Të shtënat me kallashnikov në drejtim të kryetarit të Haraçinës, Ridvan Ibraimi, kanë ndodhur në momentin kur ky i fundit – i shoqëruar me tre-katër persona, kishte dalë për të inspektuar punimet e bekatonizimit të trotuarit në rrugën kryesore që të shpie për në sheshin e Haraçinës, shkruan gazeta KOHA.

Dy të lënduarit, Eshtref S. dhe Advan. A (djali i shoferit të kryetarit Ibrahimi) i janë nënshtruar ndërhyrjeve kirurgjike – i parti në Spitalin “Shën Naumi i Ohrit”, ndërsa i dyti në Klinikën “Nëna Terezë” në Shkup. Që të dy në Haraçinë njihen për djem të urtë, të respektueshëm dhe familjarë.

Se Ibraimi ka qenë cak i sulmit, e ka konfirmuar edhe ministri i Punëve të Brendshme, Pançe Toshkovski. “Cak i sulmit të armatosur sot në Haraçinë ka qenë kryetari i Komunës së Haraçinës, Ridvan Ibraimi. Nga shkëmbimi i zjarrit është plagosur djali i shoferit të tij, i cili momentalisht i është nënshkruar ndërhyrjes kirurgjike në kompleksin klinik ‘Nënë Tereza’. Ndërkohë që 39-vjeçari E.S., i plagosur në kraharor, po kurohet në spitalin ‘Shën Naumi i Ohrit’ në Shkup”, ka thënë Toshkovski për mediat.

Në ndërkohë, banorë të Haraçinës të cilët kanë qenë në vendngjarje kur ndodhën gjuajtjet, thonë për gazetën KOHA se bëhet fjalë për persona e njëjtë, të cilët vitin e kaluar, të armatosur ishin furu dhunshëm në zyrat e komunës dhe e kishin rrahur kryetarin Ridvan Ibraimi. Gjatë tërë ditës, Haraçina ka qenë e bllokuar nga patrulla të shumta policore, ndërsa kërkimi i autorëve të incidentit të armatosur janë kërkuar edhe nga ajri – me helikopterë policor. /koha.mk/

The post Të shtëna me armë zjarri drejt kryetarit të komunës së Haraçinës, plagosen dy persona appeared first on Albeu.com.

Në një njoftim për media të premten vonë, ZPS-ja tha se ai u arrestua sipas një urdhërarresti të lëshuar nga Prokurorja e Specializuar.

“Kilaj u arrestua për vepra penale kundër administrimit të drejtësisë, përfshirë pengimin e personave zyrtarë në kryerjen e detyrave zyrtare brenda kuptimit të nenit 401 të Kodit Penal të Kosovës… dhe shkeljen e sekretit të procedurave”, thuhet në njoftim.

ZPS-ja shtoi se ai është transferuar në objektin e paraburgimit të Dhomave të Specializuara të Kosovës në Hagë të Holandës dhe se do të dalë para gjykatësit të procedurës paraprake të Dhomave të Specializuara të Kosovës “pa vonesa të panevojshme”.

Arrestimi i tij vjen një ditë pasi ZPS-ja njoftoi të enjten se po kryente operacione në vazhdimësi në Kosovë në një proces hetimor që përqendrohet në vepra penale kundër pengimit të drejtësisë.

Kilaj e udhëhoqi Malishevën në dy mandate, nga 2007 deri më 2009 dhe nga 2009 deri më 2013.

Më 2015, Kuvendi i Kosovës ka miratuar Ligjin për Gjykatën Speciale, e cila funksionon me ligje të Kosovës, por në territorin e Holandës. Në këtë institucion punojnë prokurorë dhe gjykatës të huaj.

Dhomat e Specializuara dhe Zyra e Prokurorit të Specializuar hetojnë krimet e pretenduara të pjesëtarëve të Ushtrisë Çlirimtare të Kosovës, të kryera kundër pakicave etnike dhe rivalëve politikë që nga janari i vitit 1998 deri në dhjetor të vitit 2000.

Aktualisht, pranë Dhomave të Specializuara janë duke u zhvilluar disa raste gjyqësore, përfshirë edhe rasti ndaj ish-krerëve të UÇK-së – Hashim Thaçi, Kadri Veseli, Jakup Krasniqi dhe Rexhep Selimi – që akuzohen për krime lufte dhe krime kundër njerëzimit./REL

The post Akuzohet për pengim të drejtësisë, Specialja e Kosovës arreston ish-kryetarin e Komunës shqiptare (Emri) appeared first on Albeu.com.