Komentet Rama i bëri gjatë një takimi me disa qytetarë në Durrës në kuadër të nismës Këshillimi Kombëtar.

“U bë gjithë ajo protest tek 5 maji. U mblodhën ata banorë, në fillim ishin më tepër. Erdhën dhe morën sqarime. Një pjesë e kuptuan që nuk bëhej fjalë për t’i hedhur në rrugë. Do prishen gjithë ato banesa të vjetra, ata që janë me letra sigurisht që do marrin atë që ju takon, ata që janë pa letra, të shkojnë më qira dhe do ju jepet një shtëpi e re. Pse bëhet e gjithë kjo, jo për të ndërtojë palate private. Por të ndërtohet një lagje e re me standarte të reja. Sidoqoftë, ata u mblodhën se tek e tek nuk i dëgjonte njeri. U dëgjuan një pjesë. Bënë politikë.

Nuk po them që i futi njëri apo tjetri ata. Këshillimi Kombëtar nuk është e rënë nga qielli. Që në 2017 ne nuk kemi aleat. E shihni çfarë bëhet atje. E keni dëgjuar që Saliu i thotë Lulit ato që ia kemi thënë ne. Luli i thotë Saliut ato që ia kemi thënë ne. Të dy ata po thonë të vërtetën për njëri-tjetrin, do të thotë që ne kemi thënë të vërtetën për të dy. Pse po e thonë të vërtetën tani? Mos më përmendni faktin që jam i Durrësit, këtu është dhe fushatë.

Pse janë duke thënë të vërtetën. Sikur ky kandidati që kanë këtu, nesër do i dali ndryshe, do i thonë atë që i thonë sot. Dje ishte Luli i babës vetë, sot është Lul Brava. Që këtu ka mbaruar për mua. Të jesh në Durrës dhe të kesh mundësi që të zgjedhës mes tre vetave, ku dy janë burra. Do shkosh do zgjedhësh gruan. Për çfarë t’i zgjedhësh ata, që të dëgjosh nesër kush është dryni e kush është brava”, tha Rama./albeu.com/

The post “Dje ishte Luli i babës vet, sot është Lul brava”, Rama ironizon përplasjet Basha-Berisha (VIDEO) appeared first on Albeu.com.

Berisha i është përgjigjur pyetjes nëse mund të pajtohet me Lulzim Bashën për hir të mosndarjes së Partisë Demokratike.

Berisha tha se kjo gjë nuk mund të ndodhë duke dhënë edhe arsyet.

Zoti Berisha si do fitoni ju kur PS ka fituar përballë jush kur keni qenë sëbashku me Bashën. Tani jeni të ndarë si do fitoni më 6 mars?

Do fitojmë. Kjo është e padiskuteushme.

Por numrat nuk dalin doktor.

Nuk ka fare diskutim që më 6 mars do fitojnë kandidatët e Komisionit të Rithemelimit. Këta gjashtë janë kandidatët e fitores. Ata që mendojnë se me logon e rrëmbyer të PD mund të bëjnë gjithçka do marrin përgjigje më 6 mars.

Zoti Berisha ku po shkon PD? Ju e keni mbështetur gjatë gjithë kësaj periudhe zotin Basha dhe nuk po keni një kompromis qoftë për këto gjashtë bashki qoftë edhe për të ardhmen e afërt të PD. PD nuk është as Sali Berisha e as Lulzim Basha. A nuk ka sado pak mençuri në lidershipin tuaj dhe të zotit Basha që të gjendet gjithsesi një lloj kompromisi? Çfarë kuptimi ka që ju të shkoni në njërin krah dhe Basha në krahun tjetër dhe ata që e pësojnë janë anëtarësia dhe PD nuk vjen kurrë në pushtet? Zoti Berisha ju keni peshën më të madhe sepse jeni lider hsitorik por edhe moshën. Ky kompromis më shumë do kërkohet nga ju se sa nga zoti Basha.

