Ministria e Bujqësisë njoftoi të enjten se fermerët kanë tani dhjetë ditë shtesë për të kryer aplikimet në kuadër të Programit të Pagesave Direkte 2026, duke iu dhënë mundësi që të përmbyllin të gjitha procedurat e nevojshme.

Ministri Armend Muja ka nënshkruar vendimin që ka hyrë në fuqi më 22 korrik dhe përcakton se afati përfundimtar i aplikimit do të jetë data 31 korrik 2026, në orën 16:00.

Fermerët mund të paraqesin kërkesat e tyre pranë Drejtorive Komunale për Bujqësi në secilën komunë.

Në një komunikatë, Ministria e Bujqësisë, Pylltarisë dhe Zhvillimit Rural (MBPZhR) sqaroi se për vitin 2026, Programi i Pagesave Direkte ka pësuar një rikonceptim për t’u përshtatur gradualisht me Politikën e Përbashkët Bujqësore të BE-së dhe tashmë mbështetet në katër kolona kryesore.

Këto përfshijnë pagesën bazë për të ardhurat e fermerëve, e përllogaritur mbi sipërfaqen e tokës bujqësore të pranueshme; pagesat rishpërndarëse që synojnë hektarët e parë të fermës dhe fermerët e sapo hyrë në sektor; pagesat e lidhura me prodhimin dhe cilësinë për degët prioritare të bujqësisë dhe blegtorisë; si dhe eko-skemat për bujqësinë organike dhe praktikat e qëndrueshme bujqësore.

Ministria u bën apel të gjithë fermerëve që ende nuk kanë dorëzuar dokumentacionin, që të shfrytëzojnë këtë zgjatje dhe të aplikojnë sipas kategorisë së mbështetjes që kërkojnë.

Gjithashtu, ministria rikujton se kriteret e pranueshmërisë dhe dokumentet e nevojshme ndryshojnë në varësi të sektorit dhe masës përkatëse, teksa verifikimet administrative dhe inspektimet në terren do të zhvillohen në përputhje me Udhëzimin Administrativ Nr. 02/2026 për Pagesat Direkte në Bujqësi.

Për çdo informacion shtesë rreth kritereve, dokumentacionit apo procedurave, fermerët inkurajohen të kontaktojnë MBPZhR-në, Agjencinë për Zhvillimin e Bujqësisë (AZHB) ose Drejtoritë Komunale për Bujqësi.

The post Afati për aplikimin në Pagesat Direkte 2026 shtyhet deri më 31 korrik, vendos Ministria e Bujqësisë appeared first on Albeu.com.

Ajo shpjegoi se kjo do të ndodhë falë 4 planetëve, Neptunit, Uranit, Jupiterit dhe Plutonit, të cilët do të takohen në korrik dhe do të sjellin një ndryshim të madh, por energji pozitive.

“Do të ndikojë tek shumë njerëz, sepse prek shumë shenja, por kujdes se ka dhe kleçka korriku”.

Sipas astrologes Meri Shehu, muaji korrik fillon me Diellin në Gaforre, i cili, sipas saj, na tregon që duhet të dëgjojmë zërin tonë të brendshëm.

“Nga ana tjetër, korriku fillon fuqishëm, sepse Marsi, i cili futet në shenjën e Binjakëve, takohet me Uranin dhe shenjat si Shigjetari, Binjakët, Peshqit dhe Virgjëresha e fillojnë në mënyrë të vrullshme dhe konfliktuale, sidomos në marrëdhëniet në çift dhe në bashkëpunime”.

Meri Shehu renditi shenjat, duke i klasifikuar nga ato më me pak fat deri tek ato më fatlumet e muajit korrik.

Virgjëresha: Në datën 13 do të kenë një shkëputje marrëdhëniesh, tradhti, pasiguri në çift dhe në çështjet ekonomike. Kështu që Virgjëreshat e fillojnë kështu këtë muaj dhe me Marsin, i cili takohet me Uranin, do të kenë sulme në karrierë, në punë dhe ndryshime të papritura. Përmbahuni në 15-ditëshin e parë, se më pas gjërat fillojnë dhe rregullohen. Ky është një muaj që ju stërvit, sepse është viti tjetër që ju përket juve, ky vit jo.

Demi: Janë në një pozicion jo të mirë dhe fillojnë të qetësohen nga data 14 korrik me Hënën e re në Gaforre, pasi marrin një lajm të mirë, një rrugë të re, një mësim karmik dhe fillojnë edhe çlirohen më tej. Çështjet familjare krisen në fund të muajit dhe duhet të kenë kujdes çfarë humbin, çfarë fitojnë dhe çfarë kërkojnë në fund të kësaj periudhe.

Peshqit: Edhe kjo shenjë është e “keqtrajtuar” nga Marsi në Binjakë, i cili nuk e favorizon në marrëdhëniet familjare, nuk i kuptojnë, bëhen të vështirë ose çështjet e pronësisë nuk dalin mirë. Me Hënën e re fillojnë të çlirohen dhe marrin më shumë përgjegjësi. Do të kenë kujdes këtë vit për çështjet ekonomike. Jupiteri në Luan futet në çështjet ekonomike të tyre dhe thellësisht shpirtërore e të punës. Do të merren me veten e tyre, por pasiguritë rriten shumë në fund të muajit korrik, pasi çështjet ekonomike tronditen.

Bricjapi: Kjo shenjë është në një fat më të mirë. Do të marrin disa mësime karmike ose nga e kaluara do t’u sjellë disa nga mësimet që kanë marrë, kështu që do të mbijetojë Bricjapi gjatë muajit korrik dhe duhet të kenë kujdes me çështjet ekonomike në fund të muajit. Nuk duhet të bëjnë investime, lëvizje të mëdha apo të rrezikojnë shumë, pasi do të jenë të detyruar të falimentojnë.

