Një qytetar në Kurbin teksa ka mbajtur fjalën e tij në takimin e Bashës, u shpreh se Basha ka përgjegjësi që një pjesë e demokratëve janë të veçuar sot.

Ai shtoi se Basha tani duhet të bëjë bashkë të gjithë demokratët, pasi sipas tij vetëm kështu mund ta mundin Ramën.

Gjithashtu qytetari shtoi se nuk është problem që Berisha të mos bashkohet me demokratët, pasi sipas tij ai ka marrë më shumë se çduhet nga PD dhe tani po zhvillon një betejë vetëm për interesat e tij.

“Nuk e kam problem të vijë edhe Sali Berisha me ne, por demokratët duhet të bashkohen. Demokratët të jenë këtu bashkë me në, ndërsa Sali Berisha të jetë veç”, u shpreh demorkati./albeu.com/

The post Befason qytetari: Demokratët të bëhen bashkë, Berisha veç! Boll ka marrë nga PD (VIDEO) appeared first on Albeu.com.

Ashtu siç edhe paralajmëroi, Berisha ka ndarë edhe një opinion për mediat, ku është shprehur se në Prokurori është thirrur nga Edi Rama dhe jo nga Lulzim Basha.

Berisha tregoi ato që tha para prokurorit të çështjes, Elio Mazreku.

“U thirra me urdher te kreut te Meduzes. Erdha ne respekt te atyre parimeve me te cilat jam i mbrojtur”, u shpreh Berisha.

Ai shtoi gjithashtu se Basha ishte brenda në seli me persona të armatosur e me precedentë penalë.

“Ajo cka dua t’iu them është se në deklaratën time theksova se për cdo shqiptar, për cdo mik e partner të Shqipërisë, shëmtira më kryesore, akti më i paimagjinueshëm, momenti më kriminal në historinë e 30 viteve, dëshmia më flagrante e lidhjes së politikës me krimin, ishte jo vetëm atë ditë, por unë po marr 8 janarin, Lulzim Brava i rrethuar nga një bandë vrasësish, trafikantësh, pengmarrësish, fondamentalishtësh. Kjo përbën dhe momentin më dramatik dhe dëshminë më flagrante të shkrirjes në një të narko-shtetit dhe lidhjeve të një politikani me krimin”, tha Berisha./albeu.com/

The post E mbajtën mbi 2 orë në Prokurori, flet Berisha: Po ju tregoj çfarë dëshmova, Lul Brava i rrethuar nga vrasës appeared first on Albeu.com.

Në një intervistë për Ora Neës, Biberaj thotë se Lulzim Basha ka përçarë PD, ndërsa ka shtuar se Edi Rama duhet të rrëzohet me çdo kusht nga qeverisa ose përndryshe do të jetë 20-30 vite të tjera në pushtet.

“Qeverisja e Ramës sot është më e korruptuar në kontinent, është më e inkriminuar. Rama është fuqizuar sepse nuk ka opozitë. Ne kemi nevojë për një aleancë shumë të madhe të së djathtës dhe në faktorët e zhgënjyer të së majtës.

Ky është një problem dhe përgjegjësi e Bashës, por edhe e Berishës. Edi Rama nuk është një njeri që pranon votime të lira dhe të ndershme. Ne duhet të fokusohemi në një seri protestash.

Edi Rama me çdo mjet dhe me çdo kusht duhet të përmbyset nga pushteti, ose do të rrimë 20-30 vite të tjera me Edi Ramën që drejton me një grup të strukturuar kriminal qeverisjen qendrore, dhe me Erion Veliajn që drejton me një grup të strukturuar kriminal qeverisjen vendore”, tha Biberaj.

Ai shpreson dhe thotë se ka ende kohë për një kompromis e bashkëpunim mes dy grupeve të kristalizuara në PD pasi kundershtari është Edi Rama.

“Pavarësisht se ka ardhur situata në këtë pikë unë mendoj përsëri se duhet të gjejmë një pikë kompromisi për të mirën e demokratëve” tha Biberaj./albeu.com/

The post Revoltohet Biberaj: Rama duhet përmbysur bashkë me Veliajn, ose do i kemi edhe 30 vite appeared first on Albeu.com.

