Ai kujtoi skandalin me tenderin e rrugës Qukës-Qafë Plloçë, që kushtoi 260 mln euro dhe tani është shkatërruar tërësisht dhe rrezikon jetën e qytetarëve, ku ministrja Belinda Balluku nuk mban asnjë përgjegjësi sipas tij.

“E keni parë se si rruga Qukës-Qafë Plloçë e tenderuar që nga 2013 ka shkuar në 260 mln euro dhe e keni parë se si është prishur, përfituan vetëm hajdutët, thonë se shkurton rrugën por shkurton vetëm 10 minuta dhe është rrënuar. Rrezikon dhe jetët e qytetarëve. Bëjnë korrupsion dhe nuk mbajnë përgjegjësi, por dalin në televizor. Nuk mbajnë përgjegjësi dhe nuk kanë moral. Është e papranueshme edhe për një demokraci si kjo e jona, nuk kemi vetëm krizë politike, por edhe morale”, tha ish-deputeti.

Salianji kujtoi se qeveria aktualisht është jashtë kontrollit dhe ky është momenti që demokratët të ringrihen nëpërmjet reformimit të partisë dhe hapjes së dyerve të selisë blu, sepse janë regjistruar vetëm humbje zgjedhore.

“Qeveria e Ramës ka dalë jashtë kontrollit, është urgjente që shqiptarët t’i thërrasë e të marrin fatin e tyre në dorë. Shqiptarët nuk kërkojnë luftë, por respekt, normalitet. Ka rëndësi historike për ta mbyllur këtë kapitull, për një fazë tjetër ndryshimi demokratik që ka ardhur. Por ndryshimi nuk vjen ndryshe. Ka njeri që nuk e di se qeveria është e korruptuar kokë e këmbë? Ndryshimi vjen duke marrë ne përgjegjësitë tona”, vijoi ai.

The post “Qeveria e Ramës ka dalë nga kontrolli, por PD është në krizë”, Salianji: Bëjnë korrupsion dhe nuk mbajnë përgjegjësi edhe pasi rruga 260 mln euro Qukës-Qafë Plloçë shëmbet appeared first on Albeu.com.

Ai njoftoi gjithashtu se do të nisë procesi i evidentimit të dëmeve, me qëllim që fermerëve të prekur t’u sigurohet kompensimi për humbjet e shkaktuara nga fenomenet atmosferike.

“Siç e shikoni, jemi bashkë me ministrin e mbrojtjes dhe ekipin e Agjencisë Civile, ku bashkë me bordin e kullimit dhe bashkia që ka qenë gjithë kohës prezente në situatën që ka ndodhur ditët e fundit, ne kemi disa çarje në disa nga argjinaturat e disa lumenjve. Këtu jemi në një nga rrugët ku ne jemi duke shkuar për në çarjen, në mënyrë që sonte apo nesër në mëngjes të kemi arritur të përmbyllim pjesën e dëmeve, çarjeve të argjinaturave. Ne pak më parë ishim në një tjetër problematikë ku jemi drejt përfundimit. Këtu kemi bërë një devijim ku ujërat tashmë janë në drejtim të lumit, nuk ka më çarje nëpërmjet ujërave në toka bujqësore dhe kjo rrugë është duke u bërë për të kaluar dhe për të çuar të gjithë materialin e duhur në mënyrë që mos të kemi më problematikë gjatë çarjes së argjinaturës së lumit.

Sa për dëmet, ne do të evidentojmë pas mbarimit të gjithë problematikave në të gjithë territorin e Shqipërisë, atje ku kemi pasur dëme, do të evidentojmë pasi të kemi përmbyllur gjithë procesin e dëmeve ku realisht ka në disa nga shtratet e lumeve apo problematikat në disa argjinatura, të cilat janë drejt përfundimit edhe në Sarandë, Fier e Lezhë ku kemi qenë prezent. Më pas do të vazhdojmë me evidentimin e të gjitha problematikave që janë ndaj fermerëve, blegtorëve dhe sektorin bujqësor. Ne jemi në fazën e mbylljes së problematikave, më pas do vazhdojmë me evidentimin e dëmeve për çdo fermer shqiptar,” tha Salla.

The post “Kemi çarje në disa nga argjinaturat e lumenjve”, Ministri i Bujqësisë nga Korça: Do të evidentohen dëmet e fermerëve, blegtorëve dhe sektorit bujqësor appeared first on Albeu.com.

