Gjithashtu, Llugaliu deklaroi se në dy vitet e fundit ka rënie të kontrabandës në pjesën veriore të vendit, derisa shton se sundimi i ligjit në atë pjesë është i shtrirë në mënyrë efikase.

Llugaliu ka thënë po ashtu, se masa e sigurisë ndaj mallrave serbe e vendosur një vit më parë, ka ndikuar që të mos ketë kontrabandim të armatimit dhe pajisjeve tjera nga Serbia.

Përveç që ka rënë kontrabanda, Llugaliu thotë se janë realizuar edhe aktivitete tjera që kanë përfshirë edhe pjesën tjetër të vendit.

Ndërkaq, thotë se rreth 70 për qind ka reduktim të importit të përgjithshëm nga Serbia.

Mes të tjerash, Llugaliu thotë se e rëndësishme në këtë drejtim është që masa e sigurisë ka qenë efikase, duke treguar që nuk kanë pasur infiltrim ose tentim të kontrabandimit të armatimit dhe pajisjeve tjera.

Sa i përket importit me Shqipërinë, Llugaliu thotë se ka rritje prej 25 për qind në katërmujorin e parë të këtij viti, krahasuar me periudhën e njëjtë të vitit të kaluar.

Masa e sigurisë për ndalimin e mallrave serbe ishte marrë më 14 qershor nga Qeveria e Kosovës, atë ditë kur ishin rrëmbyer tre zyrtarët policorë të Kosovës nga forcat serbe brenda territorit të Kosovës.

Më vonë Qeveria ka marrë vendim për lehtësimin e masës së sigurisë për mallrat e lëndës së parë dhe gjysmë produkte.

The post Rriten këmbimet tregtare Kosovë-Shqipëri, bien importet nga Serbia për rreth 70 % appeared first on Albeu.com.

“Po na mungon një trup qeveritarë që do t’i mbikëqyrte në baza të rrepta ditore implemtimin e këtyre marrëveshjeve. Kur po takohen dy qeveritë, dy kryeministrat po i nënshkruajnë marrëveshjet, por implementimi po varet prej stafit civil dhe aty çalon për shkak të interpretimeve. Ka marrëveshje që ende nuk ka filluar me u zbatu, ne kemi ankesa të shumta nga bizneset tona që eksportojnë në Shqpëri për barrierave të ndryshme, që nuk janë eliminua përkundër asaj që janë nënshkruar shumë marrëveshje”, thotë Rafuna.

Kosova dhe Shqipëria kanë nevojë për dialog dhe partneritet të mirëfilltë, vlerëson për Radio Kosovën, njohësi i ekonomisë, Safet Gërxhaliu.

Sipas tij, bashkëpunimi ekonomiko-politik në mes dy shteteve, është në pikën më kritike.

“Nuk mund të avancojmë vetëm me një fotografi nga mbledhjet e qeverive, por kemi nevojë për implementim të këtyre marrëveshjeve, kemi nevojë të shqyrtohet kjo ekonomi ne mes të dy vendeve, dhe nëse krahasohet këmbimi tregtarë apo bashkëpunimi ekonomik në mes dy vendeve, do të ishte një këmbim tregtarë në mes dy kompanive të mëdha dhe jo mes dy shteteve. Këto raporte duhet të depolitizohen, të ketë transparencë me tepër dhe në këtë drejtim”, thotë Gërxhaliu.

Ekspertët vlerësojnë se Kosova dhe Shqipëria, duhen që të bëjnë më shumë në aspekt të rritjes së fuqisë prodhuesve në mënyrë që të mos varemi shumë nga importet e vendeve të ndryshme.

The post Ekspertët: Bashkëpunimi Kosovë -Shqipërisë në ekonomi, lë për të dëshiruar appeared first on Albeu.com.

Përmes një postimi në Facebook, në orët e para të së enjtes, ai ka thënë se fluturimet drejt vendeve të Perëndimit do të shkurtohen për gati 15 minuta.

“Nga 1 janari, bashkëatdhetarët, përveç që do të udhëtojnë pa viza, do të kursejnë edhe më shumë kohë”, ka thënë Aliu.

Ai i është referuar liberalizimit të vizave për qytetarët e Kosovës, që hyn në fuqi prej 1 janarit të vitit 2024.

