Punimet e kongresit nisin në orën 11:45 dhe do të jenë të ndarë në 6 panele: Reforma në Drejtësi dhe Lufta kundër Korrupsionit, Prioritetet zhvillimore, Qeverisja Vendore, Siguria dhe Shqipëria në botë si dhe Partia Socialiste 2030.

The post PS mban sot Kongresin e jashtëzakonshëm, nga drejtësia tek Inteligjenca Artificiale, zbardhet agjenda appeared first on Albeu.com.

Biden zhvilloi bisedime me liderët demokratë dhe republikanë të Dhomës së Përfaqësuesve dhe Senatit amerikan lidhur me atë se çfarë mund të bëhet në javët që kanë mbetur para se republikanët të marrin kontrollin e Dhomës.

Aktualisht, demokratët kanë kontrollin e dy dhomave të Kongresit amerikan.

Republikanët fituan shumicën në Dhomën e Përfaqësuesve në zgjedhjet e mesmandatit të mbajtura më 8 nëntor dhe do të marrin kontrollin e kësaj dhome në janar. Marrja e kontrollit të Dhomës komplikon agjendën e Bidenit gjatë dy vjetëve të ardhshëm.

Në zgjedhjet e nëntorit, demokratët e Bidenit arritën të mbanin kontrollin e Senatit.

Biden tha se dhënia e ndihmës më të madhe ushtarake për Ukrainën është prioritet, por edhe financimi i masave për të luftuar pandeminë e koronavirusit.

Lideri i republikanëve në Dhomën e Përfaqësuesve, Kevin McCarthy, mori pjesë në takimin me Biden. Ai u tha gazetarëve se do të ngrehë pyetje lidhur me financimin e Ukrainës, ndihmë që ka kaluar shifrën prej 18 miliardë dollarësh. Por, ai shtoi se është i gatshëm që të punojë me demokratët nëse ata “kanë vullnet që të vënë nën kontroll shpenzimet tona”.

Kryetarja e Dhomës së Përfaqësuesve, Nancy Pelosi, pas takimit u tha gazetarëve se demokratët ndoshta duhet të miratojnë planin e shpenzimeve të Qeverisë më 30 shtator. Kjo do të mundësonte që republikanët të mos kenë mundësi të bëjnë shkurtime në buxhet.

Biden po ashtu tha se financimi i Qeverisë përtej 16 dhjetorit, për të shmangur mbylljen, është lart në agjendën e tij.

Përveç McCarthyt dhe Pelosit, në takimin me Biden ishin të pranishëm edhe lideri i Senatit, Chuck Schumer dhe lideri republikan në Senat, Mitch McConnell.

The post Biden në Kongres: Ukraina dhe Covid 19 janë prioritetet kryesore appeared first on Albeu.com.

Në një intervistë me televizionin CBS, Pence u shpreh se Kongresi nuk ka të drejtë të kërkojë dëshminë e tij dhe se në Kushtetutë pushtetet janë të ndara.

Ai u shpreh se thirrja e tij për të dëshmuar do të krijonte një precedent shumë të keq.

Kujtojmë se zotit Pence iu desh të fshihej për orë të tëra kur mbështetësit e zotit Trump sulmuan Kongresin më 6 janar në një përpjekje për të parandaluar Kongresin që të certifikonte fitoren e Biden.

The post 6 janari, Mike Pence refuzon të dëshmojë në Kongres: Do të krijohej një precedent i keq appeared first on Albeu.com.

Demokratët po përgatiten për rezultate zhgënjyese, të shqetësuar se mund të humbasin kontrollin e Dhomës së Përfaqësuesve dhe atë të Senatit, që dikur mendonin se do ta ruanin shumicën e vogël që kishin. Guvernatorët aktualë të partisë demokrate në shtetet si Uiskonsini, Miçigani dhe Nevada po ndeshen gjithashtu me rivalë seriozë republikanë.

Gjatë kthimit në Shtëpinë e Bardhë të hënën mbrëma pas një tubimi të fundit fushate, Presidenti Biden tha se ai mendonte se demokratët do ta mbanin Senatin, por e pranoi se ruajtja e shumicës në “Dhomën e Përfaqësuesve është më e vështirë”.

Partia Republikane ishte optimiste për shanset e saj, duke thënë se mesazhi i saj i përqendruar tek ekonomia, çmimet e karburantit dhe krimi do të tërhiqte votuesit në një kohë të shtimit të inflacionit dhe dhunës në rritje. Republikanët janë të bindur se zemërimi që rrjedh nga vendimi i Gjykatës së Lartë për të hequr të drejtën kushtetuese të grave për abort është zbehur dhe tradicionalisht zgjedhjet për Kongresin që përkojnë me mesin e mandatit të një presidenti janë bërë një lloj vlerësimi për punën e tij.