Siç shihet në pamjet e mëposhtme, Korça dhe qytetet e tjera për rreth saj janë përfshirë  nga reshjet e borës.

Gjithsesi, dëbora vetëm sa ka zbardhur Korçën dhe mësohet se nuk kanë krijuar vështirësi për qarkullimin e automjeteve.

Pamje nga Korça

The post Çmendet moti/ Pranvera vjen me borë, zbardhet Korça (FOTO+VIDEO) appeared first on Albeu.com.

Në të gjithë vendin kishte 1178 lindje më shumë se vdekje, por në 7 qarqe të vendit shtesa natyrore ka qenë negative, sipas të dhënave demografike për vitin 2024 nga INSTAT.

Nga 12 qarqet e vendit, Korça kishte rënien më të madhe të shtesës natyrore, ku vdekjet ishin shumë më të larta se lindjet.

Në qytetin juglindor, vitin e kaluar lindën 1155 foshnja, teksa humbën jetën 1929 persona, ose 774 më shumë se lindjet.

Fieri ishte qyteti i dytë më rënien më të madhe natyrore të popullsisë. Më 2024 në këtë qytet linden 1897 bebe, teksa humbën jetën 2481 veta duke bërë që shtesa natyrore të ishte negative me 584 persona.

Në Vlorë numri i vdekjeve vitin e kaluar ishte 554 persona më i lartë se i lindjeve, në Berat kishte 368 vdekje më shumë se lindje, në Gjirokastër kishte 354 vdekje me shumë se lindje, në Shkodër 176 dhe në Elbasan 142.

Vetëm qarqet e Lezhës, Durrësit, Dibrës, Kukësit dhe Tiranë kishin shtesë natyrore negative. Tirana për shkak se ka popullsi më të re në moshë se qarqet e tjera kishte 3047 lindje më shumë se vdekje duke kontribuar në mbajtjen e shtesës natyrore në nivel pozitiv në rang kombëtar.

Në Durrës gjithashtu kishte 571 lindje më shumë se vdekjet, në Dibër 243, në Kukës 192 dhe në Lezhë kishte vetëm 22 lindje më shumë se vdekjet.

Shtesa natyrore e popullsisë në Shqipëri, e cila përfaqëson diferencën midis lindjeve dhe vdekjeve, ka pësuar një rënie të ndjeshme nga viti 1990 deri në vitin 2023.

Shtesa natyrore ishte rreth 64,000 persona, me 82,000 lindje dhe 18,000 vdekje. Para pandemisë në vitin 2019 shtesa natyrore ra në 6,624 persona, me 28,561 lindje dhe mbi 22,000 vdekje.

Në vitin 2021 për herë të parë, shtesa natyrore u bë negative, me 3,296 vdekje më shumë se lindje, kryesisht për shkak të pandemisë COVID-19.

Në vitin 2024 shtesa natyrore e vendit ishte 1178 pasi në të gjithë vendin lindën 22,425 bebe dhe humbën jetën 2147 persona.

Parashikimet demografike tregojnë se popullsia e Shqipërisë, do të vazhdojë të bjerë në dekadat e ardhshme. Raportet ndërkombëtare sugjerojnë se deri në vitin 2050, Shqipëria mund të humbasë 25% të popullsisë së saj.

Rënia vjen prej nivelit të lartë të emigracionit në moshat e reja, duke ndikuar në tkurrjen e popullsisë aktive dhe në shtesën natyrore të vendit.

Prej këtyre zhvillimeve mosha mesatare e popullsisë u rrit me 7,5 vite ndërmjet 2011 dhe 2023 kur u zhvilluar dy censet./Monitor

The post 7 qarqe me rënie natyrore të popullsisë më 2024, kryeson Korça appeared first on Albeu.com.

Pas vendimi të gjykatës së Lartë, togat e zeza në Korçë duhet të shqyrtojnë kërkesën e Çaushit. Ai ndodhet në burgun e Drenovës.

Ish-kreu i bandës së Vlorës në ’97, Myrteza (Zani) Caushi për të disatën herë paraqiti në Gjykatë kërkesën për përllogaritjes së ditëve të vuajtjes së dënimit në burg, duke kërkuar ulje të ditëve të burgimit. Ai kundërshton disa vendime të Gjykatës së Matit, që i kanë rrëzuar kërkesën për ulje të dënimit.