Qytetarët e Kosovës kanë qenë të vetmit në Ballkanin Perëndimor, që nuk kanë mundur të lëvizin pa viza në zonën për lëvizje të lirë, Schengen.

Albion Idrizi, magjistër i aviacionit, ka thënë muaj më parë për Radion Evropa e Lirë, se pas hapjes së korridorit ajror të Kosovës me Shqipërinë, përveç shkurtimit të kohës së fluturimit, do të zvogëlohet edhe çmimi i biletave.

Aktualisht, sipas tij, çmimi mestar i një bilete njëdrejtimëshe nga Kosova për në të gjitha vendet e BE-së është 140 euro. Me shkurtimin e fluturimit, ky çmim mund të bjerë deri në 6 për qind, apo 8 euro, thotë Idrizi, ndërmarrës në fushën e udhëtimeve dhe turizmit në Kroaci dhe Kosovë.

Që nga paslufta, më 1999, fluturimet nga dhe në Aeroportin Ndërkombëtar të Prishtinës janë realizuar vetëm përmes korridorit ajror që e lidh Kosovën me Maqedoninë e Veriut.

Marrëveshja me Shqipërinë, për ta shfrytëzuar korridorin ajror të këtij vendi, është arritur në vitin 2020.

Kjo marrëveshje ka paraparë hapjen e dy pikave koordinuese ajrore, Kukad dhe Arbër.

Sipas Autoritetit të Aviacionit Civil të Kosovës (AAC), i cili menaxhon hapësirën e ulët ajrore të vendit, marrëveshja nuk është zbatuar për shkak të disa procedurave teknike që është dashur të miratohen nga Shqipëria dhe misioni i NATO-s në Kosovë, KFOR.

Ndryshe nga hapësira e ulët ajrore e Kosovës që menaxhohet nga AAC-ja, hapësira e lartë – ajo mbi 6.200 metra, e hapur për trafikun komercial nga viti 2014 – është nën kontrollin e Hungarisë, përkatësisht të HungaroControl-it. Kjo, për shkak se Kosova nuk ka arritur ende kapacitete për të menaxhuar hapësirën e lartë ajrore.

Në përputhje me Rezolutën 1244 të Këshillit të Sigurimit të Kombeve të Bashkuara, por edhe me ligjet e tanishme në Kosovë, komandanti i KFOR-it është përgjegjës për sigurinë e hapësirës ajrore të Kosovës që nga viti 1999.

Për dhe nga Aeroporti Ndërkombëtar i Prishtinës “Adem Jashari” udhëtojnë miliona persona brenda vitit.

Zvicra, Gjermania, Turqia, Austria dhe Mbretëria e Bashkuar kanë qenë, deri më tani, destinacionet më të shpeshta.

The post Kosova hap korridoret ajrore me Shqipërinë, nga 1 janari udhëtarët do të kursejnë më tepër kohë dhe para appeared first on Albeu.com.

Bashkëpunimi ekonomik mes Kosovës dhe Shqipërisë as gjatë këtij viti nuk ka shënuar ndonjë progres. Shkëmbimi tregtar mes dy shteteve thuajse ka mbetur në shifra të njëjta. Marrëveshje të reja nuk ka pasur. Kurse raportet politike mes Edi Ramës e Albin Kurtit mbeten të acaruara.

Shqipëria dhe Kosova, edhe për vitin 2023, janë shpallur “kampione” të varfërisë në Europë.

Fondi Monetar Ndërkombëtar i ka vlerësuar Kosovën dhe Shqipërinë si shtetet më të varfra të Europës në vitin 2023, bazuar në të ardhurat për frymë, që maten duke llogaritur fuqinë blerëse, një tregues real se sa vlerë ka paraja për banorët e një vendi.

Shqipëria renditet e parafundit në Europë me të ardhurat për frymë prej 19 mijë dollarë ndërkombëtarë ( e matur sipas standardit të fuqisë blerëse).

Pas Shqipërisë renditet Kosova, që e ka këtë tregues edhe më të ulët, në 15.6 mijë dollarë ndërkombëtarë.