Gaforrja: Gaforret do të merren me ekonominë, sepse janë shenja që e kanë “lugën në brez” në këtë muaj. Fundi i muajit jua përgjysmon interesat ekonomikë dhe i vë në një përballje shumë të madhe. Ju përgjysmohet fati në fund të korrikut, kështu që duhet të tregohen të kujdesshëm në gjërat që vendosin. Hëna e re në datën 14 korrik do ta zbusë situatën dhe gjërat për ju.

Binjakët: Ata i kanë të gjitha në dorë, por nuk duhet të entuziazmohen nga kjo, sepse mund të rrezikojnë. Nëse e përdorin si një kirurg mundësinë që kanë në dorë, mund të kemi Binjakë që do të ecin shumë përpara dhe do të arrijnë të bashkëpunojnë edhe me shenja të tjera, se përndryshe të gjithë do t’i kundërsulmojnë dhe Binjakët nuk do ta ruajnë dot ekuilibrin. Fundi i muajit do të jetë shumë i keq në çështjet erotike ose ligjore, kështu që duhet të bëjnë kujdes me Hënën e plotë në Ujor.

Peshorja: Porta e fatit ju jep të gjithë fatin Peshoreve dhe të gjitha Peshoret do të ndryshojnë jetën dhe fatin duke përdorur zgjuarsinë dhe përvojën sa ta marrin energjinë e këtij ndryshimi shumë të madh. Hëna e re në datën 14 korrik do t’ju japë një mundësi apo një shans që vjen nga e kaluara. Në fund të muajit do të kenë problematika shumë të forta në dashuri, në ligj, në ekonomi dhe Plutoni mund t’i detyrojë shumë Peshore të bëjnë hapa mbrapa në ekonomi për shkak të një detyre ose të një të mire të re.

Dashi: Janë prioritarë dhe Dashët e lindur në 10-ditëshin e parë do të kenë fat, iniciativë, ndryshime të mëdha në jetën e tyre dhe mund t’u paraprijnë edhe njerëzve të tjerë apo mundësive të shumta. Kanë një tendencë të mirë, pasi me Hënën e re ndryshojnë edhe çështjet familjare për mirë. Do të jetë viti erotik për Dashin, por fundi i muajit i ndan gjërat, kush do të vazhdojë më tej dhe bëhen llogaritë.

Shigjetari: Shenjat e zjarrit do të kenë përparësi për një vit të tërë. Do të jetë një shenjë që favorizohet në kontakte me jashtë, në ligj, në udhëtime, në studime. Do të çlirohen ekonomikisht nga data 14 korrik. Megjithatë, fillimi i muajit do të jetë i vështirë për këtë shenjë, sepse do të kenë sulme, antagonizëm, probleme në çift, ndarje, por marrin hov me Jupiterin në Luan, sepse sido që të vejë puna, fundi i muajit do të jetë i mirë.

Ujori: Është viti i tyre, por Hëna e plotë në Ujor në fund të muajit nuk do t’i lërë pa prekur në jetën personale, në ndryshime të mëdha dhe diçka duhet të lënë mbrapa që të ecin përpara. Ata që kanë pushtet duhet të lënë pas këtë pushtet të vjetër, tek i cili kanë marrë energji nga njerëz të tjerë, për të hapur rrugën drejt një pushteti të ri, që të jetë energjia më e unifikuar. Jeta personale e Ujorëve ndryshon komplet nga fundi i muajit.

Akrepi: Kjo shenjë do të bëjë karrierë, por nuk do të thotë se nuk do të kenë vështirësi, sepse Hëna e plotë me Ujorin nuk është në pozicion të mirë me Akrepin. Kalojnë një vështirësi në fund të muajit që ka të bëjë me familjen dhe karrierën, por kjo nuk do të thotë që muaji korrik nuk i jep atë stigmën që Akrepi duhet të ngjitet lart në karrierë.

Luani: Do të mbretërojë për muajin korrik. Do të humbasë para dhe besim në fillim të muajit, por do të fitojë dalëngadalë. Do të kenë kujdes në datën 29 korrik me Hënën e Plotë në Ujor, sepse edhe aty do të ndahet kush do të ecë përpara dhe kush do të ngecë mbrapa. Kujdes në datën 14 korrik, sepse Hëna e re do t’ju japë një shpërthim apo një energji shpirtërore në lidhje me ide se si duhet të përparojnë me gjërat e tyre. Nëse e marrin mesazhin në datën 14, do të fitojnë në datën 29 korrik për një vit të tërë.

The post Meri Shehu zbulon 4 planete që do të trazojnë jetën e këtyre shenjave appeared first on Albeu.com.

Sipas ndryshimit vjetor të matur nga Indeksi i Harmonizuar i Çmimeve të Konsumit në muajin Korrik 2025, rritja më e madhe e çmimeve prej 12,0 % vërehet në grupin “Argëtim dhe kulturë”, pasuar nga grupet “Pije alkoolike dhe duhan” dhe “Hotele, kafene dhe restorante” me 3,3 % secili.

Grupi “Mobilim, pajisje shtëpie dhe mirëmbajtje” u rrit me 2,7 %, “Ushqime dhe pije joalkoolike” me 1,8 %, “Shërbimi arsimor” dhe “Mallra dhe shërbime të ndryshme” me 1,6 % secili, “Komunikimi” me 1,4 %, “Shëndeti” me 1,0 %, “Veshje dhe këpucë” me 0,4 %, “Qira, ujë, lëndë djegëse dhe energji” me 0,3 %.

Nga ana tjetër, çmimet e grupit “Transporti” u ulën me 0,8 %.

