Në vitin 2024, Koreja e Jugut kaloi për herë të parë në shtetin që dërgoi më shumë makina në Shqipëri, me gati 20% të totalit, sipas të dhënave nga Drejtoria e Përgjithshme e Transportit Rrugor (DPSHTRR).

Këtë pozicion e mbajti dhe në 2025-n, me 21.2 mijë mjete të regjistruara për herë të parë, ose 21% e totalit. Për krahasim, në 2021-n, me origjinë nga Koreja e Jugut u regjistruan vetëm 1.2 mijë mjete. Rendja drejt Koresë erdhi pasi ky shtet ofronte makina më ekonomike, pavarësisht kostove më të larta të transportit.

Në dy muajt e parë të vitit 2026, një tjetër tendencë ka qenë rritja e ndjeshme e regjistrimeve të mjeteve nga Kina.

Sipas të dhënave nga DPSHTRR, për periudhën janar-shkurt u regjistruan gjithsej 2253 mjete nga Kina, ose rreth 16% e totalit.

Për krahasim, për gjithë vitin 2025 ishin regjistruar 9126 mjete nga Kina (e katërta pas Koresë, Gjermanisë e Italisë), ose 9.2% e totalit.

Rritja e blerjeve nga Kina, lidhet kryesisht me orientimin drejt makinave elektrike, që jo vetëm që vijnë me çmime më të lira sesa po ti blesh në Europë, por kanë dhe një kursim të lartë në raport me mjetet me naftë e benzinë.

Sipas të dhënave nga DPSHTRR, për dy mujorin 2026 u regjistruan për herë të parë gjithsej 1712 mjete elektrike në vend, ose 12% e totalit dhe 608 hibride (përfshirë opsionin elektrik). Në 2025-n, importet e mjeteve elektrike përbënin 5.7% të totalit.

Regjistrimet për herë të parë të makinave për dy mujorin rriten me 5%

Në 2024-n dhe 2025-n u regjistruan për herë të parë mesatarisht rreth 100 mijë makina në vit. Në vitin 2025, numri i mjeteve në qarkullim në vend e kaloi për herë të parë shifrën e 1 milion (1.061), nga të cilat 850 mijë janë autovetura.

Edhe për dy muajt e parë të 2026-s janë regjistruar për herë të parë 14 mijë mjete të tjera, me një rritje prej 5% në krahasim me të njëjtën periudhë të një viti më parë.

Koreja e Jugut vijon të ruajë vendin e parë, duke rritur dominimin, me 3526 mjete, ose 25% e totalit. E dyta është Kina, e ndjekur nga Gjermania (1940) dhe Italia (1822).

Ndonëse blerjet e mjeteve elektrike janë në rritje, vijojnë të dominojnë ato me naftë, që përbënin 52% të mjeteve që filluan të qarkullonin për herë të parë në janar e shkurt./Monitor

The post Shqiptarët me sytë nga Azia për makina, pas Koresë, Kina renditet e dyta për importet appeared first on Albeu.com.

Ai ka qenë protagonist absolut në fitoren 1-2 që Gwangju FC, ka arritur të marrë në transfertë përballë Anyang, sfidë e vlefshme për javën e 21 të kampionatit.

Fillimisht, në minutën e 12′ të takimit, Asani asistoi për shokun e ekipit, pas një driblimi fantastik, duke u futur në zonë.

Më pas, në minutën e ’38 ishte radha që të shënonte vetë gol dhe të vuloste fitoren për ekipin e tij.

Edhe të dielën e kaluar, në ndeshjen që Gwangju FC luajti përballë pretendentëve për titull të Daejeon, Jasir Asani shkëlqeu me një gol dhe një asiste, teksa ndeshja u mbyll në barazim 2-2.

Ky ishte goli i 6-të në këtë sezon për Asanin, i cili ka luajtur në 17 ndeshje me fanellën e klubit të tij, ku mbetet një nga lojtarët më vendimtare në fazën ofensive të skuadrës që ka shënuar vetëm 20 gola deri tani.

The post VIDEO/ Jasir Asani nuk ndalet, sërish protagonist me gol dhe asist në Kore appeared first on Albeu.com.

Finalizohet si rezultat i shkëmbimit ndërkombëtar të inteligjencës policore, operacioni i koduar “Suporti”, për kapjen e një shtetasi të dënuar me burgim të përjetshëm.

Kapet në Republikën e Koresë dhe vihet në pranga një 50-vjeçar i dënuar me burgim të përjetshëm, për vepra të rënda penale kundër personit.

