Gjeneralmajor Ozkan Ulutash, komandant i KFOR-it, zhvilloi një takim me senatoren amerikane Joni Ernst, e cila është gjithashtu anëtare e Komitetit të Senatit për Shërbimet e Armatosura (SASC).

Në bisedën me senatoren Ernst, Ulutash paraqiti një pasqyrë të gjendjes së tanishme të sigurisë në Kosovë dhe në rajon. Ai nënvizoi se KFOR-i mbetet i përkushtuar për të garantuar një ambient të sigurt dhe të qëndrueshëm për të gjithë banorët e Kosovës.

Palët diskutuan gjithashtu për detyrën që KFOR-i përmbush në funksion të sigurisë dhe stabilitetit në Kosovë, si pjesë e misionit të drejtuar nga NATO-ja.

Me këtë rast, Ulutash vlerësoi mbështetjen dhe kontributin e pandërprerë që Shtetet e Bashkuara të Amerikës vazhdojnë t’i japin misionit të KFOR-it.

The post Ulutash çmon mbështetjen e vazhdueshme amerikane për misionin e KFOR-it appeared first on Albeu.com.