“Strukturat ilegale dhe kriminale të Serbisë në veri të Kosovës kanë marrë urdhër për përshkallëzimin e situatës në terren”, shkroi Vela në Twitter.

Vela ka shkruar se Serbia mban përgjegjësi të plotë për gjendjen e krijuar në veri të vendit.

“Protestues “paqësor” që përdorin veprime hibride dhe të dhunshme kundër forcave të rendi. Dhuna nuk do të mbizotërojë. Serbia mban përgjegjësi të plotë për përshkallëzimin”, ka shkruar ai.

The post Tensionet, Presidenca e Kosovës: Strukturat kriminale të Serbisë kanë marrë urdhër për përshkallëzimin e situatës appeared first on Albeu.com.

Sveçla tha në një lidhje direkte për televizionin publik se nuk ka incidente dhe se presin që dita të përfundojë e qetë.

“Unë sot jam në Mitrovicë dhe po e përcjellim situatën sa i takon çështjeve të sigurisë. Situata është stabile, e qetë. Nuk kemi incidente dhe presim që dita të përfundojë e qetë”, tha Sveçla.

Ministri tha se “këto zgjedhje janë më ndryshe për shumë arsye”, edhe sa i takon aspektit të sigurisë.

“Për dallim prej më herët, nuk ka incidente”, tha ai.

Sveçla tha se ditët e fundit qytetarëve serbë u është bërë “presion i hatashëm që të mos dalin në zgjedhje”.

“Por përndryshe sot nuk vërehet ndonjë tendencë për eskalim të situatës”, tha Sveçla.

Ai tha se presin që të rritet numri i qytetarëve që do ta shfrytëzojnë të drejtën e votimit.

Lidhur me lokacionet e reja të votimeve, Sveçla tha se bashkë me KQZ-në është vlerësuar “se zgjidhja më e mirë është të gjejmë hapësira alternative”.

“Kjo nuk do të thotë pamundësim të pjesëmarrjes në votime”, tha ai.

“Edhe kushtet e punës janë mëse komode. Edhe për votuesit vendvotimet janë të identifikuara dhe nuk shoh ndonjë problem të veçantë”, shtoi Sveçla.

Ministri i Punëve të Brendshme tha se “Policia e Kosovës kurrë s’ka qenë më e përgatitur” për të ofruar siguri për të gjithë qytetarët./express

The post Zgjedhjet në veri të Kosovës, Sveçla nga Mitrovica: Situata e qetë, policia është e përgatitur për siguri appeared first on Albeu.com.

Dominique Bilde vjen nga partia politike franceze e ekstremit të djathtë, e njohur si “National Front” (FN), e cila ishte financuar nga Rusia gjatë zgjedhjeve në Francë, me kandidatë Marine Le Pen.

Dominique Bilde, së bashku me Marine Le Pen, më vitin 2019 ishin akuzuar për korrupsion, pasi që të njëjtit, dyshohej se me fonde të Bashkimit Evropian, financonin partinë e tyre politike të së djathtës ekstreme. Madje me datë 12 mars 2019, Parlamenti Evropian kishte vendosur për heqjen e imunitetit të Dominique Bilde dhe në këtë vendim, ndër të tjera thuhet se “Heqja e imunitetit të Dominique Bilde ka të bëjë me shkeljet e pretenduara të shkeljes së besimit, fshehjes së shkeljes së besimit, mashtrimit nga një grup i organizuar, falsifikimi dhe përdorimi i dokumenteve të falsifikuara dhe punës së fshehtë me fshehje të punonjësve, në lidhje me punësimet e asistentëve të deputetëve të Parlamentit Evropian të lidhur me Frontin Kombëtar”.

Në zgjedhjet e dumës ruse të vitit 2016, Dominique Bilde ishte “akredituar” si “vëzhguese” e këtyre zgjedhjeve. Por, pavarësisht se ata nuk kishin status zyrtar të vëzhguesve të huaj, dhe sipas ligjit rus, nuk mund të ishin të pranishëm në ambientet e votimit, ata u mirëpritën nga komisionet zgjedhore dhe u lejuan të kalonin kohën në qendrat e votimit. Bilde dhe “vëzhgues” të tjerë, të cilët ishin kryesisht nga Franca dhe Italia, shkuan në Rusi me ftesë nga Shoqata Kombëtare e Monitorimit Publik, e cila u krijua para zgjedhjeve, pa regjistrim shtetëror. Të gjitha veprimet e “vëzhguesve” kishin qenë të planifikuara dhe të transmetuara në nivel shtetëror. Mesazhet kryesore të tyre u transmetuan nga agjencitë ruse të lajmeve dhe u kontrolluan nga shteti.

Më 29 mars 2016, autoritetet letoneze kishin mbyllur faqen e lajmeve pro-Kremlinit të Rusisë “Sputnik”, duke e quajtur atë si një “mjet i propagandës”. Mbyllja e Sputnik në Letoni ishte kundërshtuar ashpër edhe nga Dominique Bilde, e cila kishte thënë se “përpjekjet e qeverisë Letoneze për të mbyllur Agjencinë e Lajmeve Sputnik, janë një shembull i ‘stanjacionit’ politik brenda BE-së dhe tregon se elitat evropiane nuk pranojnë asnjë opinion disident”.

Në muajin janar 2017, udhëheqësit serbë pro-rus të Bosnjës përkujtuan festën kombëtare të republikës së tyre autonome, duke sfiduar një ndalim të Gjykatës Kushtetuese dhe duke nxitur tenstione etnike. Në këtë aktivitet morën pjesë edhe dy eurodeputetë nga partia e ekstremit të djathë në Francë, Dominique Bilde dhe Edouard Ferrand./KosovaPress/

The post Lidhjet me Rusinë të eurodeputetes franceze të ekstremit të djathtë që kërkoi themelimin e Asociacionit në Kosovë appeared first on Albeu.com.

Ajo shtoi se këto struktura kanë cenuar garën në mes të subjekteve politike dhe shprehjen e lirë të vullnetit të votuesve.

“Presidentja Osmani vlerësoi mbarëvajtjen e zgjedhjeve lokale duke konfirmuar standardin e ndërtuar nga Republika e Kosovës për mbajtjen e zgjedhjeve të lira dhe demokratike. Tutje, ajo nënvizoi se sipas informatave që vijnë nga institucionet tona, gara në komunat e banuara me serbë ishte e ndikuar nga imponimet e strukturave ilegale të Serbisë, të cilat e kanë cenuar garën në mes të subjekteve politike dhe shprehjen e lirë të vullnetit të votuesve. Duke i falënderuar për prezencën e tyre dhe gatishmërinë për t’i qëndruar Kosovës pranë në çdo hap të konsolidimit të demokracisë në vend, Presidentja Osmani shprehu mirënjohje për përgjigjen pozitive të pranuar nga Parlamenti Evropian dhe vlerësoi lartë prezencën e këtij delegacioni në vëzhgim të zgjedhjeve”, thuhet nga Presidenca.

E misioni i BE-së e ka vlerësuar procesin e zgjedhjeve si demokratik e të karakterizuar me profesionalizëm të lartë dhe integritet të lartë të institucioneve por edhe të vet qytetarëve të Kosovës./albeu.com

The post Osmani: Gara për kryetar në komunat me shumicë serbe u ndikua nga strukturat ilegale të Serbisë appeared first on Albeu.com.