Federata e futbollit e Koresë se Jugut i ndaloi klubet e saj të regjistronin lojtarë të huaj si portierë në vitin 1999, kur kishte tetë ekipe, në një përpjekje për të siguruar që portierët vendas të merrnin kohë të mjaftueshme loje.

K-League 1 tani ka 12 ekipe, teksa në vitin 2013 prezantoi edhe K-League 2, nivelin e dytë të garave vendore.

Vendimi për t’i dhënë fund ndalimit për portierët e huaj u mor në një takim të bordit të enjten, tha liga koreno-jugore në një deklaratë të premten.

“Bordi mori në konsideratë faktin se lojtarëve të huaj u ishte e ndaluar të regjistroheshin si portierë, një pozicion i specializuar, duke rezultuar në rritje të tepërta të pagave për lojtarët vendas krahasuar me lojtarët e fushës”.

“Numri i klubeve është rritur ndjeshëm që nga koha kur u fut kufizimi për portierë të huaj, kështu që edhe nëse portierët e huaj do të lejoheshin, portierët vendas do të kishin ende kohë të mjaftueshme loje”.

“Si rezultat, nga viti 2026, K-League do të heqë kushtin që portieri duhet të jetë lojtar vendas nga udhëzimet e garave të K-League, të cilat do të vlejnë si për K-League 1 ashtu edhe për K-League 2”, thuhet në njoftim.

South Korea's K-League to lift 26-year-old ban on foreign goalkeepers https://t.co/XSj6auAimX https://t.co/XSj6auAimX

— Reuters (@Reuters) June 21, 2025

The post Pas 27 vitesh, Koreja e Jugut heqë ndalimin për regjistrimin e portierëve të huaj appeared first on Albeu.com.

Sfida e vlefshme për javën e 17-të të ligës së Koresë së Jugut, mbylli pjesën e parë.

Ishte pikërisht Asani që ka shënuar golin e vetëm deri më tani në këtë sfidë. Sulmuesi i Kombëtares shqiptare, gjeti golin nëpërmjet një penalltie në minutën e 44-të të sfidës.

Kështu, mëngjarashi nga Shkupi shkon në kuotën e 4 golave në kampionat me fanellën e Gwangju.

The post VIDEO / Jasir Asani “tund rrjetën” në Korenë e Jugut appeared first on Albeu.com.

Yoon në një prononcim për media deklaroi se qeveria vendosi të tërheqë personelin ushtarak pas votimit parlamentar me 190 vota pro nga 300 vota në total të anëtarëve të partive pjesëmarrëse në parlament.

Yoon shpalli gjendjen e jashtëzakonshme një natë më parë teksa u zotua të eleminonte forat anit-shtetërore teksa akuzon opzoitën e cila ka në kontroll parlamentin, si një forcë që ushqen simpati për Korenë e Veriut komuniste.

“Unë do të eliminoj forcat antishtetërore sa më shpejt të jetë e mundur dhe do të normalizoj vendin,” tha presidenti ndërsa u kërkoi njerëzve që të besojnë tek ai.

Ndërkohë qindra u mblodhën para Kuvendit, duke valëvitur pankarta dhe duke bërë thirrje për shkarkimin e Yoon, teksa disa protestues u përleshën me trupat përpara votimit të ligjvënësve.

The post Koreja e Jugut tërheq vendimin, rrëzon gjendjen e jashtëzakonshme ushtarake appeared first on Albeu.com.

Në numër mjetet e importuara nga Koreja e Jugut janë rritur me më shumë se 3 herë ku nga rreth 2956 tashmë kanë arritur në 10.6 mijë mjete. Tendenca rritëse e importeve nga Koreja vihet re qartësisht edhe e sy të lirë nga një numër i shtuar i agjencive importuese por edhe reklamave të sponsorizuara në rrjete sociale të tyre.

I vetmi vend që ende kryeson importet duke lënë pas Korenë është Italia nga ku importet kanë një peshë 18.2 për qind, ose 11.1 mijë automjete në janar-korrik.