“Do të jetë një referendum mbi paaftësinë e kësaj administrate”, tha ligjvënësi republikan i Minesotës, Tom Emmer, i cili po drejton përpjekjet e Partisë Republikane për të rimarrë kontrollin e Dhomës së Përfaqësuesve.

Rezultatet mund të kenë një ndikim të thellë në dy vitet e fundit të mandatit të Presidentit Biden. Kontrolli nga republikanët qoftë edhe i njërës dhomë të Kongresit, do ta linte zotin Biden të pambrojtur ndaj hetimeve mbi familjen dhe administratën e tij, ndërsa ai do të përpiqej të mbronte arritjet e tij politike, duke përfshirë ligjin për infrastrukturën, si dhe atë të kujdesit shëndetësor dhe shpenzimet për çështjet sociale. Republikanët gjithashtu mund ta bëjnë më të vështirë rritjen e tavanit të borxhit dhe mund të kufizojnë mbështetjen për Ukrainën në luftën e saj kundër Rusisë.

Nëse republikanët do të arrijnë fitore të thellë, mund të shtohet trysnia ndaj zotit Biden për të mos vënë kandidaturën në zgjedhjet presidenciale të vitit 2024. Ish-presidenti Donald Trump, ndërkohë, mund të përpiqet të përfitojë nga një paraqitje e fortë e Partisë Republikane, duke shpallur zyrtarisht kandidaturën e tij në Florida javën e ardhshme.

Zgjedhjet për Kongresin vijnë në një moment të paqëndrueshëm për Amerikën, e cila doli këtë vit nga pandemia e rëndë e COVID-19 dhe tani po përballet me sfida të forta ekonomike. Gjykata e Lartë hoqi të drejtën kushtetuese për abortin, që ishte në fuqi për pesë dekada.

Në zgjedhjet e para kombëtare, që nga sulmi i 6 janarit të vitit 2021 ndaj Kapitolit, e ardhmja demokratike e vendit është në pikëpyetje. Disa njerëz që morën pjesë, ose ishin në afërsi të sulmit vdekjeprurës ndaj Kapitolit, pritet të fitojnë në zgjedhjet e së martës, madje edhe në ato për postin e anëtarit të Dhomës së Përfaqësuesve. Një numër i kandidatëve republikanë për Sekretar Shteti, përfshirë ata që konkurrojnë në Arizona, Nevada dhe Miçigan, kanë refuzuar të pranojnë rezultatet e zgjedhjeve presidenciale të vitit 2020. Nëse fitojnë të martën, ata do të menaxhojnë zgjedhjet e ardhshme presidenciale në shtetet që janë shpesh kyçe në garat presidenciale.

emokratët e pranojnë se ka një prirje kundër tyre në këto zgjedhje. Me përjashtime të rralla, partia e presidentit humbet vende në zgjedhjet që përkojnë me mesin e mandatit të tij të parë. Mbështetja e ulët për punën e Presidentit Biden i vështirëson më shumë përpjekjet e demokratëve për të fituara garat e ngushta.

Sipas një sondazhi të muajit tetor nga agjencia e lajmeve Associated Press dhe Qendra për Studimin e Çështjeve Publike-NORC, vetëm 43% e amerikanëve thonë se mbështesin punën e Presidentit Biden. Në të njëjtin sondazh, vetëm 25% thanë se vendi po shkon në drejtimin e duhur.

Megjithatë, aleatët e Presidentit Biden kanë shprehur shpresën se votuesit do të refuzojnë republikanët që kanë kontribuar në krijimin e një mjedisi ekstrem politik.

“Mendoj se ajo që ne po shohim tani është vetëm një parti me busull morali”, thotë Cedric Richmond, ish këshilltar i lartë i Presidentit Biden në Shtëpinë e Bardhë që tani punon në Komitetin Kombëtar Demokrat. “Dhe një parti që dëshiron të rrëmbejë pushtetin”, shtoi ai.

Ky është një mesazh tërheqës për 49 vjeçarin Kevin Tolbert, i cili punon dhe jeton në Southfield të Miçiganit. Ai planifikon të mbështesë kandidatët demokratë mes shqetësimeve për të ardhmen e demokracisë.

“Është diçka që duhet mbrojtur dhe ne e mbrojmë atë (demokracinë) duke votuar, duke mbështetur vendin tonë. Mendoj se është shumë e rëndësishme që ta mbrojmë atë, sepse ne mund të përfundojmë në situata të ngjashme me ato që i kemi parë në të kaluarën, diktatorë e të tjerë. Ne nuk kemi nevojë për këtë”, thotë zoti Tolbert.

