Pra, në listën e publikuar nga CIA, konsumi është disa herë më i ulët, pavarësisht nga perceptimi.

Konsumi vjetor për banor raportohet 4.4 litra, sasi kjo që na çon shumë larg vendeve të para si ishujt Cook, Letonia, Çekia e Lituania ku norma vjetore e konsumit për frymë kalon 12 litra.

Edhe në raport me rajonin, shqiptarët bashkë me fqinjët e Maqedonisë së Veriut janë më pak të prirur për të pirë alkool, ndërsa pijedashësit më të mëdhenj jetojnë ne Malin e Zi. Në sasi, birra mban peshën kryesore të konsumit, ndjekur nga rakia dhe vera.

Edhe statistikat zyrtare të Eurostat e rendisin Shqipërinë të parafundit në kontinent, duke lënë pas vetëm Turqinë.

Pijet alkoolike janë më të lirat në Evropë në Maqedoninë e Veriut, me 81 për qind të mesatares evropiane dhe më të shtrenjtat në Suedi, me 219 për qind të mesatares evropiane.

Shpenzimi nominal për frymë për pije alkoolike në Shqipëri është 86 euro, ndërsa në Bashkimin Europian 286 euro./Albeu.com/

The post Shqiptarët s’janë pijedashës, renditemi në vendin e 90, konsumi për frymë 4.4 litra appeared first on Albeu.com.

Në një intervistë për “Euronews Albania”, Kalleshi u shpreh se kjo po vërehet më shumë të vajzat sesa djemtë.

“Në Shqipëri, statistikat tregojnë një fëmijët e klasave të nënta dhe te gjimnazistët kanë një rritje të konsdiderueshme të konsumiit të alkoolit. Madje, kjo shikohet më shumë edhe te vajzat sesa te djemtë.

Në rininë e tyre, trupi dhe organizmi është i pamësuar dhe natyrisht ka mundësi të përballojë çdo lloj gjëje të mirë apo të keq të futur në organizëm. Nëse konsumimi i alkoolit është i përditshëm, nëse konsumimi i alkoolit kalon një gotë, kemi të bëjmë me abuzim”, theksoi ajo.

Lidhur me thirrjen që qeveria në Japoni u ka bërë të rinjve për të konsumuar më shumë alkool, Kalleshi theksoi se japonezët mbahen për një stil jetese të shëndetshme dhe se është kundra konsumimit të pijeve alkoolike.

The post Nutricionistja: Në Shqipëri vajzat po konsumojnë më shumë alkool sesa djemtë appeared first on Albeu.com.

Sipas burimeve, ngjarja ndodhi pasi ata pinë alkool me përqindje të lartë metanoli.

Ngjarja ndodhi në rrethet Ahmedabad dhe Botad të shtetit Gujarat, ku prodhimi, shitja dhe konsumimi i alkoolit është i ndaluar, sipas mediave të huaja.

“Kishte 98% metanol në pijen që ata konsumuan, që do të thotë se ata kishin konsumuar vetëm metanol, gjë që ka rritur numrin e vdekjeve”, tha Bhavnagar Ashok Yadav, inspektori i përgjithshëm i policies.

Departamenti i krimeve të qytetit të Ahmedabad ka arrestuar një pronar Jayesh Khavadiya nga Narol dhe tetë bashkëpunëtorët e tij. Provinca Gujarat e ka ndaluar konsumimin e alkoolit që nga viti 1960 si një homazh për Mahatma Gandhin, të vrarë në vitin 1948, por qindra banorë kanë vdekur gjatë dekadave pasi filloi tregtia e paligjshme e pijeve.

Policia lokale rregullisht mbyll një sy ndaj tregtisë së pijeve alkoolike, pasi ata paguajnë ryshfet për të kryer shitjen e tyre të paligjshme në fshatra, sipas mediave lokale.

The post E TRISHTË/ Pinë alkool, vdesin tragjikisht 28 persona appeared first on Albeu.com.

Një konflikt ka përfunduar në përdorimin e mjeteve prerëse nga 37-vjeçari Olgert Dhimitri kundrejt një 60-vjeçarit Ilir Kapo.

Si pasojë e plagëve të marra, 60-vjeçari nuk ka arritur të mbijetojë.

Ngjarja ndodhi pranë shkollës “Harry Fultz” në Tiranë dhe sipas informacioneve, Kapo dhe Dhimitri po konsumonin alkool në një lokal pranë vendit të ngjarjes. Fillimisht ka nisur një konflikt verbal mes tyre dhe më pas kanë dalë jashtë, ku edhe autori e ka goditur për vdekje me thikë viktimën.

Mësohet se autori përveç alkoolit, kishte konsumuar edhe lëndë narkotike.

“Më datë 07.05.2022, rreth orës 11:15, në afërsi të “Harry Fultz”, shtetasi O. Dh., 37 vjeç, ka goditur me mjete prerëse shtetasin I. K., 60, i cili si pasojë e plagëve të marra ka ndërruar jetë.

Autori i dyshuar është shoqëruar në komisariat për veprime të mëtejshme.

Grupi hetimor po punon për sqarimin e rrethanave të ngjarjes”, njofton policia./albeu.com/

The post DETAJET/ Po pinin alkool, 37-vjeçari i droguar në Tiranë nxjerr thikën dhe vret “Kapo-n” appeared first on Albeu.com.