Zgjatja e kontratës do të siguronte që 38-vjeçari të mbetet në aksion deri dhe pas Kupës së Botës 2026, e cila do të mbahet në Shtetet e Bashkuara, Kanada dhe Meksikë. Një njoftim zyrtar pritet në dy javët e ardhshme.

Messi u bashkua me Inter Miami në vitin 2023 pas një periudhe te Paris Saint-Germain, por pjesën e mëparshme të karrierës së tij të shkëlqyer e kaloi te Barcelona, ku luajti nga viti 2004 deri në vitin 2021, pasi kaloi nëpër sistemin e të rinjve te gjigantët spanjollë.

Në Barcelonë, ai fitoi titullin e La Ligës dhjetë herë dhe ngriti katër herë trofeun e Ligës së Kampionëve.

The post Lionel Messi merr vendimin e shumëpritur, nënshkruan kontratë shumëvjeçare me ekipin… appeared first on Albeu.com.

Hetimet disa mujore të nisura ndaj vëllezërve Astrit Merkaj, Endri Merkaj, Klajdi Merkaj, kanë zbuluar dhjetëra pasuri luksoze që shtrihen në Tiranë, Berat, e deri në vijën bregdetare të Sarandës, ku vëllezërit Merkaj zotërojnë një kullotë.

“Ora News” ka mësuar se mes kontratave që ndodhen në dosjen e SPAK, është edhe ajo e firmosur mes Endri Merkaj dhe biznesmenit të dënuar për vjedhje në Belgjikë, Elman Abule, i vënë nën hetim pasurur nga Prokuroria e Tiranës, së bashku me Kristjan Boçin.

Të dy këta persona, kanë lidhje e ngushtë e trafikantit të drogës, Eldi Dizdari alias Denis Matoshi, i cili qëndron në Dubai.

Nga ana tjetër, vëllezërit Merkaj nga Berati, janë lidhje e ngushtë e vëllezërve Çopja nga Elbasani, por me qëndrim në Dubai, të shpallur në kërkim së fundi nga prokuroria e Posaçme SPAK, për një seri vrasjesh dhe tentativash për të kryer krime.

Mes Abules dhe Merkaj, në 21 dhjetor 2021, është lidhur një kontratë porosie për blerjen e një objekti të quajtur “Vila Single A2” me sipërfaqe ndërtimi 334 m2, ndërsa sipërfaqja totale e parcelës është 550 m2.

Super vila ndodhet në kompleksin luksoz “Mandarine Drive”, rezidencë kjo që është ndërtuar nga kompania e ndërtimit “Merkaj 3”.

Vila është blerë nga Elman Abule, përkundrejt shumës prej 480 mijë eurosh.

Hetimi ka zbuluar se 1 ditë pas firmosjes së kontratës, në 22 dhjetor 2021, Elman Abule, ka paguar cash në llogarinë e kompanisë “Merkaj 3” shumë prej 100 mijë euro.

Për këtë sasi euro, Prokuroria nuk ka qenë në gjendje të sigurojë dokumente për burimin e të ardhurave, që ka shërbyer për pagesën e këstit të parë prej 100 mijë euro.

Ndërsa pagesat kanë vijuar në 21 shkurt 2022, ku Elman Abule përmes kompanisë së tij “Rametal”, ka derdhur në llogarinë e tre vëllezërve Merkaj, shumën prej 200 mijë euro.

Pagesat kanë vazhduar në 10 Gusht me 30 mijë euro. Në 11 Gusht me 40 mijë euro dhe në 16 Gusht me pagesën prej 30 mijë euro. Të tre këto pagesa janë kryer përmes llogarisë së kompanisë “Rametal”.

Ndërsa në 20 shtator 2022, Elman Abule, ka paguar 80 mijë euro, duke përmbushur kështu shumën prej 480 mijë euro për blerjen e “Vila Single A2” në kompleksin luksoz “Mandarine Drive”.

Ndërkohë, një tjetër vilë luksoze të quajtur “Big Twin” me sipërfaqe të përgjithshme prej 171 m2, Elman Abule dhe gruaja e tij, Marisa Nito, e kanë blerë kundrejt vlerës prej 370 mijë euro në kompleksin luksoz “Green Coast”.

Një tjetër vilë, çifti Abule dhe Nito, ka blerë kundrejt një vlerë prej 170 mijë euro në zonën “Kodra e Diellit”, të ndërtuar nga kompania private “Agi Kons”.

Ndërsa dy apartamente dhe një post parkimi Marisa Nito, ka blerë në rezidencën “Garden Building”.

The post SPAK zbulon kontratën Abule-Merkaj: 480 mijë euro për “Vila Single A2”, 100 mijë € u paguan cash appeared first on Albeu.com.

Njësoj siç paralajmëroi 5 ditë më parë gazetari i “Ora News” Elton Qyno, kompania izraelite “Cellebrite DI Ltd” me qëndër në “Em Hamoshavot St., Petah Tikva (Izrael), është shpallur fituese i tenderit sekret të zhvilluar nga SPAK, me qëllim “Rinovimin e licensave të pajisjeve ekzaminuese për telefona celularë”.

SPAK angazhohet në këtë kontratë që për 12 muaj me rradhë deri në dhjetor 2025, të paguajë 144 mijë dollarë tek Izraelitët e “Cellebrite DI Ltd”, duke i kërkuar këtyre të fundit të zbërthejnë kodet e telefonave, kompjuterave, Lap-Topëve e çdo pajisje tjetër kibernetike me qëllim marrjen e të dhënave.

Kjo kompani izraelitë, përfshirë dhe kompaninë tjetër kroate “INsig2 d.o.o” me qëndër në Zagreb që drejtohet nga Goran Oparnica, janë përgjedhur përmes një procedure me negocim dhe jo një gare të hapur mes konkurentëve të tjerë.

Në 16 shtator 2024, për kroatët e “INsig2 d.o.o” , SPAK vendosi të shpenzojë nga buxheti 36 mijë euro vetëm për rinovimin e licensave të pajisjeve dhe programeve ekzaminuese për telefona celularë, kompjuterave dhe të pajisjeve të tjera, pa llogaritur blerjen e programeve.

Tashmë kësaj kontrate i shtohet dhe kontrata e dytë prej 144 mijë dollarë, që SPAK ka lidhur me negocim me kompaninë izraelite.

Këto dy kompani zbërthejnë të gjitha telefonat që SPAK dhe BKH sekuestron, përfshirë këtu dhe pajisjet kompjuterike të tjera, duke shmangur kështu ekzaminimin e këtyre pajisjeve dhe bashkëpunimin me Policinë e Shtetit.

Kushdo person që shprehet duke u mburrur kafeneve se ky telefon nuk hapet dhe si merren dot të dhënat, e ka gabim.

The post SPAK lidh kontratën e radhës me izraelitët e “Cellebrite DI Ltd”/ 144 mijë USD për licencën e pajisjeve që zbërthejnë telefona dhe kompjutera appeared first on Albeu.com.