Importi dhe eksporti në shifra

Por, si kampionë të varfërisë, dy shtetet “motra”, Kosova dhe Shqipëria edhe vitin 2023 po e mbyllin me bashkëpunim të varfër mes vete.

Shqipëria vijon të dominojë në tregtinë me Kosovën, duke dërguar më shumë mallra, sesa ajo merr nga Kosova.

Nga Shqipëria në Kosovë, në periudhën janar-shtator të këtij viti, kanë hyrë rreth 55 milionë euro produkte më shumë se në periudhën e njëjtë të vitit të kaluar, me rritje prej rreth 30%. Vlera e importeve në këta muaj ka tejkaluar shumën prej 238.9 milionë eurosh, ndërsa në vitin 2022, ka qenë mbi 183 milionë euro.

Të dhënat e Bankës Qendrore të Kosovës flasin për rritje të dobët të eksporteve nga Kosova në Shqipëri – nga 77 milionë euro sa ishin në periudhën janar-shtator të vitit 2022, në 82 milionë euro gjatë së njëjtës periudhë të këtij viti, me zgjerim prej vetëm 6.5%.

Qeveria e Kosovës dhe ajo e Shqipërisë kishin planifikuar të zhvillonin mbledhjen e nëntë të përbashkët në muajin qershor, por ajo dështoi.

Në mbledhjen e nëntë mes dy qeverive pritej të nënshkruheshin 13 marrëveshje në fusha të ndryshme: drejtësi, arsim, shëndetësi, bujqësi, kulturë, ndërmarrësi dhe mbrojtje. Në mesin e tyre ishte edhe një deklaratë për forcimin e bashkëpunimit mes dy shteteve në fushën e sigurisë.

Qeveria e Kosovës ka thënë paraprakisht se nga 41 marrëveshje të nënshkruara në dy mbledhjet pararendëse, 39 prej tyre janë zbatuar plotësisht e dy tjera janë në fazën finale të zbatimit.

Rriten investimet nga të dyja kahet

Kryeministri Albin Kurti ka thënë se shkëmbimet tregtare ndërmjet Kosovës dhe Shqipërisë sivjet kanë arritur në nivelin më të lartë ndonjëherë.

Në një postim, ai ka shkruar se investimet e Shqipërisë në Kosovë gjithashtu janë më të lartat ndonjëherë dhe se në vitin 2019, ato ishin 15.2 milionë euro, derisa në vitin 2022 u pesëfishuan duke arritur në 79.7 milionë euro.

“Sivjet shkëmbimet tona tregtare janë më të lartat ndonjëherë, teksa ka edhe tre muaj të tjerë deri në përfundim të vitit financiar. Investimet e Shqipërisë në Kosovë gjithashtu janë më të lartat ndonjëherë.

Në vitin 2019, ato ishin vetëm 15.2 milionë euro, kurse në vitin 2022, u pesëfishuan duke arritur vlerën 79.7 milionë euro”.

Të dhënat e tjera të Bankës së Shqipërisë tregojnë se janë rritur dhe investimet e huaja të Kosovës në Shqipëri, duke arritur në 52 milionë euro në 2022-n, me rritje 53% në krahasim me vitin e mëparshëm, ndonëse mbeten shumë të ulëta në raport me totalin e investimeve që tërhoqi Shqipëria, me vetëm 3.8%.

Kurti ka thënë se janë nënshkruar 58 marrëveshje që kanë lehtësuar jetën e qytetarëve.

“Dy republika, një komb. Dy vite e gjysmë, 58 marrëveshje dypalëshe, me një qëllim: më shumë përfitime për qytetarët, më shumë për ekonominë. Për më shumë se 200 mijë banorët e brezit tonë të përbashkët kufitar mundësuam lëvizje e lirë, duke bërë funksionale 26 vendkalime të veçanta.

Kurse për të gjithë, mundësuam kalimin e lirë e pa kontrolle të kufijve gjatë muajve të verës, fundjavave dhe ditëve të pushimeve zyrtare.

Aktualisht, jemi afër jetësimit të kalimit të lirë e pa kontrolle çdo ditë të vitit. Krahas lëvizjes nga njëri shtet në tjetrin, lehtësuam edhe qëndrimin te njëri dhe tjetri shtet, sepse thjeshtuam procedurat për pajisjen me leje qëndrimi, me afat 5-vjeçar. Hoqëm edhe detyrimin për apostilim të dokumenteve administrative”.

