Këngëtarja shqiptaro-britanike ka ndarë me ndjekësit në Instagram agjendën e saj të koncerteve, duke i ftuar fansat të bëhen pjesë e spektakleve të ardhshme.

“Disa koncerte kanë mbetur ende këtë verë… kush po vjen? Merrni biletat tuaja në RitaOra.com”, ka shkruar Rita krahas publikimit të datave të turneut.

Pas përfundimit me sukses të koncerteve në Austri dhe Finlandë, ndalesa e radhës për artisten do të jetë Maqedonia e Veriut. Rita Ora do të performojë këtë të shtunë, më 1 gusht, në kuadër të Ohrid Summer Festival, në stadiumin “Biljanini Izvori” në Ohër.

Pavarësisht interesimit të madh, fansat ende kanë mundësi të sigurojnë biletat për koncertin e shumëpritur.

Rita Ora njihet për performancat energjike, skenografinë spektakolare dhe afërsinë me publikun, ndaj edhe koncerti në Ohër pritet të sjellë një mbrëmje të veçantë për adhuruesit e saj.

Pas Maqedonisë së Veriut, artistja do të vazhdojë turneun veror me koncerte në Poloni dhe Republikën Çeke, duke mbyllur një sezon të ngjeshur muzikor në Evropë.

The post Rita Ora zbulon agjendën e koncerteve të verës/ Këtë të shtunë performon në Ohër appeared first on Albeu.com.

Përmes një postimi në rrjetet sociale, Limani falënderoi fansat për atmosferën e krijuar gjatë dy mbrëmjeve, duke i cilësuar ato si ndër momentet më të veçanta të karrierës së tij.

“Prishtina jem… Faleminderit për dy netët ma të bukura të jetës time”, ka shkruar artisti, duke shtuar se nuk kishte mënyrë më të mirë për ta përmbyllur fazën e dytë të “TSN Tour” sesa në vendlindje.

Ylli Limani u shpreh mirënjohës për dashurinë dhe energjinë e publikut, duke theksuar se këto momente do t’i mbeten gjatë në kujtesë.

Dy koncertet në Prishtinë sollën një atmosferë të veçantë, ku fansat shijuan performancat e hiteve më të njohura të këngëtarit dhe një nga netët më të rëndësishme të rrugëtimit të tij muzikor.

The post Yll Limani falënderon Prishtinën pas dy netëve spektakolare: Dy netët më të bukura të jetës sime appeared first on Albeu.com.

Përmes një postimi në Instagram, artistja bëri të ditur se stuhia dhe reshjet e shiut e kanë bërë të pamundur zhvillimin e aktivitetit sipas planit.

“Me vjen keq për sonte, po për shkak të stuhisë dhe motit të keq në Pogradec jemi të detyruar ta spostojmë datën për 26 korrik, e diel”, shkruan Melinda.

Këngëtarja tregoi se dëshira e saj ishte që të performonte për publikun, por kushtet atmosferike nuk e lejonin mbajtjen e koncertit.

“Dëshira ime ishte e madhe t’jem aty, por nuk kemi zgjidhje tjetër sepse stuhia dhe shiu s’do na lejojnë të mbajmë datën”, shtoi ajo.

Melinda u premtoi fansave se më 26 korrik do të krijohet një atmosferë e veçantë, ndërsa i falënderoi për mirëkuptimin dhe u kërkoi ndjesë për ndryshimin e papritur.

The post “Më vjen keq për sonte”/ Melinda Ademit i ndodh e papritura, detyrohet të shtyjë koncertin appeared first on Albeu.com.

Këngëtarja kolumbiane performoi më parë në të njëjtin vend në vitin 2007 gjatë turneut Oral Fixation, dhe koncerti i ri do të jetë pjesë e turneut të saj botëror Las Mujeres Ya No Lloran.

Performanca fillimisht ishte planifikuar për 7 prill, por u shty për në nëntor për shkak të asaj që organizatorët e quajtën “situatë në rajon” pas luftës SHBA-Izrael kundër Iranit.

Në një deklaratë për kthimin e saj në Egjipt, Shakira tha: “Jam shumë e lumtur që do të performoj në Egjipt, në piramidat e Gizës. Ju dua të gjithëve.”
Koncerti organizohet nga Venture Lifestyle, e cila më parë ka mbajtur evente të ngjashme me Jennifer Lopez, John Legend dhe Katy Perry në të njëjtin vend.

Këngëtarja performoi në ceremoninë e hapjes së Kupës së Botës 2026 në Mexico City muajin e kaluar, ku performoi himnin zyrtar “Dai Dai” së bashku me Burna Boy dhe J Balvin.