Këlliçi tha se dhuna nisi nga brenda selisë blu nga mbështetësit e Lulzim Bashës.

Sipas Këlliçit situata u doli jashtë kontrollit organizatorëve të protestës pasi protestuesit panë dyert e blinduara të vendosura nga Basha.

“Unë nuk e kuptoj se çfarë duan njerëz shqiptarë të Kosovës dhe të Kumanovës që të futen në selinë e PD-së. Nuk besoj se dyert e blinduara hapen me lule dhe me parakalim ndaj dhe kishim shkopinj. Protesta ka nisur më herët pasi demokratët nuk e kanë besuar se në seli ka pasur dyer të blinduar ato janë revoltuar dhe situata ka dalë jashtë kontrollit të organizatorëve. As në ’97 nuk ka pasur dyer të blinduara në PD ku ne ishim përballë kriminelëve.

Mua nuk më vjen mirë që kam qenë aty pjesë e asaj dhune por që duke menduar helmimin me gaz kundrejt thyerjes së xhamave nuk është asgjë. Lloji i sprait që është hedhur hidhet për arinjtë dhe jo për njerëzit, ky trajtim është bërë  ndaj demokratëve, ato që viktimizohen sot, atë ditë festonin brenda selisë. Çfarë festonin helmimin dhe dhunimin e demokratëve? Ato që festonin dhe brohorisnin Lulzim Basha nuk ishin anëtarë të Partisë Demokratike.

Prokuroria nëse do që të jetë e paanshme në dijeninë tim unë kam informacion se ajo disponon serverin e pamjeve çfarë ndodhi brenda dhe nëse duan të bëjnë transparencë le të bëjnë publike pamjet e datës 7 dhe 8 janar. Në godinë ka pasur kriminelë dhe të dënuar për krime të ndryshme. Nuk ka SHBA që të përkrah për futjen në seli kriminelë dhe jo të deputetëve” , ka thënë Këlliçi.

Ndër të tjera ai ka komentuar edhe deklaratën e diplomatit amerikan Escobarit, i cili dënonte dhunën e përdorur në selinë e Partisë Demokratike.

Deputeti ka theksuar se deklaratën e tij ai e thotë dhe dënon qartë dhunën e përdorur nga Basha, pasi demokratët nuk e duan dhunën por duan zgjidhjen me votë.

Sipas tij është shumica që vendos për atë që do të ndodhë në parti dhe jo gjykata.

“Deklarata e Escobarit ishte në mbështetje të shumicës së demokratëve të cilët nuk duan dhunë. Dhuna është përdorur si nga brenda dhe jashtë, por atë ditë ka fytyrën e Lulzim Bashës. Ka katër muaj që ushtrohet dhunë në selinë e PD-së, pasi nuk njihet baza e PD-së, kuvendi, referendumi, deputetet nuk lejohen të futen në godinë. Nuk e vendos gjykata atë që e vendos shumica në parti. Ne jemi shumë të qartë se në 31 vite ajo nuk ka bërë interpretimin e votimit.

Deklarata e Escobarit është mesazh i qartë për Bashën. Unë njerëz me precedentë kriminal i kam parë brenda selisë, dhe i kam dërguar një letër dhe ambasadës së SHBA-së pasi kur kam shkuar në zyrë kam parë se më janë marrë sendet e mia personale dhe prishur bravat e zyrës. Dhuna e asaj dite nuk bën krenar asnjë demokrat. Krizën politike që ne kemi brenda partisë hajde ta zgjidhim me votë.  Basha duhet që të futet në proces dhe të shikojmë kush do të jetë në mazhorancë”, është shprehur ndër të tjera deputeti demokrat./albeu.com/

The post Befason Belind Këlliçi: Protesta doli jashtë kontrollit! Nuk e kuptoj çfarë donin qytetarët nga Kumanova brenda në seli appeared first on Albeu.com.