Shefi i Qeverisë së Kosovës ka përmendur edhe marrëveshjet që janë bërë për Portin e Durrësit.

“Me dy zyra doganore të Republikës së Kosovës në Durrës dhe Porto Romano, fituam qasje në det. Aty bëhet zhdoganimi i të gjitha mallrave me destinacion Kosovën.

Kjo ka ndihmuar drejtpërdrejt bizneset tona që tashmë kanë kursyer 9 milionë euro, në të njëjtën kohë që edhe ekonomia e Shqipërisë ka përfituar nga rritje me 50% e dërgesave të Kosovës përmes Portit të Durrësit”.

Kemi nënshkruar marrëveshjen për ndërtimin e hekurudhës Durrës-Prishtinë, që është ndër projektet më të mëdha e më të rëndësishme, si në aspektin ekonomik, ashtu edhe kombëtar.

Ajo do ta lidhë Kosovën me korridoret, që kalojnë pranë nesh, por nuk janë të lidhura me ne.

Do t’i bashkojë edhe më fort ekonomitë tona dhe do të rrisë lëvizshmërinë dhe lidhshmërinë ndërmjet republikave tona”.

Ekonomistët shprehen kritikë për raportet ndërshtetërore

Skënder Krasniqi, kryetar i Dhomës së Tregtisë dhe Industrisë së Kosovës, mendon se problemi për mosbashkëpunim ekonomik qëndron te politikat ekonomike që ndiqen.

“Ka përmirësime në krahasim me vitet e kaluara. Falë bashkëpunimit mes dhomave të tregtisë dhe institucioneve, është arritur që të eliminohen një pjesë e madhe e sfidave.

Por, duhet rritur bashkëpunimi, pasi mundësitë janë të jashtëzakonshme për rritjen e shkëmbimit tregtar. Ka edhe disbalancë mes importit dhe eksportit, që Kosova e ka me të gjitha shtetet, por duhet ngushtuar kjo në lidhje me Shqipërinë”.

Ai thotë se tani për tani nuk ka shumë barriera, por mungon strategjia reale kombëtare e zhvillimit ekonomik.

“Barrierat nuk janë të mëdha, por mungon strategjia kombëtare. Kosova nuk ka strategji reale kombëtare të zhvillimit ekonomik, që të krijojë produkte për të konkurruar në tregje të tjera.

Të gjitha prodhimet serbe që vijnë në Kosovë janë të subvencionuara dhe vijnë me kosto të ulët.

Kosova nuk e subvencionon dhe nuk e fuqizon eksportin. Ka edhe mungesë bashkëpunimi me Tiranën, që ne të mos jemi konkurrentë me produkte të njëjta”.

Edhe gazetari dhe njohësi i ekonomisë, Zekirja Shabani, tregon se raportet mes dy shteteve nuk janë të mira, sipas tij ato janë më shumë në nivelin e dëshirave.

“Kosova dhe Shqipëria vazhdojnë të kenë dëshirë për bashkëpunim dhe shkëmbim më të madh ekonomik, por krahasuar me partnerët e tjerë tregtarë të të dyja vendeve, bashkëpunimi Kosovë Shqipëri është më i vogël.

Pavarësisht numrit të madh të marrëveshjeve të nënshkruara dhe lidhjeve shpirtërore, qeveritë e të dyja vendeve nuk kanë bërë mjaftueshëm për lehtësimin e shkëmbimit tregtar dhe bashkëpunimit ekonomik.

Kjo dëshmohet në pasqyrat e bilancit tregtar ku Kosova ka partner më të mirë tregtar Serbinë se Shqipërinë”, ka thënë ai.

Por, kryetari i Odës Ekonomike të Kosovës, Lulëzim Rafuna, në një deklarim për media, pati thënë se nga statistikat shihet se janë rritur importet e mallrave sidomos nga Shqipëria dhe Maqedonia e Veriut.

Sipas Rafunës, produktet që nuk janë importuar nga Serbia, kanë filluar të zëvendësohen nga shtetet fqinje.

“Ndalimi, i cili synon Serbinë dhe produktet e importuara nga ky shtet, në fakt ndikojnë në masë të madhe në kompanitë ndërkombëtare.