Të ardhurat nga kënga do të shkojnë në Fondin Global të Arsimit Qytetar të FIFA-s, nga i cili 500,000 dollarë do të drejtohen për të mbështetur arsimimin e fëmijëve të prekur nga tërmetet e fundit shkatërruese në Venezuelë.

The post Shakira rikthehet pas 19 vitesh te Piramidat e Gizës, koncerti spektakolar do të mbahet në nëntor appeared first on Albeu.com.

Policia e New York-ut, bëri të ditur se ekipet e emergjencës gjetën viktimën, të identifikuar si Paul Cooker nga Connecticut, pa ndjenja dhe me dëmtime të rënda që përputhen me një rënie nga një “pozicion i lartë”.

Ai u transportua menjëherë në spital, por më pas u shpall i vdekur.

Autoritetet kanë nisur hetimet për të sqaruar rrethanat e ngjarjes, ndërsa deri më tani është përjashtuar mundësia e një akti kriminal.

Sipas raportimeve, 51-vjeçari ndodhej në koncert së bashku me bashkëshorten e tij për të ndjekur performancën e grupit rock Goose.

Në një reagim, grupi muzikor u shpreh “thellësisht i tronditur” nga ngjarja tragjike. Ata njoftuan gjithashtu se koncerti i tyre i së dielës në Central Park, do të zhvillohej dhe të ardhurat do të dhuroheshin për një organizatë bamirësie që mbështet fansat dhe komunitetin e tyre. “Ne menduam me kujdes nëse duhet të performonim sot dhe arritëm në përfundimin se mënyra më e mirë është të qëndrojmë të bashkuar dhe të mbështesim njëri-tjetrin”, thuhet në deklaratën e grupit.

The post Tragjedi në New York! U rrëzua gjatë koncertit, humb jetën 51-vjeçari appeared first on Albeu.com.

West e njoftoi këtë vendim në rrjetin social “X”.

“Pas shumë mendimesh dhe konsideratash, është vetëm vendimi im për ta shtyrë koncertin në Marsejë deri në njoftim të mëtejshëm”, shkroi ai.

Ai ishte planifikuar të performonte më 11 qershor në Velodromin Orange në Marsejë. Mediat franceze raportuan se Ministri i Jashtëm francez Laurent Nunez u përpoq ta pengonte West të performonte për shkak të vërejtjeve të tij antisemite.

West është kritikuar për deklarata antisemite dhe shprehje admirimi për Adolf Hitlerin. Gjithashtu, kryebashkiaku i Marsejës, Benoit Payan, deklaroi në mars se performanca e West në qytet nuk ishte e mirëpritur.
“Unë refuzoj të lejoj që Marseja të bëhet një platformë për prodhimin e atyre që promovojnë urrejtje dhe narcizëm të pafalshëm”, tha ai më parë.
Mbretëria e Bashkuar gjithashtu ia mohoi reperit hyrjen në vend për shkak të shpërthimeve të tij, komenteve të kaluara antisemite dhe glorifikimit të nazizmit. West publikoi këngën “Heil Hitler” vitin e kaluar, muaj pasi reklamoi një bluzë me svastikë në faqen e tij të internetit.

Kënga u ndalua nga të gjitha platformat e transmetimit dhe West kërkoi falje për sjelljen e tij, duke përmendur dëmtimin e trurit dhe çrregullimin bipolar të patrajtuar.

The post Kanye West shtyn performancën në Marsejë: Është vetëm vendimi im appeared first on Albeu.com.

Por jo gjithçka shkoi pa pengesa. Temperaturat e ulëta brenda sallës sollën pak surpriza për fansat e pranishëm. Shumë ndjekës ndanë në rrjetet sociale shqetësimin e tyre për të ftohtin, duke e përshkruar si “të vështirë për t’u përballuar”. Pavarësisht atmosferës elektrizuese në skenë, disa ndjenja të ngrohtësisë duket se munguan në radhët e para.

Dafina, me stilin e saj të njohur dhe humorin karakteristik, nuk e la këtë situatë të kalonte pa u komentuar. Përmes një InstaStory të publikuar pas koncertit, ajo dha një paralajmërim miqësor për ndjekësit e natës së dytë: “Vishuni trash 😝❤️”. Një mesazh i thjeshtë, por i qartë: muzika do të ndezë atmosferën, por temperaturat e sallës mbeten të paparashikueshme.
Koncerti i dytë, i fundit i kësaj serie, mbahet sonte dhe fansat presin që eksperienca të jetë po aq e zjarrtë, pa pengesat e natës së parë. Të gjithë të pranishmit duhet të jenë të përgatitur: ritmi dhe performanca e Dafina Zeqirit premtojnë një mbrëmje të paharrueshme, por truket për t’u mbajtur ngrohtë janë të domosdoshme.

Një koncert ku muzika ndez shpirtin, por salla… nuk ka fjalë!

