Pjesa e dytë e autostradës Shkup-Bllacë pritet të hyjë në fazën e ndërtimit në fund të këtij muaji, bëri të ditur kryeministri Hristijan Mickoski.

Sipas tij, punimet janë parashikuar të nisin më 26 gusht, pasi tashmë janë plotësuar të gjitha kushtet e nevojshme për realizimin e projektit.

Mickoski deklaroi se ndërtimi do të fillojë zyrtarisht gjatë këtij muaji dhe se kanë përfunduar të gjitha formalitetet e procedurat që kanë të bëjnë me pjesën shqiptare të Bllacës-Shkupit. Ai tha se, me sa kujton, nisja është caktuar për 26 gusht, por kërkoi që të mos merret prerazi për këtë datë. Kryeministri shtoi se projekti dhjetëvjeçar, i paralajmëruar prej kohësh, më në fund ka një kontraktor, i cili është kompani vendase, si dhe mbikëqyrje, ndaj vlerësoi se çdo kusht për fillimin e ndërtimit të autostradës është përmbushur.

Ndërkohë, në mbarë Maqedoninë aktualisht po zhvillohen punime në 1200 lokacione, theksoi Mickoski. Ai njoftoi gjithashtu se ndërtimi i segmentit Bukojçan-Kërçovë pritet të nisë në shtator, kurse për autostradën Kërçovë-Ohër paralajmëroi intensifikim të punimeve dhe përfundimin e saj në mënyrë graduale.

The post Mickoski paralajmëron nisjen e punimeve në autostradën Shkup-Bllacë më 26 gusht appeared first on Albeu.com.

Punimet për ndërtimin e autostradës Ohër–Kërçovë po përparojnë në përputhje me ritmin e planifikuar, njoftoi në Facebook zëvendëskryeministri dhe ministri i Transportit, Aleksandar Nikolloski.

Së bashku me njoftimin, ai publikoi fotografi nga takimi i punës me drejtorin e Ndërmarrjes Publike për Rrugët Shtetërore, Koce Trajanovski. Nikolloski theksoi se aktivitetet në terren po kryhen me intensitet të lartë, ndërsa po adresohen edhe çështje të ndërlikuara inxhinierike.

“Koordinim i fuqishëm dhe dinamikë e lartë në terren. Autostrada po ndërtohet sipas dinamikës së paraparë dhe të gjitha detyrat komplekse po realizohen përmes koordinimit të vazhdueshëm ndërmjet Ministrisë së Transportit, Ndërmarrjes Publike për Rrugët Shtetërore dhe kompanive realizuese. Po e ndërtojmë Maqedoninë”, shkroi Nikolloski.

The post Nikolloski: Në autostradën Ohër–Kërçovë po marrin zgjidhje sfidat e ndërlikuara inxhinierike appeared first on Albeu.com.

Faza e tretë e financimit për ndërtimin e segmentit hekurudhor Kriva Pallankë–Deve Bair, në kuadër të Korridorit 8, ka nisur me nënshkrimin e marrëveshjeve përkatëse. Dokumentet përfshijnë grantin investues të siguruar nëpërmjet Kornizës së Investimeve për Ballkanin Perëndimor (WBIF) të Bashkimit Evropian, si dhe financimin nga Banka Evropiane e Investimeve (BEI) dhe Banka Evropiane për Rindërtim dhe Zhvillim (BERZH).

Nga Korniza e Investimeve për Ballkanin Perëndimor e BE-së janë ndarë 149 milionë euro në formë granti për realizimin e pjesës së tretë të Korridorit hekurudhor 8.

Ceremonia e nënshkrimit u mbajt në Qeveri, në praninë e kryeministrit Hristijan Mickoski, zëvendëskryeministrit dhe ministrit të Transportit Aleksandar Nikolloski, ministres së Financave Gordana Dimitrieska-Koçoska, zëvendësshefit të Delegacionit të BE-së Ben Nupnau, drejtorit të BERZH-it për Maqedoninë e Veriut Fatih Turkmenogllu, drejtorit të BEI-së në Maqedoninë e Veriut Bjorn Gabriel dhe drejtorit të Hekurudhave – Infrastrukturë, Sinisha Ivanovski.

