Përballë krizës në Ukrainë, është jashtëzakonisht e rëndësishme që mediat në Kosovë të mos marrin në mënyrë jokritike çdo lajm që botohet në mediat serbe, por edhe ato rajonale.

Lajmet si “mercenarët kosovarë në Ukrainë” nuk duhet të plasohen pa u hulumtuar dhe kontekstualizuar.

Lajmet e tilla propagandistike të palës ruse dhe shtypit të verdhë rajonal mund të merren vetëm si bazë nga gazetarët e Kosovës për të hedhur dritë në sfondin e vërtetë të zhvillimeve.

Më tutje mund të hulumtohet se sa shtetas serbë kanë luftuar dhe luftojnë në anën e separatistëve prorusë në Ukrainë.

Edhe sa i përket vizitës së pritshme në Beograd të Sekretarit të Këshillit të Sigurisë Kombëtare të Rusisë, Nikolai Patrushev, është mirë që mediat të hulumtojnë pak për rolin e tij në përpjekjen për puç në Mal të Zi më 2016.
Pas arrestimit të disa serbëve, të cilët kishin lidhje edhe në veri të Kosovës, dhe pasi drejtësia malazeze përmendi me emra edhe agjetë rusë të involvuar në tentimin për puç, Nikolai Patrushev fluturoi atëbotë në Beograd dhe i ofroi Serbisë një marrëveshje bashkëpunimi e mirëkuptimi mes Këshillit të Sigurisë Kombëtare të Rusisë dhe ministrisë së Brendshme serbe. Kjo ishte fasada zyrtare.

Arsyeja e vërtetë ishte tërheqja e agjentëve rusë të zbuluar në aktivitete spiunazhi. Vetë presidenti serb Vuçiq atëbotë kishte folur për “elemente të jashtme” të përzier në shkaktimin e tensioneve në Mal të Zi.

Involvimi i thellë i Rusisë në Mal të Zi për një moment e kishte frikësuar edhe Vuçiqin se mund të pësojë nëse ndërron kursin e politikës.

Por që nga atëherë kanë kaluar mbi 5 vite dhe Vuçiq ka arritur të mbajë kursin e politikës së ambivalencës përfituese: mirë me Perëndimin dhe mirë me Rusinë dhe Kinën.

Rreth Ukrainës po zhvillohet një luftë e madhe propagandistike nga pala ruse. Siguria nacionale e Kosovës mund të dëmtohet nëse mediat symbyllur dhe për klikime botojnë çdo bërllok që plasohet nga Moska përmes megafonëve të ndryshëm në Ballkan.

The post “Mercenarët shqiptarë në Ukrainë” appeared first on Albeu.com.

Erdogan do të udhëtojë në Ukrainë në fillim të shkurtit. Qëllimi i tij është të bindë liderët e dy vendeve që të takohen sa më shpejt të jetë e mundur.

“Kam një vizitë në Ukrainë në fillim të muajit të ardhshëm”, tha Erdogan në një konferencë shtypi me presidentin e El Salvadorit në Ankara.

“Ne shpresojmë se paqja do të mbizotërojë në rajon” , shtoi ai.

Më herët, një zëdhënës i presidentit turk, Ibrahim Kalin, tha se Erdogan kishte ftuar liderët e Rusisë dhe Ukrainës në Turqi për të diskutuar dhe zgjidhur mosmarrëveshjet e tyre.

Presidenti amerikan Joe Biden tha sot se ia kishte bërë të qartë homologut të tij rus, Vladimir Putin, se çdo lëvizje e trupave ruse në territorin ukrainas do të konsiderohej një pushtim.

Duke folur me gazetarët të mërkurën, Biden paralajmëroi se Rusia do të paguante një çmim të rëndë nëse pushton Ukrainën dhe se Shtetet e Bashkuara kishin përgatitur një paketë sanksionesh në rast të një eventualiteti të tillë./albeu.com/

The post Në prag lufte, befason Erdogan: Jam gati të ndërmjetësoj Rusinë dhe Ukrainën appeared first on Albeu.com.

The post Gjermania paralajmëron për “pasoja të rënda” nëse Rusia sulmon Ukrainën (FOTO LAJM) appeared first on Albeu.com.

“Ne po shikojmë dhe jemi të përgatitur të ndërmarrim hapat nga të cilët jemi përmbajtur në të kaluarën që do të kishin pasoja masive për Rusinë”, tha Blinken për prezantuesin e Meet the Press, Chuck Todd.

Ai tha gjithashtu se një takim personal midis presidentëve Joe Biden dhe Vladimir Putin duket shumë i pamundur ndërsa Rusia vazhdon në një rrugë shqetësuese.

Kryediplomati i vendit ishte në Mbretërinë e Bashkuar këtë fundjavë ku u takua me homologët e tij në grupin e shtatë fuqive ekonomike, G7. Rusia ka tërhequr vëmendjen e botës në javët e fundit duke grumbulluar trupa dhe pajisje ushtarake në kufirin e saj me Ukrainën me shpejtësi të lehtë.

“I gjeta të gjithë aleatët tanë shumë të vendosur, si në shqetësimin e tyre të thellë për atë që Rusia mund të bëjë dhe mund të planifikojë, si dhe në vendosmërinë e tyre për të ndërmarrë hapa të fortë dhe të koordinuar nëse Rusia vepron në mënyrë agresive,” tha Blinken.

Ndërsa Biden ka thënë se përballja e njëanshme e Rusisë me forcën ushtarake është ‘jashtë tryezës’, sanksionet e rënda ekonomike, mbyllja e një tubacioni të ri gazi dhe shtimi i mbështetjes ushtarake për aleatët e NATO-s në Evropën Lindore janë hedhur të gjitha.

Zyrtarët si brenda dhe jashtë Kievit janë të shqetësuar se akumulimi është një pararendës i një pushtimi, megjithëse Moska ka mohuar çdo plan për të sulmuar shtetin satelitor ish-sovjetik./albeu.com/

The post Anthony Blinken paralajmëron Rusinë: Do merrni një përgjigje të paprecedentë nëse tentoni pushtimin e Ukrainës appeared first on Albeu.com.