Kështu shkruan media kroate Glas Istra, duke shtuar se Vuçiç së bashku me Milorad Dodikun, në momente kritike është në gjendje të manipulojë, gënjejë dhe t’i shmangë vendimet e mëdha.

“Si dorë e zgjatur e Vladimir Putinit, ashtu si Milorad Dodik, pa shumë probleme, vetëm për të homogjenizuar popullin dhe për të ruajtur pushtetin, ai mund të krijojë përshkallëzime”, shkruan media kroate.

Aty thuhet se Vuçiç është një njeri i rrezikshëm me synime që shkojnë deri në inskenimin e një konflikti ushtarak.

“Vuçiç nuk është vetëm president i një shteti që e ka të vështirë të menaxhojë në momente kritike dhe për këtë arsye manipulon, gënjen dhe shmang marrjen e vendimeve të vështira. Jo, ai është një njeri jashtëzakonisht i rrezikshëm me synime edhe më të rrezikshme që shkojnë aq larg sa për të qëndruar në pushtet, ai është në gjendje të inskenojë një konflikt [ushtarak] përmes një atmosfere të krijuar me kujdes për ‘rrezikimin e serbeve në Kroaci’ ose në Kosovë, ose në Mal të Zi, ose në Bosnje e Hercegovinë”, vazhdon gazeta.

Media shton se ai është në gjendje të krijojë retorikën për “denazifikimin” e Kosovës, e përdorur nga Putini me arsyetimin për ta sulmuar ushtarakisht Ukrainën.

“Ai është në gjendje të riformësojë frazën më të rrezikshme të prodhuar nga administrata e Putinit, e cila është ajo për ‘denazifikimin’ e Ukrainës, në ‘denazifikimin’ e Kroacisë ose të Kosovës, ose Malit të Zi, ose Bosnje e Hercegovinës. Andaj, duhet shpëtuar nga çmenduria e ‘popullit serb të rrezikuar’”, shton kjo medie.

Në fund, aty thuhet se Vuçiç po e helmon popullin serb në bashkëpunim me “kukullat” si Ivica Daçiç dhe Aleksandar Vulin.

“Ky njeri po i çmend dhe i helmon popullin e tij në bashkëpunim me kukullat si Ivica Daçiç dhe Aleksandar Vulin. Kryeministrja Ana Brnabiç është një gjethe fiku. Ai po e përdor orientimin e saj seksual për të treguar tolerancë të rreme ndaj dallimeve. Në sfond është edhe neofashisti Vojsllav Sheshel”, përfundon media kroate. /kp/

The post “Vuçiç, dora e zgjatur e Putinit”, media kroate: I rrezikshëm deri në inskenimin e një konflikti ushtarak appeared first on Albeu.com.

Berisha u shpreh me këtë veprim Putini po dhunon çdo marrëveshje ndërkombëtare.

Komentet Berisha i bëri përmes një postimi në Facebook, ku thotë se e shikon agresionin rus si rrezikun kryesor të paqen në Europë.

“Një vend i lirë dhe i pavarur po pushtohet nga Rusia e Putinit, agresori që dhunon çdo akt, ligj dhe marrëveshje ndërkombëtare.

Shpreh solidaritetin tim me të lartë për autoritetet dhe qytetaret e Ukrainës dhe dënoj me ashpërsinë më të madhe agresionin e Brezhnjevit te Ri të Rusisë, doktrinën e tij te sovranitetit te kufizuar si armikun dhe rrezikun më kryesor të paqes në Europë”, shkruan Berisha./albeu.com/

The post Sali Berisha ka “dy fjalë” për pushtimin e Ukrainës appeared first on Albeu.com.

Stërvitjet që pritet të mbahen deri më 20 shkurt në Bjellorusi, do të përqendrohen rreth “shtypjes dhe zmbrapsjes së agresionit të jashtëm”, tha Ministria Mbrojtjes në Rusi përmes një deklarate.

Kohët e fundit raportet ndërmjet Rusisë dhe Perëndimit janë shumë të tendosura, pasi Moska akuzohet se ka grumbulluar rreth 100 mijë trupa rreth kufirit me Ukrainën, që vendet perëndimore e shohin si një pushtim të mundshëm nga ana e Rusisë.

Sekretarja e Jashtme britanike Liz Truss, udhëtoi në Moskë për të biseduar me homologun e saj rus dhe për t’i kërkuar Kremlinit të mos sulmojë Ukrainën ose në të kundërtën do të përballet me “pasoja të rënda” nga sanksionet perëndimore.

Moska dhe Minsku nuk kanë bërë të ditur se sa trupa po marrin pjesë në stërvitje, por Shtetet e Bashkuara kanë thënë se Rusia po planifikonte të dërgonte 30,000 trupa në disa rajone në Bjellorusi.

Fotografi e bërë në Rechitsa të Bjellorusisë ku janë vendosur trupa dhe makina ushtarake. Kjo fotografi është bërë nga Maxar Technologies më 4 shkurt 2022.

Duke iu përgjigjur shqetësimeve perëndimore, Kremlini ka këmbëngulur se nuk ka ndërmend të lërë trupat përgjithmonë në territorin bjellorus./REL

The post Përshkallëzim apo Presion? Rusia stërvitet me Bjellorusinë dhe dërgon 30 mijë trupa në kufirin me Ukrainën appeared first on Albeu.com.