Punimet në terren pritet të nisin gjatë këtij viti. Përzgjedhja e kompanisë që do ta zbatojë projektin është planifikuar për në vjeshtë, ndërsa menjëherë pas kësaj parashikohet hapja e kantierit. Procedura e tenderimit për mbikëqyrjen tashmë është aktive dhe do të zhvillohet në dy etapa, përkatësisht parakualifikim dhe kualifikim, kurse tenderi për ndërtimin do të realizohet në një fazë.

Sipas ministrit Aleksandar Nikolloski, marrëveshjet e nënshkruara sot janë pjesë e vazhdimit të vizionit qeveritar që Maqedonia e Veriut ta përdorë pozicionin e saj strategjik si nyje lidhëse mes Korridorit 8 dhe Korridorit 10.

Nikolloski deklaroi se ndërtimi i Korridorit 8 renditet ndër prioritetet kryesore të Qeverisë. Ai e cilësoi këtë si një ditë me rëndësi të veçantë, duke theksuar se, pas pothuajse dy vitesh punë, është arritur te një projekt konkret dhe i realizueshëm. Ministri shtoi se me Bullgarinë është arritur marrëveshje për ndërtimin e tunelit hekurudhor ndërkufitar, i cili do t’i lidhë dy shtetet.

Ai bëri të ditur se takimi i dytë ndërqeveritar pritet të zhvillohet në Shkup në fund të muajit. Në atë takim, të dyja vendet do t’u drejtojnë një letër të përbashkët BE-së, BEI-së dhe BERZH-it, me kërkesën për sigurimin e grantit të nevojshëm për ndërtimin e tunelit.

Sipas Nikolloskit, ky rast dëshmon mënyrën se si mund të çohen përpara projektet, të tejkalohen problemet e trashëguara nga e kaluara dhe proceset të orientohen në drejtimin e duhur.

Ministrja e Financave, Gordana Dimitrieska-Koçoska, vlerësoi se dokumentacioni i firmosur sot krijon bazën që një prej projekteve infrastrukturore më të rëndësishme në vend të vazhdojë pa pengesa.

Ajo sqaroi se janë nënshkruar amendamente të marrëveshjeve të financimit dhe një amendament i marrëveshjes së grantit për projektin “Ndërtimi i segmentit të ri hekurudhor Kriva Pallankë – kufiri me Republikën e Bullgarisë, si pjesë e Korridorit VIII”. Dimitrieska-Koçoska theksoi se, në këtë mënyrë, kompletohet struktura financiare që do ta bëjë të mundur realizimin e plotë të projektit.

Ministrja tha se linja e re do të forcojë lidhjen ndërmjet Detit Adriatik dhe Detit të Zi, do të ndihmojë integrimin ekonomik dhe do ta lehtësojë qarkullimin e njerëzve dhe të mallrave. Sipas saj, projekti gjithashtu do të hapë mundësi të reja për zhvillimin ekonomik të Maqedonisë së Veriut dhe të rajonit.

Dimitrieska-Koçoska nënvizoi se zbatimi i projekteve strategjike kërkon jo vetëm vullnet politik, por edhe një strukturë financiare të qëndrueshme.

Ajo informoi se me rishikimin e Buxhetit për vitin 2026 janë ndarë edhe 5.8 miliardë denarë për shpenzime kapitale. Kjo shumë përfaqëson një rritje prej 14.3% kundrejt mjeteve të planifikuara fillimisht.

Sipas ministres, këto fonde përbëjnë investime për rritjen e konkurrueshmërisë së ekonomisë maqedonase, për forcimin e lidhjeve rajonale, për krijimin e mundësive të reja për bizneset dhe për përmirësimin e standardit të jetesës së qytetarëve.

The post Grant prej 149 milionë eurosh për hekurudhën Kriva Pallankë–Deve Bair, hapet faza e tretë e projektit appeared first on Albeu.com.

Ndërtimi i autostradës Trebenishtë–Qafë Thanë mbetet në plan, ndërsa përcaktimi i rrugës së saktë ku do të shtrihet projekti pritet të bëhet në vijim.

Ministria e Transportit deklaron se po shqyrtohen alternativa për shmangien e Strugës, pas vërejtjeve të UNESCO-s lidhur me lokalitetin arkeologjik. Megjithatë, sipas autoriteteve, këto diskutime nuk e vënë në dyshim ndërtimin e autostradës.