Janë dy probleme. Së pari zoti Basha ka mbi shpinë dosje kriminale për të cilat qoftë dosja Muzin, qoftë dosja tjetër të cilat janë të hapura.

E njëjta gjë si puna juaj doktor. Jemi në dyshime. Ndërsa Deparatmenti Amerikan ju ka konsideruar non grata.

Për mua s’ka asnjë dosje. Nuk ekziston asnjë fletë e veçantë. Mua më ka ardhur dosjsa në zyrë dhe është bërë publike. Nuk është e imja. Ma ka sjellë ambasadori i SHBA. Është dosja e portit. Është dosja e katër kullave.

Siç e shtroni çështjen ju doktor, kompromisi nuk arrihet kurrë.

Çështja është mes një njeriu të lirë dhe një pengu.

Nëse ju e quani Bashën peng, atëherë zoti Berisha ju nuk doni kompromisin.

Nëse nuk është peng, le të vijë të garojë kur të hapet gara për kryetar partie.

Më 13 qershor e votuat ju Bashën.

Është shkarkuar Basha. Kompromisi është vota e lirë./albeu.com/

The post A mund të pajtoheni me Bashën? Berisha argumenton përgjigjen appeared first on Albeu.com.

Gjekmarkaj shtoi se Basha është gati të përballet me Ramën dhe të jetë kryeministër.

Ai tha se demokratët kanë zgjedhur të ardhmen dhe kanë vendosur t’i japin fund tranzicionit.

“Unë prej pak ditësh kam patur nderin dhe kam pranuar ftesën e Bashës për të qenë nënkryetar i kësaj force dhe një nga arsyet që e kam pranuar këtë është edhe data 8 janar, sepse kam parë që ai nuk ka frikë, nuk  dridhet qerpiku. është i gatshëm të përballet me Edi Ramën, është i gatshëm të jetë nesër kryeministër i Shqipërisë”, është shprehur Gjekmarkaj./albeu.com/

The post Gjekmarkaj e thotë hapur: Jam me Bashën se atij nuk i dridhet qerpiku, nuk ka frikë appeared first on Albeu.com.

Në takimin e Bashës është pjesëmarrës edhe Kryetari i grupit parlamentar të PD-së, Enkelejd Alibeaj dhe personalitete të tjerë.

Gjatë hyrjes së Bashës, demokratët e kanë pritur me brohoritje dhe duartrokitje.

Ndërkohë në të njëjtën kohë, ish-kryeministri Berisha po mban takim me mbështetësit e tij në Shkodër, në 32 vjetorin e kryengritjes anti-komuniste të Berishës./albeu.com/

The post Basha nis takimin me demokratët e Fierit, mbështetësit e presin me brohoritje (FOTO & VIDEO) appeared first on Albeu.com.

Dhuli përkrah fotove të komenteve që janë bërë në rrjetet sociale, shkruan se deputetja ka marrë urrejtjen e mbështetësve të Berishës për shkak të mendimit të saj ndryshe.

Ai shton se kafshëria e njerëzve shkon deri aty sa lumturohen për ndarjen nga jeta të djalit të saj.

“Kjo është kafshëri! Krejt rastësisht u gjenda në fcb e deputetes së PD dhe shkrimtares së madhe Flutura Açka.

Shihni çfarë komentesh gjeta.

Njerëz që urrejtjen për mendimin e saj ndryshe nga Berisha e shfryjnë duke u lumturuar për vdekjen e djalit të saj të cilën e quajnë si shpërblim që Zoti i dha meqë ajo doli kundër Berishës sot.

Ajo që më bëri përshtypje është se njëri nga komentet vjen nga adresë fallco (kjo Marco Marco) pra është pjesë e call centerit të foltores që është si ushtri propagande vetëm për të sharë.

Pra të paguash djem e vajza të reja për të goditur deputetët e PD. Dhe ku ? Tek djali i saj që ka humbur jetën.

