koncer Archives - Albeu.com

Pikasi fansin e saj që nuk merrte dot frymë, gjesti i Billie Eilish po diskutohet në gjithë botën (VIDEO)

A M — Mon, 07 Feb 2022 12:57:26 +0000

Këngëtarja e njohur, Billie Eilish, ndaloi koncertin e saj në State Farm Arena në Atlanta, Georgia, të shtunën, për të ndihmuar një fans i cili nuk mund të merrte dot frymë.

Artistja, gjatë turit të saj nëpër botë, vuri re se një pjesëmarrës i koncertit e kishte shumë të vështirë të merrte frymë dhe këngëtarja e ndaloi koncertin për të zbuluar saktësisht se çfarë po ndodhte.

“A keni nevojë për një inhalator?” Eilish e pyeti fansin, përpara se të kthehej te ekuipazhi i saj. “A kemi një inhalator? A mund të gjejmë vetëm një?”

View this post on Instagram

A post shared by billie eilish fanpage (@wishyouwerebil)

Më pas Billie arriti ta menaxhonte situatën më së miri, duke e lejuar dhe turmën që mos të rrinte shumë afër me personin dhe duke i dhënë atij pak kohë që të merrte veten.

Momenti është kapur në video nga shumë prej të pranishmëve, të cilët kanë nxituar t’i postojnë ato në internet, ndërsa kanë vlerësuar këngëtaren për veprimin e saj.

Kjo nuk është hera e parë që një gjë e tillë ndodh nëpër koncerte. Madje tragjedia më e madhe ka qenë ajo e Travis Scott, ku mbetën 10 të vdekur dhe qindra të plagosur.

Një viktimë dyshohet se u shtyp për vdekje nga turma, ndërsa Scott vazhdonte të performonte në skenë. Reperi thuhet se ka qenë në gjendje shoku pas ngjarjes së rëndë.

The post Pikasi fansin e saj që nuk merrte dot frymë, gjesti i Billie Eilish po diskutohet në gjithë botën (VIDEO) appeared first on Albeu.com.

Edhe kjo nuk ishte dëgjuar, dikush po shet shtrenjtë qese me ajër nga koncerti i Kanye West

A M — Wed, 28 Jul 2021 11:06:11 +0000

Dikush është aq kreativ sa po shet një qese hermetike për të cilën pretendon se është e mbushur me ajër nga eventi i fundit i organizuar nga Kanye, ku prezantoi albumin e shumëpritur, “Donda”. Dhe si çdo gjë e këngëtarit edhe ajri nga koncerti i tij po vleresohet shtrenjte

Kanye performoi në stadiumin Mercedes-Benz në Atlanta për të promovuar albumin, që do të publikohet më 6 gusht. Një fans “përfitues”, @imacanon16canz, vendosi të ndiqte trendin e “ajrit në shishe”.

Çmimi fillestar nisi me $1,025 dollarë më 23 korrik, ndërsa tani oferta e fundit është $3,950. Qesja është planifikuar të shitet më 28 korrik.

Duke marrë parasysh që shumë milionerë u rreshtuan në “Amazon e të pasurve” (HushHush.com) për të blerë shishe me ajër nga mali Everest për 455,700 dollarë, padyshim që ajri rreth Kanye West do të shitet për një shifër të majme.

The post Edhe kjo nuk ishte dëgjuar, dikush po shet shtrenjtë qese me ajër nga koncerti i Kanye West appeared first on Albeu.com.

Koncert dhe bashkëpunime, Vedat Ademi surprizon me lajmet e reja

A M — Thu, 22 Jul 2021 12:52:13 +0000

Vedat Ademi ishte sot i ftuar në “Pushime On Top” ku zbuloi shumë të reja në lidhje me karrierën e tij. Artisti i njohur tregoi se do të bëjë një koncert recital, e përveç tij po planifikon diçka tjetër më të madhe. “Dua që të bëj një koncert recital. Përveçse një recital dua të bëj dhe diçka tjetër që ndoshta do jetë pak më e madhe sesa aq, që ka të bëjë me mua, me karrierën time ndoshta dhe me jetën time në muzikë. Do të përfshijë sigurisht edhe familjen time e gjithë gjërat që unë kam kaluar në muzikë. Shpresoj që koncerti recital të realizohet. Janë shumë njerëz që vazhdimisht më shkruajnë dhe duan diçka nga unë. Edhe mua personalisht më mungon shumë publiku i Tiranës”, u shpreh ai.

Më pas këngëtari bëri të ditur edhe një lajm. Në muajin gusht, ai do të sjellë një bashkëpunim me një artiste të re. “Është një bashkëpunim që po punoj unë me një vajzë të re dhe të talentuar, Redina Trieshi. Ka zë të veçantë. Është këngë verore, e kësaj natyre pak a shumë që kam nxjerr deri tani”, tha Vedati.

The post Koncert dhe bashkëpunime, Vedat Ademi surprizon me lajmet e reja appeared first on Albeu.com.