Shumë prej këtyre bizneseve, janë në pronësi të kompanive nga shtetet partnere, përfshirë Shtetet e Bashkuara të Amerikës, të cilat kanë qenë shtylla kyçe në mbështetjen e trajektores së rritjes së Kosovës”.

Shqipëria dhe Kosova kanë lidhur në 3 vitet e fundit rreth 184 marrëveshje, por vetëm 58 janë arritur ndërmjet dy republikave tona ose thënë ndryshe, gati 1/3 e tyre. Ndër to është dhe hekurudha Shqipëri-Kosovë, rreth 130 km, e cila pritet të nisë punimet në vitin 2024.

Ekspertët e përmbajnë optimizmin mbi ndikimin që do të ketë në tregtinë e mallrave.

Instituti për Hulumtime të Avancuara GAP, me seli në Prishtinë, ka bërë një sërë hulumtimesh për këtë çështje. Ai ka gjetur se bizneset kosovare paguajnë rreth 2 milionë euro në vit vetëm për skanimin e mallit, përpara se të hyjnë në Shqipëri.

Bizneset janë për një sërë barrierash – nga pritjet e gjata në kufi deri te skanimi i produkteve.

The post Shqipëria dhe Kosova, shtetet më të varfra të Europës për 2023 appeared first on Albeu.com.

Shkëmbimi tregtar mes dy vendeve u rrit në periudhën janar-shtator të këtij viti krahasuar me vitin e shkuar, transmeton Klan Kosova.

Sipas të dhënave nga Banka Qendrore, 55.9 milionë euro më shumë u importuan nga Shqipëria në territorin kosovar.

Për hapjen e tregut me rajonin, loboi edhe Dhoma e Tregtisë e Industrisë veçmas muajve të fundit, pas bllokadës së mallrave serbe nga Qeveria e Kosovës.

Gjatë kësaj periudhe u rrit edhe eksporti për 5 milionë, por operatorët po hasin edhe në barriera.

Pengesat i kanë identifikuar edhe ekonomistët, që rekomandojnë lehtësime për kompanitë. Thellimi i bashkëpunimit përfshin furnizimin me lëndët e para për sektorë të caktuar,

Trendi i rritjes së qarkullimit mes Prishtinës e Tiranës, pritet të rritet deri në fundvit e të tejkalojë edhe pritjet gjatë vitit tjetër.

The post Shkëmbimi tregtar: Bllokada me Serbinë favorizon Shqipërinë (VIDEO) appeared first on Albeu.com.

Është zgjedhur kjo datë sepse 14 qershori kremtohet nga gjakovarët si dita e çlirimit të qytetit historik dhe përkujtohet në kalendarin e kësaj treve për të nderuar kujtimin e dëshmorëve që dhanë jetën në luftën për çlirimin e Kosovës.

Në 14 qershor dy qeveritë do të ulen sërish përballë në takimin e tyre të nëntë në Gjakovë në përpjekje për të përparuar me bashkëpunimin mes dy shteteve të të njëjtës kombësi.

Që prej 11 Janarit 2014 kur për herë të parë nisi ky bashkëpunim janë firmosur dhjetëra marrëveshje.

Arritjet më të rëndësishme janë ato të lirisë së lëvizjes në të dy anët e kufirit, në fushën e shkëmbimeve ekonomike, në fushën e energjisë elektrike, në mësimin e abetares së përbashkët, puna e përbashkët për Fjalorin Enciklopedik Shqiptar dhe për Historinë e Shqiptarëve, ndërsa në horizont mbetet sfida më e madhe ende e parealizuar, porti i ri detar i përbashkët që është planifikuar të ndërtohet në Porto Romano, një port për krejt hapësirën shqiptare në Ballkan dhe transporti hekurudhor mes Tiranës dhe Prishtinës.

The post Mbledhja e radhës mes qeverive të Kosovës dhe Shqipërisë, zbulohet data dhe vendi appeared first on Albeu.com.

Ari ishte future në një qese dhe mbështjellë me një letër. Kanë qenë Oficerët e Doganës në pikëkalimin kufitar të Vërmicës që kanë ushtruar kontroll në një autobus dhe kanë gjetur sasinë e stolive të floririt. Floriri është sekuestruar dhe shoferi i autobusit është ndaluar.