Ndërsa ndryshimi mujor i matur nga Indeksi i Harmonizuar i Çmimeve të Konsumit është -0,2 %.

Ky ndryshim, është ndikuar kryesisht nga ulja e çmimeve të grupit “Ushqime dhe pije joalkoolike” me 1,1 %, pasuar nga grupet “Qira, ujë, lëndë djegëse dhe energji” me 0,3 %, “Veshje dhe këpucë”, “Mobilim, pajisje shtëpie dhe mirëmbajtje” dhe “Shëndeti” me 0,2 % secili, “Transporti” me 0,1 % .

Nga ana tjetër, çmimet e grupit “Argëtim dhe kulturë” u rritën me 1,7 %, pasuar nga grupet dhe “Hotele, kafene dhe restorante” me 0,5 %, “Pije alkoolike dhe duhan” me 0,3 %, “Mallra dhe shërbime të ndryshme” me 0,2 %.

Rumania u përball me rritjen më të madhe te çmimeve me 6.7% në korrik, e ndjekur nga Estonia dhe Slovakia, ndërsa Zvicra dhe Qipro kishin rritjen më të ulët me pak se 0.3%.

Ndryshe nga ICK, Indeksi i Harmonizuar i Çmimeve të Konsumit (IHÇK) mat ndryshimin e nivelit të çmimeve me pakicë të mallrave dhe shërbimeve nga pikëpamja e strukturës së shpenzimeve të cilat konsumatori (vendas dhe i huaj) synojnë për konsumin final në territorin e Shqipërisë.

IHÇK përdoret për monitorimin e lëvizjes së çmimeve me pakicë në vendet Evropiane, duke krahasuar përqindjen e inflacionit ndërmjet vendeve të Evropës dhe si inflacion zyrtar i Bankës Qendrore Evropiane duke siguruar stabilitetin e çmimeve në Bashkimin Ekonomik dhe Monetar

The post EUROSAT: Çmimet u rriten 2.4% në korrik, ushqimet me ndikimin më të madh appeared first on Albeu.com.

Temperatura atmosferike ishte gjithashtu 0,72 gradë Celsius më e ngrohtë se mesatarja (1991-2020) për korrikun, tha Copernicus në buletinin e tij.

Që në 27 korrik, para se të mbaronte muaji, shkencëtarët e kishin konsideruar jashtëzakonisht të mundshme që korriku 2023 të ishte muaji më i nxehtë i regjistruar.

Oqeanet po dëshmojnë gjithashtu këtë zhvillim alarmues, me temperatura jashtëzakonisht të larta të sipërfaqes që nga prilli dhe nivele rekord në korrik. Një rekord i të gjitha kohërave u vendos më 30 korrik në 20,96 gradë Celsius, dhe për muajin në tërësi temperatura e sipërfaqes ishte 0,51 gradë Celsius mbi mesataren (1991-2020).

Fenomene ekstreme

“Ne kemi vërejtur rekorde të reja në korrik, si për temperaturat globale të atmosferës ashtu edhe për sipërfaqen e oqeaneve. Këto rekorde kanë pasoja shkatërruese për njerëzit dhe planetin, të cilët janë të ekspozuar ndaj ngjarjeve ekstreme gjithnjë e më të shpeshta dhe intensive”, theksoi Samantha Burgess, Zëvendës Drejtore e Shërbimit Evropian të Ndryshimeve Klimatike Copernicus (C3S).

Dëshmitë e rritjes së temperaturës të shkaktuar nga aktivitetet njerëzore – duke filluar me përdorimin e lëndëve djegëse fosile (qymyr, naftë, gaz) – u regjistruan njëkohësisht në mbarë botën.

Këto indikacione janë kudo: Greqia u godit keq nga zjarret, po ashtu edhe Kanadaja, e cila gjithashtu u prek nga përmbytjet e tmerrshme, vapa e madhe në Evropën Jugore, Afrikën Veriore, shtetet jugore të SHBA dhe një pjesë të Kinës, e cila më pas pësoi rrebeshe.

Rrjeti shkencor World Weather Attributionjn (WWA) ka arritur tashmë në përfundimin se valët e të nxehtit të fundit në Evropë dhe Shtetet e Bashkuara do të kishin qenë pothuajse e pamundur të ndodhnin pa efektet e aktivitetit njerëzor.

Copernicus raporton gjithashtu se akulli i detit të Antarktidës u tkur në korrik më shumë se kurrë që nga fillimi i vëzhgimeve satelitore dhe ra 15% nën mesataren e muajit.

Urgjente

“2023 është aktualisht viti i tretë më i ngrohtë me 0,43 gradë Celsius mbi mesataren e fundit” dhe “temperatura mesatare globale në korrik 1,5 gradë Celsius mbi nivelet para-industriale”, thekson gjithashtu Samantha Burgess.

Kjo shifër prej 1.5 gradë Celsius është shumë simbolike pasi është kufiri më ambicioz i vendosur nga Marrëveshja e Parisit e vitit 2015 për të kufizuar rritjen e temperaturës. Megjithatë, kufiri i përmendur në këtë marrëveshje ndërkombëtare ka të bëjë me mesataren disavjeçare dhe jo vetëm një muaji.

“Edhe nëse kjo është e gjitha e përkohshme, tregon urgjencën e përpjekjeve ambicioze që duhen bërë për të reduktuar emetimet globale të gazeve serrë që janë shkaku kryesor i këtyre rekordeve”, përfundon Samantha Burgess.

Por ndoshta viti 2023 nuk do të ndalojë së thyeri rekorde. “Ne presim një fund relativisht të ngrohtë të vitit për vitin 2023 për shkak të zhvillimit të fenomenit El Niño”, kujton Copernicus.

