Gjatë koncertit madhështor në sheshin “Skënderbej” në Tiranë, Dua ftoi të gjithë të pranishmit të festojnë së bashku festën e Pavarësisë, ndërsa i falenderoi të gjithë për mbështetjen që i kanë dhënë.

“Dua t’ju them faleminderit, ju dua shumë. Dhe ajo që dua t’ju them është të kaloni sa më bukur, kështu që të festojmë së bashku. Gëzua Ditën e Pavarësisë!”, tha Dua Lipa.

Dua Lipa po mban një koncert madhështor në sheshin “Skënderbej” në Tiranë me rastin e 110-vjetorit të Pavarësisë.

Koncerti ka nisur me Elvana Gjatën dhe këngën ‘Kuqezi’, ndërsa qindra qytetarë kanë sfiduar temperaturat e ulëta për të ndjekur spektaklin në këtë mbrëmje.

Dua Lipa mbyll sonte turneun e saj botëror, për nder 110- vjetorit të Pavarësisë së vendit tonë.

Para nisjes së koncertit Dua Lipa ka dhënë një mesazh të fortë nga Tirana, për të gjithë shqiptarët që jetojnë jashtë vendit. Në një konferencë për mediat, këngëtarja tha se duhet të ndryshohet stigma ndaj shqiptarëve, që jetojnë nëpër shtetet europiane./

The post 110 vjetori i Pavarësisë/ Koncerti madhështor në sheshin “Skendërbej” , Dua Lipa uron shqiptarët (FOTO LAJM) appeared first on Albeu.com.

Fotot dhe videot e saj nga performanca në koncert u bënë virale dhe morën komente të shumta në rrjetet sociale ku ndjekësit vlerësuan energjinë e saj.

Pak para se të ngjitej në skenë këngëtarja tregoi se ishte shumë e sëmurë dhe kishte marrë shumë medikamente për të vijuar shfaqjen.

“S’e keni idenë sa sëmurë jam sot, por shfaqja duhet të vazhdojë siç bën gjithmonë. Kam pirë gjithë farmacinë sot. Mos ma vini re zërin dhe mënyrën si flas, sepse jam shumë e sëmurë dhe ndihem si e droguar sepse kam pirë gjithë ilaçet e farmacive të Tiranës”, shkroi Ronela.

Ronela Hajati është fituesja e festivalit të fundvitit ku dhe përfaqësoi Shqipërinë në Eurovision 2022 që u mbajt në Torino por fatkeqësisht ajo nuk arriti që të shkonte në finale.

The post “Kam pirë gjithë ilaçet e farmacive”, Ronela Hajati tregon gjendjen e saj para performancës që elektrizoi sheshin appeared first on Albeu.com.

Begaje konsideron një rrugëtim të pakthyeshëm drejt BE-së hapjen e negociatave si kërkoi të punohet për çimentimin e raportove të mira me Amerikën.

Mesazhi i plotë

Të dashur qytetarë,

E sotmja është një mbrëmje feste, pasi rikonfirmojmë rrugën e pakthyeshme evropiane dhe partneritetin me aleatin tonë prej një shekulli.

Jam i vetëdijshëm se 10 ditë më parë, me vendimin për hapjen e negociatave për anëtarësim në Bashkimin Evropian, në rrugën që kemi zgjedhur, në rrugën e bashkimit në një federatë popujsh e kombesh që u krijua si bashkim vullnetesh – e vetmja në histori deri më sot – do të ketë ndryshime jo vetëm në rrafshin politik e shtetëror, por edhe në koncepte të tilla themelore si pavarësia e identiteti.

Duke promovuar identitetin tonë kombëtar, faktorin më të rëndësishëm historik e kulturor, që nuk njeh kufij dhe nuk ka pengesë për t’u lartësuar, shqiptarët do të jenë qytetarë dhënës në qytetërimin europian.

Jam i vetëdijshëm për përgjegjësitë, dhe më shumë akoma, jam i vetëdijshëm për vështirësitë që do të na duhet të përballojmë.