Në kuadër të operacionit “INFRA ATLAS” dhe si rezultat i shkëmbimit të inteligjencës policore, ndërmjet Drejtorisë së Interpolit, Interpol Seulit dhe Sekretariatit të Përgjithshëm të Interpolit (Sektori Fugitives Investigative Support (FIS)), u finalizua operacioni policor i koduar “Suporti”, gjatë të cilit u bë i mundur lokalizimi dhe arrestimi provizor, me qëllim ekstradimin, i shtetasit Ervin Shahini, 50 vjeç.

Ky shtetas ishte shpallur në kërkim ndërkombëtar, pasi Gjykata e Apelit, Tiranë, e ka dënuar me burgim të përjetshëm për veprat penale “Vjedhja me dhunë me pasojë vdekjen”, “Vjedhja me dhunë”, kryer në bashkëpunim dhe “Largimi i të burgosurit nga vendi i qëndrimit”.

Historik i shkurtër i ngjarjeve kriminale:

Ky shtetas, në kohë të ndryshme të vitit 1995, duke përdorur armë të ftohta (thika), ka vrarë dhe plagosur shtetas që punonin taksistë.

Pasi i faturonte si taksi, për të shkuar në destinacionet e kërkuara, ky shtetas i godiste drejtuesit e automjeteve, me thikë, iu merrte automjetet dhe largohej nga vendi i ngjarjes. Të njëjtin mekanizëm ka përdorur në të gjitha ngjarjet, konkretisht:
– më datë 15.05.1995, në bashkëpunim me shtetasit A. M. dhe N. K., plagosi me thikë shtetasit P. B. dhe A. A.
– më datë 10.07.1995, plagosi me thikë shtetasin S.H.;
– më datë 27.08.1995, vrau shtetasin Xh. A.;
– më datë 27.10.1995, plagosi me thikë shtetasin I. I.;

Gjatë trazirave të muajit mars të vitit 1997, ky shtetas është arratisur dhe është larguar në mënyrë të kundërligjshme, jashtë Shqipërisë.

Drejtoria e Interpolit, që prej vitit 2015, ka shkëmbyer korrespondenca të shumëfishta me zyrat homologe dhe me agjenci të tjera ligjzbatuese, me qëllim lokalizimin dhe më pas arrestimin provizor të këtij shtetasi, për ta ekstraduar në vendin tonë.

Së fundi, është siguruar informacion se ky shtetas strehohej në Republikën e Koresë.

Nga informacionet dhe verifikimet rezultoi se shtetasi Ervin Shahini përdorte identitetin e një shtetasi tjetër shqiptar, për t’iu shmangur arrestimit.

Interpol Tirana, në bashkëpunim me agjencitë ligjzbatuese dhe me Interpol Seulin, vijojnë punën për ekstradimin e këtij shtetasi, në Shqipëri.

The post I dënuar me burgim të përjetshëm/ Kapet në Kore krimineli shqiptar, u arratis gjatë vitit 1997 (Emri) appeared first on Albeu.com.

Nënpresidentja Kamala Harris tha se një takim i mundshëm mes Presidentit Putin dhe udhëheqësit Kim Jong Un, gjatë këtij muaj, për të diskutuar rreth armëve, do të ishte një hap i pamenduar mirë.

Nën-presidentja Kamala Harris tha në një intervistë për agjencinë e lajmeve Associated Press se Uashingtoni po i ndjek me kujdes veprimet e Rusisë dhe Koresë së Veriut. Duke folur nga Idonezia, ku mori pjesë në takimin e nivelit të lartë të vendeve të Azisë Juglindore, zonja Harris tha se lëvizja e Moskës për t’iu drejtuar për bisedime Phenianit dëshmon dështimin e saj në agresionin ndaj Ukrainës.

“Çdo bashkëpunim mes Rusisë dhe Koresë së Veriut mbi furnizimin me armë të Moskës do të ishte një hap i pamenduar mirë. Në Konferencën e Mynihut deklarova në emër të Shteteve të Bashkuara se Rusia ka kryer krime kundër njerëzimit dhe se ç’do të thotë që një vend t’i japë armë një vendi që ka kryer krime kundër njerëzimit dhe çfarë pasojash do të kishte duke pasur parasysh se do të përdoreshin ndaj depove të grurit e më tej, lista është e gjatë.

