“Në QSUT janë paraqitur për ndihmë mjekësore, dy shtetas të mitur të moshës 5 vjeç, të cilët dyshohet se aksidentalisht janë rrëzuar në kopshtet që ata frekuentojnë, njëri në rrugën “Androniqi Antoniu Zengo” dhe tjetri në rrugën “Irfan Tomini”.

Materialet për këto dy raste i kanë kaluar Prokurorisë, për vlerësim”, thuhet në njoftimin e policisë.

Kujtojmë që kopshtet dhe çerdhet kanë qenë në fundmi në qendër të opinionit publik për shkak të një rasti të rëndë të publikuar në media, ku një 3-vjeçare u dhunua në kopshtin privat “Stinët”.

Ngjarja ndodhi më 1 nëntor dhe vogëlushja përfundoi në spital me këmbë të thyer.

Hetimet për këtë ngjarje vijojnë, ndërsa edukatorja e cila akuzohet se ka dhunuar vogëlushen është arrestuar.

Sakaq, ministria e Arsimit njoftoi pas ngjarjes se ka ngritur një grup kontrolli në terren për të konstatuar kopshtet dhe çerdhet që ushtronin aktivitetin në mënyrë të paligjshme, pasi pas hetimeve rezultoi se kopshti “Stinët” nuk ishte i pajisur me licencë./albeu.com

The post U rrëzuan në kopsht, dy 5-vjeçarë përfundojnë në spital appeared first on Albeu.com.

Dehima ra në pranga në 9 nëntor pas urdhrit të prokurorisë së Tiranës, e cila pa pamjet filmike.

Në to shihet Dehima teksa keqtrajton një të mitur, e cila ka thyer edhe këmbën. Ajo akuzohet për veprën penale “Keqtrajtimi i të miturit”.

The post Dhunoi 3-vjeçaren, gjykata lë në burg edukatoren Majlinda Dehima appeared first on Albeu.com.

Ministrja dënon ashpër dhunën teksa thotë se kushdo që e ka ushtruar do të marrë dënimin e merituar dhe se institucionet do të marrin masa të menjëhershme.

Lexo edhe: Pamje të rënda, 3-vjeçari rrihet nga edukatoret në një çerdhe në Fushë-Kosovë

“Thellësisht e shqetësuar nga pamjet e publikuara të një çerdheje në Fushë Kosovë. E dënoj ashpër dhunën e ushtruar ndaj një të mituri në këtë institucion parashkollor. Dhuna është e papranueshme andaj, pres që kushdo që ushtron dhunë të marrë dënimin e merituar.

Ajo që është më shqetësuese sipas pamjeve të publikuara, është se nuk bëhet fjalë vetëm për një person por më shumë edukatore të involvuara e që e shton dyshimin se nuk është fenomen i izoluar.

Inspektorati i Arsimit ndodhet në këtë institucion dhe sapo të pranojmë raportin, do të ndërmarrim masa të menjëhershme. MAShTI, komunat dhe në përgjithësi si institucione kemi obligim të kujdesemi e të sigurohemi për mirëqenien e të gjithë fëmijëve”, thuhet në reagimin e ministres.

Videon e ka publikuar familjari Fatos Geci, i cili ka thënë se viktima e dhunës është nipi i tij trevjeçar./Albeu.com 

The post Dhunimi i 3-vjeçarit nga edukatoret, reagon ministria e Arsimit: Do të marrin dënimin e merituar appeared first on Albeu.com.

Moderatorja ka ndarë një foto me të voglën e saj ku krahas shkruan: Sa shumë kam menduar për këtë ditë që i ka të gjitha emocionet bashkë. Atara ime, goca ime, mrekullia e Zotit i bekuar qoftë ky “udhëtim” i ri.. p.s. mami po qante para dhe duke bërë foton, ndërsa Atara e nisi me qejf.

Kujtojmë që Orinda Huta dhe Turjan Hysko janë bërë prindër për herë të parë në vitin 2021. Saktësisht më 15 korrik Orinda solli në jetë vogëlushën e saj, të cilën e quajtën Atara.

