZ-ja, nga 2,498 vendvotime të procesuara (100 për qind), me pjesëmarrje prej 726,071 votuesish apo 37.05 për qind, Lëvizja Vetëvendosje (LVV) ka dalë forca e parë politike me 42.91 për qind të votave, respektivisht 299,152 vota.

Në vendin e dytë renditet Partia Demokratike e Kosovës (PDK) me 21.12 për qind ose 147,220 vota, ndërsa e treta është Lidhja Demokratike e Kosovës (LDK) me 17.58 për qind apo 122,575 vota.

Pas tyre vjen Aleanca për Ardhmërinë e Kosovës (AAK) me 7.16 për qind ose 49,917 vota, ndërsa Lista Serbe ka siguruar 6.18 për qind të votave, përkatësisht 43,071 vota.

Rezultatet tregojnë se LVV ka ruajtur epërsinë edhe në shtatë komunat më të mëdha të Kosovës.

Në Gjakovë, LVV ka fituar 48.72 për qind të votave, duke lënë pas AAK-në me 27.49 për qind, LDK-në me 12.38 për qind dhe PDK-në me 6.97 për qind.

Në Gjilan, LVV ka marrë 54.18 për qind të votave. Pas saj renditet LDK me 22.04 për qind, PDK me 14.91 për qind dhe AAK me 3.22 për qind.

Në Mitrovicë, LVV kryeson me 59.84 për qind, ndërsa PDK ka siguruar 27.05 për qind, LDK 8.88 për qind dhe AAK 1.82 për qind.

Edhe në Pejë, LVV ka dalë e para me 42.58 për qind të votave. LDK ka fituar 25.83 për qind, AAK 15.29 për qind dhe PDK 8.89 për qind.

Në Prishtinë, LVV ka marrë 48.90 për qind të votave, duke u pasuar nga LDK me 24.44 për qind, PDK me 19.05 për qind dhe AAK me 5.13 për qind.

Në Prizren, LVV ka siguruar 44.07 për qind të votave. PDK renditet e dyta me 22.12 për qind, ndërsa LDK ka marrë 12.51 për qind dhe AAK 3.05 për qind.

Ndërsa në Ferizaj, LVV ka fituar 53.81 për qind të votave, duke lënë pas PDK-në me 24.76 për qind, LDK-në me 14.82 për qind dhe AAK-në me 2.64 për qind.

Megjithëse procesimi i vendvotimeve ka përfunduar në tërësi, rezultatet mbeten preliminare deri në numërimin dhe verifikimin e plotë të votave me kusht, votave të diasporës dhe procedurave të tjera të parapara nga KQZ-ja.

The post Zgjedhjet në Kosovë/ KQZ përmbyll procesimin e 100 për qind të vendvotimeve appeared first on Albeu.com.

Begaj përgëzoi qytetarët e Kosovës për zhvillimin e një procesi zgjedhor të qetë, të rregullt dhe demokratik. Sipas tij, zgjedhjet dëshmuan edhe një herë forcën e institucioneve dhe kulturën demokratike të shtetit të Kosovës.

“Urime Albin Kurti për rezultatin e arritur në zgjedhjet parlamentare në Republikën e Kosovës”, shkruan Begaj.

Presidenti theksoi se në këtë fazë, është e rëndësishme që të gjitha forcat politike në Kosovë të angazhohen me përgjegjësi dhe frymë konstruktive.

Ai nënvizoi nevojën për dialog dhe kompromis institucional, në funksion të stabilitetit, zhvillimit të mëtejshëm të vendit dhe përmbushjes së aspiratave të qytetarëve të Kosovës.

“Në këtë fazë, është me rëndësi që të gjitha forcat politike të angazhohen me përgjegjësi dhe frymë konstruktive për të garantuar dialogun dhe kompromisin institucional, në funksion të stabilitetit, zhvillimit të mëtejshëm të vendit dhe përmbushjes së aspiratave të qytetarëve të Kosovës”, shprehet Begaj.

Po ashtu, Presidenti i Republikës, theksoi se Shqipëria do të vijojë ta mbështesë Kosovën në rrugëtimin e saj euroatlantik dhe europian.

“Shqipëria do të vijojë të mbështesë Kosovën në çdo hap të rrugëtimit të saj euroatlantik dhe europian”, shkruan kreu i shtetit.