Në vend të tretë vjen Gjermania me 17.2 % (10.5 mijë mjete) dhe më pas me radhë Zvicra me 9.1%, SHBA me 6.7%, Kina me 5.7% (shiko grafikun: Importet e automjeteve, sipas shteteve, 7 mujori).

Pse Koreja e Jugut po dominon tregun?

Tendenca e importeve nga Koreja e Jugut duket se ka pas në pamje të parë një tendencë globale të stimulimit të mjeteve miqësore me mjedisin.

Politikat qeveritare nxisin përdorimin e mjeteve sa më të reja dhe kryesisht ato elektrike ose hibride. Kjo ka bërë që përdorimi i mjeteve me djegie të eliminohet me ritme të shpejta, duke nxitur shitjen e tyre.

Makina e përdorura nga Koreja vijnë me një çmim dukshëm më ekonomik sesa ato të Europës që skeptikët e cilësojnë se vjen si efekt i standardeve më pak strikte të mjeteve sesa ato në BE kurse një tjetër argument është kostoja më e lirë e krahut të punës.

Pavarësisht dilemave duket se importet nga Koreja e Jugut mbeten tejet aktive dhe çmimet e leverdishme po nxisin shqiptarët të orientohen gjithmonë e më shumë drejt tyre. Mënyrat e blerjes janë dy: ose duke porositur online dhe duke i paguar agjencisë tarifën e inspektimit dhe transportit ose duke blerë direkt nga agjencitë një mjet të siguruar prej tyre.

Sipas mediave koreane, ka një rritje të ndjeshme të eksporteve të makinave të përdorura. “Dërgesat dalëse të makinave të pasagjerëve të përdorura arritën në 4.44 miliardë dollarë në vitin 2023, duke u rritur me 66 për qind nga një vit më parë, sipas të dhënave të përpiluara nga Shoqata e Eksportit të Makinave të Përdorura të Koresë. Për sa i përket njësive të shitura, shifra arriti në 555,549, duke u rritur me 68 për qind gjatë periudhës.

Makinat me benzinë ​​zënë pjesën më të madhe prej 67,5 për qind, të ndjekura nga makinat me naftë me 30,3 për qind dhe modelet hibride me 1,3 për qind. Eksportet e makinave hibride arritën gjithashtu një rekord të ri, me eksportet e tyre që u rritën 82 për qind në krahasim me vitin 2023 në 124.2 milionë dollarë”, shkruan Korea Times.

Të dhënat zyrtare

Mjetet e regjistruara për herë të parë në vend të blera qoftë përmes importuesve apo koncesionarëve shënuan rritje edhe në korrik. Të dhënat e publikuara nga Drejtoria e Përgjithshme e Shërbimit të Transportit Rrugor tregojnë se muaji i shtatë i vitit shënoi edhe rekordin në raport me muajt paraardhës.

“Korrik 2024, rekord shifrash të mjeteve të regjistruara për herë të parë për vitin 2024, prej 10,724 regjistrimesh! 34 për qind më shumë regjistrime krahasuar me Korrik 2023.

Rreth 24% regjistrime krahasuar me Dhjetor 2023, i cili ka qenë muaji më i mirë i 5 viteve të fundit” nënvizohet në publikimin e DPSHTRR. Sipas të dhënave periudha Janar-Korrik 2024 numëron 61,081 regjistrime ndër të cilat 83% e totalit janë autovetura.

Kjo shënon 117% më shumë regjistrime krahasuar me Janar-Korrik 2019 dhe 45% më shumë krahasuar me Janar-Korrik 2023. DPSHTRR vëren se regjistrimet e mjeteve për herë të parë kanë ndikuar në rinovimin e flotës në vend pasi një pjesë e mirë e tyre janë të gjeneratës së fundit.

“Rinovohet flota me 10,610 mjete të gjeneratës së fundit , 0-3 vite: 174% më shumë regjistrime krahasuar me Janar-Korrik 2019 dhe 66% më shumë regjistrime krahasuar me Janar-Korrik 2023.
Si muaji më i mirë i vitit 2024 dhe i periudhës 2019-2024 për regjistrimet për herë të parë të mjeteve, DPSHTRR udhëzon të gjithë drejtuesit e rinj të mjeteve dhe ata ekzistues: Respektoni rregullat e qarkullimit rrugor; Kryeni kontrollet periodike të mjetit; Përpara se të importoni një mjet, kryeni “Verifikimin e Kategorisë Mjedisore”” nënvizon DPSHTRR.

