Sipas burimeve, bëhet fjalë për një pasuri që dyshohet nga hetuesit se mund të jetë e lidhur me Ballukun dhe që është vënë nën hetim si pasuri e fshehur.

Prokurorët e posaçëm po analizojnë materialet e sekuestruara gjatë kontrollit, duke i krahasuar ato me provat dhe të dhënat e tjera të administruara përgjatë hetimit.

Ish-zv.kryeministrja dhe ish-ministrja e Infrastrukturës dhe Energjisë, është e pandehur në çështjen që lidhet me tenderin për ndërtimin e tunelit të Llogarasë dhe lotet e Unazës së Jashtme të Tiranës.

Ndërkohë, ndaj saj vijon edhe një hetim për korrupsion dhe pastrim parash. Në kuadër të këtij hetimi, SPAK ka sekuestruar një vilë në Dhërmi, për të cilën dyshohet se mund të jetë pasuri e fshehur.

Rreth 10 ditë më parë, Balluku u paraqit në SPAK, ku iu komunikuan akuzat e reja. Në të njëjtën kohë, asaj iu bë me dije edhe vendimi për zgjatjen me tre muaj të afatit të hetimeve.

The post Hetimet për dosjen “Balluku”/ SPAK ushtron kontrolle në kompaninë “Atelier 4”, sekuestrohet projekti i arredimit të vilës luksoze appeared first on Albeu.com.

Inspektorati Qendror i Mbikëqyrjes së Tregut (IQMT), në bashkëpunim me Agjencinë e Ushqimit dhe Veterinarisë (AUV), ka nisur sot një aksion të gjerë kontrolli që përfshin çdo hallkë të zinxhirit tregtar të qumështit dhe produkteve të tij. Ministria e Industrisë, Ndërmarrësisë, Tregtisë dhe Inovacionit (MINTI) bëri të ditur se ky operacion do të shtrihet tek prodhuesit, importuesit, shpërndarësit, magazinat, shitësit me shumicë dhe pikat e shitjes me pakicë.

Inspektimet janë ndërmarrë mbi bazën e konstatimeve të dërguara nga Agjencia e Ushqimit dhe Veterinarisë. Autoritetet theksojnë se përdorimi i qumështit në formë pluhuri dhe yndyrës së palmës, kur këto nuk shënohen në etiketë ose kur përdoren në sasi më të mëdha se ato të deklaruara, përbën shkelje të rregullave për mbrojtjen dhe informimin e konsumatorit.

Objekt i kontrolleve do të jetë përputhja midis përbërjes së vërtetë të artikullit dhe asaj që figuron në ambalazhim, përfshirë praninë e pluhurit të qumështit, vajit të palmës dhe komponentëve të tjerë. Po ashtu, do të verifikohet saktësia e emërtimit, prezantimi i produkteve, si dhe dokumentacioni i lëndëve të para dhe gjurmueshmëria e tyre. Vëmendje e veçantë do t’i kushtohet mallrave që mbahen për qëllime komerciale ose që ekspozohen për shitje.

Sipas njoftimit zyrtar, ato produkte për të cilat analizat dhe verifikimet tregojnë se përmbajtja reale nuk korrespondon me atë që pasqyrojnë etiketat, do të largohen nga tregu në përputhje me procedurat ligjore. Për operatorët ekonomik që rezultojnë në shkelje do të merren masa administrative dhe sanksione, duke filluar nga gjobat deri te masat e tjera që lejon kuadri ligjor në fuqi.

The post Fillon inspektimi i plotë i tregut të qumështit, nga prodhimi deri te shitja me pakicë appeared first on Albeu.com.

Kontrollet janë kryer me urdhër të SPAK, ndërsa janë sekuestruar dokumente dhe materiale të ndryshme.

Sipas News24, hetuesit kanë marrë dokumentacionin që lidhet me të gjitha udhëtimet zyrtare të kryebashkiakut Erion Veliaj, si dhe kanë sekuestruar dokumentet që kanë të bëjnë me dietat.

Mësohet se kontrollet dhe sekuestrimet në Bashkinë e Tiranës, janë bërë në kuadër të hetimeve për dosjen Veliaj 2.