Por, nëse punojmë të gjithë duke patur në mendje dhe në zemër Shqipërinë, interesin kombëtar dhe të ardhmen e fëmijëve tanë e të brezave të tjerë që do të vijnë, jam i bindur, se jo vetëm vështirësitë do t’i përballojmë, por atdheu ynë do të përparojë e zhvillohet.

28 korriku është një datë shumë e rëndësishme edhe për popullin shqiptar dhe atë amerikan, si dy popuj që i bashkojnë vlerat, parimet.

Në 100 vite, SHBA kanë qenë aty për ne, duke mbështetur cdo hap të Shqipërisë drejt transformimit demokratik dhe drejt rrugëtimit drejt anëtarësimit në Bashkimin Evropian.

Nën modelin e demokracisë amerikane dhe unitetin e familjes evropiane, Shqipëria ka nevojë për përkushtimin tonë, ka nevojë për ndershmërinë tonë, ka nevojë për punën dhe besimin e të gjithëve ne, ka nevojë për dashurinë tonë.

Është koha t’ia japim ato pa asnjë rezervë, pa u lodhur, por me devocion e përkushtim.

The post Koncerti në Tiranë, mesazhi i presidentit Begaj: Sonte rikonfirmojmë rrugën e pakthyeshme evropiane dhe partneritetin me aleatin tonë prej një shekulli appeared first on Albeu.com.

Lajmin e bukur e bëri të ditur vetë këngëtarja përmes një foto të publikuar në Instagram. Ajo është shprehur e emocionuar dhe e nderuar që po kthehet sërish në Tiranë.

“Jam e emocionuar dhe e nderuar të njoftoj se do të kthehem në Tiranën time të bukur. Erion Veliaj më ka ftuar të performoj në një koncert falas për ne për të festuar Shqipërinë si Kryeqyteti Evropian i Rinisë 2022”, ka shkruar Rita.

 

View this post on Instagram

 

A post shared by RITA ORA (@ritaora)

Kujtojmë që artistja e njohur e vizitoi Shqipërinë për herë të fundit në vitin 2018, ku në qershor të atij viti mbajti një koncert në Sheshin “Nënë Tereza”

The post Rita Ora e emocionuar për koncertin në Tiranë, zbulon vendin dhe datën kur do të mbahet appeared first on Albeu.com.

E shoqëruar nga muzikanti elbasanas Dasho Kurti dhe muzikantë të tjerë, ajo premton një mbrëmje të mrekullueshme dhe surpriza për publikun shqiptar.

Në një bisedë ekskluzive, vetëm pak ditë para koncertit, në një intervistë për gazetaren Ira Londo, ai zbulon pak nga përpjekjet për koncertin, që ishte jo vetëm surpriza e radhës, por edhe një ëndërr shumëvjeçare.

“Me ne fund ne Tirane me nje nga bashkepunetoret e mia me te ngushta, kengetaren e madhe greke, Glykeria dhe shume muzikante te tjere.

Pas suksesit qe pati ne dashamiresit tane perpunimi dhe interpretimi ne shqip i kenges popullore shqiptare “25 gersheta”, pasoi ftesa per koncert me daten 15 Shtator ne kryeqytetin shqiptar, e cila padyshim me ngjalli krenari dhe kenaqesi te vecante.

Shkollimi muzikor ne Elbasan dhe bashkepunimi shumevjecar me emra te njohur te skenes dhe industrise muzikore greke, me gjejne te gatshem per te promovuar vlerat tona artistike dhe per te krijuar ura miqesie ndermjet dy popujve.

Per publikun e Tiranes, kemi pergatitur mjaft surpriza te bukura, te cilat jam i bindur se do shijohen nga te gjithe te pranishmit.”