Krahas videos Basha shkruan se PD do të ringrihet pasi sipas tij është shpresa e vetmë për shqiptarët.

“Partia Demokratike do ringrihet si shpresa e vetme e shqiptarëve për ndryshim! Për një të ardhme më të mirë për të gjithë”, ka shkruar Basha në Facebook./albeu.com/

The post Basha “ngre PD” dhe poston pamjet (VIDEO) appeared first on Albeu.com.

Me sa kuptohej bëhej fjalë për Enkelejd Alibeaj, i cili ishte edhe deputeti i paralajmëruar.

Ai ka reaguar mbrëmjen e djeshme mbi deklaratat dhe është shprehur se ky lajm nuk e kishte shqetësuar aspak.

Komentet ai i bëri në Neës 24 ku ishte i ftuar.

“Që të ngresh një tezë bazuar tek deklarata e Brahos nuk besoj që e meriton. Nuk ka burrë nëne që mund ta tutë, apo ta shantazhojë apo të bëjë negociata me disa parime të vetat. Jo të më shantazhojë mua Edi Rama apo dikush tjetër. Nuk ka për të ndodhur kurrë dhe për këtë i kam dhënë provat.

Me këtë çështje nuk merrem fare. Nuk i kushtova rëndësi deklaratës së bërë Brahos. Pati disa shqetësime nga ana e familjes. Nuk ka shoqërues nga Garda. Ditën e shtunë një këshilltar i imi tha të bëjmë një kërkesë, por nuk e kisha problem dhe në mënyrë miqësore erdhi një”, tha Alibeaj./albeu.com/

The post “Do të vritet një deputet”, Alibeaj tregon si e priti familja deklaratën e Spartak Brahos appeared first on Albeu.com.

Berisha tha se sot u përjetua qëndresa e madhe e demokratëve dhe se ata u konfirmuan si opozita e vetme në vend.

Ai shtoi se protestuesit arritën të hapin dyert e blinduara, por ishte gazi ai që u hapi punë dhe nuk arritën ta çonin deri në fund misionin e tyre.

“Përjetuam një betejë për të qendruar opozita e vërtetë e shqiptarëve, të vendosur për të mbrojtur pluralizmit politik në Shqipëri, si edhe për t’u përballur me binonim Rama-Basha”, tha Berisha duke këmbëngulur se protesta e sotme ishte paqësore.

Berisha tha se pasi nuk e mbajti dot selinë me personat që kishte brenda, thirri sipas skenarit të parapërgatitur  për ndihmë narkopolicinë, të cilët ndërmorën një terror të paparë ndonjëherë ndaj demokratëve në protestën e tyre paqësore.

Ish-kryeministri tha se protesta kishte detyrë që të hapte dyert e blinduara nga Basha, por sipas tij nuk pritej që të përballeshin me të tilla skena./albeu.com/

The post Nuk e mori dot selinë, “justifikohet” Berisha: Dyert e blinduara i hapëm, por na pengoi gazi appeared first on Albeu.com.

Ai po bëhet gati për një komunikim me mediat, ku do të ndajë opinionet e tij lidhur me situatën e ditës së sotme.

Kojtojmë se selia blu u kthye në një arenë përleshjesh ditën e sotme, pasi protestuesit e Berishës ishin pajisur me vegla të posaçme për të shqyer dyert e partisë./albeu.com/

The post Basha shfaqet pas “luftës” në selinë blu, gati të ndajë opinionin e tij (FOTO LAJM) appeared first on Albeu.com.

Alibeaj tha se pasi Sali Berisha u shpall “non grata” nga Shtetet e Bashkuara të Amerikës, Basha mori një vendim në datën 9 shtator, që sipas tij është tërësisht i bazuar në statut.

Sipas tij, Partia Demokratike duket të jetë e hapur dhe në gjendje të bashkëpunojë me partnerët.

Ai shton se Berisha donte që ta kthente gjithë partinë “non grata”.