“Traseja e lidhjes me autostradën do të zgjidhet mbi bazën e parametrave më optimalë, ku do të merren parasysh edhe vërejtjet e UNESCO-s, si dhe një bashkërendim i plotë mes institucioneve, me synim zbatimin e rekomandimeve. Gjatë vizitës së fundit në Maqedoni të përfaqësuesve të lartë të UNESCO-s, u trajtua ky projekt, por edhe lidhja e ardhshme hekurudhore me Shqipërinë“, bëjnë të ditur nga Ministria e Transportit.

Qytetarët e pyetur shprehen se varianti më i përshtatshëm do të ishte ndërtimi i drejtpërdrejtë i autostradës nga Trebenishti në Qafë Thanë. Sipas tyre, në këtë drejtim ka ekzistuar më parë një rrugë e vjetër, çka do ta lehtësonte realizimin e projektit.

“Të flitet për një alternativë apo për një zgjidhje të dytë, për mua është çmenduri. Më e mira do të ishte zgjidhja natyrore, sepse hapësira ekziston, ndërsa institucionet duhet të zgjidhin problemet që lidhen me gërmimet arkeologjike. Le t’u tregojnë qytetarëve të Strugës se cila është alternativa dhe cila është zgjidhja e dytë“, deklaroi një qytetar.

Megjithatë, një pjesë e banorëve shfaqen mosbesues dhe nuk mendojnë se autostrada do të realizohet ndonjëherë.

Një prej varianteve alternative, i paralajmëruar më herët nga ministri i Transportit, parashikon lidhjen me autostradën Kërçovë–Ohër. Në këtë rast, rruga nuk do të kalonte nga Trebenishti drejt Podmoljes, përmes Strugës e deri në Qafë Thanë./Alsat/

The post Ende pa një trase përfundimtare autostrada Trebenishtë–Qafë Thanë appeared first on Albeu.com.

Procesi për përgatitjen e ndërtimit të hekurudhës së shpejtë në Korridorin 10 po ecën me ritëm të kënaqshëm. Zëvendëskryeministri dhe ministri i Transportit dhe Lidhjeve, Aleksandar Nikolloski, njoftoi sot se gjatë gushtit do të organizohen prezantime publike për studimet e përgatitura.

Sipas tij, pas përfundimit të kësaj procedure do të vijohet me hartimin e kontratave për financimin dhe zbatimin e projektit, ndërsa kushtet e financimit do t’i paraqiten Kuvendit.

Nikolloski bëri të ditur se nisja e punimeve mbetet e planifikuar për fundin e këtij viti.

“Përgatitjet për ndërtimin e Korridorit 10 po zhvillohen në mënyrë të shkëlqyer. Studimi mjedisor dhe studimi për ndikimin social janë përfunduar. Në fillim të gushtit do të organizohen prezantime publike – të paktën katër, në Shkup, Veles, Demir Kapi dhe Gjevgjeli – ku banorët lokalë do të mund të njihen me përmbajtjen e dokumenteve. Bëhet fjalë për një dokument cilësor prej rreth 1.600 faqesh që mbulon të gjitha aspektet. Pas prezantimeve, dokumenti i nënshtrohet rishikimit dhe përfshirjes së komenteve të komunitetit lokal. Sipas marrëveshjes që kemi, kjo fazë duhet të përfundojë deri më 31 gusht, pas së cilës hyjmë në konkretizimin dhe përgatitjen e kontratave për financim dhe për realizimin e projektit. Gjithçka po zhvillohet sipas planit”, deklaroi Nikolloski.

Ai theksoi se legjislacioni vendor për financim kërkon që kushtet të prezantohen publikisht në Kuvend. Për këtë arsye, sipas Nikolloskit, ato nuk mund t’i bëhen publike opinionit deri në atë moment.

The post Nikolloski: Punimet për hekurudhën e shpejtë në Korridorin 8 pritet të nisin në fund të vitit appeared first on Albeu.com.

Në korrik do të merret vesh se çfarë do të ndodhë me aksin Trebenishtë – Qafë Thanë, kur në mbledhjen vjetore të UNESCO-s në Korenë e Jugut do të shqyrtohet raporti i plotë për Rajonin e Ohrit.