Kjo gjuhë është e tmerrshme por edhe tregues se dhuna nuk vjen rastësisht por krejtë e instruktuar nga Berisha dhe ata që janë rrethi i tij i ngushtë.

Nuk pres që ata të distancohen nga kjo gjuhë ndaj më vjen turp për kë kam mbështetur ndër vite”, shkruan Skerdjan Dhuli në facebook./albeu.com/

The post “Të ka marrë zoti hak në fëmijë ty, plehrë”, revoltohet juristi: Kafshëri! Shihni çfarë i bëjnë Flutura Açkës mbështetësit e Berishës (FOTO LAJM) appeared first on Albeu.com.

Komentet Çani i bëri në një intervistë për MCN ku shtoi se Rama bën koncesione dhe di të joshë ndërkombëtarët.

Pyetje: Çani dua të ndalem pak te z. Rama dhe ecuria e tij. Vite më parë ju e mbani mend ai përuroi mediat sociale në politikë, ndonëse fillimisht u vu në lojë. Keni shprehur shpesh në studio admirimin tuaj për inteligjencën e z. Rama. Cili është gabimi i tij sipas jush?

Çani: Rama është njeriu që di ti flasë njerëzve me gjuhën që meritojnë. Ai gabime mund të ketë shumë por në fushë të betejës ne nuk po shohim që ai të humbë, ai vetëm po fiton. Ai po bën koncesione dhe di të joshë sepse ka kuptuar që në fakt shqiptarët në tërësinë e tyre politike nuk janë gjë tjetër veçse mish për top. Rama di të manipulojë turmat. Ai ka ditur ti servirë realitetin të huajve ashtu siç ata do donin të ishte./albeu.com/

The post Arian Çani tregon pikën e fortë të Edi Ramës dhe befason me deklaratën: Shqiptarët mish për top appeared first on Albeu.com.

Në kuadër te hetimeve të nisur mbi ngjarjet e dhunshme në selinë e PD, prokuroria përveç Sali Berishës i ka dërguar thirrje për t’u paraqitur dhe marrë në pyetje sot dhe deputetit Flamur Noka.

Ndërkohë vetëm 24 orë më pas do jetë radha e kreut të PD-së, Lulzim Basha dhe Sekretarit të përgjithshëm Gazmend Bardhi, që të paraqiten në prokurorinë e Tiranës pasi edhe ndaj këtyre të dyve është lëshuar nja fletë thirrje për tu marrë në pyetje.

Teksa Sali Berisha “shpëtoi” nga procedimi ndonëse ishte organizatori i protestës, nuk ka ndodhur kështu me Flamur Nokën i cili ishte në listën e personave të vënë nën hetim për dhunën tek selia e PD-së më 8 janar. Nga ana tjetër brenda selisë prokuroria ka nisur procedim penal për Gazment Bardhin.

Dyer të shkatërruar, dritare të thyera, gurë e shkopinj, kjo është panorama që la pas 8 Janari, ndërsa pas kërkesës nga deputetët demokratë që ishin brenda selisë, u desh ndërhyrja e policisë për të shpërndarë turmën e irrituar që kërkonte largimin me forcë të Lulzim Bashës.

Një ditë më parë Gjykata la të lirë 34 personat e arrestuar më 8 janar, ku vetëm 5 prej tyre u lanë nën masën e sigurisë “arrest në shtëpi” ndërsa pjesa tjetër ka detyrimin të paraqiten në polici.

23 prej të arrestuarve ishin pjesë e grupimit të Sali Berishës që rezultoi me një dhunë ndaj godinës së PD-së. Ndërkohë 11 të tjerë ishin persona që përkrahën Bashën dhe iu kundërpërgjigjën sulmeve nga brenda selisë.

Protesta e së shtunës kishte si objektiv marrjen e kontrollit të selisë së Partisë demokratike nga ana e Berishës dhe mbështetësve të tij. Dhuna e shpërthyer u frenua vetëm nga ndërhyrja e forcave të policisë.