The post Atara filloi kopshtin, por dikush t’i mbajë lotët mami Orindës (FOTO) appeared first on Albeu.com.

Ky pyetësor përmban pyetje të çuditshme, absurde dhe të konsideruara nga psikologët si të dëmshme dhe për më tepër të formuluar me një gjuhë të papërshtatshme.

Denoncuesi: Ju kam thirrur për një shqetësim  shumë të madh. Jam llahtarisur, kur bashkëshortja ime, u kthye nga kopshti, pasi unë kam një çun në kopsht, kopsht publik këtu në Vlorë…, pashë, që më erdhi me një letër dhe më tha:” Shiko, se ça më ka dhënë edukatorja”! Ç’të shikoja, o vëlla?! Ishin ca pyetje, që i bëheshin gruas sime. Nuk di, ç’të them! Ishte një formular, që nuk kishte shpjegim. Nuk kishte një qëllim, se për çfarë bëhej. Thjesht, nusja më tha, që ia ka dhënë edukatorja dhe duhej ta dorëzoja patjetër në kopsht, të nesërmen. Kush po e bën këtë lloj gjëje? Jemi shumë të shqetësuar si prindër të këtij fëmije. Dhe, më e keqja është se, mua më është pyetur fëmija pa miratimin tim si prind. Unë nuk kam dijeni, se çfarë pyetje i është bërë fëmijës. Në kopsht nuk jepet asnjë lloj shpjegimi. Ka, apo nuk ka kontroll këtu? Ça bëhet, o vëlla?

Nënave u kërkohet të shkruhet emri dhe mbiemri i fëmijës, mosha e nënës dhe kur e ka lindur fëmijën, arsimi i saj, arsimi i babait, vendi i tij i punës. Po ashtu ato duhet t’u japin përgjigje pyetjes: “Mendon, se do ishe më mirë e vdekur, ose se mund të dëmtosh veten me ndonjë lloj mënyre?”

Alternativat, nga të cilat duhet të zgjedhin, janë: fare, disa ditë, më shumë se gjysmën e kohës, pothuaj çdo ditë, sipas denoncuesit në emisionin “Stop”.

Prindërit thonë, se janë pyetur edhe të miturit pa miratimin e tyre dhe nuk dihet se çfarë pyetjesh u janë bërë.

Gazetari: Jua kanë dhënë edukatoret këtë formular?

Prindi 1: Po! Nuk e di, kush i kishte sjellë nga Tirana.

Gazetari: E keni plotësuar, ju?

Prindi 1: Po! Mua m’u duk pa lidhje. Për të plotësuar, e plotësova, por nuk m’u duk ndonjë…

Gazetari: Pyetja e fundit: “Mendon, se do ishe më mirë e vdekur…”

Prindi 1: Po, kjo e fundit ishte një…, kot. Ishin të gjitha pa lidhje.

Gazetari: Po fëmija, është pyetur?

Prindi 1: Po! Më thanë, që është pyetur.

Gazetari: Me miratimin tuaj?

Prindi 1: Jo!

Gazetari: E ke marrë këtë formular, ti?

Prindi 2 : Po, e kam marrë.

Gazetari: E ke plotësuar?

Prindi 2: Po!

Gazetari: E si të është dukur?

Prindi 2: Ai ka ca gjëra…

Gazetari: Të tipit?

Prindi 2: Të tipit që: “Do të vrasësh veten, apo je i vdekur…”Në qoftë se unë jam në atë fazë, nuk jam në gjendje të plotësoj formularin.

Gazetari: Është pyetur fëmija yt?

Prindi 2: Ndoshta, nga ndonjë psikologe, nuk e kam idenë.

Gazetari shkon tek kopshti numër 9

Gazetari: Jeni në dijeni të këtij formulari?

Edukatorja: Diku, 1 muaj, kanë ardhur disa vajza.

Gazetari: Të cilat përfaqësonin?

Edukatorja: Më duket, se ishin nga Infermieria, nuk e di tani, nuk jam e sigurtë. Ato na folën për diçka, që duhet të plotësonin një formular prindërit.