Ministri i Transportit, Aleksandar Nikolloski, tha për “Alsat” se dilema nuk është më nëse do të ndërtohet autostrada drejt Qafë Thanës dhe Shqipërisë, por se nga cila trase do të kalojë ajo.

Kjo deklaratë erdhi pas takimit të zhvilluar gjatë fundjavës në Ohër, ku ministrat dhe kryetarët e komunave të Strugës e Ohrit mbajtën një takim me dyer të mbyllura me 15 ambasadorë të shteteve anëtare të Komitetit të Përhershëm të UNESCO-s. Përveç vizitës në kampin e “Bechtel & Enka”, kompanitë që po ndërtojnë autostradat, ata kanë parë nga afër edhe trasenë Trebenishtë – Qafë Thanë.

“Përshtypjet e para janë të mira, do të shohim se si do të jetë raporti në korrik. Ajo që do ta përcaktojmë së bashku me UNESCO-n është nëse do të jetë kjo trase apo ndonjë trase tjetër që do ta zgjedhim. Ata gjithmonë preferojnë që të shfrytëzohen trasetë tashmë të zhvilluara, në vend që të hapen të reja, në mënyrë që të mos dëmtohet mjedisi jetësor dhe trashëgimia natyrore. Prandaj, nëse do të vazhdojmë me trasenë e planifikuar nga Qeveria e kaluar apo me trase pjesërisht të zhvilluar, të cilën më pas do ta zhvillojmë më tej, është diçka që do ta vendosim bashkë me ta”, deklaroi Aleksandar Nikolloski.

Sipas Nikolloskit, pas vendimit që pritet në korrik, Qeveria do të jetë në gjendje të nisë punën për projektin. Megjithatë, ai vlerëson se zbatimi nuk duhet të bëhet sipas planit aktual.

“Nëse më pyetni mua, mendoj se ajo që është nënshkruar si marrëveshje nga Qeveria e kaluar nuk i përgjigjet realitetit, sepse Maqedonia nuk ka 200 aeroporte, por vetëm 2. Nuk ka lidhje me Aeroportin e Ohrit dhe nuk ka lidhje të drejtpërdrejtë me qytetin e Strugës. Nëse nesër do të ndërtojmë lidhje apo nyje rrugore, kjo është çështje tjetër, por ato nuk janë të përfshira në projekt dhe as në buxhet. Të lëmë Strugën të palidhur dhe Aeroportin e Ohrit, i cili i shërben të gjithë rajonit, të mos jetë i lidhur, nuk mendoj se është e duhur”, theksoi Aleksandar Nikolloski, ministër i Transportit.

Lidhur me hekurudhën që do të lidhë vendin me Shqipërinë, Nikolloski u shpreh se UNESCO nuk ka më kundërshtime as për këtë çështje. Tani po përgatitet një projekt për modernizimin dhe rehabilitimin e linjës hekurudhore nga Shkupi deri në Kërçovë, ndërsa më pas është parashikuar faza e dytë, që përfshin ndërtimin e hekurudhës nga Kërçova, përmes Ohrit dhe Strugës, deri në kufirin me Shqipërinë.

The post Vendimi për aksin Trebenishtë – Qafë Thanë pritet në korrik në takimin e UNESCO-s në Korenë e Jugut appeared first on Albeu.com.

Në një postim në rrjetet sociale, ai njoftoi se puna po zhvillohet njëkohësisht në hapjen e trasesë dhe në vendosjen e shtyllave për viaduktet.

Nikolloski theksoi se aktualisht janë në ndërtim katër ura dhe një mbikalim, ndërsa njëra prej urave tashmë ka përfunduar tërësisht.

Ai shtoi se projekti po avancon në përputhje me planifikimin, duke nënvizuar se investimet në infrastrukturë vazhdojnë të jenë prioritet i qeverisë.

The post Nikolloski: Punimet në autostradën Gostivar-Bukojçan, pjesë e Korridorit 8, po ecin me intensitet të shtuar appeared first on Albeu.com.

Në aktivitet morën pjesë edhe përfaqësues të Komisionit Evropian, Kompanisë Kombëtare të Infrastrukturës Hekurudhore dhe Agjencisë së Infrastrukturës Rrugore, njofton “BGNES”.