Pra, është një veprim i nxituar dhe unë jam e shqetësuar për këtë. Ne jemi të shqetësuar për këtë. Do të vazhdojmë të mbikëqyrim situatën, natyrisht, për të mbajtur përgjegjëse Rusinë dhe Korenë e Veriut”.

Uashingtoni thotë se bisedimet për armët mes Rusisë dhe Koresë së Veriut po përparojnë në mënyrë aktive.

Këshilltari i Sigurisë Kombëtare Jake Sullivan paralajmëroi të martën udhëheqësin koreanoverior Kim Jong Un se vendi i tij do të paguajë një çmim për furnizimin e Rusisë me armë, që ajo do t’i përdorë në Ukrainë.

“Furnizimi i Rusisë me armë që t’i përdorë në luftë për të sulmuar depot e grurit dhe infrastrukturën e ngrohjes së qyteteve të mëdha, për ta ndihmuar atë në përpjekjet për të pushtuar territorin që i përket një kombi tjetër sovran do ketë pasoja për Korenë e Veriut. Ajo të paguajë një çmim për këtë në komunitetin ndërkombëtar”, u tha gazetarëve në Shtëpinë e Bardhë, Këshilltari i Sigurisë Kombëtare Jake Sullivan.

Kremlini refuzoi të martën të bënte komente mbi deklaratat e zyrtarëve amerikanë se udhëheqësi i Koresë së Veriut Kim Jon Un planifikon të udhëtojë drejt Rusisë këtë muaj për t’u takuar me Presidentin Putin dhe për të diskutuar për furnizimet me armë për Moskën.

Nëse ky udhëtim do të realizohet, do të ishte vizita e parë jashtë vendit e udhëheqësit korenaoverior dhe e para që nga nisja e pandemisë së koronavirusit.

Ministri i Mbrojtjes së Rusisë, Sergeiu Shoigu tha të hënën se dy vendet po diskutojnë mundësinë për të kryer stërvitje të përbashkët ushtarake./VOA/

The post SHBA paralajmëron Korenë e Veriut: Do të keni pasoja nëse furnizoni me armë Rusinë appeared first on Albeu.com.

Korrespondenti i Zërit të Amerikës, Bill Gallo, pa nga afër disa nga stërvitjet e Uashingtonit dhe Seulit dhe shpjegon qëllimin e tyre, ndërsa tensionet me Korenë e Veriut vazhdojnë të rriten.

Një shfaqje e hapur e fuqisë ushtarake.

Shtetet e Bashkuara po dërgojnë disa nga armët e tyre më të rënda në Korenë e Jugut.

Stërvitjet janë gjithëpërfshirëse… me bomba që lëshohen nga avionët e përparuar luftarakë…

tanke dhe predha që shkatërrojnë shënjestrat në tokë…

dhe flotat e anijeve luftarake që godasin objektivat përmes detit.

Forcat amerikane dhe ato të Koresë së Jugut po stërviten për një sulm në plazh – një mesazh i qartë për udhëheqjen e Koresë së Veriut.

“Trupat e marinës janë të vendosura të ndëshkojnë menjëherë çdo provokim të armikut”, thotë Koloneli i Marinës së Koresë së Jugut.

Këto, jo vetëm që janë disa nga stërvijet më të mëdha ushtarake në vite, por janë gjithashtu më të hapurat për publikun.

Stërvitjet në një plazh publik nuk kanë për qëllim vetëm rritjen e gatishmërisë ushtarake.

Ato janë gjithashtu një shfaqje e forcës përpara mediave koreane dhe botërore.

Një qasje ndryshe krahasuar me atë të para pesë viteve, kur stërvitjet u pakësuan mes rritjes së përpjekjeve diplomatike me Korenë e Veriut.

Tani, si kurrë më parë, Pheniani ka rifilluar provat me raketa.

Udhëheqësi i Koresë së Veriut, Kim Jong Un është zotuar për rritje të madhe dhe të shpejtë të arsenalit bërthamor të vendit.

Si përgjigje, Seuli po mundohet të shfaqë më shumë, mbrojtjen që ka nga Shtetet e Bashkuara. Por, përpjekjet mund të dështojnë, thotë profesori nga Seuli, Kim Dong-yub.

“Nëse ky mesazh nuk menaxhohet si duhet, mund të provokojë një reagim më të madh të Koresë së Veriut, duke sjellë një situatë vërtetë shqetësuese për koreano-jugorët”, thotë ai.

