Presidentja e zgjedhur e Këshillit Kombëtar të Rezistencës së Iranit (NCRI), Maryam Rajavi përcolli një mesazh përmes një videoje, duke theksuar se shoqëria iraniane është e vendosur në rrugën drejt një revolucioni demokratik dhe themelimit të një republike laike.

Rajavi iu referua “ditëve të përgjakshme të janarit”, protestave masive që përfshinë Iranin, duke i cilësuar ato si dëshmi të “vendosmërisë së palëkundur dhe të pakthyeshme” të popullit për ndryshim të plotë të sistemit aktual. Teksa ndau pamje nga tubimi, ajo shkroi në X:

“Shoqëria iraniane po ecën në rrugën e një revolucioni demokratik dhe të themelimit të një republike demokratike. Në atë të ardhme, nuk ka vend për ata që tashmë premtojnë një autokraci të re me një njeri, të cilët do të shtypnin dhe ruanin institucionet kriminale të trashëguara nga sundimi i Khameneit. Një popull që ka paguar një çmim kaq të tmerrshëm për lirinë dhe demokracinë, dhe përmbysjen e një tiranie brutale fetare, nuk do ta shkëmbejë kurrë atë me ish-diktaturën monarkike.”

Tubimi u parapri nga një konferencë për shtyp me pjesëmarrjen e Mohammad Mohaddessin nga NCRI dhe ish-Kryetarit të Dhomës së Komunave të Mbretërisë së Bashkuar, John Bercow.

Mohaddessin deklaroi se dokumente dhe regjistrime të klasifikuara të vitit 2025 tregojnë se shtypja e “kryengritjes së madhe të janarit” ishte një masakër e paramenduar e miratuar nga Udhëheqësi Suprem Ali Khamenei. Sipas tij, kryengritja u përhap në mbi 400 qytete, me 2,411 viktima të identifikuara dhe rreth 50,000 arrestime.

Bercow mbështeti NCRI-në si alternativë demokratike nën drejtimin e Maryam Rajavi, duke vlerësuar planin e saj dhjetëpikësh si një udhërrëfyes për demokracinë.

The post Konferenca e Sigurisë në Mynih, mijëra mblidhen në protestë kundër regjimit të Iranit/ Udhëheqësja e opozitës: Po ecim në rrugën e revolucionit demokratik! appeared first on Albeu.com.

Ministri tha se ishte takuar me ta dhe kishte diskutuar agjendën dypalëshe, me fokus në përshpejtimin e procesit të integrimit evropian të Ballkanit Perëndimor dhe përpjekjet e përbashkëta, për sigurinë dhe paqen e qëndrueshme nën sfidat aktuale globale.

Postimi:
“Në Konferencën e Sigurisë në Mynih u takova me homologët e mi nga ???????? Mariya Gabriel, ???????? Donika Gërvalla-Schëarz, ???????? Ian Borg, ???????? Grlic Radman, ???????? Ilia Darchiashvili, ???????? Mihai Popșoi, ???????? Elmedin Konaković,???????? Eric Beißëenger, Sekretaren e Shtetit Susanne Baumann, ???????? të dërguarin special për Ballkanin Perëndimor, Lordi Stuart Peach dhe Kryetaren e Komisionit të Jashtëm, Alicia Kearns.
Diskutuam agjendën tonë dypalëshe, me fokus në përshpejtimin e procesit të integrimit evropian të Ballkanit Perëndimor dhe përpjekjet tona të përbashkëta për sigurinë dhe paqen e qëndrueshme nën sfidat aktuale globale.
#MSC2024”, shkruan Hasani.

At @MunSecConf I had productive meetings with my counterparts 🇧🇬 @GabrielMariya,🇽🇰@gervallaschwarz,
🇲🇹 @MinisterIanBorg, 🇭🇷@grlicradman, 🇬🇪 @iliadarch, 🇲🇩 @MihaiPopsoi, 🇩🇪 @EricBeisswenger, State Secretary Susanne Baumann, 🇬🇧 Special Envoy Lord Stuart Peach and @aliciakearns.… pic.twitter.com/yMQ90qLOvS

— Igli Hasani (@IgliHasani) February 18, 2024

The post Ministri Hasani në Konferencën e Sigurisë në Mynih, zbardhen detaje nga takimi appeared first on Albeu.com.