Por në Merilend, ku demokratët kanë një nga shanset e tyre më të mira për të rimarrë postin e guvernatorit të mbajtur nga republikanët, Shawn Paulson thotë se kishte “shumë pikë-pyetje, por jo hetime të mjaftueshme” për rezultatet e zgjedhjeve të vitit 2020. “Nuk duhet të jetë një gjë negative ose e paligjshme në asnjë mënyrë të flasësh për atë që do të bësh për të përmirësuar sigurinë”, tha zoti Paulson, një 45-vjeçar që drejton degën e Partisë Republikane në Qarkun e Kentit.

Zyrtarët e zgjedhjeve federale dhe shtetërore dhe prokurori i përgjithshëm i emëruar nga vetë zoti Trump, kanë thënë se nuk pati prova të besueshme që tregojnë se zgjedhjet e vitit 2020 ishin të manipuluara. Akuzat e ish-presidentit për manipulim të zgjedhjeve janë mohuar edhe nga gjykatat e vendit, duke përfshirë edhe gjyqtarë të emëruar nga vetë zoti Trump.

Në zgjedhjet e së martës, votuesit amerikanë do të vendosin për tridhjetë e katër vende në Senat dhe demokratët i kanë përqendruar përpjekjet për të ruajtur kontrollin në Pensilvani, Xhorxhia, Uiskonsin dhe Arizona. Garat në këto shtete ndoshta do të vendosin se cila parti do të kontrollojë Senatin, i cili aktualisht është i ndarë 50 me 50, me Nënpresidenten demokrate Kamala Harris që ka votën përcaktuese. Demokratët shpresojnë të fitojnë në garat për Senatin në shtetet e Ohajos dhe Karolinës së Veriut, ndërsa republikanët besojnë se mund të fitojnë ndaj senatorëve demokratë në Nevada dhe ndoshta në Nju Hempshër.

Të martën votuesit do të zgjedhin tridhjetë e gjashtë guvernatorë shtetesh. Demokratët i kanë përqendruar përpjekjet për të ruajtur postet e guvernatorit në Miçigan, Uiskonsin dhe Pensilvani. Këto tre shtete janë kritike për zgjedhjet presidenciale, legjislaturat e tyre kontrollohen nga republikanët dhe kandidatët republikanë për guvernatorë, kanë mbrojtur gënjeshtrat për manipulim zgjedhjesh të filluara nga zoti Trump në vitin 2020.

Fitoret e republikanëve në garat për guvernatorë mund të bëjnë që shtetet të miratojnë ligje më të ashpra votimi dhe ndoshta edhe të refuzojnë të bllokojnë përpjekjet për mohimin e rezultatit të zgjedhjeve presidenciale të vitit 2024, nëse zoti Trump, ose ndonjë kandidat tjetër republikan, i humbet ato.

Mes parashikimeve për fitore të republikanëve, demokratët shpresojnë se aborti mund të aktivizojë bazën e tyre dhe do të tërheqë votuesit e pavarur e të pavendosur, që janë të zemëruar nga shfuqizimi i vendimit Roe kundër Wade.

“Njerëzit e kuptojnë se kjo liri themelore është hequr”, thotë Alexis McGill Johnson, presidente e organizatës “Planned Parenthood Federation of America”, e cila ka shpenzuar 150 milionë dollarë për të mobilizuar votuesit “që zakonisht nuk votojnë” në zgjedhjet për Kongresin që përkojnë me mesin e mandatit të Presidentit.

“Ata e shohin se kjo është një çështje ekonomike, një çështje e kujdesit shëndetësor, një çështje e lirisë”, shtoi zonja McGill Johnson. “Dhe ata janë të zemëruar.”

Megjithatë, Presidenti Biden përballet me mundësinë e drejtimit të një Uashingtoni të ndarë. Ndërsa po kthehej nga një tubim fushate në mbështetje të kandidatit demokrat për guvernator në Merilend, Wes Moore, zoti Biden u pyet se cili do të ishte realiteti i tij i ri, nëse Kongresi kontrollohet nga republikanët. Ai u përgjigj duke thënë: “Më i vështirë”./VOA

The post Zgjedhjet në SHBA pas një fushate të ashpër politike appeared first on Albeu.com.

Një vendim i tillë mund të rezultojë me burgosje të Trumpit, në rast se nuk bashkëpunon me autoritetet.

Nëntë anëtarët e Komitetit – shtatë demokratë dhe dy republikanë – kanë votuar në të mirë të vendimit.