Alibeaj: Berisha është shpallur non grata dhe 9 shtator është marrë një vendim për të nga kryetari i partisë duke u bazuar në statut. Kështu kemi përcaktuar disa orientimi politike dhe elektorale. Ky ka qenë një vendim i vështirë për shumë demokratë, por ishte interesit të demokratëve apo hallin e një personi të vetëm. Demokratët dolën nga një masakër elektorale sikurse ishte ajo e 25 prillit, e kështu u lënduan zemrat e shumë demokratëve. Ama nuk është bunkerizuar PD-ja sepse janë vendosur disa simbole të reja ngjyrë blu.

Të qenit i hapur do të thotë se si PD-ja dhe opozita përballet me regjimin dhe se si do të shkojë në qeverisje. Si mundet që PD e lindur në 1990 të mund të synojë rrëzimin e këtij rrëgjimi, pa pasur në krah SHBA-në? Një rrezik i madh do të ishte që të shpallej një parti e tërë e gjitha non grata. Nuk diskutohet nëse hapet apo dera, pasi një parti politike nuk është selia e saj, por varet se sa i shërben elektoralit të saj. PD nuk është një parti kioskë.

Alibeaj theksoi se është e rëndësishme për PD-në është se nuk duhet të qëndrojë vetëm për interesin e demokratëve, por për gjithë shqiptarët.

Alibeaj: E rëndësishme për PD-në është se nuk duhet të qëndrojë vetëm për interesin e demokratëve, por për gjithë shqiptarët. Në qershor ne bëmë zgjedhjet në PD pas masakrës elektorale. Demokratët vendosën në qershor që rruga më e mirë është përballja. Në zgjedhje kufiri mes shtetit dhe partisë nuk ishte i ndarë dhe prandaj jemi këtu në këtë situatë sot. Ky është një pushtet që nuk ka dalë nga zgjedhjet e ndershme. Mos prisni! Asgjë nuk do të ndodhë në datë 8 janar./albeu.com/

The post Alibeaj bën parashikimin: Mos prisni kot! Në datën 8 janar nuk do të ndodhë asgjë appeared first on Albeu.com.

Haklaj thotë se ish-kryeministri dhe mbështetësit e tij do të dështojnë me turp pasi sipas tij lëvizjet e Berishës janë antistatutore.

Ai shton se Berisha është duke kryer grusht shteti të mirëfilltë.

Statusi i Azgan Haklajt:

PDSH është e përgatitur për të shkërmoqur çdo skenar dhune

“Përmbaruesit” e Berishës si vikingët e Ëilliam pushtuesit

“Na shpëto nga furia e vikingëve o Zot”!( postulat anglez).

Shtëpia e shqiptarit është e Zotit dhe e mikut.

Selia e PD-së është shtëpia jonë e përbashkët.

Eshtë e paprecedentë të sulmosh tempullin e lirisë dhe demokracisë dhe besimit në Zot.

E kanë të pamundur dhe do të deshtojnë me turp ata që me ultimatume po përpiqen të rrembejnë Partia Demokratike në mënyrë antistatutore duke kryer kështu mirëfilltasi grusht shteti.

Institucionet legjitime të Partisë Demokratike të Shqipërisë kryesia, keshilli kombëtar, kolegji i kryetarëve të rretheve, kuvendi kombëtar me 5004 delegatë legjitimë përfaqësues të demokratëve shqiptarë janë shprehur në menyrë plebishitare me votën e tyre me vullnetin e lirë dhe kanë mbështetur kryetarin e PDSH-së të zgjedhur me referendum blu.

Ata i dhanë fund absolutizmit berishist dhe mercenarizmit politik.

Shembën kultin e individit, institucionin e hipokrizisë e dualitetin politik.

Asnjë revolucion “paqësor” nuk mund ti imponohet vullnetit të demokratëve.

Regjenca e dalë nga kryefoltorja, mitingu i 11-të dhjetorit kërkon me çdo çmim përplasje, dhunë, gjak dhe mort.

Deklaratat e herëpashershme të komisionit regjent.

Thirrjet publike të tyre për akte dhune kërkojnë që arkën e formularëve false të Palokës ta kthejnë në arkëmort në oborrin e PD-së.