Vuçiq këtë deklaratë e ka bërë në televizionin serb “Pink”, pas protestës së djathtistëve pro-rusë në Beograd.

“Ne kemi një periudhë të vështirë përpara, të premten do të jem në Mynih ku do të bisedoj me udhëheqës shtetesh më të rëndësishme të botës. Janë takime të vështira, por duhet të shkoj që Kurti të mos bëjë atje çfarë të dojë”, thekson Vuçiq, transmeton Telegrafi.

Kujtojmë se presidenti serb iu drejtua qytetarëve mbrëmjen e sotme pasi ekstremistët në një protestë në qendër të Beogradit tentuan të hyjnë në Presidencë dhe e kërcënuan Vuçiqin me jetë.

Vuçiç tha se shteti nuk do të lejojë dhunë dhe do të veprojë menjëherë, pasi protestuesit e krahut të djathtë tentuan të hynin në Presidencën serbe.

Sipas mediave serbe, pas protestës së djathtistëve pro-rusë në Beograd, Vuçiq mbajti një takim me shërbimet e sigurisë.

“Shteti nuk do të lejojë banditët dhe ekstremistët, me ndihmë nga jashtë, qoftë nga Perëndimi apo Lindja, që të kërcënojnë rendin kushtetues”, tha ai.

Vuçiq nuk dha më shumë detaje për këtë temë.

Djathtistët serbë u mblodhën në Beograd më 15 shkurt për të protestuar kundër autoriteteve serbe dhe dialogut me Kosovën, që zhvillohet nën ndërmjetësimin e Bashkimit Evropian.

Në këtë protestë, të organizuar nga organizata e ekstremit të djathtë, “Patrulla e Popullit”, u panë edhe simbolet e grupit mercenar rus, Wagner. Po ashtu, protestuesit brohoritën mesazhe ofenduese ndaj presidentit serb, Aleksandar Vuçiq.

Pjesëtarë të xhandarmërisë serbe kanë parandaluar djathtistët që të hynin në ndërtesën e Presidencës serbe. /Telegrafi

The post Vuçiç: Do të shkoj në Konferencën e Sigurisë në Mynih, që Kurti të mos bëjë atje çfarë të dojë appeared first on Albeu.com.

Ai kujtoi më tej se “Në Konferencën e Sigurisë në Mynih i kemi pasur në një panel si Presidentin Vuçiç dhe Presidentin Thaçi dhe unë dëshiroj që të ndodhë edhe në të ardhmen. Dhe që të pajtohemi për pyetje që, sipas mendimit tim, nuk janë pyetje themelore, dhe që të bëjmë progres në Ballkanin Perëndimor, progres, i cili është shumë i nevojshëm në këtë kohë, kur kemi përpara rreziqe të tjera”, ,tha Heusgen.

Konferenca e sivjetshme e Sigurisë në Mynih, që i fillon punimet të premten, më 17 shkurt, ditën e shpalljes së pavarësisë së Kosovës, do të jetë e para që bëhet nën kryesimin e ish-ambasadorit gjerman pranë OKB-së dhe ish-këshilltarit për politikë të jashtme të Angela Merkelit, Christoph Heusgen. Heusgen e mori kështu stafetën nga një tjetër njohës i rajonit të Ballkanit, Wolfgang Ischinger

Konferenca është një platformë për këmbimin e mendimeve mes krerëve të vendeve të ndryshme të botës, për çështje aktuale të politikës globale. Këtë vit priten të vijnë në kryeqytetin e Bavarisë në jug të Gjermanisë rreth 40 krerë shtetesh dhe qeverish si edhe rreth 100 ministra dhe zyrtarë të tjerë të lartë nga vende të ndryshme të botës. Por në konferencë ka edhe shumë përfaqësues të parlamenteve, ekspertë, ojq e diplomatë.

Programi i konferencës nuk është bërë ende publik, por sipas listës së publikuar në faqen e  Konferencës, Serbia përfaqësohet vetëm nga ministrja e Evropës, Tanja Mishçevic, ndërsa Kosova nga presidentja Vjosa Osmani, kryeministri Albin Kurti dhe ministrja e Jashtme, Donika Gërvalla-Schwarz. Ballkani Perëndimor është ndër dhjetë detyrat kryesore të të ashtuquajturës Listë të detyrave Transatlantike, që përcaktuan krerët e 40 shteteve të ndryshme, në samitin e liderëve të konferencës, që u mbajt në maj 2022, në Uashington.