Kështu, Trumpit i kërkohet që të ofrojë dokumente dhe të dëshmojë nën betim, lidhur me ngjarjet e 6 janarit.

“Ai person është në qendër të ngjarjeve që kanë ndodhur më 6 janar, andaj duam të dëgjojmë prej tij”, ka thënë udhëheqësi i Komitetit, Bennie Thompson.
Procesi i votimit është zhvilluar pasi Komiteti ka kaluar më shumë se dy orë duke e shqyrtuar rastin – përmes deklaratave nga anëtarët, dokumenteve dhe incizimeve të dëshmive – se Trump ka planifikuar paraprakisht që të mohojë humbjen në zgjedhjet presidenciale të vitit 2020.

Ata po ashtu kanë thënë se Trump ka dështuar që t’i kthejë mbrapsht mijëra mbështetës të tij që kanë sulmuar Kongresin dhe ka vazhduar të deklarojë se zgjedhjet kanë qenë mashtrim, pavarësisht se këshilltarët e ngushtë i kanë thënë se ka humbur.
Procesi i votimit është zhvilluar pasi Komiteti ka kaluar më shumë se dy orë duke e shqyrtuar rastin – përmes deklaratave nga anëtarët, dokumenteve dhe incizimeve të dëshmive – se Trump ka planifikuar paraprakisht që të mohojë humbjen në zgjedhjet presidenciale të vitit 2020.

Ata po ashtu kanë thënë se Trump ka dështuar që t’i kthejë mbrapsht mijëra mbështetës të tij që kanë sulmuar Kongresin dhe ka vazhduar të deklarojë se zgjedhjet kanë qenë mashtrim, pavarësisht se këshilltarët e ngushtë i kanë thënë se ka humbur./REL

The post Trumpit i kërkohet të dëshmojë për trazirat në Kongres appeared first on Albeu.com.

Pasi postoi një foto me të gjithë familjen, Meta e ka nisur ditën e sotme me një foto bashkë me Kryemadhin.

“Një horizont i ri plot shpresë”, shkruan Meta.

Kujtojmë që ditën e sotme pritet të ketë zhvillime të rëndësishme në LSI, parti e cila momentalisht drejtohet nga Kryemadhi, por me shumë gjasa do të rikthehet nën drejtimin e Metës./albeu.com

The post “Një horizont i ri plot shpresë”, Meta e nis ditën me një foto me Kryemadhin appeared first on Albeu.com.

Ai paralajmëroi se PS-ja më 12 qershor do të ketë 30-vjetorin dhe se do të jetë momentin edhe për rifreskimin e PS-së.

“Kongres të jashtëzakonshëm, por edhe të paraqesim edhe vizionin Shqipëria 2030. Qeveria e re do të formohet fill pas sezonit të verës, por puna do të nisë tani. Kongresi i Jashtëzakonshëm do të zgjedhë edhe asambelenë kombëtare kur do të hyjnë më të mirët. Jemi gati për ta braktisur llogoren e luftës së vjetër”, tha Rama.

Gjithashtu kryeministri u shpreh se se Partia Socialiste do të fillojë një fushatë hapje në PS ku do të krijohen mundësi gjithë përfshirëse dhe se kush nuk ka arritur objektivat në terren duhet t’i lërë vendin dikujt tjetër. Rama tha se do të ngrihet një komision i Posaçëm riorganizimi dhe se me 12 qershor do të thirret një kongres i jashtëzakonshëm dhe të paraqesë vizionin Shqipëria 2030.

‘Kjo është një 74 shumë domethënëse, për shkak të tërmetit dhe pandemisë. Gati për të mbajtur me dinjitet të lartë përgjegjësinë e shumicës së re qeverisëse, gati për të analizuar në çdo aspekt mandatin e dytë dhe të kuptojmë sa më qartë se ku duhet të ndërhyjmë për të përmirësuar më tej. Do të nisim një fushatë hapje të PS ku nga njëra anë do të krijojmë një mundësi përfshirëse për të gjithë atao që duna të bëhen pjesë e PS. Kush nuk e ka arirtur objektivin duhet që ti lërë vendin dikujt tjetër. Një komision i posaçëm riorganizimi do të ngrihet me shpejtësi në çdo qark do të ngrihen nën drejtimin e të deleguarve që të organizojnë këtë aksion përtëritës, në 12 qershor është dita e duhur për të thirrur kongresin e jashtëzakonshëm dhe të përqasim vizionin Shqipëri a2030 dhe angazhimin e ri të kalenadarit qeverisës.’- tha Rama.

The post Rama “shkrin” strukturat e PS-së, së shpejti mbledh kongresin e Jashtëzakonshëm appeared first on Albeu.com.