The post Çfarë kishte që nuk shkonte në koncertin e Dafinës? appeared first on Albeu.com.

Flori ka gati një sërë këngësh, që pritet të lançohen së shpejti. Një koncert, duket se do të jetë eventi që do të sjellë edhe njëherë në skenë Florin. Kënga e famshme, “Pa jetë” pritet që të ketë një variant të ri, të ribërë, duke qenë vetëm një nga këngët e ribëra prej tij. Rreth 1 vit më parë është përfolur edhe për një koncert recital që artisti do të mbante, por ndonëse gjithçka duket gati nga ana e materialeve, vetë Flori nuk ka rënë ende dakord për t’u ngjitur sërish në skenë.

Prej vitesh kantautori është zhvendosur në Kosovë, ku dhe jeton larg zhurmës mediatike që shoqëron emrin e tij. Të shumtë kanë qenë personazhet që kanë kërkuar rikthimin e tij në muzikë, duke qenë ndër artistët më të vlerësuar. Por duket se Flori këtë periudhë ka preferuar që të distancohet, duke mos qenë pranë publikut. Por duket se ky rikthim, ende nuk është gati, pasi artisti ende nuk ka dhënë asnjë sinjal se do të rivijë përpara publikut.

Çiljeta Xhilaga ka rrëfyer për karrierën e saj, përjetimet pas skenës dhe mundësinë e një rikthimi në muzikë. Edhe pse vitet e fundit është distancuar nga jeta artistike, Çiljeta mbetet një nga figurat më të dashura e më karizmatike të shoubizit shqiptar. Me një karrierë që nisi herët dhe me hite që u kthyen në himne të një brezi të tërë, ajo ka arritur të ruajë lidhjen e saj me publikun përmes natyrshmërisë, humorit dhe energjisë pozitive që e karakterizon. E pyetur nëse planifikon të rikthehet me një këngë të re, Çiljeta u shpreh me sinqeritetin që e dallon: “Jam karikuar të bëj një këngë të re, por do ta bëj vetëm nëse Flori Mumajesi rikthehet.”

Me plot humor, ajo shtoi se vetëm Flori di t’i sjellë në jetë këngët që përfaqësojnë frymën e brezit të saj: “Vetëm Flori mund t’i bëjë këngët e kohës sime, ose do iki tek ai që më ka nxjerrë për herë të parë si këngëtare”.

Këngëtarja tregoi se ka tentuar të komunikojë me producentin e njohur për një rikthim të mundshëm: “I kam shkruar para dy muajsh: ‘Do kthehesh, se na ke lënë pa këngë’. Por nuk më ka kthyer përgjigje. Unë mendoj se do vijë një kohë që i gjithë brezi ynë do të rikthehet. Nuk e di, por kështu e ndjej”.

Dashur pa dashur, këngëtarja ka konfirmuar atë që prej kohësh përflitej, shkëputjen e raporteve që Flori ka edhe me miqtë që dikur i ka pasur të afërt. Ndërkohë, deklarata e saj konfirmon edhe faktin se rikthimi i tij do të marrë sërish shumë kohë.

The post Flor Mumajesi anulon koncertin! Çfarë po ndodh me kantautorin, shkëputja nga miqtë dhe tregu muzikor appeared first on Albeu.com.

Ishte vetë G Bani që ka publikuar video dhe foto nga ky ‘koncert’, teksa shfaqet në krahë të përfaqësuesve të institucionit, si dhe mikeshës së tij që e njohur në shtëpinë e BBV, Valbona Mhilli.

Me gjithë se “shkoi shumë bukur” emocionet në të tilla raste janë të përziera sepse kur “prifti” të “mbyllë meshën” në fund, me mesazhin e shejtë “shpërndahuni në paqe”, disa shkojnë në shtëpi e shumë mbesin në qeli. Jam i sigurtë sa kaq se u kam dhënë disa minuta “arratisje” nga e përditshmja e realitetit të zymtë të burgut.”,shkruan ai krahas këtij postimi.

The post Koncert… në burgun e Fushë-Krujës! G- Bani këndon për të burgosurit, shoqërohet edhe nga Valbona appeared first on Albeu.com.

Këngëtarja, e cila u bë nënë së fundmi, duket në formë dhe e buzëqeshur, ndërsa postimi ka ngjallur aludime se ajo mund të jetë duke planifikuar një koncert madhështor pas periudhës së pushimit për shkak të shtatzënisë.
As Dafina dhe as bashkëshorti i saj nuk kanë dhënë ende asnjë deklaratë zyrtare, por fansat mezi po presin një rikthim të tillë spektakolar.

The post Dafina Zeqiri, koncert pas lindjes? Fotoja që ndezi dyshimet appeared first on Albeu.com.