Ukraina në fokus

Por fokusi kryesor është padyshim Ukraina dhe ndihma ushtarake për mbrojtjen e saj nga agresori rus. Për organizatorin e Konferencës së Mynihut, Heusgen, është e qartë, se Ukraina ka nevojë për mbështetje të gjatë dhe se presidenti rus, Vladimir Putin nuk duhet të dalë fitimtar: “Ne duhet ta bëjmë të qartë se nëse Putin e fiton këtë luftë, ajo nuk ka mbaruar me Ukrainën. Ai dhe ministri i tij i Jashtëm, disa javë më parë, thanë se më pas e ka radhën Moldavia. Dhe pyesni vendet baltike – ata mendojnë se Putin do të kthehet edhe kundër tyre në rast se do të ketë sukses. Prandaj, ne duhet të jemi të vendosur, duhet të vijojmë të mbështesim Ukrainën dhe t’ia bëjmë të qartë edhe qytetarëve se kjo është diçka në planin afatgjatë”, tha Heusgen.

The post Konferenca e Sigurisë në Mynih, Heusgen: Shpresojmë të ketë progres në lidhje me Kosovën appeared first on Albeu.com.

Në konferencën, siç është paralajmëruar, do të marrin pjesë më shumë se 30 shefa të shteteve dhe qeverive, si dhe qindra ministra dhe shefa të organizatave ndërkombëtare relevante. Tema e edicionit të këtij viti është “Bashkëpunimi ndërkombëtar në kohë të krizave në rritje”, ndërsa është paralajmëruar edhe pjesëmarrje e përfaqësuesve më të lartë të organizatave më të rëndësishme ndërkombëtare për çështjet e sigurisë.

Gjatë pjesëmarrjes në Konferencën e Sigurisë në Munih, presidenti Pendarovski, siç informojnë nga Kabineti i tij, është paraparë që të realizojë shumë takime me disa pjesëmarrës të tubimit. Në fokus të bisedimeve do të jetë integrimi evropian dhe situatat e sigurisë në rajon dhe në hapësirën euro-atlantike.

Delegacioni qeveritar, i kryesuar nga Kovaçevski, e përbëjnë zëvendëskryeministri për Çështje Evropiane, Bojan Mariçiqi, ministrja e Mbrojtjes, Sllavjanka Petrovska dhe ministri i Punëve të Jashtme, Bujar Osmani. Ata gjatë punës treditore të konferencës, siç është paralajmëruar, do të marrin pjesë në shumë ngjarje qendrore dhe shoqëruese në kuadër të agjendës së konferencës, si dhe i më shumë takimeve të përbashkëta dhe të ndara.

Kovaçevski, siç është paralajmëruar, në kuadër të konferencës do të realizojë takime edhe me liderë të rajonit dhe përfaqësues të tjerë të lartë të shteteve dhe organizatave ndërkombëtare, ndërsa të shtunën do të ketë edhe paraqitje në debatin për perspektivën e BE – Ballkani Perëndimor në temë “Mos dukeni të ndarë – vizatimi i shtegut për BE dhe Ballkanin Perëndimor” të cilin e organizon Këshilli Rajonal për Bashkëpunim (KRB)

Si pjesë e aktiviteteve të anëtarëve të delegacionit të Qeverisë së Maqedonisë së Veriut, ministrja e Mbrojtjes, Sllavjanka Petrovska do të ketë paraqitje në panelin “Nata kushtuar inovacioneve”, ndërsa do të marrë pjesë edhe në sesionin “Bashkëbisedim me ministren e re gjermane të Mbrojtjes”. Petrovska do të marrë pjesë edhe në sesion kushtuar kontrollit të armatosjes, si dhe në panelin “Rusia, Ukraina dhe siguria në Evropë”, ndërsa do të realizojë edhe shumë takime me ministra të Mbrojtjes dhe autoritete ushtarake dhe në mbrojtje.