Dasho Kurti, në kohë pandemie udhëtoni me të madhen Glikeria drejt Tiranës…

-Po, për mua mund të them se ishte një ëndërr që bëhet realitet. E kisha merak që kur bashkëpunoja me Jorgos Dalaras dhe me ndihmën e institucioneve përkatëse greke e shqiptare arritëm të shfaqim për publikun muzikdashës shqiptar atë koncert aq mbresëlënës. Atëherë mendoja sa mirë do ishte të këndonin të gjithë emrat e mëdhenj të pentagramit grek njëzëri me publikun shqiptar. Muzika vetëm bashkon, sjell mirësi, harmoni.

Megjithëse bashkëpunon shumë vite me këngëtaren Glikeria kjo do të jetë hera e parë që e shoqërion në atdhe.

-E vërtet, do të jetë hera e parë që do ngjitemi në skenë shqiptare së bashku. Ndjej shumë sadisfaksion dhe kam emocione të mëdha. Po ashtu kemi dhe shumë surpriza për publikun shqiptar.

Si u realizua kjo ide?

-Mendoj se një rol të rëndësishëm luajti dhe fakti që këndoi shqip në programin televiziv të Mega Channel. Në vijim na kontaktuan nga Bashkia e Tiranës, nga Ambasada e Greqisë në Tiranë. Në fakt, hezitoj pak në detaje se ne jemi vazhdimisht nëpër koncerte dhe koordinimin e bëj sa gjej pak kohë, përpiqem të jem korrekt me të gjithë, të kemi një rezultat sa më të mirë. Dua të them që të gjitha detajet e inisiatorëve, organizatorëve e institucioneve të implikuara do i referojmë me zë të lartë e shumë mirënjohje.

Cilat janë surprizat e radhës?

-Dua t’i them publikut shqiptar se Glikeria dëshiron dhe do të këndojë në shqip. Madje, po përgatisim disa surpriza vërtet të mëdha e të papërsëritura për ne njerëzit e muzikës e të artit. Dhe se dëshirojmë vërtet ato pak orë të 15 shtatorit të gjithë të pranishmit të na rrëmbejnë tingujt muzikorë, të harrojmë për pak pandeminë e gjithçka.

Gjithashtu, duhet të them se ndjehem shumë i privilegjuar që po koordinoj për këtë koncert. Si nga kontakti dhe reagimi miqësor i përfaqësisë që Bashkisë së Tiranës, pasi koncerti përfshihet në kupolën e programit kulturor të Bashkisë, si diplomatët grekë në Tiranë, po edhe diplomatët e Shqipërisë në Greqi janë tepër mbështetës e të prirur për të ndihmuar.

Së shpejti do të vizitojmë dhe Ambasadën e Shqipërisë në Greqi, madje ditën e sotme u takuam me ambasadoren e Shqipërisë në Greqi, znj.Luela Hajdaraga.

Në 15 shtator do të këndoni shqip në Tiranë. Ky është Dasho Kurti i skenës dhe surprizave. A ka diçka personale që do doje të përjetoje në këtë koncert?

-Ah ju gazetarët. Çdo gjë akoma është në përgatitje e sipër. Por ka, ka diçka personale që do më ofronte sadisfaksion të madh. Do doja shumë në mes të publikut të ndodhej mësuesi im i muzikës, e di ai kush është. Ja të shohim….

Ndërkohë në një video të publikuar në rrjete sociale, këngëtarja Glikeria është shprehur e lumtur që do të performojë në Tiranë, e i ka bërë thirrje qytetarëve që të vijnë e ta vizitojnë në koncert.

“Përshëndetje jam Glykeria, në 15 shtator do të jem afër jush në Amfiteatrin e Tiranës për të dëgjuar muzikë të mirë së bashku me mikun tim Dasho Kurtin! Ejani i dhe do të kalojmë një mbremje të mrekullueshme! Mirupafshim në Tiranë”, thuhet në mesazhin e këngëtares./albeu.com

The post Këngëtarja greke e “25 gërshetave” koncert në Tiranë: Do ketë surpriza appeared first on Albeu.com.