Sipas rezultateve preliminare të publikuara në ueb-faqen e Komisionit Qendror të Zgjedhjeve deri në mesnatë, pas zgjedhjeve lokale të mbajtura më 17 tetor, Lista Serbe ka fituar nëntë komuna, Partia Demokratike e Kosovës katër, Aleanca për Ardhmërinë e Kosovës dy dhe Lidhja Demokratike e Kosovës dy, kurse Lëvizja Vetëvendosje nuk ka arritur fitore të qartë në asnjë komunë në raund të parë.

Fitore në raundin e parë janë shënuar në: Deçan (AAK), Mitrovica e Jugut (PDK), Leposaviq (Lista Serbe), Lipjan (LDK), Novobërda (Lista Serbe), Peja (LDK), Shtërpca (Lista Serbe), Suhareka (AAK), Ferizaji (PDK), Zubin Potoku (Lista Serbe), Zveçani (Lista Serbe), Hani i Elezit (PDK), Graçanica (Lista Serbe), Ranillugu (Lista Serbe), Parteshi (Lista Serbe), dhe Mitrovica e Veriut (Lista Serbe), Skenderaj (PDK).

Ndërkaq, në balotazh do të jenë: Gjakova (AAK-LVV), Gjilani (LVV-LDK), Dragashi (PDK-LDK), Klina (AAK-PDK), Kamenica (PSD-LVV), Podujeva (LVV-LDK), Prishtina (LVV-LDK), Prizreni (LVV-PDK), Vitija (LDK-LVV), Vushtrria (PDK-LDK), Malisheva (Nisma-PDK), Juniku (AAK-LDK) dhe Mamusha (KDTP-KATP), Gllogovc (PDK-DD), Kllokot (Lista Serbe-GI SNS), Istog (LDK-AAK), Shtime (PDK-LVV), Rahovec (AAK-LVV), Fushë Kosova (LDK-LVV), Obiliqi (IQO-LVV) dhe Kaçanik (PDK-LVV).

Sipas të dhënave të Komisionit Qendror të Zgjedhjeve qytetarëve me të drejtë vote që kanë votuar në zgjedhje lokale është rreth 43 për qind.

Ndërkaq në zgjedhjet komunale të vitit 2017 përqindja ishte 43.5 për qind.
Këto ishin zgjedhje të rregullta lokale dhe të drejtë vote kishin 1 milion e 885 mijë e 448 votues.

Në këto zgjedhje, për kryetarë të komunave të Kosovës janë certifikuar 166 kandidatë.
Në garën për asamblistë në kuvendet e të gjitha komunave janë certifikuar 5,198 kandidatë.

Që një kandidat të fitojë pa balotazh i duhen 50 për qind plus një votë.

Të dhënat e publikuara në ueb-faqen e KQZ-së përfshijnë vetëm votat e rregullta dhe jo ato me kusht dhe nga jashtë Kosovës. /REL

The post REZULTATET/ Gati për raundin e dytë! 21 komuna në Kosovë pritet të shkojnë në balotazh appeared first on Albeu.com.

Kështu u bë e ditur përmes një njoftimi të Prokurorit të shtetit ku thuhet se personi ka thyer dritën fluroshente.

“Me urdhër të prokurorit të Shtetit, Policia e Kosovës ka ndaluar një  person, në Komunën e Suharekës, për veprën penale “Pengimi i procesit të votimit’’ nga neni 214 i KPRK-së. Prokurori i Shtetit njofton opinionin se i dyshuari ka penguar procesin e votimit duke prishur rendin dhe qetësinë dhe më pas e ka thyer dritën fluoreshente”, thuhet në njoftim.

Tutje, në njoftim potencohet se me urdhër të prokurorit të Shtetit personi është në ndalim.

The post ZGJEDHJET/ Pengoi votimin e qytetarëve, një i arrestuar në Kosovë appeared first on Albeu.com.

Që nga themelimi i saj, partia ka pasur për kryetar Hashim Thaçin , themeluesin që qëndroi për 16 vite dhe më pas Kadri Veselin për 5 vite. Të dy ish-kryetarët janë në Hagë ku akuzohen për krime lufte dhe duhet të fitojnë gjyqin për të fituar lirinë.

Momentalisht partinë e drejton Enver Hoxhaj i cili i humbi zgjedhjet e parakohshme për 14 shkurtit, por PDK gjithsesi tashmë është partia kryesore opozitare. Kryetari i ri do të jetë i treti në historinë 22-vjeçare të PDK.

The post Partia Demokratike në Kosovë shpall zgjedhjet për drejtuesin e ri me 3 korrik appeared first on Albeu.com.

Burimet për mediat bëjnë me dije se Lëvizja Vetëendosje nuk e ka tërhequr këtë ligj nga Kuvendi, dhe nuk dihet nëse kjo do t’i mjaftojë Lidhjes Demokratike të Kosovës, e cila ka kushtëzuar pjesëmarrjen në seancën për presidentin.

Shefi i deputetëve të LDK’së, Arben Gashi, ka thënë se nuk funksionojnë me komunikata, dhe s’ka pranaur të flasë rreth seancës për presidentin meqë thotë se tërheqja e VV’së nga iniciativa për Ligjin duhet bëhet akt.

Kreu i LDK’së, Lumir Abdixhiku, dje në një konferencë për media dhe në fjalimin e tij në Kuvend i ka bërë thirrje kreut të Qeverisë që ta tërheq ndryshimin e Ligjit për Zgjedhje.

Konjufca ka takuar sot Kurtin e Osmanin pas gjithë tensioneve të djeshme të shkaktuara nga iniciativa e Vetëvendosjes për ndryshimin e Ligjit për Zgjedhje. Në njoftimin për media, Konjufca ka treguar se s’mbetet gjë tjetër veçse të ketë garanci që shumica nuk do të bëjë asnjë veprim lidhur me Ligjin pa opozitën dhe që këta të fundit të mos bojkotojnë procesin e zgjedhjes së presidentit.

“Për ta krijuar një atmosferë të domosdoshme mirëbesimi para se të hyjmë në këtë proces, ata më premtuan dhe garantuan që gjithçka ka të bëjë me ligjin për zgjedhjet do të jetë pjesë e një procesi të ardhshëm dialogimi mes mazhorancës dhe opozitës dhe se bashkë do ta bëjmë dhe përmbyllim reformën zgjedhore. Kështu që, pas vullnetit të qartë që e shprehu mbrëmë opozita me votën e tyre në Kuvendin e Kosovës, nuk mbetet tjetër veçse të sigurohemi që mazhoranca e Kuvendit të garantojë që mos bëjë asnjë veprim pa u konsultuar me opozitën në këtë aspekt, kurse opozita që nuk do ta bojkotojë procesin e zgjedhjes së Presidentin, me qëllim të shmangies së zgjedhjeve të përsëritura”, thuhet në njoftimin e dërguar nga Zyra e Presidentit.

Siç eshte raportuar sot tërheqja nga iniciativa për Ligjin e Zgjedhejve vjen pas presionit ndërkombëtar dhe kërkesës së prerë të LDK’së. /Express/

The post Çfarë po ndodh në Kosovë? Vetëvendosje nuk është tërhequr nga ligji! appeared first on Albeu.com.