Ministri i Punëve të Jashtme, Bujar Osmani, siç është paralajmëruar, do të marrë pjesë në ngjarje të veçantë bashkë me të gjithë ministrat e punëve të jashtme të Ballkanit Perëndimor, në organizim të ministres së Punëve të Jashtme të Republikës Federale të Gjermanisë, Analena Berbok. Osmani do të ketë fjalim edhe në ngjarjen “Vrima në zemër të Evropës? Prapa drejtë Ballkanit Perëndimor” dhe do të realizojë shumë takime me homologët e tij nga shtetet evropiane dhe jashtë Evropës./zhurnal

The post Pendarovski dhe Kovaçevski në Konferencën e 58-të të Sigurisë në Munih appeared first on Albeu.com.

Në njoftimin e Zyrës së Kryeministrit është bërë e ditur se Kurti dhe Gërvalla do të qëndrojnë tri ditë në Gjermani për takime të ndryshme bilaterale.

“Kryeministri i Republikës së Kosovës, Albin Kurti sot udhëton për në Mynih të Gjermanisë për të marrë pjesë në Konferencën e Sigurisë atje (Munich Security Conference). I shoqëruar nga zëvendëskryeministrja, njëherit ministrja e Punëve të Jashtme dhe Diasporës, Donika Gërvalla, kryeministri Kurti do të qëndrojë atje për tri ditë gjatë të cilave do të zhvillojë takime të ndryshme bilaterale”, thuhet në njoftim.

Edhe në shkurt të vitit 2020, Kurti kishte marrë pjesë në Konferencën e Sigurisë në Mynih, ku për herë të parë ishte në një tryezë me presidentin e Serbisë, Aleksandër Vuçiq.

Kurti kishte deklaruar se nuk e konsideron takim me presidentin e Serbisë, Aleksandar Vuçiq, pjesëmarrjen e përbashkët në një tryezë në Mynih. Kurti ka thënë  se nuk është takuar me Vuçiqin.

“Unë nuk jam takuar me Vuçiqin. Kemi qenë në një tryezë të rrumbullakët, ku kanë qenë të ftuar të gjithë udhëheqësit e Ballkanit Perëndimor”, tha Kurti, pas pjesëmarrjes në një diskutim mbi mundësitë për Ballkanin Perëndimor.

Ky diskutim u zhvillua në margjina të Forumit Ndërkombëtar të Sigurisë, i cili nisi punimet të premten në Mynih, me pjesëmarrjen e rreth 35 udhëheqësve të shteteve dhe qeverive.

I pyetur të komentojë debatin me dyer të mbyllura, për të cilin Vuçiq tha se ishte “i ashpër”, Kurti tha se nuk dëshiron të japë detaje, duke u thirrur në rregullat e organizatorit të panelit, që nuk lejojnë të bëhen publike pikëpamjet e pjesëmarrësve (Chatam House Rules).

Megjithatë, Kurti pranoi se ka pasur tensione në tryezën e rrumbullakët.

“Ai (Vuçiq) ndjeu shumë presion për shkak të asaj që thashë. Pastaj pasoi reagimi i tij me nervozizëm”, tha Kurti për Radion Evropa e Lirë.

Kujtojmë se në mesin e shumë personaliteteve nga Ballkani, në konferencën e vitit 2020 morën pjesë atëherë Presidenti Hashim Thaçi, Kryeministri Albin Kurti, Kryeministri i Shqipërisë Edi Rama dhe Presidenti serb, Aleksandar Vuçiq.

Në ditën e parë të kësaj konference (e premte 14.02.2020) ishte nënshkruar një marrëveshje e rëndësishme përmes së cilës synohet të rihapet linja hekurudhore ndërmjet Kosovës dhe Serbisë.

Marrëveshja u firmos nga delegacioni kosovar i përbërë prej Xhemë Veselit, drejtor i Transportit Rrugor dhe Ramë Qupevës, drejtor i Infrastrukturës Rrugore.

Ndërsa nga pala serbe, ka qenë drejtori i të ashtuquajturës Zyrë për Kosovën në Qeverinë e Serbisë, Marko Gjuriq, ai i cili e ka firmosur dokumentin.

Kjo marrëveshje është nënshkruar në praninë e Presidentit Hashim Thaçi dhe homologut të tij serb, Aleksandar Vuçiq. Gjithashtu aty ishin edhe ambasadori i SHBA-ve në Kosovë, Philip Konett dhe ambasadori i SHBA-ve në Gjermani, Richard Grenell./GazetaExpress/

The post Kurti dhe Gërvalla sot në Gjermani, marrin pjesë në Konferencën e Sigurisë appeared first on Albeu.com.