Ky fenomen ciklik klimatik mbi Paqësorin është me të vërtetë sinonim i ngrohjes së mëtejshme globale.

The post Fenomene ekstreme, zjarre dhe përmbytje! Shkencëtarët ngrenë alarmin: Korriku muaji më i ngrohtë i regjistruar ndonjëherë appeared first on Albeu.com.

Në të njëjtën kohë, disa pjesë të Indisë gjenden nën ujë, ndërsa në Afganistan, ka mungesë të furnizimit me ujë për shkak të valës së të nxehtit. Siç njofton korrespodenti i Zërit të Amerikës, Arash Arabasadi, shkencëtarët thonë se ky mund të jetë realiteti i ri.

Dielli përvëlon mbi rrugët e Feniksit, në Arizona, në jugerëndim të Shteteve të Bashkuara.

Pothuajse përgjatë gjithë ditëve të korrikut, temperaturat e regjistruara, kanë shënuar 43 gradë Celcius, ose më shumë. Në lagjen ku janë vendosur tenda, e njohur gjerësisht me emrin “Zona”, gjenden të pastrehët , ata që janë më të rrezikuar të humbasin jetën për shkak të të nxehtit ekstrem. Tempertaturat tejet të larta kanë detyruar autoritetet në qytetin e Feniksit të marrin masa krijuese për të ndihmuar njerëzit të përballojnë të nxehtit.

“Na kanë dërguar këtu, një nga autobusët e linjës Valley. Autobusi lihet këtu për disa orë që të kemi mundësi të ulemi dhe të freskohemi, mos të rrimë në diell. Është diçka që nuk e kisha përjetuar më parë. Është këndshëm të qëndrosh në fresk”, thotë Stefon James Dewitt Livengood , banor i lagjes “Zona” .

Ekspertët thonë se komunitetet urbane janë ato që vuajnë pasojat më të rënda të të nxehtit, si rezultat i planifikimit të qytetit.

“Këto valë të të nxehtit janë më të rrezikshme për komunitetet me ngjyrë dhe ato me të ardhura të ulëta, sepse në këto zona ku njerëzit strehohen në tenda, ka më pak pemë, por më shumë vende parkimi dhe rrugë, të cilat, faktikisht thithin edhe më shumë rrezet e diellit. Kjo rrit temperaturën e ajrit në këto lagje”, thotë Jeremy Hoffman nga Organizata Groundwork USA.

Ky i nxehtë i vazhdueshëm, paraqet rrezik edhe për pjesën më të shëndetshme të popullatës, nëse nuk u kushtohet rëndësi shenjave paralajmëruese që përcjell trupi.

“Nëse je në diell, duhet të djersitësh. Nëse papritur, ndiheni i nxehtë, por nuk po djerstini, kjo do të thotë se po ju bie sistemi imunitar. Nuk keni lëngje të mjaftueshme dhe rrezikoni seriozisht të prekeni nga ajo që ne e quajmë goditje e të nxehtit, nga e cila mund t’u rrezikohet jeta”, thotë

Steve Groshong nga Shërbimi i urgjencës, qarku Bukanan.

Feniksi nuk është qyteti i vetëm që po përjeton të nxehtin përvëlues këtë vit.

Sipas Shërbimit Meteorologjik Kombëtar, deri në fund të javës së shkuar, 60 për qind e njerëzve që jetojnë në Shtetet e Bashkuara, kanë marrë paralajmërime për rrezikun nga temperaturat e larta ose nga përmbytjet.

Ndërkohë, në Indi, shërbimi meteorologjik paralajmëroi për reshje të dendura, ose shumë të dendura shiu. Më shumë se 100 persona kanë humbur jetën si pasojë e shirave ndërsa janë pëmbytur 1600 hektarë tokë.

Sipas shkencëtarëve, sezoni i shirave të dendura gjatë verës, në vendet e nxehta aziatike, e shoqëruar me rrëshqitje të dherave dhe përmbytje, po bëhen më të shpeshta si pasojë e ndryshimeve klimatike.

Ajo që përjeton India, është krejt ndyshe nga çfarë po ndodh në kryeqytetin e Afganistanit. Vala globale e të nxehtit dhe thatësira e madhe i kanë detyruar banorët e Kabulit të paguajnë çmime të larta dhe të udhëtojnë në distanca të largëta për të siguruar ujë. Një banor i tha agjencisë Associated Press se gjysmën e pagës e shpenzon për qira dhe pjesën tjetër për ujë.

Shkencëtarët mbi klimën thonë se muaji korrik ka qenë muaji më i nxehtë, se kurrë më parë.

Kjo do të thotë, se të gjithë ne, kemi përjetuar javët më të nxehta që janë regjistruar ndonjëherë./VOA

The post VOA: Në korrik Toka u përball me të nxehtin ekstrem appeared first on Albeu.com.

Shkencëtarët janë të alarmuar për rritjen e menjëhershme të temperaturave, dhe për ata që na pret në vitet në vijim.

Nxehtësia në korrik ka qenë aq ekstreme sa që është “praktikisht e sigurt” se ky muaj do të thyejë rekorde “me një diferencë të konsiderueshme”, thanë nga Shërbimi i Ndryshimeve Klimatike i Bashkimit Evropian Copernicus dhe Organizata Botërore Meteorologjike në një raport të botuar të enjten.

“Ne sapo kemi jetuar periudhën më të nxehtë tre-javore të regjistruar – dhe pothuajse me siguri në më shumë se njëqind mijë vjet.

