Agron Shehaj, kryetar i Partisë Mundësia, ka kundërshtuar me tone të forta raportimet se Shqipëria dhe Serbia po zhvillojnë negociata për hapjen e një Konsullate serbe në Shkodër. Sipas tij, një nismë e tillë është e papranueshme në një periudhë kur vendet e Perëndimit po izolojnë regjimin e presidentit serb Aleksandar Vuçiç.

Shehaj i kërkoi qeverisë shqiptare që të heqë dorë menjëherë nga ky proces dhe të mbajë përgjegjësi për situatën, përcjell “Bota sot”. Ai deklaroi se mbrojtja e interesit kombëtar të Shqipërisë mund të realizohet vetëm duke u ofruar mbështetje të pakushtëzuar shqiptarëve të Luginës së Preshevës.

Në reagimin e tij, kreu i Partisë Mundësia e cilësoi të pafalshëm faktin që Tirana po negocion me Beogradin për një Konsullatë serbe në Shkodër, pikërisht në kohën kur, siç u shpreh ai, i gjithë Perëndimi po e vendos në izolim regjimin e Vuçiçit.

Ai kujtoi gjithashtu se Serbia vijon të mos pranojë përgjegjësinë për genocidin në Kosovë dhe, njëkohësisht, mban gjallë një retorikë armiqësore. Si shembull, Shehaj përmendi deklaratën e papranueshme të bërë pak javë më parë nga ministrja për spastrimin etnik të shqiptarëve.

Në përfundim, Shehaj përsëriti kërkesën që qeveria shqiptare të tërhiqet pa vonesë dhe të japë llogari për atë që po ndodh në zemër të Tiranës.

The post Konsullata serbe në Shkodër, Shehaj kërkon tërheqjen e menjëhershme të qeverisë appeared first on Albeu.com.

Sulmi është kryer n ga një shtetas i huaj, sipas CNN turk.

Ngjarja ka ndodhur në Konsullatën Suedeze në Rrugën e Martirëve të Qipros Alsancak rreth orës 12:45. Sipas informacioneve të marra, Z.Ö., i cili pretendohet se është me aftësi të kufizuara mendore, ka qëlluar me pistoletë drejt gruas së identifikuar si E.T.

Pas ngjarjes, në konsullatë janë dërguar policia dhe ekipet mjekësore, ndërsa sulmuesi i armatosur Z.Ö u ndalua nga ekipet e policisë.

E plagosura është dërguar me autoambulancë nga ekipet mjekësore në Spitalin Trajnues dhe Kërkimor Tepecik dhe është në gjendje të rëndë.

The post Sulm i armatosur në konsullatën suedeze në Izmir, plagoset rëndë një punonjëse appeared first on Albeu.com.