Sipas Healthline, ngrënia e shegës rregullisht nxit humbjen e peshës. Dietologët shpjegojnë se ky frut është i pasur me antioksidantë që përshpejtojnë metabolizmin, duke nxitur kështu çlirimin e peshës së tepërt. Gjithashtu, falë antioksidantëve të shumtë, konsumimi i përditshëm i shegës mund të zvogëlojë ndjeshëm rrezikun e sëmundjeve të shumta kronike.

Shega është gjithashtu anti-inflamatore dhe mbron trupin nga inflamacioni kronik. Dietologët shpjegojnë se si çdo inflamacion kronik në trup mund të kontribuojë në kushte të tilla si sëmundjet e zemrës, diabeti ose kanceri. Kjo kryesisht i atribuohet komponimeve të quajtura punicalagins, të cilat janë treguar se kanë veti antioksiduese dhe anti-inflamatore.

Ky ushqim është i shkëlqyer edhe për ruajtjen e shëndetit të zemrës dhe sistemit të qarkullimit të gjakut. Arsyeja është se shega hollon gjakun në trup dhe në këtë mënyrë parandalon me sukses bllokimin e enëve të gjakut. Kështu, ai mbron enët tona të gjakut dhe redukton ndjeshëm rrezikun e shumë problemeve, duke përfshirë sulmet në zemër.

The post Është koha për shegët, forcojnë imunitetin dhe mbrojnë enët e gjakut appeared first on Albeu.com.