The post Zgjedhjet në Kosovë/ Presidenti Begaj uron Kurtin: Me rëndësi që forcat politike të angazhohen për të garantuar dialogun institucional appeared first on Albeu.com.

Deri tani, Lëvizja Vetëvendosje ka shënuar fitore bindëse në të shtatë komunat e mëdha.

Në Gjakovë, VV prin me 48.72 për qind të votave, duke lënë pas Aleanca për Ardhmërinë e Kosovës me 27.49 për qind, Lidhja Demokratike e Kosovës me 12.38 për qind dhe Partia Demokratike e Kosovës me 6.97 për qind.

Edhe në Gjilan, VV ka dalë forca e parë me 54.18 për qind të votave. Pas saj renditet LDK me 22.04 për qind, PDK me 14.91 për qind dhe AAK me 3.22 për qind.

LVV kryeson bindshëm edhe në Mitrovicë me 60.53 për qind të votave. E dyta renditet PDK me 26.02 për qind, e treta është LDK me 9.14 për qind dhe AAK me 1.78 për qind.

Edhe në Pejë, LVV ka dalë forca e parë me 42.73 për qind të votave. Pas saj renditet LDK me 25.82 për qind, AAK me 15.17 për qind dhe PDK me 8.82 për qind.

Gjithashtu në Prishtinë, LVV ka dalë forca e parë me 48.90 për qind të votave. Pas saj renditet LDK me 24.44 për qind, PDK me19.05 për qind dhe AAK me 5.13 për qind.

Në Prizren, LVV ka siguruar vendin e parë me 44.07 për qind të votave. Në vendin e dytë renditet PDK me 22.12 për qind, ndërsa pasojnë LDK me 12.51 për qind dhe AAK me 3.05 për qind të votave.

Edhe në Ferizaj, LVV ka dalë forca e parë me 53.81 për qind të votave. Pas saj renditet PDK me 24.76 për qind, LDK me 14.82 për qind dhe AAK me 2.64 për qind.

Rezultatet vazhdojnë të jenë preliminare deri në përfundimin e procesit të numërimit të të gjitha votave dhe verifikimit të tyre. /Telegrafi

The post Zgjedhjet në Kosovë/ Kështu renditen votat e partive në shtatë komunat më të mëdha appeared first on Albeu.com.

Krah kryetarit të LDK-së, Lumir Abdixhiku, Osmani tha se rezultati i zgjedhjeve është vetëm hapi i parë drejt ringritjes së partisë.

“Na jep shpresë se jemi në rrugë të drejtë. E më shumë punë në terren dhe afër qytetarëve besoj se LDK-ja do të vazhdojë të ringritet në muajt dhe vitet në vijim”, tha Osmani.

Gjithashtu, ajo shtoi se procesi i rikthimit të LDK-së sapo ka nisur.

“Koha e ringritjes vetëm ka filluar. S’ka asgjë që e ndal”, u shpreh Osmani.

Sipas rezultateve të zgjedhjeve të 7 qershorit, LDK-ja ka ruajtur bazën e saj elektorale dhe është rritur në përqindje për shkak të rënies së numrit total të votuesve, duke u renditur si forca e tretë politike me rreth 18 për qind të votave.

Ndërkohë, Lëvizja Vetëvendosje po prin në nivel vendi me mbi 43 për qind të votave të numëruara.

The post Vjosa Osmani: LVV-ja nuk ka më asnjë arsye të më refuzojë për presidente appeared first on Albeu.com.

Ai ka thënë se kjo është fitorja e pestë e LVV-së në zgjedhjet parlamentare brenda shtatë vjetësh, duke përmendur fitoret më 2019, 2021, dy herë më 2025 dhe tani më 2026.

Kurti ka deklaruar se kjo përbën konfirmim të një dekade qeverisjeje të Lëvizjes Vetëvendosje, duke falënderuar mbështetësit për angazhimin e tyre.

Sipas tij, LVV do të vazhdojë të udhëheqë me qeverisje “të mirë dhe demokratike”.

“Ne bëjmë bashkë sigurinë e shtetit dhe kufijve me mirëqenien e qytetarëve. Nuk ka vështirësi që nuk e kemi tejkaluar, sepse tash ka shtet për krejt, e ne jemi krejt për shtet”, ka thënë Kurti.

The post Zgjedhjet e parakohshme në Kosovë, Albin Kurti: LVV shënoi fitoren e pestë në shtatë vjet appeared first on Albeu.com.