The post SPAK kontrolle dhe sekuestrime në Bashkinë e Tiranës appeared first on Albeu.com.

Informacionet paraprake tregojnë se, menjëherë pas sulmit, të dyshuarit janë larguar me motor nga rruga “Mitat Hoxha” drejt varrezave të qytetit, në lagjen e njohur si “Baba Rexhepi”. Dyshohet se pikërisht në këtë zonë u janë humbur gjurmët.

Kërkimet e policisë po vështirësohen nga pozicioni periferik i zonës, e cila vijon më tej në një terren bregdetar të thepisur.

Krahas kontrolleve në tokë, operacioni pritet të zgjerohet edhe në hapësirën detare, me synim lokalizimin dhe kapjen e personave të dyshuar.

Ndërkohë, grupet hetimore po punojnë për të sqaruar plotësisht rrethanat e atentatit dhe për të identifikuar të gjithë personat e përfshirë.

The post Atentati ndaj Thimjo Rubatit, autorët dyshohet se ikën me motor, kërkime në tokë dhe në det appeared first on Albeu.com.

Sipas dokumentave të siguruara nga weblajm.com, kontrolle janë ushtruar tek kompania Lura shpk, e cila ka ndërtuar vilat në Lalëz njohur si Lura 1, 2 etj.

Po ashtu, pjesë e kontrolleve ka qenë edhe administratori kësaj kompanie Dodë Doçi.

Spak ka marrë autorimzimin e gjykatës për kontrolle dhe sekuestro tek subjektet që po kalon në filtër.

Ende sdihet cila është arsyea e kontrollit të Lura dhe z.Doçi ndërsa emri i tij rezulton në vendimin ki hetohen Salvador dhe Isa Aliu të dyshuar për 50 ton trafik kokaine dhe miliona euro pastrim parash.

Pjesë nga Dosja

Sendet te gjetura gjate kontrollit, si aparate telefonik, pajisje kompjuterike, (kompjutere/laptop) usb, pajisje te tjera memorizuese, hard disc, blloqe dhe flete shenimesh, si kontrata shitjesh, kontrata bashkepunimi, fatura likuidimi, dokumente qe mund te disponojne kompanite e ndertimit, lidhur me bashkepunimin e tyre me shoqgrite tregtare/kompani ndertimit, ne pronesi te shtetasve Isa Aliu, Nikoll Bibaj dhe Shpetim Bibaj si dhe telefona celulare te administratoreve te ketyre shoqerive dhe kontabilisteve te tyre si dhe ^do send tjeter qe lidhet me keto vepra penale, te sekuestrohen. / Marrë nga “Boldnews”

The post Dosja hetimore/ SPAK kontrolle tek biznesmeni Dodë Doçi dhe kompania “Lura” në Lalz appeared first on Albeu.com.

Gazetarja Klodiana Lala, raporton se një prej tyre është Pëllumb Petritaj ish-avokati që falsifikoi pronat për llogari të Artur Shehut.

Po ashtu, kontrolle janë zhvilluar edhe te Redi Struga.

Struga është inxhinier dhe administrator i kompanisë projektuese “InfraKonsult” sh.p.k. Kompania e Strugës i ka blerë pronat nga zotërues të tjerë, përfshirë kompaninë “SERE” të grupit Balfin.

Redi Struga, shërben përmes kompanisë “Albanian Land Development” si ura lidhëse me vëllezërit miliarderë Ramez dhe Mohamad Al-Khayyat nga Katari, të cilët investojnë krah Kushnerit.

SPAK dyshohet se po heton një skemë të gjerë të tjetërsimit të pronave në Zvërnec, ku bëhet fjalë edhe për një projekt turistik që lidhet me Jared Kushner, dhëndrin e Presidentit amerikan, Donald Trump.

The post Dyshimet për tjetërsimin e pronave në Zvërnec/ SPAK urdhëron kontrolle në Tiranë dhe Vlorë! Në “sitë” ish-avokati Pëllumb Petritaj dhe Redi Struga appeared first on Albeu.com.