Media shtetërore e Koresë së Veriut i cilëson stërvijet si përgatitje për sulm. Një reagim i tillë është i pritshëm, thotë analisti Dan Pinkston.

“Nuk jam i shqetësuar nga zemërimi i Koresë së Veriut. Nuk mendoj se kjo është ajo për të cilët duhet të shqetësohemi. Ata nuk do ta vrasin veten. Udhëheqja e tyre është racionale”, thotë ai.

Shfaqja e forcës do të vazhdojë. Në qershor, Shtetet e Bashkaura dhe Koreja e Jugut planifikojnë kryerjen e manovrave më të mëdha të zhvilluara ndonjëherë.

Rezultati i këtyre tensioneve në rritje, është vështirë të parashikohet./VOA

The post Stërvitjet e mëdha ushtarake SHBA-Kore e Jugut, paralajmërim për Phenianin appeared first on Albeu.com.

Për disa konservatorë, çdo krizë e politikës së jashtme është një “Mynih”. Ndërkohë për disa të majtë, çdo luftë kërcënon të shndërrohet në një “Vietnam”. Por ndërsa lufta e Ukrainës po hyn në mënyrë të pashmangshme në vitin e saj të dytë, një analogji më pak e zakonshme po qarkullon gjithnjë e më shpesh, ajo me Luftën e Koresë.

Qëllimi i krahasimit është se Lufta e Koresë nuk përfundoi asnjëherë zyrtarisht. Ajo përfundoi me një armëpushim në vitin 1953, i cili i ndaloi luftimet, por pa nënshkrimin e një traktati zyrtar të paqes. Në vend të tij prej dekadash ka pasur një armëpushim, që në thelb e ngriu konfliktin.

Shpresa se një armëpushim mund të jetë një mënyrë për t’i dhënë fund luftimeve në Ukrainë bazohet në 3 ide. Së pari, as Rusia dhe as Ukraina nuk janë në gjendje të arrijnë një fitore totale. Së dyti, pozicionet politike të dy vendeve janë shumë larg njëra-tjetrës për të mundësuar një marrëveshje paqeje. Së treti, të dyja vendet po pësojnë humbje të rënda, gjë që mund ta bëjnë tërheqës një armëpushim.

Është e vërtetë që Moska flet ende me gjuhën e fitores. Vladimir Putin e krahason veten me Pjetrin e Madh, Carin që fitoi Luftën e Madhe Veriore pasi e luftoi Suedinë për 21 vjet. Por realiteti është se Putini ka dështuar tashmë në Ukrainë. Forcat e tij janë larguar nga Kievi, Kharkiv dhe Kherson.

Mobilizimi i tij i pjesshëm i civilëve, ka nxitur qindra mijëra burra rusë të largohen nga vendi, por nuk arriti të ndryshojë trajektoren në fushën e betejës. Rreth 100.000 trupa ruse janë vrarë ose plagosur, dhe më shumë akoma po vdesin çdo javë në një luftë brutale llogoresh.

Paaftësia e Putinit për ta pranuar shkallën e katastrofës që i ka shkaktuar vendit të tij, dhe krimet e luftës që ka kryer Rusia në Ukrainë, janë tani pengesat kryesore për arritjen e paqes. Por është shumë e mundur që Moska ta cilësojë një armëpushim më shumë si një ndryshim taktike sesa si pranim i humbjes. Kjo ishte ajo që ndodhi kur Rusia u tërhoq nga Kherson.

Putin u distancua nga vendimi, i cili u njoftua nga komandantët ushtarakë dhe Ministri i Mbrojtjes. Eksperti Sir Laërence Freedman, autor i librit “Politika e Operacioneve Ushtarake nga Koreja në Ukrainë”, sheh një mundësi për negociata në nivelin ushtarak.

Ndërsa thekson se ka dallime të rëndësishme midis luftërave të Koresë dhe Ukrainës, ai mendon se armëpushimi korean tregon mundësinë e “ndalimit të luftimeve, duke i ndarë forcat” – pa një marrëveshje të plotë paqeje. Pa mundësinë për të pretenduar përfitime territoriale apo politike, Putini nuk ka gjasa të jetë në gjendje të shpallë fundin e luftës.

Por ai mund të jetë në gjendje të pranojë një ndërprerje të luftimeve, e cila mund të marketohet për publikun si një përgjigje ndaj këshillave ushtarake apo si një “gjest i vullnetit të mirë”.Por pse ukrainasit duhet ta pranojnë këtë skenar?

