Ngjarja ndodhi në një klasë rreth orës 8:41 të mëngjesit me orën lokale, kur një nxënës me “nevoja të veçanta”, i regjistruar në vitin e dytë dhe duke ndjekur një klasë të rregullt, sulmoi me thikë stafin e shkollës.

Sipas Departamentit të Zjarrfikësve të Chungbuk, drejtori i shkollës, një zyrtar administrativ dhe një punonjës i objektit pësuan lëndime në gjoks, bark dhe shpinë. Ata u transportuan në spital.

Persona të tjerë, përfshirë edhe autorin, pësuan lëndime të lehta dhe u dërguan në qëndra shëndetësore.

Të gjithë të lënduarit mësohet se janë në gjendje stabile dhe jashtë rrezikut për jetën. Policia ka nisur hetimet për zbardhjen e rrethanave të aksidentit.

The post Kore e Jugut/ Studenti sulmon stafin e shkollës, gjashtë të pl*gosur appeared first on Albeu.com.

Sipas ushtrisë jug-koreane, ky është testimi i pestë që koreano-veriorët zhvillojnë nga muaji janar. Raketat e lëshuara u dedektuan në verilindje dhe lindje të qytetit Vonsan. Sipas ushtrisë së Koresë së Jugut, ato po analizohen në bashkëpunim me ushtrinë amerikane ndërsa ende nuk dihet nëse u lëshuan nga toka apo deti.

“Ushtria jonë ka rritur vëzhgimin dhe vigjilencën dhe po punon ngushtë me partnerët amerikanë, duke monitoruar nga afër sinjalet e aktivitetit të mëtejmë nga Koreja e Veriut”, tha Shtabi i Përgjithshëm i ushtrisë së Koresë së Jugut por pa dhënë shumë detaje.

Testimet janë rritur akoma më shumë në një kohë kur Koreja e Jugut dhe SHBA po përgatiten për të mbajtur zgjedhjet. Ndërkohë lideri koreano-verior, Kim Jong Un është shprehur i gatshëm të sulmojë Korenë e Jugut nëse do të cënohet siguria e Veriut.

Për të demonstruar qëndrimet e tij ai ka rritur dhe testimet e raketave të cilat mund të godasin objektiva të ndryshëm në distancë të largët. Për të ndalur këtë rrezik, SHBA, së bashku me Korenë e Jugut dhe Japoninë kanë rritur bashkëpunimin ushtarak dhe po zhvillojnë stërvitje të ndryshme. Po ashtu tre vendet po punojnë dhe për të forcuar strategjitë e tyre të parandalimit bërthamor.

The post Frikë në gadishullin korean! Raketat e Koresë së Veriut alarmojnë Seulin appeared first on Albeu.com.

Detaje të tmerrshme janë shfaqur së fundi në një dokumentar mbi ‘gulagët’ e liderit koreano-verior Kim Jong-un ku mbahen ata që tentojnë të largohen nga Korea e Veriut, shkruan rrjeti Daily Mail.

Dokumentari ‘Utopia e arratisjes nga Korea e Veriut’ përfshin pamje dhe dëshmi të asaj që njerëzit duhet të bëjnë për t’u arratisur nga Korea e Veriut, prej krizave të urisë dhe sanksioneve ekonomike perëndimore.

Një dezertor që nuk ia doli të arratisej pas arrestimit u torturua për disa muaj dhe u la pa ushqim derisa arriti peshën 35 kg.

Rrjedhimisht ai u detyrua të pranonte se ishte ‘spiun i huaj’ me shpresë se torturat do të mbaronin, por oficerët e sollën në një kamp pune ku çdo ditë duhet të ngjitej në kodër për të prerë dru, thuhet në dokumentar.

Drunjtë e prerë shpesh rrokulliseshin duke zënë të burgosurit që ngjiteshin në kodër, duke i lënë të plagosur ose të vdekur.

Mes historive në film është dhe ajo e Soyeon Lee, një nënë e dëshpëruar për t’u bashkuar me të birin 17-vjeçar, i cili kishte mbetur prapa kur ajo u arratis.

Dokumentari i Madeleine Gavin ndjek gjithashtu rrugëtimin e një familjeje  përmes Kinës, Vietnamit, Laosit e Tailandës, që më në fund gjetën strehim në Korenë e Jugut.

Një nga personazhet qendrore të dokumentarit është Pastori Kim Seongeun i cili ka ndihmuar të arratisurit nga vendi eremit prej më shumë se 20 vjetësh, pasi dëshmoi vetë trupat e të vrarëve nga rojet kufitare në lumin Tumen.