Zakonisht këto rekorde, të cilat gjurmojnë temperaturën mesatare të ajrit në të gjithë botën, thyhen me të qindtat e një shkalle. Por temperatura për 23 ditët e para të korrikut ishte mesatarisht 16.95 gradë Celsius (62.51 Fahrenheit), shumë mbi rekordin e mëparshëm prej 16.63 gradë Celsius (61.93 Fahrenheit) të vendosur në korrik 2019”, thuhet në raport.

Të dhënat e përdorura për të gjurmuar këto rekorde datojnë në vitin 1940, por shumë shkencëtarë thonë se është pothuajse e sigurt se këto temperatura janë më të ngrohtat që planeti ka parë në 120,000 vjet, duke pasur parasysh atë që dimë nga të dhënat mijëvjeçare të klimës të nxjerra nga unaza pemësh, shkëmbinj nënujorë koralorë dhe bërthama të sedimentit të thellë të detit.

“Këto janë temperaturat më të nxehta në historinë e njerëzimit,” tha Samantha Burgess, zëvendës drejtore në Copernicus.

E gjithë kjo i shtohet një vere plot flluska të hemisferës veriore – potencialisht një verë e paprecedentë. “Shanset janë sigurisht në favor të një vere me rekord,” tha Carlo Buontempo, drejtori i Copernicus, megjithëse ai paralajmëroi se është shumë herët për ta thënë këtë me besim.

Në Mesdhe, më shumë se 40 njerëz kanë humbur jetën pasi zjarret janë ndezur në të gjithë rajonin, të nxitura nga temperaturat e larta. Në Azi, valët e zgjatura dhe intensive të të nxehtit po marrin jetë dhe po kërcënojnë sigurinë ushqimore.

Ndryshimet klimatike të shkaktuara nga njerëzit janë shtytësi kryesor i kësaj vape të jashtëzakonshme, tha Burgess. “Temperatura globale e ajrit është drejtpërdrejt proporcionale me përqendrimin e gazeve serrë në atmosferë”, u shpreh ajo.

Një studim i fundit zbuloi se ndryshimi i klimës luajti një rol “absolutisht dërrmues” në valët e të nxehtit në SHBA, Kinë dhe Evropën Jugore këtë verë.

Ardhja e El Niño, një luhatje natyrore klimatike me një ndikim të ngrohjes, nuk ka pasur një ndikim të madh në temperaturat pasi është ende në fazën e zhvillimit, tha Burgess, por do të luajë një rol shumë më tepër vitin e ardhshëm, shtoi ajo, dhe ka të ngjarë të rrisë temperaturat edhe më të larta.

Lajmi se korriku do të jetë muaji më i nxehtë vjen mes një morie rekordesh alarmante që tashmë janë thyer dhe më pas janë thyer sërish  këtë verë.

Muaji i kaluar ishte qershori më i nxehtë i regjistruar me një “diferencë të konsiderueshme”, sipas Copernicus.

Më pas, në korrik, bota përjetoi ditën e saj më të nxehtë të regjistruar. Më 6 korrik, temperatura mesatare globale u rrit në 17.08 gradë Celsius (62.74 Fahrenheit), sipas të dhënave të Copernicus, duke mposhtur rekordin e mëparshëm të temperaturës prej 16.8 gradë Celsius (62.24 Fahrenheit) të vendosur në gusht 2016.

Çdo ditë që nga 3 korriku ka qenë më e nxehtë se rekordi i vitit 2016.

“Jemi shtatë muaj në 2023 dhe pothuajse çdo muaj i këtij viti ka qenë në top pesëshen më të nxehtit të regjistruar”, tha Burgess, duke shtuar se nëse tendencat vazhdojnë në vjeshtë dhe dimër, 2023 ka të ngjarë të jetë ndër vitet më të ngrohta të regjistruara ndonjëherë.

Nxehtësia e oqeanit është gjithashtu në nivele rekord. Në mesin e majit, temperaturat globale të sipërfaqes së oqeanit arritën “nivele të paprecedentë” për kohën e vitit.

“Ajo që po shohim tani, nuk e kemi parë më parë,” tha Burgess.

Kim Cobb, një shkencëtare klimatike në Universitetin Broën, e cila nuk ishte e përfshirë në raport, e quajti rekordin e ri të temperaturës së korrikut “duke rënë në sy”, por paralajmëroi se do të thyhet përsëri.

“Është e frikshme të kujtosh se në një dekadë tjetër, ky do të shihet si një vit relativisht i freskët, ka shumë të ngjarë,” tha ajo, duke shtuar, “nëse njerëzve nuk u pëlqen ajo që po shohin këtë verë, ata do të jenë në mjaft tronditje në nivelet më të larta të ngrohjes drejt të cilave po shkojmë.”

Petteri Taalas, sekretari i përgjithshëm i ËMO, tha se moti ekstrem i korrikut zbulon “realitetin e ashpër të ndryshimit të klimës”.

“Nevoja për të reduktuar emetimet e gazrave serrë është më urgjente se kurrë më parë”, tha ai në një deklaratë. “Veprimet klimatike nuk janë një luks, por një domosdoshmëri.”

The post Korriku i 2023 ishte më i nxehti i 120 mijë viteve të fundit! Shkencëtarët të alarmuar: Pas një dekade do të konsiderohet si më i freskëti appeared first on Albeu.com.

Pa diskutim që do të kishim dëshirë që çdo ditë të ishte e jona, gjithsesi edhe për këtë muaj vetëm një datë kemi dhe ajo është…

Dashi – 23 korrik

Më 23 korrik mund të ndodhin gjëra që nuk i prisnit fare, prandaj shënojeni në kalendar dhe jetojeni maksimalisht.

Demi- 18 korrik

Dita ideale për të marrë vendime dhe për të bërë ëndrrat realitet. Përdorni kreativitetin tuaj si guidë dhe mos harroni të hidhni hapa të sigurt.