Arsyet morale, politike dhe ekzistenciale që ata të vazhdojnë të luftojnë, janë shumë të forta. Vrulli momental në luftë i përket sërish Ukrainës. Presidenti Volodymyr Zelenskyy ka premtuar të rimarrë çdo pëllëmbë të territorit të pushtuar, përfshirë Krimenë, e cila u aneksua nga Rusia në vitin 2014.

Pas mizorive të shkaktuara ndaj Ukrainës nga Putin, ideja e çdo lloj marrëdhënieje “normale” me një Rusi të pa reformuar duket e paimagjinueshme për shumë ukrainas. Për më tepër ekziston frika realiste se Rusia do ta përdorte një armëpushim për t’u riarmatosur, përpara se të sulmonte sërish Ukrainën.

Megjithatë, ka edhe konsiderata të tjera që mund ta bëjnë tërheqës për Ukrainën një armëpushim të zgjatur të stilit korean. Ashtu si rusët, edhe ukrainasit vazhdojnë të pësojnë humbje të mëdha në njerëz. Po ashtu, ata duhet të përballen me një taktikë brutale, por efektive të rusëve:shënjestrimin e qëllimshëm të infrastrukturës ukrainase.

Duke e bërë shumë të vështirë përballimin e dimrit, ndërprerja e furnizimit me ujë dhe energji elektrike, e bën edhe më të vështirë rikthimin në shtëpi të milionave refugjatëve ukrainas. Madje tani është gati një valë e re refugjatësh. Kur muajt e mërgimit zgjasin me vite, bëhet më pak e mundur që refugjatët të kthehen ndonjëherë në vend, duke krijuar një presion të madh mbi familjet dhe shoqërinë.

Privatisht, disa ukrainas e pranojnë se rimarrja e Krimesë do të shkaktonte luftime edhe më brutale në një përpjekje për të ripushtuar një territor ku shumë njerëz, përfshirë oficerët ushtarakë në pension, janë besnikë ndaj Rusisë. Prandaj edhe ukrainasit kanë disa stimuj për ta “ngrirë” konfliktin, por pa hequr dorë nga qëllimet e tyre përfundimtare politike.

Pengesa kryesore për ta është mungesa e plotë e besimit tek qëllimet e Moskës. Por fakti që aleatëve perëndimorë të Ukrainës u janë zhdukur të gjitha iluzionet mbi natyrën e Rusisë së Putinit, nënkupton se pas armëpushimit Ukraina nuk do të lihet e vetme për t’u përballur me të ardhmen.

Përkundrazi, ka të ngjarë që asaj t’i jepet ndihmë ushtarake dhe një garanci sigurie për ta kthyer në një fortesë, të cilën Rusia do të ngurronte ta sulmonte sërish. Një armëpushim, do t’i jepte mundësinë mbështetësve të Ukrainës të jepnin masivisht ndihmë për rindërtimin e vendit.

Koreja e Jugut u shkatërrua plotësisht pas Luftës së Koresë, por është sot një komb i begatë dhe i përparuar. Ndërkohë, një Rusi që udhëhiqet ende nga Putin, dhe që refuzon të paguajë për krimet e saj në Ukrainë, mund të presë një të ardhme me një izolim të vazhdueshëm ndërkombëtar dhe një varfëri në rritje. Kur të ndryshojë ky realitet, mund të fillojë më në fund edhe rindërtimi politik i shumëpritur i Rusisë.

/albeu.com

The post Lufta në Ukrainë mund të ketë fatin e asaj në Kore, armëpushim pa një traktat zyrtar paqeje appeared first on Albeu.com.

Shkak i krizës është bërë mbyllja e vendit për kufizimin e përhapjes së virusit dhe refuzimi i vaksinave. Mbyllja e vendit ka ndikuar shumë në tregtinë me Kinën, pasi Koreja mbështetet nga pekini, për ushqim dhe karburant.

Linderi Kim Jong-un e ka pranuar se vendi po përballet me mungesa të ushqimit, duke e përshkruar situatën si “të tensionuar”.

Javën e kaluar ai u tha qytetarëve se kriza është e ngjashme me atë të 1990, ku njerëzit vdiqën nga uria.

Sanksionet tregtare ndërkombëtare besohet se kanë ushtruar më tej presion mbi furnizimet me ushqim./albeu.com

The post Rusia i dhuron vaksina Koresë së Veriut sërish, ndërsa kriza e urisë po përkeqësohet appeared first on Albeu.com.