Zani Caushi është i dënuar me burg të përjetshëm, por kërkon një përllogaritjeve të ditëve që ka vuajtur në burg teksa prej vitesh tashmë është në burgun e sigurisë së Lartë në Drenovë.

Sipas ligjit, pas kalimit të një afati të gjatë brenda qelive të burgut, një i dënuar, qoftë dhe me burgim të përjetshëm mund të kërkojë lirim me kusht./bw

The post Korça apo Mati? Gjykata e Lartë vendos kush do të shqyrtojnë kërkesën e Zani Çaushit për ulje dënimi appeared first on Albeu.com.

Në rrugën e Dardhës ka pasur reshje dëbore nga kilometri i 5-të deri në kilometrin e 14-të. Trashësia e dëborës varion nga 5 cm -10 cm.

Në segmentin rrugor Qafa e Qarrit, aksi Korçë-Ersekë ka pasur gjithashtu reshje dëbore dhe trashësia shkon nga 3cm deri në 7cm.

Në rrugën Korçë-Voskopojë ka pasur reshje shiu dhe dëborë e shkrirë. Është punuar me mjete borëpastruese për pastrim dhe kriposje.

Në akset rrugore nacionale dhe turistike, nuk ka probleme dimërore në rrugë.

The post Korça zbardhet nga dëbora, si paraqitet situata në rrugë appeared first on Albeu.com.

Rënia e lindjeve në shkallë kombëtare është një fenomen konstant që në fillim të vitit 1990 ku vendi u hap ndaj botës, por disa qarqe pas pak dekadash do të shkojnë drejt shuarjes për arsye të rënies së shpejtë të lindjeve.

INSTAT raportoi se gjatë vitit 2022 bebet e lindura në shkallë kombëtare shënuan rënie me 13.7%, por në qarqet e Korçës dhe Dibrës rënia ishte më e fortë me nga 25.5 dhe 20.7 për qind secila. Pas Korçës rënien më të madhe të lindjeve e kishte qarku i Gjirokastrës i cili kishte rënie 19% (shih grafikun bashkëngjitur).

Në të gjitha qarqet rënia e lindjeve është me ritme dyshifrore. Shkaqet janë shumëdimensionale, por kryesoret lidhen me rënien e popullsisë në grupet e reja moshore. Për shembull në vitin 2021 grup-mosha 0-29 vjeç ka rënë me 35 % në krahasim me vitin 2001. Tkurrja më e lartë e popullsisë së të rinjve ka nisur pas vitit 2015, në një linjë me rikthimin e ciklit të emigracionit, që u reflektua në rritjen e kërkesave për azil.

Në grup-moshën 0-29 vjeç rënia më e madhe e popullsisë ka qenë për foshnjat 0-4 vjeç që kanë pësuar rënie me 49 % në raport me 2001, numri i fëmijëve nga 5-14 vjeç shënoi rënie pothuajse me 50 për qind nga vitit 2011.

Rënia e shpejtë e numri të fëmijëve në dy dekadat e kaluara janë shkaku kryesor për rënien e lindshmërisë aktualisht. Gjithashtu një valë e fortë emigracioni në grupet e reja të popullsisë e ka përkeqësuar edhe me tej trendin natyral të lindjeve.

Sipas të dhënave nga Britania e Madhe dhe Eurostat mbi 21 mijë shqiptar kanë kërkuar azil politik ne 9 mujorin e 2022, ku mbi 80 për qind e tyre ishin të rinj në moshë. Ikja e të rinjve nga vendi është edhe më e fortë po të grumbullohen të dhënat për ata që ikin për studime, me kontrata pune, për bashkim familjar dhe nëpërmjet lotarive.

Brezi ynë pas dy dekadash do të mund të shohë qytete të tëra të braktisura. Imagjinoni që në të gjithë qarkun e Gjirokastrës ku përfshihen edhe Tepelena me Përmetin kanë lindur 364 bebe më 2022. Pas 6 vitesh në të gjitha shkollat e qarkut do të jenë në klasën e parë vetëm 364 nxënës nëse prindërit e tyre nuk vendosin të emigrojnë jashtë vendit ose në qytete të tjera siç ka ndodhur këto vitet e fundit./monitor

The post GRAFIKU/ Tkurrja e popullsisë, dy qarqet që shënuan rekord në rënien e lindshmërisë appeared first on Albeu.com.

Sekuestrohet arma e zjarrit tip pistoletë.

