Të dhënat zyrtare të Prokurorisë tregojnë se pesha e veprave që lidhen me fushën e doganave mbetet modeste vetëm 1 për qind e totalit në vitin 2022 por në raport me vitin paraardhës është rritur.

“Koeficienti i kriminalitetit për 100 mijë banorë për këtë grup në vitin 2022 është 9.27 ndërsa në vitin 2020 ishte 5.94” vlerëson Prokuroria e Përgjithshme në raportin vjetor.

Ndërkaq duke u ndalur në element të veçantë raporti vlerëson se sa i takon kontrabandës me mallra që paguhet akcizë pesha specifike që zë kjo vepër penale në vitin 2022 në grupin e krimeve në fushën e doganës është 16.22% ndërsa për vitin 2021 ky tregues ka qenë 13.1 për qind.

Nga të dhënat statistikore në vitin 2022 sipas Prokurorisë vërehet tendenca në rritje e procedimeve të regjistruara për veprën penale të parashikuar nga neni 172 i Kodit Penal “Kontrabanda me mallra që paguhet akcizë” në shifra nga 22 në 42 procedime ose 90.91 për qind në krahasim me vitin 2021.

Ndërkohë sipas raportit sa i takon kontrabandës me mallrat ë tjera, pesha specifike që zë kjo vepër penale në grupin e veprave penale “Krime në fushën e Doganave” është 30.5 për qind për vitin 2022 ndërkohë që në vitin 2021 ka qenë 18.45 për qind.

Nga të dhënat statistikore vihet re se procedimet penale të regjistruara për ketë vepër janë rritur me 1.5 herë ku janë regjistruar 79 procedime penale.

“Tregtimi dhe transportimi i mallrave që janë kontrabande :Në grupin e krimeve në fushën e doganave në vitin 2022 vihet re tendenca në rritje me 29,79 % e procedimeve të regjistruara për veprën penale të parashikuar nga neni 178 i Kodit Penal “Tregtimi dhe transportimi i mallrave që janë kontrabande”, ku kjo vepër ka një peshë prej 23,55 % të procedimeve të regjistruara”, thuhet në raport.

Një tjetër element në dokumentin e Prokurorisë sa i takon Doganave është ajo lidhur me mosdeklarimin në kufi të të hollave dhe sendeve me vlerë.

“Në grupin e krimeve në fushën e doganave në vitin 2022 vihet re tendencë në rritje e procedimeve të regjistruara për veprën penale të parashikuar nga neni 179/a i Kodit Penal “Mosdeklarimi në kufi i te hollave dhe i sendeve me vlerë”, ku kjo vepër ka një peshë prej 18,53 % të procedimeve të regjistruara. Nga të dhënat statistikore vërehet se për vitin 2022 janë regjistruar 48 procedime penale ndaj 36 procedimeve të regjistruara në vitin 2021”, thuhet në raport./monitor

The post Kontrabanda e mallrave dhe mosdeklarimi i parave në kufi, në 2022 u rritën procedimet penale appeared first on Albeu.com.

Njoftimi:

Tiranë

Finalizohet me sukses operacioni policor i koduar “Last box”.

Operacioni, nga Seksioni për Hetimin e Krimit Ekonomik dhe Financiar në DVP Tiranë.

Sekuestrohen mallra të ndryshëm, të dyshuar të kontrabanduar.

Vihen në pranga 2 shtetas.

Specialistët e Seksionit për Hetimin e Krimit Ekonomik dhe Financiar në DVP Tiranë, në vijim të punës për parandalimin, evidentimin dhe goditjen e veprimtarisë kriminale në fushën e kontrabandës me mallra, bazuar dhe në informacionet e marra në rrugë operative, organizuan dhe finalizuan operacionin policor të koduar “Last box”.

Si rezultat u bë arrestimi në flagrancë i shtetasve:

– A. L., 50 vjeç dhe D. K., 39 vjeç, të dy banues në Tiranë, për veprat penale “Tregtimi dhe transportimi i mallrave që janë kontrabandë”, “Ruajtja apo depozitimi i mallrave që janë kontrabandë”, “Fshehja e të ardhurave” dhe “Punësimi i paligjshëm”.

Gjatë kontrollit të ushtruar në një subjekt shërbimi postar, në rrugën “Eshref Frashëri”, me administrator shtetasin D. K. dhe ortak shtetasin A. L., shërbimet e Policisë gjetën dhe sekuestruan, në cilësinë e provës materiale, mallra dhe produkte të ndryshme, pa faturat tatimore përkatëse apo deklarata doganore për origjinën e tyre.

Gjatë kontrollit në këtë subjekt janë gjetur edhe 2 shtetase, të punësuara në mënyrë të paligjshme.

Materialet i kaluan Prokurorisë, për veprime të mëtejshme procedurale.

The post Tregtonin mallra kontrabandë, në pranga dy pronarë appeared first on Albeu.com.