Në një video të publikuar nga mediet ajo shihej e shtrirë dhe pretendonte se ishte dhunuar nga nusja e djalit dhe djali i saj Viktori.

Ky i fundit, pas këtij episodi të transmetuar vetëm pak kohë më vonë ndërroi jetë për shkak të një sëmundje të rëndë që po vuante.

Por nusja dhe familjarët e saj kanë dhënë dëshminë e tyre lidhur me ngjarjen.

Ata thonë se e moshuara nuk është dhunuar as nga nusja, as nga djali, pork y është një lloj presioni dhe komunikimi  pasi shkak i gjithë këtij konflikti është shtëpia, që sipas nuses dhe djalit është pronë e tyre.

Ata u shprehën se e moshuara kishte inskenuar ngjarjen për të përfituar këtë banesë. Por mesa duket konfliktet midis dy familjeve Tanku nuk kanë të sosur.

Edhe pas vdekjes së djalit, e moshuara është në konflikt me nusen e saj për pronën.

Në videot e publikuara nga emisioni, pretendohet se e moshuara ka kërkuar të dhunojë nusen, madje shihet me sëpatë në dorë për të mos e lejuar të hyjë në pronën e saj.

Ndërkohë nga ana tjetër vajza e të moshuarës dhe mbesa kanë dërguar video të cilat tregojnë për një dhunë psikologjike nga të dy familjet si dhe shkelje të urdhrit të mbrojtjes./Albeu.com/

The post Sherri për pronën në Fier vazhdon edhe pas vdekjes së djalit, e moshuara pretendoi se ishte dhunuar, nusja i nxjerr videon me sëpatë në dorë appeared first on Albeu.com.