Binjakët- 29 korrik

Kjo ditë do t’ju kujtojë sesa e rëndësishme është të përkushtoheni maksimalisht pas qëllimeve tuaja dhe t’i thoni PO mundësive që ju jepen. Ndërmerrni risqe.

Gaforrja- 19 korrik

Më 19 korrik mund të marrësh ndihmë nga dikush për të arritur shumë larg. Krijo objektiva të reja, përgatitu dhe planifiko.

Luani-24 korrik

Do të bëni premtime dhe do të mendoni në afatgjatë për lidhjen me njeriun që keni pranë zemrës.

Virgjëresha- 3 korrik

Do të ndiheni e rilindur, sidomos në aspektin e dashurisë dhe kreativitetit.

Peshorja- 24 korrik

Nëse po mendoni të bëni serioze marrëdhënien tuaj, mos kini frikë të merrni hapin të parët. Është koha e duhur për të bërë ca premtime.

Akrepi-15 korrik

Dita më e mirë për t’u përballur me gjëra që ju kanë penguar rrugën tuaj gjatë gjithë kësaj kohe.

Shigjetari- 29 korrik

Eksploroni sensualitetin tuaj dhe lidhuni më shumë me gjëra që ju japin kënaqësi.

Bricjapi- 19 korrik

Dëgjojeni zemrën më shumë se çdo tjetër atë ditë. Kapni shanset dhe shijojeni ditën maksimalisht.

Ujori- 21 korrik

Sigurohuni të reflektoni në lidhje me mësimet që keni marrë për të arritur aty ku jeni sot.

Peshqit- 3 korrik

Mos kini frikë të lëvizni gjatë kësaj dite pasi mund të përballeni me një mundësi të artë.

The post Këto janë ditët me fat për secilën shenjë për muajin korrik appeared first on Albeu.com.

Ai tha se Korriku është një muaj që sjell debate dhe ndryshime madhore. Duhet pasur vëmendje e madhe në lidhje me pasuritë. Shenjat më me fat për këtë muaj janë Shigjetari, Ujori dhe Gaforrja.

Dashi

Të ketë kujdes me çështjet jo të brendshme. Nga data 7-18 duhet të jenë të vëmendshëm për një arsye, gjërat që kanë ndodhur në mars të vitit 2022 dalin tani. Është një moment I vështirë. Kujdes bisedat sekrete. Moment pozitiv me çështjet financiare por të kenë kujdes me shpenzimet.

Demi

Kokëfortësia dhe drejtësia e Demit do të ketë mundësi që çdo gjë të shkojë në vendin e vet. U është bërë padrejtësi në pasuri të paluajtshme. Ky muaj ka të bëjë me skandalet e pasurive të paluajtshme. Në lidhje me dashurinë, demët janë pak fajtorë sepse e kanë lënë pas dore .

Binjakët

Saktësia, rëndësia, mundësitë janë të parat për këtë shenjë. Do kenë ndryshim pune të frytshme dhe pozitive.

Mund të kenë një njohjes pas datës 15.

Gaforrja

Kanë rritje ekonomike. Do bëjnë lëvizje të papritura. Do të mbyllin disa gjëra me rëndësi. Në dashuri vendosin vet.

Luani

Mund të themi se do të mbizotëroj në shumë aspekte. Do të shesin një pasuri të tyre. Fuqia e mendjes është shumë e madhe. Duhet të kenë pak kujdes në dashuri.

Virgjëresha

Stabilizon çështjet ekonomike financiare. Duhet të kenë kujdes me kreditë. Në çështjet që kanë të bëjnë me disa biseda që kanë pasur dikur do i mbylli. Nëse do kenë lidhje me peshqit do shkojnë deri në martesë.

Peshorja

Në këtë periudhë duhet të bëjë kujdes me punët e tyre dhe me çështjet ligjore që nuk janë zgjidhur akoma. Njohjet kthehen në lidhje serioze e martesë. Është një lidhje që do zgjasë.

Akrepi

Do të merren me punën e tyre, do të shesin një biznes. Akrepët flasin me sy e jo me fjalë. Ata kuptojnë se çfarë ti do të thuash. Ndryshimet që do të bëjnë tani është një mundësi shumë e madhe për ta. Do të kenë stabilizim në dashuri.

Shigjetari

Është një moment shumë i mirë për ekonominë. Kanë të bëjnë me dashuri. Është muaji i mbarë për shigjetarin. Kanë xhentilesën. Në dashuri shkojnë me dem, luanët, dhe gaforret.

Bricjapi

Do mbyllin probleme të vjetra. Do të zgjidhin një ngërç. Do i kërkojnë të falur ata që i kanë rënë në qafë. Do prishin para. Do kenë njohje serioze.

Ujori

Lidhet shumë me punën aktuale që ka në dorë. Mos të merren me thashetheme. Stabilizimi I punës është perfekt. Do fitojnë një gjyq. Ujorët janë shumë zemërgjerë. Ka ndikime fantastike në ekonomi. Do zgjidhin problemet që kanë pasur në lidhje.

Peshqit

Do të nisin një diçka shumë të madhe. Të kenë kujdes në kredi. Në lidhje peshq dhe virgjëreshë janë çifti perfekt.

The post “Rritje ekonomike për njërin prej jush”, Horoskopi korrik 2023: Shenjat më me fat appeared first on Albeu.com.

Kujdes me gjuhën tuaj përpara se të flisni, pasi pikëpamjet tuaja mund të dëmtojnë ndjenjat e dikujt. Nëse do të kishit investuar para në ndonjë tokë jashtë shtetit, mund të shitet me një çmim të mirë. Personaliteti juaj simpatik do t’ju ndihmojë të bëni pak miq të rinj. Do të arrinit sukses nëse qëndroni të fokusuar në punën tuaj. Do të pëlqeni ta kaloni kohën e lirë në vetmi larg të gjithëve. Do t’ju jepte një qetësi shpirtërore. Bashkëshorti do t’ju vlerësojë për shumë gjëra.

