Raporti, i përpiluar nga deputeti slloven, Matjazh Nemec, u miratua me 34 vota për, 7 kundër dhe 12 abstenime.

Votimi i sotëm është një hap drejt vendimit për heqjen e vizave për bartësit e pasaportave serbe.

Këto pasaporta i lëshon Drejtoria Koordinuese në Beograd, e cila punon në kuadër të Ministrisë së Punëve të Brendshme të Serbisë.

Liberalizimi i vizave për qytetarët që posedojnë pasaporta biometrike të Kosovës, ka hyrë në fuqi më 1 janar të këtij viti.

Propozimin për t’ua hequr vizat edhe bartësve të pasaportave serbe në Kosovë, e ka dhënë Komisioni Evropian në nëntor të vitit të kaluar, duke argumentuar se me një vendim të tillë, të gjithë qytetarët e rajonit të Ballkanit Perëndimor do të përfshiheshin në procesin e liberalizimit të vizave.

Përveç qytetarëve të Kosovës që e siguruan lëvizjen e lirë këtë vit, qytetarët e vendeve të tjera të rajonit e kishin atë për më shumë se dhjetë vjet.

Por, kur janë hequr vizat për shtetasit e Serbisë, është vendosur që liberalizimi të mos vlejë për ata që kanë pasaporta të Serbisë e që banojnë në territorin e Kosovës.

Qeveria e Kosovës e ka kritikuar dhe kundërshtuar propozimin për përfshirjen e tyre në liberalizimin e vizave, duke e cilësuar atë si “shkelje të integritetit territorial të Kosovës” dhe duke pohuar se të gjithë shtetasit e Kosovës, përfshirë edhe ata me përkatësi etnike serbe, mund të pajisen me pasaporta biometrike të Kosovës.

Për Qeverinë e Kosovës, problematik është edhe fakti se në pasaportat që i lëshon Drejtoria Koordinuese e Serbisë, vendbanimet në territorin e Kosovës shkruhen sikur të jenë në Serbi.

Pas votimit të sotëm pritet që i njëjti raport të votohet edhe në seancë plenare nga i tërë Parlamenti Evropian, që do të zhvillohet prej 22 deri më 25 prill.

Kjo seancë plenare do të jetë edhe e fundit në këtë përbërje të Parlamentit Evropian, pasi nga data 6 deri më 9 qershor do të zhvillohen zgjedhjet e reja për Parlamentin Evropian në 27 vendet anëtare të BE-së.

Raportuesi Nemec ka shprehur qëllimin që procedura për poseduesit e pasaportave serbe në Kosovë të kryhet gjatë këtij mandati të PE-së, në mënyrë që Këshilli Evropian ta formalizojë vendimin dhe ai të hyjë në fuqi./REL

The post Komisioni i PE-së i hap rrugë liberalizimit të vizave për qytetarët e Kosovës që kanë pasaporta të Serbisë appeared first on Albeu.com.

Në anën tjetër, 178 modele Golf 3 janë regjistruar për këtë vit. Kështu ka bërë të ditur me anë të të dhënave statistikore Ministria e Punëve të Brendshme për lajmi.net.

Në anën tjetër, Volkswagen ka qenë marka dominante e veturave të regjistruara për këtë vit – 105.881 copë. Marka e dytë është Opel me 37.294 vetura të regjistruara.

E treta markë me radhë është marka Audi me 26,543 vetura të regjistruara, të pasuara nga markat Mercedes (24,118) dhe BMW (16,931).

The post Kosovarët “të fiksuar” pas “Golf 2”, shifër rekord të regjistruar gjatë 2021 appeared first on Albeu.com.

Presidentja Osmani ka shprehur falënderimin e saj për Gjermaninë për përkrahjen e vazhdueshme që i ka ofruar Republikës së Kosovës dhe popullit të saj, duke potencuar se ky shtet mbetet një nga partnerët më të besueshëm të vendit tonë.

“Presidentja Osmani ka përmendur procesin e liberalizimit të vizave për qytetarët e Republikës së Kosovës, duke theksuar se janë plotësuar të gjitha kriteret për liberalizim dhe se nuk ka arsye për të vonuar edhe më tutje këtë proces.”

“Në këtë kontekst, Presidentja ka theksuar nevojën e thellimit të mëtutjeshëm të raporteve ndërmjet dy shteteve, duke përfshirë bashkëpunimin ekonomik, diplomatik e kulturor. Osmani po ashtu ka theksuar se sundimi i ligjit është parakusht për zhvillim të mëtutjeshëm të Republikës së Kosovës dhe e afron vendin tonë më afër Bashkimit Evropian”, thuhet në njoftimin e bërë nga presidenca.

Tutje në njoftim thuhet se sa i përket procesit të dialogut, presidentja Osmani theksoi se prioritet për Republikën e Kosovës duhet të jetë zbardhja e fatit të të zhdukurve me dhunë si dhe përmbyllja e procesit me njohje reciproke. Ajo po ashtu potencoi se forcimi i aleancave me shtetet mike është i domosdoshëm për suksesin e vendit tonë.

Ndërkaq, Berger, pasi që ka shprehur ngushëllime për humbjen e dhjetë kosovarëve në tragjedinë e së dielës, në Kroaci, citohet të ketë vlerësuar pozitivisht qasjen e institucioneve kosovare të Kosovës, për të garantuar zhvillimin ekonomik dhe përafrimin e Kosovës në BE.

Ai po ashtu, citohet të ketë thënë se shteti i tij është pro liberalizimit të vizave për kosovarët.

“Sipas tij, Gjermania është në favor të liberalizimit të vizave për shtetasit e Kosovës. Ai, gjithashtu ka deklaruar se Gjermania do të vazhdojë të përkrahë Republikën e Kosovës në fusha të ndryshme dhe se janë të gatshëm për thellim të mëtutjeshëm të bashkëpunimin bilateral mes dy shteteve”, thuhet në njoftim.

The post Gjermania pro liberalizimit të vizave për kosovarët (FOTO LAJM) appeared first on Albeu.com.

Në pyetjen se sa kanë shprehur emocionet negative, 17% e kosovarëve i janë përgjigjur pozitivisht sondazhit të kompanisë amerikane.

Ndërkaq, 26% e banorëve të Shqipërisë kanë thënë se kanë shprehur nervozën e tyre gjatë ditës së djeshme.

Vendi në të cilin më së shumti është shprehur nervoza një ditë përpara survejimit është Turqia (40%).

Ndërkaq, përqindjet e banorëve të shteteve të rajonit që kanë shprehur emocionet e tyre një ditë përpara sondazhit janë si vijojnë: Serbia (20%), Bosnja dhe Hercegovina (22%), Maqedonia e Veriut (25%) dhe Mali i Zi (33%).

The post Sondazhi që tregon se sa bëhen nervoz shqiptarët, kosovarët dhe maqedonasit (FOTO LAJM) appeared first on Albeu.com.