Një ngjarje e rëndë ka ndodhur të enjten në Hanover të Gjermanisë. 30-vjeçari nga Kosova u qëllua për vdekje nga një tjetër, po ashtu kosovar.

Viktima Armin Neziri, u qëllua me armë zjarri në kryqëzimin e rrugës teksa ndodhej brenda automjetit të tij “Porsche Cayenne.”

Mediat gjermane shkruajnë se avokati i të dyshuarit ka deklaruar se klienti i tij do të përballet së shpejti me policinë.

“Pas të shtënave fatale mbi një burrë në Hanover të enjten pasdite, autori i dyshuar i veprës është ende në arrati. Sipas deklaratave të avokatit të tij Fritz Willig, i dyshuari dëshiron të përballet me policinë së shpejti. Këshilltari ligjor i të arratisurit gjithashtu raportoi se klienti i tij mori armën nga frika ditën në fjalë. Siç raportoi Willig te “Neue Presse” (NP) të shtunën, takimi në mes viktimës dhe dorasit ishte një “takim thjesht i rastësishëm në një kryqëzim trafiku””, shkruajnë mediat gjermane, transmeton Express.

Tutje sipas dëshmitarëve nga vendi i ngjarjes, thuhet se viktima ka ndalur veturën e tij (Porche) e pas veturës së dorasit (Mercedes) dhe se ka dalë n thyer xhamat e Mercedesit me shkop bejsbolli.

Tutje, sipas dëshmitarëve nga vendi i ngjarjes thuhet se viktima ka parkuar Porche-në e tij pas Mercedesit të dorasit, e më pas ka dalë nga vetura dhe ka thyer xhamat e veturës. Pas kësaj, Rinor Z. ka shtënë me armë zjarri ndaj Armin Nezirit.

“Sipas deklaratave të dëshmitarëve, Porsche e zezë (e viktimës) u ndal pas Mercedesit të bardhë në Arndtstrasse. Thuhet se një burrë ka dalë nga Porsche dhe ka thyer xhamat anësorë dhe para me një shkop bejsbolli. I dyshuari më pas kapi një armë nga frika dhe qëlloi”, shkruajnë mediat gjermane.

Sipas avokatit të tij, dorasi Rinor Z. e njihte viktimën Armin Neziri, për të cilin mediat gjermane shkruajnë se ka qenë i përfshirë në trafikim droge dhe krime seksuale.

Ndërsa sipas avokatit të dorasit, klienti i tij ndjehej i kërcënuar nga Neziri, të cilin thuhet se e kishte raportuar më parë për një sherr.

Qysh në mëngjesin e së shtunës, “Hannoversche Allgemeine Zeitung” (HAZ) raportoi se viktima ishte i njohur tashmë për policinë si një shkelës intensiv qysh si fëmijë.

Kush është Armin Neziri?

Më 22 mars të vitit 2017, në Andreas-Hermes-Platz një person ka mbetur i vdekur pas të shtënave me armë zjarri.

Viktima ishte një 25-vjeçar nga Maqedonia, ndërkaq dorasi ishte Armin Neziri.

Mediat gjermane kanë raportuar se Neziri i cili ishte plagosur nga disa goditje me thikë, e kishte qëlluar 25-vjeçarin për vetëmbrojtje.

Nuk dihet ende nëse vrasja e Armin Nezirit lidhet me incidentin e vitit 2017, ndërkaq hetimet për këtë rast po vazhdojnë ende.

The post Detaje të reja nga vrasja e kosovarit në Gjermani, zbulohet motivi që dyshohet se shtyu dorasin të qëllonte appeared first on Albeu.com.

Policia gjermane ka angazhuar një numër të madh policësh të cilët janë duke vazhduar kërkimet dhe hetimet për të dyshuarin.

Ngjarja ka ndodhur të enjten rreth orës 1 e 30 minuta të pasditës në qendër të Hanoverit. Dëshmitarët kaën treguar se kishin dëgjuar një të shtënë.

? Infotweet ?
Es kommt derzeit im Bereich der #Arndtstraße zu einem Großeinsatz. Hintergrund ist ein Tötungsdelikt an einer einzelnen Person. Unsere Kollegen sind mit vielen Einsatzkräften vor Ort. Eine Presseinfo folgt. pic.twitter.com/xRiZprRCia

— Polizei Hannover (@Polizei_H) June 3, 2021

Siç ka treguar zëdhënësi i policisë, Micahel Bertram, dyshohet se kishte pasur një zënkë të mëhershme në mes të dy automjeteve. Të paktën thuhet se ka pasur të shtëna nga një makinë Mercedes-Benz. Pas të shtënave, makina Porsche është përplasur dhe drejtuesi ka vdekur pavarësisht përpjekjeve për kthim në jetë.

Në ngjarje dyshohet se janë përfshirë më shumë se dy persona.

“Sipas dëshmitarëve drejtuesi i Mercedes Benz ka ikur në këmbë pas incidentit, derisa një kontroll i menjëhershëm i policisë nuk ka rezultuar i sukseshëm”, ka thënë Policia, transmeton Express.

Sipas zëdhënësit të policisë Bertram, përveç Porsches së zezë, në vendin e ngjrajes kishte edhe Mercedesi i bardhë me targa nga Donauwörth (Bavaria) me disa vrima plumbi. Disa dëshmitarë e kishin vëzhguar ngjarjen dhe po merren në pyetje./GazetaExpress/

The post Dalin pamje nga vrasja e kosovarit në Hanover, u gjet i vdekur në Porsche (VIDEO) appeared first on Albeu.com.