Ngjarjet e 8 janarit bënë që dy ditë më parë kryesia e PD-së të vendoste përjashtimin e zotit Berisha nga anëtarësia e kësaj force politike. 9 deputetë të tjerë po ashtu u përjashtuan apo pezulluan, një masë që u shtri dhe ndaj 19 mbështetësve të ish kryeministrit, anëtarë të Komisionit të Rithemelimit./albeu.com/

The post Protesta para PD, Sali Berisha duhet të shkojnë sot në prokurori appeared first on Albeu.com.

Gazetari Panorama.al, Mariglen Kume ka zbardhur debatin me dyer të mbyllura, ku mësohet se Basha është shprehur se Policia ka gënjyer ndërkombëtarët, ndërkohë që u ka ardhur në ndihmë deputetëve brenda selisë 37 minuta me vonese.

“Ajo që ndodhi më 8 janar me Policinë që u vonua 37 minuta për të ndërhyrë ishte prova më e fortë e bashkëpunimit Rama-Berisha për të marrë godinën me gjakderdhje. Policia është njoftuar edhe nga Garda e Republikës, përfaqësuesit e së cilës ishin në seli dhe nuk erdhi. Gënjeu partnerët tha se nuk ka njoftim nga PD-ja”, mësohet të jetë shprehur Basha.

Ndërkohë që gjatë diskutimit, Nënkryetari i PD-së, Enkelejd Alibeaj ka thënë se Lulzim Basha do mbahet mend gjithmonë si njeriu që hoqi Sali Berishën nga Politika.

DEBATI ME DYERT TË MBYLLURA NË PD:

Agron Gjekmarkaj: Edhe unë kam pasur informacion se do na respektonin në mënyrë të veçantë disave prej deputetëve. Ndërkohë, ne kemi dalë në takime me njerëzit nuk jemi mbyllur, por i pari që e ka këtë detyrim më shumë se kushdo është Lulzim Basha. Ju jeni kryetari i partisë dhe ju u bie detyrimi t’i sqaroni njerëzit i pari, vijmë edhe ne në krahun tuaj. Mbase nuk është e lehtë, do ketë edhe duf, edhe sharje edhe provokime, por duhet t’i përballojmë. Qytetarët duhet t’ju dëgjojnë dhe jam i bindur që komunikimi sjell pozitivitet.

Nuk jam dakord me fortifikime të PD-së, për ta parë atë si kështjellë. PD-ja është një institucion. Atë duhet ta mbrojë ligji pa asnjë kompleks. Nëse duhej demonstruar qëndresë deri tani është demonstruar. Për mua është kriminale të përballen njerëzit tani e tutje. Unë nuk mendoj se jam ndonjë trim i madh, por as për frikacak se njoh veten, por nuk jam stërvitur për karate e boks. Dita e 8 janarit ka qenë tragjike. Në pak minuta, gjithçka mund të eskalonte në ferr.

Ata njerëz që drejtuan turmën kundër nesh nuk na llogaritën në as për deputet, as për koleg, as për miq e as për njerëz. Nuk patën emocione për këtë. Ishin të qartë pa llogaritur që na kanë “shkarkuar” me 11 dhjetor. Na sulmuan me egërsi, me mjete dhune faqe gjithë botës. Ndonjë e dija për mik, dhe unë kurrë nuk do shkoja ta sulmoja dhe t’i vija në rrezik jetën e integritetin personal e publik. Sado i krishterë që ndihem kulturalisht e kam të vështirë bashkëjetoj me persona të tillë. Ndaj mbështes çdo vendim që kjo kryesi merr sonte për të ndëshkuar dhunën e datës 8 dhjetor, duke shpresuar që dikush do distancohet prej saj.