Kopshti 10

Gazetari: Ky formulari, si është plotësuar? U është dhënë të gjitha nënave?

Edukatorja: Jo të gjithave, sepse ne kemi proceduar klasa-klasa.

Gazetari: Po fëmijët, janë pyetur?

Edukatorja: Fëmijët për këtë, jo, nuk janë pyetur.

Gazetari: U janë bërë pyete të tjera, ndoshta, ose…?

Edukatorja: Po! Na  ka ardhur një grup nga Universiteti i Infermierisë, një studim, që bëhej për të parë zhvillimin e fëmijëve.

Gazetari: Është marrë miratimi i prindërve me shkrim për pyetjen e fëmijëve?

Edukatorja: Jo!

Gazetari: Pse?

Edukatorja: Jo, nuk kam informacion.

Gazetari: Pse nuk është marrë?

Edukatorja: Nuk është marrë.

Fjona Cukani, nga Sektori i Arsimit në bashkinë e Vlorës thotë, se kërkesa për këtë pyetësor ka ardhur nga Universiteti “Ismail Qemali” nga Fakulteti i Infermierisë. Ky projekt ka fituar në Agjencinë Kombëtare të Kërkimit Shkencor dhe Inovacionit. Sipas saj, sapo ka marrë dijeni për përmbajtjen e papërshtatshme, ka komunikuar me të gjitha kopshtet, për të bllokuar formularin.

Fjona Cukani, Sektori i Arsimit Bashkia Vlorë: Na ka ardhur në tetor një kërkesë nga Universiteti “Ismail Qemali”, saktësisht nga Fakulteti i Infermierisë. Ka fituar në Agjencinë Kombëtare të Kërkimit Shkencor dhe Inovacionit dhe ka aprovuar projektin e vlerësimit dhe zhvillimit psikomotor socio-emocional të fëmijëve 0-6 vjeç. Në momentin, që jemi vënë në dijeni për faqen e fundit, unë kam komunikuar me të gjitha kopshtet, përsa i përket përmbajtjes, duke u thënë: “Ju lutem, bllokoni formularin”. Në të njëjtën kohë, unë komunikoj edhe me dekanen e universitetit, sepse ne jemi vënë në dijeni vetëm të një grafiku, që përfaqësuesit e Infermierisë kanë bërë nëpër kopshte.

Gazetari: Duhet të jenë komisionet tuaja, grupet tuaja, që të shkojnë e të shohin, se ç’bëhet nëpër këto institucione!

Fjona Cukani, Sektori i Arsimit Bashkia Vlorë: Nuk jam mjaftuar me përgjigjen e dekanes dhe po vazhdojmë të marrim të gjitha masat. Të njëjtin shqetësim dhe dhjetëfish më të madh se ty, e kam dhe e ndiej.

Nga ana tjetër, Aurela Saliaj, dekane në Universitetin “Ismail Qemali” , thotë se nuk e kupton, ku është shqetësimi. Madje edhe pyetja “nëse do të ishe më mirë e vdekur apo e gjallë”, asaj i duket një pyetje shpëtuese.

Aurela Saliaj, dekane, Universiteti “Ismail Qemali”: Unë, fillimisht do doja vërtet, se shoh këtë shqetësimin, kush (cili) është shqetësimi?

Gazetari: “Mendon, se do ishe më mirë e vdekur, ose se mund të dëmtosh veten me ndonjë lloj mënyre?” E quani ju shqetësim këtë? Pra, ju duket një pyetje normale?

Aurela Saliaj, dekane: Këto pyetje janë qartësisht për një adult. Unë dua ta nis nga “A”-ja, që është vullnetarizmi në pjesëmarrje në këtë studim dhe anonimati.

Aurela Saliaj, dekane: Po, është kaq shabllon, (pyetja) se është shkalla më e lartë e depresionit.

Gazetari: “Do ishe më mirë e vdekur?”