Zv. kryeministri Karaxhov dha informacion të detajuar për projektet hekurudhore në territorin bullgar përgjatë Korridorit 8 dhe theksoi se tuneli ndërkufitar midis Bullgarisë dhe Maqedonisë së Veriut nuk është vetëm një lidhje fizike midis dy vendeve, por edhe një mundësi për lëvizje të papenguar nga Adriatik në Detin e Zi.

“Ne presim përgjigje dhe komente nga Shkupi për marrëveshjen e propozuar për të planifikuar një takim ekspertësh për ta diskutuar këtë”, theksoi Karaxhov.

Ai shprehu gatishmërinë se nëse Maqedonia nuk ka kundërshtime lidhur me dokumentin, atëherë nënshkrimi i tij do të organizohet menjëherë. Sipas tij, Bullgaria mund të fillojë menjëherë ndërtimin e seksionit të munguar prej 2,4 kilometrash nga Gjuesheva deri në kufi, por fillimisht duhet të ndërtohet objekti i tunelit.

The post Bullgaria prezanton planin e Korridorit 8 para ambasadorëve të BE-së dhe NATO-s: Presim përgjigje nga Shkupi appeared first on Albeu.com.

Korridori VIII i është rikthyer linjës së hershme Europë- Lindje të njohur si “Rruga Egnatia” pas një përpjekje për të devijuar hartën e komunikacionit qendror europian pa kaluar nga Shqipëria.

Eksperti i fondeve europiane Adrian Haçkaj bëri të ditur reagimin europian pas konstatimit dhe kërkesës së qeverisë shqiptare pranë autoriteteve europiane.

Ai tha se Shqipëria argumentoi kërkesën e saj pranë institucioneve europiane si përmes të qenurit pozicion strategjik, por edhe si vend anëtar i NATO-s.

Rikthimi i gjurmës qendrore të korridorit VIII me kalim nga Durrësi, edhe pse i pavënë re nga publiku i gjerë, ekonomikisht do të thotë ricaktim fondesh sipas termash qendrorë dhe jo të ndërvarur si zgjatim i sforcuar gjeografik.

The post Segmenti Shkup-Durrës/ Korridori VIII: Qeveria shqiptare shmangu mënjanimin nga harta e transportit europian appeared first on Albeu.com.

Gjatë fjalës së tij Radev tha se do të vijojë bashkëpunimi mes dy vendeve, ndërsa u ndal te linja e interkonieksionit me korridorin nr.8. Ai tha se do të me këtë korridor do të forcohet më shumë bashkëpunimi mes dy vendeve.

“Ne do të vazhdojmë punën dhe se korridori nr.8 do të japë mundësi për shkëmbimet më të mira dhe për komunikim më të mirë. Do të kontribuojë për forcimin e marrëdhënieve. Dëshiroj që të shpreh falënderimeve që Shqipëria arriti që të njihte komunitetin bullgar. Censi që u zhvillua në Shqipëri do të jetë sa më objektiv edhe pas shpalljes së rezultatit të tij. Me rëndësi është hapja e qendrave kulturore në të dyja vendet.”, tha presidenti bullgar.

Ndërkohë, Begaj tha se Shqipëria ka vullnet për të thelluar bashkëpunimin për Integrimin në BE.

“Shqipëria, vullnet dhe interes për të thelluar bashkëpunimin dypalësh dhe atë për Integrimin në BE. Mbështetja e minoriteteve respektive është në interesin tonë të përbashkët. Nevojë për një bashkëpunim më të ngushtë ekonomik dhe rritje të shkëmbimeve tregtare. Janë të gjitha kushtet, kuadri ligjor dhe klima e favorshme e biznesit që ky bashkëpunim të fuqizohet. Sesioni i ardhshëm i Komisionit të Përbashkët Ekonomik do t’i adresojë me kujdes mundësitë për të vënë në lëvizje mekanizmat. Bashkëpunimi në kuadër të mbrojtjes dhe sigurisë, i konsoliduar në kuadër të NATO-s.”, tha Begaj.

The post Begaj konferencë me homologun bullgar, Radev: Korridori 8 do të kontribuojë për forcimin e marrëdhënieve appeared first on Albeu.com.