Demi

Do të largonit të gjithë stresin tuaj, të cilin e keni përjetuar prej kohësh. Është koha e duhur për të ndryshuar stilin e jetës tuaj për t’i mbajtur ato përgjithmonë larg. Problemet financiare duket se do të kalojnë pasi prindërit tuaj do t’ju japin mbështetje. Një ditë e mirë për çështjet shtëpiake dhe përfundimin e punëve shtëpiake në pritje. Ata në fushën krijuese do të marrin mirënjohjen e tyre të shumëpritur. Gjërat duket se do të shkojnë në favorin tuaj dhe do të jeni në krye të botës.

Binjakët

Siç duhet për shëndetin tuaj. Ju duhet të mbani një kontroll mbi shpenzimet tuaja, përndryshe, mund të përballeni me probleme në ditët në vijim. Përpjekjet e bëra për perspektivat e punës do të japin rezultate pozitive. Duhet të ruani qetësinë dhe të shpreheni gjatë intervistës. Mos e humbni kohën duke parë televizor ose duke përdorur celularin. Dita duket e mrekullueshme për sa i përket jetës tuaj bashkëshortore.

Gaforrja

Orari juaj i lehtë i punës ju sjell kohë të mjaftueshme për t’u çlodhur. Njerëzit që kishin investuar paratë e tyre diku, ka të ngjarë të pësojnë disa humbje. Vizita në një vend fetar ose një të afërm është e mundir. Profesionistët e kësaj shenje të zodiakut mund të përballen me disa probleme në vendin e punës. Do bëni gabime pa e ditur. Dita pritet të jetë normale për biznesmenë dhe tregtarë. Mund të kaloni kohë duke lexuar një libër apo roman interesant.

Luani

Lëreni arsyen tuaj të mbizotërojë ndërsa merrni një vendim emocional. Do të ndiheni të kënaqur për vullnetin tuaj të fortë kur do të përballeni me një situatë shumë të ndërlikuar. Nëse dëshironi të grumbulloni pasuri, atëherë merrni këshillat e anëtarëve të familjes suaj të moshuar. Ndërveprimi me njerëz të shquar do t’ju sjellë ide dhe plane të mira. Shtyrja e çdo pune do t’ju shtojë barrën e punëve. Një person i panjohur mund të shkaktojë një grindje mes jush dhe partnerit tuaj. Stili juaj ekstravagant i jetesës do të shkaktojë tension në shtëpi, prandaj, shmangni shpenzimet e tepërta. Është në rregull ta përfundoni detyrën tuaj në kohë.

Virgjëresha

Gratë shtatzëna duhet të kenë kujdes të veçantë kur ecin në dysheme. Qëndrimi tepër energjik dhe entuziast do të sjellë rezultate të përshtatshme dhe do të qetësojë tensionet në shtëpinë tuaj. Hapat e guximshëm dhe vendimet e guximshme do të sjellin shpërblime të papritura për ju. Mund të kaloni kohë cilësore me një nga miqtë tuaj. Megjithatë, duhet të shmangni konsumimin e alkoolit me shokun tuan intim. Ju keni një shans të drejtë për t’u shëruar nga sëmundja fizike. Do të keni mjaft kohë për të kaluar me bashkëshortin/en. Ju këshillohet të investoni në aksione dhe fonde të përbashkëta për përfitimet tuaja afatgjata.

Peshorja

Një nga vëllezërit dhe motrat tuaja mund të marrë hua para nga ju. Edhe pse do të plotësoni nevojat e tyre financiare, kjo mund të përkeqësojë edhe vështirësitë tuaja. Nënat e ardhshme duhet të shmangin qëndrimin pranë dikujt ndërsa ai/ajo është duke pirë duhan pasi mund të ndikojë keq tek foshnja e palindur. I dashuri juaj do të bëjë shumë gjëra për t’ju mbajtur të lumtur. Do të keni probleme në bindjen e partnerëve për t’iu përmbajtur planeve tuaja. Vendoseni inteligjencën tuaj të paprekur dhe përpiquni të zgjidhni në mënyrë diplomatike problemet tuaja. Ju keni një shans të mirë për të fituar para të mira. Megjithatë, kini kujdes që të mos ju rrëshqasë nëpër gishta ky shans.

Akrepi

Mos e humbni durimin por punoni më shumë për të marrë ndonjë rezultat të dëshiruar pasi ka shumë gjasa të përballeni me disa pengesa. Kthejini këto pengesa në gurët tuaj të shkallës. Rregulloni shpenzimet tuaja dhe përpiquni të mos jeni shumë bujarë në shpenzimin e parave. Disa nga të afërmit tuaj do t’ju ndihmojnë në kohën e krizës. Fëmijët tuaj do t’ju paraqesin një situatë të vështirë në shtëpi, e cila është shpërthyer jashtë proporcionit. Nëse doni të bëni më mirë në vendin e punës, atëherë përpiquni të futni teknologji të reja në punën tuaj. Punët bamirëse të ndërmarra nga ju do të sjellin paqe mendore dhe mirëqenie në planin afatgjatë.

Shigjetari

Mund të udhëtoni diku me bashkëshortin. Aftësia juaj për t’u bërë përshtypje të tjerëve do të jetë shpërblyese. Partneri juaj do të jetë sistemi juaj mbështetës në kohët tuaja të vështira. Ndihma e të tjerëve do t’ju sjellë respekt të jashtëzakonshëm në mjedisin tuaj. Një mik i vjetër mund t’ju ndihmojë të kujtoni disa kujtime të bukura të jetës tuaj bashkëshortore.