“Gjatë kontrolleve rutinore oficerët doganor kanë selektuar për kontroll detal një autobus të linjës Kosovë-Shqipëri, gjatë kontrollimintoficerët kanë gjetur stoli të arit në sasi mbi 500 gram. Sasia ka qenë në një qese të letrës dhe është gjetur te vozitësi i autobusit. Sasia është konfiskuar si dhe rasti ka vazhduar për kundërvajtje doganore dhe për hetime të mëtejme,”- thuhet në njoftimin e Doganës.

The post Sekuestrohet gjysmë kg flori në kufirin Shqipëri-Kosovë, ishte mbështjellë me letër appeared first on Albeu.com.

Sivjet për ta madhështuar festën janë paraparë disa aktivitete.

E një nga to do të jetë edhe një ndeshje e futbollit mes ushtarëve të Kosovës dhe atyre të Shqipërisë

Loja do të luhet më 30 nëntor në Kukës me fillim nga ora 12:00./klan kosova/

The post Ushtarët e Kosovës dhe Shqipërisë do të luajnë futboll për 28 nëntor appeared first on Albeu.com.

Lajmin e ka bërë të ditur media kosovare RTK, e cila ka publikuar për herë të parë kopertinën e abetares që do të shpërndahet këtë vit në të gjitha shkollat e vendit tonë dhe në Kosovë.

Fotot e kopertinës së abetarës bëhet me dije se janë bërë publike nga shtëpia botuese “Dukagjini”.

Nga kjo shtëpi botuese thonë se Abetarja e përbashkët është gati dhe e njëjta ka filluar të shpërndahet sot, ndonëse gjatë dy ditëve të fundit, RTK nga shumë burime, ka bërë përpjekje të mësojë se deri ku ka mbërritur procesi i përgatitjes së saj.

Megjithatë, nga kjo shtëpi botuese thonë se fillimisht, e njëjta ka nisur të shpërndahet në shkollat e fshatrave të vendit.

Sipas kësaj shtëpie botuese, Abetarja e përbashkët do të shpërndahet gjatë fundjavës në shkollat e kryeqytetit.

Sqarimi i kësaj shtëpie botuese e cila krahas asaj “Pegi” në Tiranë janë fituese për shtypjen e Abetares, erdhi pas lajmit të publikuar në RTKlive se Abetarja e përbashkët nuk është shpërndarë e për më tepër, nuk dihet as pamja e saj.

Ndërkohë, Edona Kutleshi nga Zyra për Informim në Ministrinë e Arsimit, nëpërmjet telefonit tha se shpërndarja e Abetares nëpër shkolla është duke u jetësuar.

Megjithatë, nga MASHT-i nuk kanë dhënë informacione se në cilat shkolla apo në cilat komuna është duke u shpërndarë Abetarja e re, raporton RTK.

The post Publikohet kopertina e abetares së përbashkët, në Kosovë nis shpërndarja në shkolla (FOTO LAJM) appeared first on Albeu.com.

Sipas MZhE-së, falë kësaj pune dhe bashkëpunimit mes Kosovës dhe Shqipërisë, përkatësisht Korporatës Energjetike të Kosovës (KEK) dhe Korporatës Elektroenergjitike të Shqipërisë (KESH) është arritur që të evitohen reduktimet që nga ora 14:00 dhe të vazhdojë furnizimi i rregullt me energji elektrike.

“Institucionet do të vazhdojnë të bëjnë përpjekjet maksimale për të ruajtur furnizimin e rregullt me energji elektrike gjatë ditëve në vijim.

Megjithatë, marrë parasysh situatën, luten të gjithë qytetarët dhe bizneset që të marrin masa kursimi dhe të jenë sa më të kujdesshëm në përdorimin e energjisë elektrike. Bashkëpunimi me Shqipërinë do të pasohet nga të tjera masa në adresim të krizës energjetike dhe gjendjes së emergjencës ku ndodhemi”, thuhet në njoftim.

The post Shqipëria i del në ndihmë Kosovës, rikthehet furnizimi i rregullt me energji elektrike appeared first on Albeu.com.