Shëndeti i sistemit tretës është shumë më tepër sesa një jashtëqitje e rregullt, ai ndikon në imunitet, nivelin e energjisë dhe madje edhe në gjendjen shpirtërore.

Në qendër të gjithçkaje, ndodhen zorrët dhe miliarda mikroorganizma që jetojnë aty.

Nëse dëshirojmë ta ruajmë këtë mikroflorë të shëndetshme, ushqimi luan rol kyç.

Dhe ndër të gjitha ushqimet që ndihmojnë zorrët, një frut i thatë veçohet në mënyrë të veçantë.

Sipas gastroenterologut Dr. Will Bulsiewicz, zgjedhja më e mirë për shëndetin e zorrëve janë arrat. Ja pse pikërisht ato e meritojnë titullin e frutit më të dobishëm për tretjen.

Pse arrat janë zgjedhja më e mirë për zorrët?

Fijet ushqimore ushqejnë bakteret e dobishme

Një porcion arrash (rreth 28 gramë) përmban afërsisht dy gramë fibra ushqimore. Siç shpjegon gastroenterologu për Eating Well, “Fijet janë thelbësore për shëndetin e mikrobiomës. Shumica e njerëzve i konsumojnë shumë më pak sesa sasia e rekomanduar.”

Fijet nxisin jashtëqitje të rregullt, parandalojnë kapsllëkun dhe ushqejnë bakteret e dobishme në sistemin tretës. Rezultati është një mikroflorë më e balancuar dhe një tretje më e mirë.

Acidet yndyrore omega-3 ulin inflamacionin

Arrat janë një nga burimet e rralla bimore të acideve yndyrore omega-3, konkretisht të acidit alfa-linolenik (ALA). Përveç që janë të mira për zemrën, yndyrnat omega-3 ndikojnë pozitivisht edhe në zorrë.

Ato mund të ndihmojnë në rritjen e baktereve të dobishme dhe në reduktimin e inflamacionit që dëmton mukozën e zorrëve. Kjo forcon barrierën mbrojtëse të murit të zorrëve dhe ul rrezikun që substanca të dëmshme të kalojnë në qarkullimin e gjakut.

Nxisin prodhimit e acidit butirik

Acidi butirik (butirati) është një acid yndyror me zinxhir të shkurtër, i rëndësishëm për shëndetin e zorrës së trashë. Nivelet më të larta të butiratit në zorrë janë të lidhura me më pak inflamacion, qarkullim më të mirë të gjakut, funksion më të rregullt të zorrëve dhe një mikrobiomë më të shëndetshme. Ky acid vepron si karburant për qelizat e zorrëve dhe mbështet drejtpërdrejt një tretje të shëndetshme.

Antioksidantët e fuqishëm mbrojnë qelizat e zorrëve

Arrat janë të pasura me antioksidantë si elagitanina dhe flavonoidet, të cilët mbrojnë qelizat e zorrëve nga stresi oksidativ – një proces që mund të shkaktojë dëmtim të indeve dhe inflamacion kronik, shkruan Eating Well, përcjell Telegrafi.

Shëndeti i zorrëve fillon me një grusht arrash

Frutat e thata në përgjithësi janë të dobishme për tretjen sepse përmbajnë fibra dhe yndyra të shëndetshme, por arrat veçohen për shkak të kombinimit të lëndëve ushqyese që veprojnë drejtpërdrejt mbi mikrobiomën.

Nëse doni të përmirësoni shëndetin e zorrëve, përfshirja e një grushti arrash në përditshmëri është një hap i thjeshtë dhe efektiv. Përveç që janë të shijshme dhe ngopëse, ato mund të kenë përfitime afatgjata për gjithë trupin.

The post Çfarë i ndodh trupit tuaj nëse konsumoni çdo ditë një grusht arra appeared first on Albeu.com.

Të rriturit nuk kanë domosdoshmërisht nevojë për qumësht për të mbajtur një jetë të shëndetshme, veçanërisht nëse e zëvendësojnë atë me ushqime të tjera që përmbajnë lëndë ushqyese thelbësore.

“Bright Side” ka zbuluar se çfarë mund t’i ndodhë trupit tuaj nëse ndaloni së konsumuari qumësht gjatë jetës së përditshme.

Produktet e qumështit mund të jenë shkaktarë të migrenës. Pra, nëse nuk jeni të stresuar, flini mirë dhe keni kufizuar konsumin e kafesë, por përsëri keni dhimbje koke, qumështi mund të jetë përgjigjja.

Ka shumë hormone tek produktet e qumështit që mund të bien ndesh me tuajat. Kur përzihen këto hormone, kjo çon në ndryshime të humorit. Pra, nëse konsumoni më qumësht apo produktet e tij, nuk do të ekspozoheni ndaj këtyre hormoneve shtesë dhe ndoshta mund të bëheni më të qëndrueshëm emocionalisht.

Rezulton se 65% e të rriturve kanë një aftësi të reduktuar për të tretur laktozën. Kjo do të thotë që konsumimi i qumështit çon në fryrje të stomakut, gazra dhe diarre. Nëse e përjetoni shpesh, ju mund të jeni një nga këta njerëz intolerantë ndaj laktozës. Flisni me një profesionist shëndetësor për të kuptuar dietën tuaj të re. Kur rregulloni dietën në përputhje me rrethanat, ju mund të ndjeheni më mirë dhe më të shëndetshëm.

Njerëzit që janë të ndjeshëm ndaj qumështit, por që ende e konsumojnë atë, ka të ngjarë të kenë puçrra. Rezulton se produktet e qumështit përmbajnë hormone të ndryshme që stimulojnë zhvillimin e akneve. Pra, nëse e keni këtë problem, përpiquni të rregulloni dietën tuaj dhe të eliminoni qumështin.

Pavarësisht këtyre, qumështi është i pasur me kalcium, proteina dhe vitamina D dhe B12. Edhe pse këto janë më të rëndësishmet gjatë fëmijërisë dhe adoleshencës, ju gjithsesi duhet të siguroheni që po i merrni këto lëndë ushqyese. Nëse jo, mund të sëmureni më lehtë. Pra, nëse vendosni të eliminoni qumështin, përpiquni ta zëvendësoni me produkte të tjera që janë të pasura me këto përbërës si sardelet, salmoni dhe qumësht me bazë bimore.

The post E konsumoni çdo ditë, cili është produkti që po katandis fytyrën tuaj në këtë gjendje appeared first on Albeu.com.

Cilat janë përfitimet e të ngrënit kivi me gjithë lëkurë ?
Kaliumi që gjendet me shumicë te lëkura e kivit mund të rregullojë nivelin e hormoneve, presionin e gjakut dhe funksionin e enëve të gjakut. Kivi dhe lëkura e tij janë të pasur me antioksidantë të fuqishëm dhe flavonoide të cilat janë substanca kimike me veti anti-alergjike, anti-kancer dhe anti-inflamatore.

Lëkura e kivit mund të përmirësojë shëndetin kardiovaskular dhe është e pasur me vitamina A, C dhe E Nëse ju duket e pamundur të hani lëkurën e kivit, mënyra më e mirë është që frutin ta shtrydhni me lëkurë. Epo nuk ju mbetet më asgjë tjetër veçse ta provoni një herë.

The post E paskemi ditur gabim, studimi: Ja pse kivi duhet ngrënë me gjithë lëkurë appeared first on Albeu.com.