The post Si po ndryshon tregu i automjeteve, trefishohen importet nga Koreja e Jugut në janar-korrik appeared first on Albeu.com.

Balonat dukej se po shkonin drejt pjesës veriore të provincës Gyeonggi, e cila rrethon Seulin, raportoi Yonhap News, duke cituar Shefat e Përbashkët të Shtabit të vendit (JCS). JCS këshilloi publikun që të shmangë prekjen e balonave të rënë dhe t’i raportojë ato në ushtri ose polici.

Në një lëvizje të vogël, Koreja e Veriut ka lëshuar më shumë se 2,000 tullumbace me plehra që nga fundi i majit, në përgjigje të fletëpalosjeve kundër Penianit të dërguara nga dezertorët dhe aktivistët koreano-veriorë në Korenë e Jugut.

Lëvizja e fundit erdhi disa ditë pasi motra e fuqishme e liderit të Koresë së Veriut Kim Jong-un paralajmëroi se Seuli do të përballej me pasoja “të tmerrshme dhe të shtrenjta” nëse do t’i lejonte dezertorët e Koresë së Veriut të vazhdonin të dërgonin fletëpalosje kundër Phenianit në vend.

The post Koreja e Veriut rinis balonat me plehra drejt Koresë së Jugut appeared first on Albeu.com.

Ai në kohë të ndryshme të vitit 1995, duke përdorur armë të ftohta (thika), ka vrarë dhe plagosur shtetas që punonin taksistë.

Nga informacionet dhe verifikimet rezultoi se shtetasi Ervin Shahini përdorte identitetin e një shtetasi tjetër shqiptar, për t’iu shmangur arrestimit.

Emisioni ‘FactCheck’ mëson ekskluzivisht se ai jetonte në një lagje pranë qendrës së Seulit dhe përdorte emër shqiptar dhe dokumente të falsifikuara. Në Seul ai kishte nisur një jetë të re e po ashtu kishte dhe një bashkëshorte nga Koreja.

Gjurmimi i Shahini njohur ndryshe edhe si (Vrasësi i Taksistëve) nisi në 2015 për tu finalizuar me prangosjen e tij në vitin 2024.

Njoftimi i policisë:

Në kuadër të operacionit ‘INFRA ATLAS’ dhe si rezultat i shkëmbimit të inteligjencës policore, ndërmjet Drejtorisë së Interpolit, Interpol Seulit dhe Sekretariatit të Përgjithshëm të Interpolit (Sektori Fugitives Investigative Support (FIS)), u finalizua operacioni policor i koduar ‘Suporti’, gjatë të cilit u bë i mundur lokalizimi dhe arrestimi provizor, me qëllim ekstradimin, i shtetasit Ervin Shahini, 50 vjeç.

Ky shtetas ishte shpallur në kërkim ndërkombëtar, pasi Gjykata e Apelit, Tiranë, e ka dënuar me burgim të përjetshëm për veprat penale ‘Vjedhja me dhunë me pasojë vdekjen’, ‘Vjedhja me dhunë’, kryer në bashkëpunim dhe ‘Largimi i të burgosurit nga vendi i qëndrimit’.

Historik i shkurtër i ngjarjeve kriminale:

Ky shtetas, në kohë të ndryshme të vitit 1995, duke përdorur armë të ftohta (thika), ka vrarë dhe plagosur shtetas që punonin taksistë.

Pasi i faturonte si taksi, për të shkuar në destinacionet e kërkuara, ky shtetas i godiste drejtuesit e automjeteve, me thikë, iu merrte automjetet dhe largohej nga vendi i ngjarjes. Të njëjtin mekanizëm ka përdorur në të gjitha ngjarjet, konkretisht:

-më datë 15.05.1995, në bashkëpunim me shtetasit A. M. dhe N. K., plagosi me thikë shtetasit P. B. dhe A. A.