Aurela Saliaj, dekane: Po kështu është në anglisht ajo. Mbase, ato vajzat, mund të ishin treguar pak më elokuente, por thelbi ky është. Në qoftë se ti e ke si mendim, që “ndihesh keq”, ”jam i dështuar”, “dua të vdes”, “pse po rroj unë?”, “po rroj kot?” , kjo është pyetja e fundit. Është pika maksimale e depresionit dhe pas kësaj vjen vetëvrasja, në qoftë se arrin njeriu aty. Po ajo nuk është ndonjë gjë, se thotë: “Jo, jo, jo, nuk jam në atë pikë”!

Aurela Saliaj, dekane: Unë, po të kem fëmijë, do jem e para, që do jem e interesuar, në qoftë se një edukatore, një kujdestar, një pastruese, po edhe një prind fëmije, kush i rri vërdallë fëmijës sim, ka mendime të tilla depresive, sepse është një ambient psiko-emocional, jo i shëndetshëm për fëmijën. Ky është synimi i projektit tonë.

Gazetari: Ka të tjera mënyra, në gjykimin tonë dhe në gjykimin e specialistëve.

Aurela Saliaj, dekane: Ok, edhe hajde e diskutojmë. Ku është dëmi këtu, në qoftë se unë ta bëj ty këtë pyetje? Ku është dëmi? Ku është dëmi për fëmijën, gjithmonë?

Gazetari: Nëse unë do isha një nënë në depresion e sipër, kjo pyetje do më ndihmonte mua të ndërmerrja veprime shumë negative.

Aurela Saliaj, dekane: E ke gabim! Kjo pyetje do të ishte shpëtuese!

The post “Do ishe më mirë e vdekur apo e gjallë”, pyetësori shqetësues që shpërndahet në kopshte appeared first on Albeu.com.

Ata kanë kërkuar zbardhjen e plotë të ngjerjes dhe drejtësi për humbjen e fëmijës së tyre.

Në një deklaratë për mediat, daja hedh dyshime se fëmija nuk mund të jetë mbytur në atë lartësi, dhe rrjedhimisht kundërshton versionin zyrtar të dhënë nga grupi hetimor për ngjarjen.

“Jemi drejtuar para prokurorisë së Fierit për një hall që mos i ndodhtë askujt, asnjë prindi. Mos e paftë këtë hall që na ka rënë. Kemi çuar fëmijën në çerdhe si të gjithë fëmijët e tjerë dhe na vjen lajmi që na ishte mbytur. Dua që ju mediat të shkoni ta kontrolloni në një vend 60 pont lartësia, kur ne fëmijët e kemi mbi 80 pont. Të tërë që jeni ju këtu nëse do e shikoni po ka mundësi që fëmija të jetë mbytur vetë atje do jem i pari që do t’ju kërkoj falje.

Ne dyshojmë te ai vend ata thonë që fom,ija është mbytur këtu me një kapëse që sapo ta kapte alumini ai të mbeste në dorë. Vajtëm e pamë dje vendin. Vajtëm si njerëz dhe u kënaqëm shumë se na thanë do të shikoni realitetin. Kur e pamë atë lartësi jemi shokuar”, thotë ai.

Nëna e 3-vjeçari mes lotësh thotë se fëmija nuk mund të mbytej në atë formë. Ajo shprehet se presidenti i kopshti i ka gënjyer.

“Presidenti i kopshti ka ardhur te shtëpia dhe më ka kërkuar dhe më ka thënë që do ta nxjerr unë të vërtetën. Ka thënë që ka kamera kopshti në çdo cep. Kur vajtëm dje na tha ka vetëm 6 kamera. Vendi ku thotë ai që është vrarë çuni nuk ka mundësi në botë. Ato kapëse që thotë ai të mbesin në dorë. Si të je3të e mundur të vritet një fëmijë 15 kg te ato kapëse. Kopshti sot është i hapur”, shprehet ajo./albeu.com/

The post Vdekja e 3-vjeçarit, familjarët kërkojnë drejtësi: Nuk mund të jetë mbytur në atë formë! Kopshti ka gënjyer appeared first on Albeu.com.