Vijojnë kontrollet në IEVP Shkodër

Nga informacionet e marra në rrugë operative nga IEVP Shkodër në bashkëpunim me Agjencinë e Mbikëqyrjes në Sistemin e Ekzekutimit të Vendimeve Penale dhe nën drejtimin e drejtuesit të institucionit, si dhe Shefit të Policisë u zhvillua kontroll në ambjentet e brendshme të institucionit.

Gjatë kontrollit në godinën 2 u gjetën 3 aparate celuarë konkretisht: Në ambjentet e dusheve është gjetur 1 aparat celular i markës Xiaomi.

Në lavanderi u gjetën: 1 aparat celular Nokia dhe 1 celular Iphone së bashku me dy fisha karikimi. Për rastin janë hartuar raportet përkatëse të incidentit dhe procesverbalet e bllokimit, ndërsa është njoftuar Agjencia për ndjekje të mëtejshme të procedurave

The post Kontrolle në burgun e Shkodrës, gjenden celularë të fshehur në ambiente të brendshme appeared first on Albeu.com.

Sipas informacioneve paraprake, kontrollet po ushtrohen në blloqet e sigurisë dhe në qelitë e të dënuarve, me fokus evidentimin e sendeve të paligjshme.

Operacioni vijon ende, ndërsa në terren ndodhen forca të shumta të sigurisë dhe personel i administratës së burgjeve.

Pritet që Drejtoria e Përgjithshme e Burgjeve, të dalë me një njoftim zyrtar pas përfundimit të aksionit.

The post Aksion në burgun e Lushnjes, kontrolle në qelitë e të dënuarve për sende të paligjshme appeared first on Albeu.com.

Sipas njoftimit të drejtorisë së Burgjeve, kontrolli është ushtruar në godinën “B”, ku është konstatuar dhe sekuestruar një aparat celular tip iPhone, së bashku me karikues dhe fishë lidhëse të improvizuar.

“Gjatë kontrollit të ushtruar në godinën “B”, u konstatua dhe sekuestrua një aparat celular tip iPhone, së bashku me karikues dhe fishë lidhëse të improvizuar. Lidhur me rastin janë kryer veprimet procedurale përkatëse dhe është mbajtur procesverbal për bllokimin dhe sekuestrimin e sendeve të ndaluara”, thuhet në njoftim.

Njoftimi i plotë:

Goditet rast i posedimit të sendeve të ndaluara në IEVP Durrës

Në vijim të kontrolleve të befasishme dhe të intensifikuara të ushtruara nga Forcat Speciale të Drejtorisë së Përgjithshme të Burgjeve, në bashkëpunim me SPAK dhe Byronë Kombëtare të Hetimit (BKH), është evidentuar një rast i posedimit të sendeve të ndaluara në ambientet e IEVP Durrës.

Gjatë kontrollit të ushtruar në godinën “B”, u konstatua dhe sekuestrua një aparat celular tip iPhone, së bashku me karikues dhe fishë lidhëse të improvizuar.

Lidhur me rastin janë kryer veprimet procedurale përkatëse dhe është mbajtur procesverbal për bllokimin dhe sekuestrimin e sendeve të ndaluara.

Strukturat e specializuara të SHKBB, në koordinim me SPAK dhe BKH, po vijojnë hetimet dhe procedurat e mëtejshme sipas ligjit.

Drejtoria e Përgjithshme e Burgjeve mbetet e angazhuar në forcimin e sigurisë në institucionet penitenciare dhe në goditjen e çdo paligjshmërie brenda sistemit.

The post Forcat Speciale kontrolle në burgun e Durrësit, çfarë u zbulua brenda institucionit appeared first on Albeu.com.

Kontrollet po zhvillohen në kuadër të një serie aksionesh që janë bërë edhe në burgje të tjera në vend, me qëllim gjetjen dhe sekuestrimin e sendeve të ndaluara si telefona, mjete të improvizuara të forta dhe lëndë narkotike.

Aksioni është ende në zhvillim dhe deri tani nuk ka informacion zyrtar nëse janë gjetur apo sekuestruar sende të kundërligjshme.

The post Burgu i Fushë Krujës kalon në ‘sitën’ e DAP/ Vijojnë kontrollet e befasishme, zbarkojnë 10 furgona të forcave speciale appeared first on Albeu.com.