Kryesia e PD11

Ervin Salianji: Dhuna është e papranueshme dhe duhet të distancohet çdo përfaqësues i Partisë Demokratike, kriteri për përjashtim duhet te jete ky kufi, ndarja me dhunën dhe mjete para politike! Ky diferencim duhet te jetë edhe për të mos përjashtuar në bllok. Duhet të japim mundësinë e reflektimit dhe distancimit nga dhuna e pjesëmarrësve që mund të jenë aty dhe jam i bindur që janë aty për shkak të zhgënjimit dhe dëshpërimit të mosfitores në 25 prill! Nxitja për dhunë dhe përkrahja e dhunës duhet të jetë kriteri ndarës për përjashtimin ose bashkëjetesën, nëse ka kolegë që pranojnë rriskimin e jetës dhe eliminimin fizik të drejtuesve të degëve, të Këshillit Kombëtar, deputetëve kjo është vijë ndarëse dhe këtu nuk i kemi përjashtuar ne, por ata!

Dalja në terren dhe kontakti me demokratët duhet të ishte i shpeshtë në këto muaj, madje dhe zëvendësimi i kujtdo që nuk ka më peshë elektorale ose është i papranueshëm për demokratët apo qytetarët në zonat që mbulojnë, ne kemi tentuar të imponojmë politikanë të diskredituar që populli i ka refuzuar me votë disa herë! Merita duhet të kthehet në themel të kësaj force….

Lulzim Basha: Ajo që ndodhi më 8 janar me Policinë që u vonua 37 minuta për të ndërhyrë ishte prova më e fortë e bashkëpunimit Rama-Berisha për të marrë godinën me gjakderdhje. Policia është njoftuar edhe nga Garda e Republikës, përfaqësuesit e së cilës ishin në seli dhe nuk erdhi. Gënjeu partnerët tha se nuk ka njoftim nga PD-ja.

Rolant Bejko: Të gjithë dhunuesit e mijë më dukeshin me fytyrën e Berishës dhe në fakt ajo që mora vesh më vonë ishte se të gjithë ishin kushërinjtë të tij. Ne duhet të shkëputemi një herë e mirë nga këta.

Enkelejd Alibeaj: Mos e marrshim kurrë pushtetin, por një gjë do të mbetet një vlerë: që ti ke përjashtuar Sali Berishën dhe këtë nuk do ta harrojnë njerëzit. Ne sot ke përballë PS-LSI dhe Berishën. Ne do ta kemi të vështirë duhet të përjashtohej e të ikë nga politika.

Endri Hasa: Ata erdhën për të na vrarë dhe ne vazhdojmë të diskutojmë për t’u ulur me të njëjtën tryezë dhe për të ndarë vendimmarrje të përbashkëta? Ata nuk mund dhe nuk duhet të jenë këtu. Ata erdhën të organizuar për të dhunuar dhe për të vrarë, në të mendohemi? Nuk behet politikë më dhunën, më 8 janar mjetet politike mbaruan! Në 8 janar ishte vetëm një turmë banditësh që erdhi për të dhunuar. PD-ja është parti perëndimore dhe ne duhet të distancohemi përfundimisht nga të gjithë ata që nuk e përfaqësojnë këtë. E kam thënë që në mbledhjet e shkuara, që gjërat nuk zgjidhen duke i ardhur anash e anash.

Italianet thonë “duhet këputur koka e demit, po nuk ia këputëm kokën demit, do të kemi pasoja të tjera”. Unë s’mund të pajtohem me njerëz që nxitën dhe frymëzuan dhunë në 8 janar! Ata nuk janë kurrsesi demokrat, rruga jonë me ta është ndarë njëherë e përgjithmonë. Nëse kjo është partia e tyre, kjo nuk është partia ime. Kush ka hyrë në oborr në krah të atyre që mbanin hunj dhe leva ka damkën e kriminelit, jo të demokratit. Vendimet sot duhet të jenë shumë të forta. As Edi Rama, s’ka arritur të shkojë deri këtu. Kush erdhi për gjak, nuk mund të ketë vend në këtë parti, sot dhe kurrë./Panorama/

The post “Duhet t’i këpusim kokën demit” zbardhet debati me dyer të mbyllura në PD! Basha akuzon Policinë: Donin gjakderdhje! appeared first on Albeu.com.