Demokratë të Shqipërisë!

Ju bëj thirrje tepër vllaznisht e shumë shqiptarisht të gjithë demokratëve të Shqipërisë.

Mos u mashtroni nga propaganda e shfrenuar por tu përdorur mish për top nga arkitektët e “revolucionit” konservator.

Revolucioni nuk ka asnjë lidhje me konservatorizmin.

Revolucionet kanë lidhje me bolshevizmin e fashizmin( tufat e shkopinjëve lidhur nën një spatë).

Filozofia e tyre është dhuna, terrori, vrasjet.

Çdo skenar dhune për pushtimin e PD-së do të deshtojë me turp.

Partia Demokratike e Shqipërisë është përgatitur për të shkërmoqur çdo lloj skenari të një pakice të vogël të mbështetur nga Trekëndëshi i Bermudës.

PDSH do të shëmbë regjimin e vjetër autokratik dhe muret e korrupsionit.

Epoka e re demokratike po lind.

Vellezër dhe motra demokratë!

Të gjithë diktatorët e neodiktatorët një fytyrë kanë.

Jetojmë në dekadën e tretë të mileniumit të tretë dhe jemi shtet anëtar i Natos e nuk mund të përligjet sot regjimi i terrorit si ai jakobin në kohën e Maksimilian Robespierit në Revolucionin Francez të vitit 1789.

Berisha nuk mund të pushtojë me dhunë e terror PD-në, të djegë e shkatërrojë dhe të përndjekë demokratët që mendojnë ndryshe si perandori romak Neroni që dogji Romën dhe përndiqte të krishterët në shekullin e parë të erës sonë.

Domokratët janë paqësorë e nuk mund të bëhen të dhunshëm e të kujtohen si vandalët që shëmbën Romën në shekullin e pestë të erës tonë.

Demokratët nuk janë shkatërrimtarë e plaçkitës e të kujtohen si vikingët që u shfaqën në vitin 793 të erës sonë të udhëhequr për më shumë se dy shekuj barbarët Eriku i Kuq e Knuti i madh etj, që në vitin 1066 të udhëhequr nga Ëilliam pushtuesi pushtuan Anglinë në mënyrë mizore, e për të cilët ka mbetur si postulat lutja angleze e kohës:

“Na shpëto nga furia e vikingëve o Zot”.

Selia e PD-së nuk mund të digjet si Reichstagu në Gjermani me dt 27 shkurt të vitit 1933 nga Hitleri sepse jemi shtet i Natos.

Demokratët krenohen me historinë e tyre sepse shëmbën diktaturën më të egër në Europë të Pol Potit shqiptar Enver Hoxha e nuk mund të sulmojnë shtëpinë e tyre të përbashkët, tempullin e lirisë, demokracisë dhe të besimit në Zot.

E përsëris edhe njëherë!

Vellezër dhe motra demokratë, mos bini pre e egos së shfrenuar për pushtet me dhunë e Sali Berishës sepse Selinë e PD- nuk e merr dot me grusht shteti.

Berisha do të krijojë një parti të re për familjen, një organizatë antiamerikane dhe antiperëndimore.

Atëherë ju do të zhgënjeheni sepse do të ndiheni të mashtruar e tradhëtuar, por do të jetë vonë.

Kujtojmë se deputeti Flamur Noka, i shoqëruar nga deputetë të tjerë të parlamentit shqiptar shkuan sot në selinë e PD, ku ishte pikërisht data që ata kishin vendosur si afat që kryetari aktual i PD, Lulzim Basha të lironte zyrën. Ata janë përbalur me dyer të mbyllura e kanë deklaruar më pas për mediat, se do të rikthehen në seli më 8 janar, datë në të cilën është parlajmëruar një prprotestë nga ish-kryeministri Sali Berisha./albeu.com/

The post Situata në PD, reagon Azgan Haklaj: Protesta e Berishës do të dështojë me turp! Selinë nuk e merr dot me grusht shteti appeared first on Albeu.com.