Shërbimet e Komisariatit të Policisë Korçë, pas marrjes së njoftimit se në lagjen nr. 15, Korçë, në një lokal, një shtetas kishte kanosur me armë zjarri pronarin e lokalit, gjatë një konflikti midis tyre, kanë organizuar punën me qëllim kapjen e autorit të dyshuar. Si rezultat i veprimeve të mirëkoordinuara u bë arrestimi në flagrancë i shtetasit:

– J. P., 49 vjeç, banues në Korçë, i dënuar më parë për veprat penale “Kanosja për shkak të detyrës” dhe “Drejtimi i automjeteve në mënyrë të parregullt”.

Ky shtetas dyshohet se gjatë një konflikti për motive të dobëta, ka kanosur me armë zjarri një 50-vjeçar, në lokalin e këtij të fundit. Në vijim të veprimeve për këtë rast, gjatë kontrollit të ushtruar nga shërbimet e Policisë, në banesën e 49-vjeçarit J. P., u gjetën një armë zjarri pistoletë dhe një sasi municioni luftarak, të cilat u sekuestruan në cilësinë e provës materiale.

Materialet i kaluan Prokurorisë pranë Gjykatës së Rrethit Gjyqësor Korçë, për veprat penale “Kanosja” dhe “Mbajtja pa leje dhe prodhimi i armëve, armëve shpërthyese dhe i municionit”.
vijon
/albeu.com/

The post Kërcënoi me armë zjarri pronarin e lokalit, arrestohet 49-vjeçari në Korçë appeared first on Albeu.com.

Mësohet se zjarri ka rënë në zonën e quajtur Guri i Cjapit.

Zona e cila ka marrë flakë është brenda territorit të zonës së mbrojtur, ndërkohë forcat zjarrfikëse të Korçës dhe Devollit kanë shkuar për të bere te mundur fikjen e flakëve.

Bëhet fjalë për një terren të vështirë malor dhe ende nuk dihet sa sipërfaqe toke është djegur deri më tani.

The post Zjarr në zonën e mbrojtur të Malit të Drenovës në Korçë appeared first on Albeu.com.

Ditën e sotme bërë të mundur arrestimin e dy personave në Korçë pasi akuzohen se kanë vjedhur objektet e kultit në kisha dhe në xhami.

Në pranga kanë rënë L. G., 52 vjeç dhe O. T., 40 vjeç, banues në Korçë.

Materialet kaluan në Prokurori ku dhe është lënë i lirë shtetasi K. F., 42 vjeç, banues në Korçë.

Njoftim policie

Zbardhen 4 raste të vjedhjes në objekte kulti, në qarkun e Korçës.

Vihen në pranga 2 autorët e dyshuar të vjedhjeve. Procedohet në gjendje të lirë 1 shtetas tjetër.

Specialistët për Hetimin e Krimeve të Komisariatit të Policisë Korçë, në vijim të punës për dokumentimin e plotë të rasteve të vjedhjes në objektet e kultit, në qarkun e Korçës, kanë bërë të mundur zbardhjen e katër prej ketyre rasteve, si dhe identifikimin e autorëve të dyshuar të tyre.

Në vijim të veprimeve u bë arrestimi në flagrancë, për veprën penale “Vjedhja” e kryer në bashkëpunim, i shtetasve L. G., 52 vjeç dhe O. T., 40 vjeç, banues në Korçë. Gjithashtu u referuan materialet në Prokurori dhe filloi procedimi në gjendje të lirë për veprën penale “Përvetësimi i parave ose mallrave që rrjedhin nga vepra penale”, për shtetasin K. F., 42 vjeç, banues në Korçë.

Nga veprimet hetimore rezulton se shtetasit L. G. dhe O. T., në bashkëpunim me njëri-tjetrin, më datë 27.10.2022, kanë vjedhur në fshatrat Malavec dhe Drenovë, Korçë, në dy objekte kulti (xhami dhe kishë), një shumë lekësh dhe një foni zëri, të cilën më pas ia kanë shitur shtetasit K. F.

Gjithashu, më datë 23.10.2022, në lagjen nr. 2, Korçë, kanë vjedhur një shumë lekësh dhe një ikonë, në një kishë, ndësa më datë 16.03.2022, në xhaminë e fshatit Malavec, Korçë, kanë vjedhur foninë e zërit.

Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme./albeu.com

The post Vodhën objektet e kultit në kisha dhe në xhami, arrestohen dy persona ne Korçë appeared first on Albeu.com.