Edhe sipas mjekëve një pjesë e madhe e miqenies dhe shëndetit të të gjithë organizmit tuaj vjen nga kujdesi për atë çfarë fusni në trupin tuaj. Me moshën ndryshon oreksi, ushqimet dhe kujdesi për trupin, ndaj në këtë artikull AgroËeb ju këshillon ushqimet e duhura për çdo moshë.

Nga mosha 20 deri në 60 vjeç mësoni të gjithë vitaminat, mineralet dhe ushqimet e duhura që duhet të merrni çdo ditë.

Në moshën 20-vjeçare

Në këtë moshë trupi ka nevojë për shumë proteina në mënyrë që të ndërtojë dhe shërojë muskujt të cilët janë vazhdimisht në punë.

E sidomos personat të cilët meren me aktivitete sportive apo kanë një jetë shumë aktive. Burimet e mira të proteinave janë mishi, peshku, produktet e bulmetit, bishtajorët dhe arrorët.

Po kështu trupit i duhen karbohidrate komplekse të cilat funksionojnë si burim energjie. Karbohidratet ju ndihmojnë të ndiheni të ngopur më gjatë dhe të jeni më aktivë gjatë ditës tuaj.

Burime të mira të këtyre karbohidrateve janë fasulet, kinoa, drithërat dhe buka. Gjithashtu fokusohuni tek kalciumi dhe hekuri për të ndërtuar kocka të shëndetshme e të forta.

Konsumoni shumë bulmet, kefir dhe ushqime të tjera të fermentuara. Hekuri nga ana tjetër mban anemitë larg dhe ju ndihmon me qelizat e kuqe të gjakut. Atë mund ta merrni nga mishi i kuq, spinaqi dhe bishtajorët.

Në moshën 30-vjeçare

Shumica e të rriturve raportojnë se nuk konsumojë shumë fruta gjatë përditshmërisë së tyre. Ato permbajnë shumë vlera për organizmin ndaj është ide e mirë që t’i përfshini në dietën tuaj të përditshme, sidomos pas të 30-ve.

Me qëllim që të merrni më shumë vitaminë A, C, K, folate. Selen, betakaroten dhe magnez. Acidet yndyrore janë gjithashtu shumë të rëndësishme për një organizëm të shëndetshëm pas të 30-tave. Omega-3 janë të rëndësishme për të mbrojtur trurin dhe zemrën.

Sidomos për gratë të cilat janë shtatzanë apo lehonë, duhet të konsumojnë shumë salmon apo sardele.

Në moshën 40-vjeçare

Në këtë moshë çfarë është e rëndësishme është tretja e mirë dhe sistemi imunitar. Teka mosha kalon, ushqimet që ndihmojnë me këto të dyja janë krysisht probiotikët. Këtu futet kosi, kefiri, mollët, hudhrat, preshi .shpargu, bishtajorët dhe drithrat e plota.

Gjithashtu përfshini fruta dhe perime me ngjyra të ndezura të cilët janë të pasur me antioksidantë.

Këto ushqime mbajnë larg sëmundjet teksa plakeni. Kështu që përfshini perimet dhe frutat lejla, jeshile, portokalli apo blu. Kujdes duhet të keni dhe me peshën, kështu që zgjidhni drithra të plota për dietën tuaj të përditshme.

Në moshën 50-vjeçare

Këtu kryefjala janë fibrat për të mbajtur shëndetin sa më të mirë të sistemit tretës e të gjithë organizmit. Në këtë moshë është më e lehtë të shëndosheni ndaj fibrat janë aleati juaj më i mirë.

Perimet si brokoli, lulelakra, lakra janë të pasura me fibra dhe punojnë në favorin tuaj. Po në këtë periudhë rekomandohet konsimi i turmerikut për të mbajtur larg sëmundje të kockave si osteoartriti.

Proteinat merrini nga bimët pasi kanë sasi më të ulëta yndyre se ato që merrni nga mishi. Kolina është një tjetër ushqyes që i duhet trupit tuaj në këtë moshë pasi ndihmon me memorien, kontrollin e muskujve dhe shkatërron yndyrnat e kqija.

Për burrat mbi 50 vjeç nevojiten 550 miligramë ndërsa për gratë 425 miligramë në ditë. Vezët njihet si një nga burimet më të mira të kolinës.

Në moshën 60-vjeçare

Në këtë moshë filloni të kujdeseni për shëndetin e zemrës, pasi me gjasë problemet dhe smëundje të ndryshme janë shtuar gjatë viteve. Po kaq i rëndësishëm është edhe kujdesi për shëndetin e trurit.

Prandaj mjekët këshillojnë përdorimin yndyrnavë të shëndetshme si vaji i ullirit. Konsumoni perime të pjekura me pak vaj ulliri dhe shumë pak kripë.

Për t’u ëmbëlsuar largoni sheqerin e përpunuar dhe zgjidhni frutat e freskëta si luleshtryshet apo boronicat. Ato janë të mbushur ame antioksidantë, vitaminë C dhe sigurojnë qarkullim më të mirë gjaku.

The post Çfarë ushqimesh duhet të konsumoni sipas moshës që keni appeared first on Albeu.com.

Ka disa ushqime që mund të ngadalësojnë procesin e plakjes, veçanërisht pas moshës 50-vjeç.

Avokado

Nutricionistja Laura Burak thotë se avokado është i pasur me yndyra të shëndetshme për zemrën dhe fibra, vitaminë B, kalium dhe vitamina A, C, E dhe K. Nutricionistja Melissa Mitri shtoi se avokado është e pasur me përbërje anti-inflamatore që ju ndihmojnë që lëkura të jetë e lëmuar. dhe me shkëlqim.

Peshk yndyror

Peshq të tillë si salmoni, të cilat janë të pasur me acide yndyrore omega-3, është treguar se zvogëlojnë proceset inflamatore në lëkurë.

Boronicat

“Boronicat janë një burim i mirë i vitaminave A dhe C që mund të zvogëlojnë inflamacionin që shkakton plakjen e parakohshme të lëkurës”, thotë Mitri. Përveç kësaj, boronicat janë plot me antioksidues që ngadalësojnë plakjen e lëkurës.

Perime jeshile, me gjethe

Perimet si lakra jeshile ose spinaqi ngadalësojnë plakjen tek njerëzit mbi 50-vjeç. Sipas nutricionistes Marie Ruggles, perime të tilla janë të pasura me lëndë ushqyese dhe përbërje antiinflamatore që ngadalësojnë plakjen dhe mbrojnë qelizat tona.

Vaj ulliri

Vaji i ullirit përbëhet kryesisht nga acidi yndyror i pangopur, acid oleik dhe përveç kësaj përmban përbërje që janë të ngjashme me ato që përmbahen në lëkurën tonë.

“Membranat tona qelizore janë bërë nga acide yndyrore që gjenden gjithashtu në vajin e ullirit dhe ndihmon në prodhimin e qelizave të reja,” thotë Ruggles.

Arra

Arrat janë të pasura me acide yndyrore omega-3 dhe vitaminë E, të cilat mund të jenë thelbësore për rikuperimin e lëkurës nga dëmtimet e shkaktuara nga plakja. Vitamina E gjithashtu ndihmon në ruajtjen e elasticitetit të lëkurës, shkruan Eat This

The post Nëse i trembeni plakjes dhe doni ta ngadalësoni, konsumoni këto 6 ushqime sa më shpesh appeared first on Albeu.com.