– më datë 10.07.1995, plagosi me thikë shtetasin S.H.;

– më datë 27.08.1995, vrau shtetasin Xh. A.;

– më datë 27.10.1995, plagosi me thikë shtetasin I. I.;

Gjatë trazirave të muajit mars të vitit 1997, ky shtetas është arratisur dhe është larguar në mënyrë të kundërligjshme, jashtë Shqipërisë.

Drejtoria e Interpolit, që prej vitit 2015, ka shkëmbyer korrespondenca të shumëfishta me zyrat homologe dhe me agjenci të tjera ligjzbatuese, me qëllim lokalizimin dhe më pas arrestimin provizor të këtij shtetasi, për ta ekstraduar në vendin tonë.

Së fundi, është siguruar informacion se ky shtetas strehohej në Republikën e Koresë.

Nga informacionet dhe verifikimet rezultoi se shtetasi Ervin Shahini përdorte identitetin e një shtetasi tjetër shqiptar, për t’iu shmangur arrestimit.

Interpol Tirana, në bashkëpunim me agjencitë ligjzbatuese dhe me Interpol Seulin, vijojnë punën për ekstradimin e këtij shtetasi, në Shqipëri.

The post EMRI/ Arrestohet në Korenë e Jugut i riu që vriste taksistët në Tiranë appeared first on Albeu.com.

Në një konferencë të hënën për mediat lokale, ministri Shin Won-sik tha se kontejnerët mund të mbanin më shumë se 3 milionë predha artilerie 152 mm, ose 500,000 fishekë 122 mm.

“Mund të jetë një përzierje e të dyjave, dhe mund të thuash se të paktën disa milionë predha janë dërguar,” tha Shin, sipas agjencisë së lajmeve Yonhap.

Qindra fabrika të municioneve të Koresë së Veriut funksionojnë me rreth 30% të kapacitetit të tyre për shkak të mungesës së lëndëve të para dhe energjisë elektrike, por ato që prodhonin predha artilerie për Rusinë po funksiononin “në lëvizje të plotë”, shtoi ai, pa dhënë detaje mbi burimin e informacion.

Seuli dhe Uashingtoni kanë akuzuar Phenianin dhe Moskën për tregti të armëve dhe kanë dënuar Veriun për furnizimin me armë Rusisë për t’u përdorur kundër Ukrainës. Të dy vendet e kanë mohuar atë edhe pse u zotuan të forcojnë bashkëpunimin ushtarak.

Departamenti Amerikan i Shtetit, në një fletë të dhënash të publikuar të premten, tha se Koreja e Veriut i ka dorëzuar Rusisë më shumë se 10,000 kontejnerë municionesh ose materialesh të lidhura me to që nga shtatori. Në këmbim, Koreja e Veriut ka marrë rreth 9,000 kontejnerë që përmbajnë kryesisht furnizime ushqimore, të cilat Shin tha se kanë ndihmuar në stabilizimin e çmimeve atje.

Një zyrtar në ministrinë e mbrojtjes të Seulit nuk mundi të konfirmonte numrat, por citonte zëvendësministrin e mbrojtjes.. Shin tha se Rusia ka dërguar gati 30% më shumë kontejnerë nga korriku në Korenë e Veriut krahasuar me sasinë që ka dërguar Veriu. Ai gjithashtu përmendi se Koreja e Veriut ka plane për të lëshuar një satelit të ri në fillim të muajit të ardhshëm, duke shfrytëzuar ndihmën teknike të ofruar nga Rusia dhe duke kërkuar gjithashtu ndihmë me avionët dhe teknologjinë e pajisjeve të lëvizshmërisë tokësore nga Rusia.

“Është e paqartë se sa do të japë Rusia, por sa më shumë e varur Rusia nga predhat e artilerisë së Koresë së Veriut, aq më e madhe do të jetë shkalla e transferimit të teknologjisë ruse”, tha ai, sipas Yonhap.

The post Koreja e Jugut: Koreja e Veriut dërgon mijëra kontejnerë municionesh në Rusi për të mbështetur luftën në Ukrainë appeared first on Albeu.com.