Komentet Këlliçi i bëri përmes një postimi në rrjetet sociale, ku sfidon Bashën duke i kërkuar të zbresë në bazë, ndërsa ironizon që ende s’ka të internuar dhe pushkatuar.

“Ish kryetari i partisë që blindoi humbjen në PD, nga xhelozia se nuk u bë dot lider, i rezistoi gjumit deri në të gdhirë të ditës së sotme për të përjashtuar e pezulluar në grup kritikët e tij.

Çudi që s’ka ende të internuar apo pushkatuar!

Zbrit në bazë dhe shiko si do të të presin. Ne kemi zgjedhur demokratët e bazës dhe ata të sakrificave, kurse ti Edi Ramën dhe bashkëqeverisjen!”, shkruan Këlliçi.

Në mbledhjen maratonë të Kryesisë që nisi pasditen e djeshme dhe zgjati deri në orët e para të mëngjesit të sotëm u vendos përjashtimi përgjithmonë nga PD i Sali Berishës dhe 8 anëtarëve të Komisionit të Rithemelimit. Gjithashtu janë pezulluar mbështetësit e Berishës, ndërsa janë shkarkuiar nga funksionet 9 të tjerë, përshirë Belind Këlliçin, si drejtues në Tiranë./albeu.com/

The post PD përjashtoi Berishën, reagon Këlliçi: Çudi që s’ka ende të internuar apo pushkatuar appeared first on Albeu.com.

Nxjerrja e tij nga oborri i selisë blu gjatë protestës së 8 janarit, bëri xhiron e të gjithë mediave.

Mbështetësi i flaktë i Bashës, i zbardhur në fytyrë, u shoqërua nga anëtarët e PD, jashtë oborrit të selisë, deri në rrugë. Ai ka treguar në emisionin “Opinion”, detaje nga kjo ngjarje që i ndodhi.

Bejko tha se është sharë, përshtyrë dhe goditur, por edhe pse i ka dhembur goditja, ai i siguron të gjithë shqiptarët që nuk kishte fare frikë, por para syve i dilte fytyra e Sali Berishës!

“Pashë fytyra të njohura, më përshëndetën, por filluan më pas ngacmimet. Mora të sharat e para dhe goditja e parë, jashtë kamerave. Nuk e pashë personin, ishte nje person me çadër dhe xhup blu.

Dikush më qëllon nga mbrapa me goditje të fortë në fund të kërbishtit, që më dhembi shumë.

Më pas pashë një person aë e kam takuar në Gjirokastër. Ka punuar në SHIK, sa herë Berisha vinte në Gjirokastër, ka qenë person që e shoqëronte Berishën. Kthehem dhe i them, edhe ti qëllon o Brut? Në atë moment më qëllon me çadër përballë në fytyrë.

Në këto kushte, i sharë, i pështyrë, i ofenduar dhe goditur, pashë një fytyrë të njohur. Një person që njihja dhe më ka ndihmuar.

Aty janë edhe disa persona të afërt të Berishës. Më thanë më vonë se ata jo vetëm më kanë sharë dhe goditur, por kanë thënë fjalët më banale.

Vetëm emocionin e frikës nuk provova. Shikoja vetëm Sali Berishën, nuk mbaja mend fytyrat e tyre.

Kam deklaruar se janë të falur, sa dola nga aty. Janë demokratë dhe janë të falur”, tha ndër të tjera Bejko.

The post “Edhe ti Brut?” Roland Bejko tregon si e përzunë nga PD: Më goditën fort në kërbisht, por nuk pata frikë fare appeared first on Albeu.com.