Bricjapi

Duhet të jeni tepër të kujdesshëm për shëndetin tuaj. Një nga miqtë tuaj mund t’ju kërkojë t’i huazoni një shumë të madhe parash. Përpjekjet tuaja në vendin e punës mund t’ju sjellin njohje. Mund të dilni në një udhëtim të shkurtër me partnerin tuaj për të ringjallur ditët e mira të vjetra. Jeta juaj bashkëshortore do të jetë në ekstazë.

Ujori

Mund të lëndoni një mik me pikëpamjet tuaja të sinqerta dhe të patrembur. Gjatë udhëtimit, duhet të jeni të kujdesshëm për gjërat tuaja me vlerë. Përndryshe, ata mund të grabiten. Kalimi prej ca kohësh me anëtarët e familjes mund t’ju ndihmojë të harroni problemet tuaja. Muzika dhe dashuria mund të ju relaksojnë. Bashkëpunëtorët tuaj mund të mos pajtohen me të gjitha metodat tuaja për t’u marrë me çështje të ndjeshme. Në kohën e lirë, ju mund të zgjidhni të shoqëroheni me dikë. Jeta juaj bashkëshortore mund të përballet me periudha të vështira.

Peshqit

Mund të keni një qasje optimiste për trajtimin e çështjeve. Ju duhet të kontrolloni veten nga shpenzimet e tepërta për argëtim dhe kozmetikë. Fëmijët tuaj mund t’ju sjellin lumturi dhe kënaqësi. Romanca dhe shoqërimi mund t’ju largojnë nga detyrimet tuaja profesionale. Nga ju mund të pritet që të merreni me durim me njerëzit dhe situata të ndryshme. Jeta juaj bashkëshortore do të jetë e mrekullueshme./albeu.com

The post Horoskopi 21 korrik 2022: Çfarë kanë parashikuar yjet për secilën shenjë appeared first on Albeu.com.

Kompanitë përpunuese janë në vështirësi për gjetjen e qumështit në vend, pasi prodhimi është me rënie. Mungesa e qumështit është krijuar nga shtrenjtimi i lëndëve ushqyese për kafshët.

Taulant Pupa administrator i kompanisë “Vita” u shpreh për “Monitor” se nga data 1-15 korrik do të rritet përsëri çmimi i qumështit që blihet nga fermerët. Arsyeja e rritjes së çmimit të qumështit nga korriku do të jetë nga shtimi i kostos të përpunimit të ushqimit të kafshëve e ndikuar nga shtrenjtimi i naftës.

“Me nisjen e sezonit të ri të korrave të grurit do të rritet kostoja e përpunimit të ushqimit të kafshëve. Çmimet për lidhjen e topit të kashtës nga 50 lekë do të arrijnë në 80 lekë, për shkak të shtrenjtimit të çmimit të naftës. Kjo do të ndikojë për rritje tjetër të çmimit të qumështit nga fermeri. Edhe ne jemi të detyruar të rrisim çmimin e produkteve në përqindje të rritjes së qumështit. Nga janari i këtij viti po punojmë me marzhe shumë të ulëta fitimi për shkak të rritjes së kostove të prodhimit,” thotë ai.

Më 25 prill fabrika e qumështit “Vita” rriti çmimet nga 9 deri 11 % të kosit, djathit të deles dhe të lopës. Edhe në atë rast, rritja erdhi për shkak të shtrenjtimit të qumështit të fermerit.

Tendenca rritëse e qumështit të blerë nga fermeri këtë vit ka qenë e lartë në raport me 2021. Vjet qumështi i lopës është blerë nga fabrikat 58-59 Lekë/litër me TVSH, kurse tani po blihet maksimalisht 76-77 Lekë/litër me TVSH. Qumështi i deles nga 90 lekë me TVSH, kurse tani po blihet 140 Lekë/litër me TVSH. Kurse çmimi maksimal i qumështit të dhisë ishte 60 lekë me TVSH, kurse tani po blihet 90 lekë me TVSH.

Nga 1 qershori në treg u aplikua edhe një tjetër rritje e çmimeve të bulmetit. Disa operatorë rritën çmimit 6% deri 7%. Ketë vit secili operator ka rritur çmimet e produkteve të bulmetit dy herë, në periudhat mars-prill-qershor.

Sakaq mungesa e prodhimit ka pamundësuar edhe magazinimin e qumështit, ku për në muajt e pranverës prodhohej djathi i bardhë dhe kaçkavall.

“Jemi në vështirësi për gjetjen e qumështit. Në këto kushte e kemi të pamundur të magazinojmë qumësht, sepse nuk ka. Mungesa e prodhimit nisi që në stinën e pranverës. Tani në verë i kemi magazinat bosh. Nga Serbia, Kosova dhe Italia nuk ka më tepricë qumështi. Jemi në kushtet që prodhojmë dhe shesim, nuk magazinojmë dot. Qumësht lope nuk ka më, po zhduket edhe ai deles. Nëse do të rritet përsëri çmimi i qumështit jemi të detyruar të rrisim sërish çmimet, por rrezikojmë konsumin. Në të kundërt do ulim prodhimin”, pohoi për Monitor një tjetër përpunues i qumështit.

Nga 1 korriku me paketën e re fiskale të 2022 do të zbatohet edhe akcizën e re për gazin. Do të shtohen 6 lekë/litër taksë që do të përballohet nga industria./monitor

The post Kompanitë përpunuese të qumështit paralajmërojnë përsëri shtrenjtim të çmimeve në korrik appeared first on Albeu.com.