Por diferenca e madhe në letër, nuk u përkëthye në rezultat. Jordania arriti që të fitonte me shifrat 2-0 falë golave të Al Naimat dhe Al Tamari. Përqindja e topit ishte 30 me 70 në favor të koreanëve, por ishte Jordania ajo që prek finalen e Kupën e Azisë për herë të parë në histori. /Sport Ekspres/

The post Kombëtarja e Jordanisë kushton vetëm 13 milionë euro, mundin Korenë e Jugut dhe shkojnë për herë të parë në finale appeared first on Albeu.com.

Në minutën e 83-të të ndeshjes u akordua një goditje dënimi për koreanët dhe futbollisti i PSG-së, Kang-In Lee mori topin dhe shënoi një gol të mrekullueshëm.

Ajo që i parapriu golit ishte reagimi i çuditshëm i bashkëlojtarëve të tij të cilët qëndruan ulur përballë “murit të gjallë” të kombëtares së Malajzisë dhe demonstruan një teknikë të paprecedentë të goditjes së lirë.

Edhe pse reagimi i tyre është i paqartë për tifozët e sportit më të rëndësishëm në botë, ai ishte shumë efektiv pasi shënuan një gol fenomenal.

Meqë ra fjala, ndeshja ndërmjet Koresë së Jugut dhe Malajzisë përfundoi në një barazim befasues dhe rezultati përfundimtar i ndeshjes ishte 3-3.

Golashënuesit për Korenë e Jugut ishin Jeong Woo-Yeong, Kang-In Lee dhe Son Heung-min./Telegrafi/

Le but sur coup-franc de Lee Kang-in ??pic.twitter.com/RjuNirkzw7

— LEE KANG-IN ?? (@LeeKangIn_FR) January 25, 2024

The post Qëndrimi i çuditshëm i lojtarëve të Koresë së Jugut para goditjes së dënimit që solli pastaj një gol spektakolar appeared first on Albeu.com.

“Forcat e Koresë së Veriut ka gjuajtur mbi 600 predha nga veriperëndimi i ishullit Jeonpeong”, tha ushtria e Koresë së Jugut përmes një njoftimi.

Të premten, Koreja e Veriut gjuajti mbi 200 predha të artilerisë afër Jeonpeongut dhe Baengnjeongut, dy ishull me popullsi të vogël që gjenden në jug të kufirit detar de facto që ndan dy shtetet.

Banorët e dy ishujve u urdhëruan që të evakuoheshin pas një prej përshkallëzimeve më serioze ushtarake në gadishull që kur Koreja e Veriut gjuajti predha në një prej këtyre dy ishujve në vitin 2010.

Predhat e gjuajtura nga Koreja e Veriut dje dhe sot kanë rënë në zonën e ndalimit të krijuar në bazë të një marrëveshjeje për uljen e tensioneve të arritur më 2018, por ky pakt u prish në nëntorin e vitit të kaluar, pasi Veriu lansoi një satelit spiunazhi.

Ushtria e Seulit tha të shtunën se “zjarri i përsëritur i artilerisë nga Koreja e Veriut paraqet kërcënim për paqe në Gadishullin Korean dhe përshkallëzon tensionet”.

Koreja e Jugut ka lëshuar një “paralajmërim të fuqishëm” dhe i ka bërë thirrje Veriut që menjëherë të ndalë këto veprime. Jugu tha se ushtria do të ndërmarrë masat e nevojshme “për të mbrojtur shtetin tonë”.

Raportet midis dy Koreve janë në pikën më të ulët në dekada pasi lideri verikorean, Kim Jong Un, inkorporoi në Kushtetutën e vendit statusin e shtetit si fuqi bërthamore dhe vazhdoi me testimin e disa raketave të avancuara balistike ndërkontinentale.

Të dy shtetet teknikisht janë në luftë për shkak se konflikti i viteve 1950-53 përfundoi pa një armëpushim e pa traktat dhe shumica e kufirit që i ndan shtetet është jashtëzakonisht i fortifikuar, ndërkaq kufiri detar asnjëherë nuk është përcaktuar zyrtarisht.

The post Çfarë po ndodh në Kore? Veriu sërish predha afër Koresë së Jugut appeared first on Albeu.com.