Pastori i vendosur në Seul, thotë se ka ndihmuar më shumë se 1000 persona të largohen nga regjimi totalitar me anë të një organizate të fshehtë të Kishës Caleb.

Ai thotë se shumica e të arratisurve kalojnë direkt kufirin tokësor drejt Koresë së Jugut edhe pse është i minuar, ndërsa të tjerë kalojnë lumin Ialu ose Tumen që funksionojnë si kufiri me Kinën, duke iu shmangur posteve ushtarake ose dhe spiunëve që i drejtojnë të larguarit në gracka.

Pastori Kim thotë në dokumentar se ka bërë këtë rrugë edhe vetë: “Është një rrugëtim ezaurues prandaj jam i shqetësuar për të larguarit, pjesa më e rrezikshme është përshkimi xhunglës në mënyrë ilegale”.

Në kufi dezertuesit takohen me guida që supozohet t’i ndihmojnë drejt lirisë, por disa prej tyre janë të pabesë pasi punojnë për zyrtarët koreano-veriore ose kinezë të joshur nga shpërblimet.

Ai shton se dhe qeveria kineze kur mëson për të ardhur nga Korea e Veriut i ofron guidave shumë të majme për t’ia marrë në dorëzim.

Dokumentari ‘Beyond Uropia’ ndjek të larguarit ilegalë nga Korea e Veriut duke përshkruar kalimet e rrezikshme dezertorëve, pas mbylljes së rrugëve të ligjshme nga Peniani.

Vetë Soyeon Lee është arratisur dhjteë vjet më parë nga qyteza e saj e vogël. Ajo ishte pjesë e ushtrisë por u largua nga familja për kushte më të mira jetese.

Megjithëse u kap nga policia dhe u dërgua në kampin e burgimit, ajo përsëri arriti të arratisej dy vjet më vonë, kësaj here me sukses.

Pas largimit të saj i biri 17 vjeçar Han Jeong-Cheong, u rrah dhe u torturua gjatë marrjeve në pyetje, ndërsa mbetet në duart e autoriteteve.

Në një intervistë me rrjetin Independent Lens, ajo thotë se i biri mbetet në kampin e të burgosurve politikë ku vuan trajtime të rënda nga autoritetet.

“Desha të shpreh zërin e një nëne që kërkon të shpëtojë djalin e saj, që kjo të njihet nga komuniteti ndërkombëtar … dhe që më shumë njerëz të vijnë në anën time, të mësojnë për shkeljet e të drejtave të njeriut në Korenë e Veriut dhe ta kritikojnë atë njëzëri”, thotë nëna e guximshme./DailyMail/

The post Tmerri i burgjeve të vdekjes, shfaqet dokumentari për të arratisurit nga Korea e Veriut (Fotot) appeared first on Albeu.com.

Në një deklaratë të përbashkët të Grupit Konsultues për Çështje Bërthamore SHBA-Kore e Jugut, është rikonfirmuar se çfarëdo sulmi i Phenianit ndaj Koresë së Jugut do të rezultojë me përgjigje të shpejtë dhe vendimtare.

“Shtetet e Bashkuara rikonfirmuan përkushtimin e palëkundshëm për të ofruar mbrojtje shtesë për Republikën e Koresë, përfshirë kapacitetet e plota të SHBA-së”, është thënë në një deklaratë të publikuar prej Shtëpisë së Bardhë.

Presidenti amerikan, Joe Biden, ka bërë paralajmërim të ngjashëm në prill, duke thënë se cilido sulm i Koresës së Veriut do të nënkuptojë fundin e Qeverisë së Phenianit.

Deklaratë të njëjtë ka bërë edhe Sekretari amerikan i Mbrojtjes, Lloyd Austin, duke thënë se regjimi i Kimit do të marrë fund edhe nëse sulmohen aleatët e SHBA-së.

Koreja Veriore e ka shpallur veten fuqi bërthamore një vit më parë, dhe ka thënë vazhdimisht se nuk do të heqë dorë kurrë prej programit bërthamor, të cilin regjimi e sheh si thelbësor për ekzistencë.

Muajin e kaluar, Pheniani e ka nisur me sukses një satelit ushtarak spiunimi në orbitë.

Qysh atëherë, verikoreanët pretendojnë se kanë siguruar pamje prej satelitëve, të bazave të mëdha ushtarake amerikane dhe jugkoreane.

The post Paralajmëron Shtëpia e Bardhë: Sulmi bërthamor i Koresë së Veriut ndaj SHBA-së i jep fund të regjimit të Kimit appeared first on Albeu.com.