Gjatë fjalës së saj Xhaçka u shpreh mes dy vendeve ka mirëkuptim për zgjidhjen e shumë çështjeve. E ndalur edhe tek çështja e detit Xhaçka tha se palët kanë rënë dakord dhe se ka vullnet për kompromis për referimin e kësaj çështjeje në Gjykatë e Hagës.

“E konsiderojmë Greqinë një mik të çmuar dhe partner të besueshëm në rregën e integrimit Europian. Jemi të një mendje se marrëdhëniet shqiptaro –greke duhet të zhvillohet në rrugën e fqinjësisë së mirë. E lumtur që kemi mirëkuptim për të trajtuar çështjet sado të vështira. Një nga çështjet e trajtuar ishte kufizimi i zonave detare. Të dyja palët kanë vullnet për dërgimin tek gjykata ndërkombëtare”, tha ajo.

The post DETI/ Xhaçka krah homologut grek: Ka vullnet për kompromis për ta referuar çështjen në Hagë appeared first on Albeu.com.

Të mërkurën dhe enjten (20 dhe 21 prill) në Bruksel do të zhvillohen takimet e delegacioneve të Kosovës dhe Serbisë, me ndërmjetësimin e BE-së, në përpjekje për të gjendur zgjidhje për targat e makinave të Kosovës dhe Serbisë.

Fillimisht do të takohen grupet punuese të Kosovës dhe Serbisë, që janë krijuar për këtë çështje. Më 21 prill, kryenegociatorët e Kosovës dhe Serbisë, Besnik Bislimi dhe Petar Petkoviq, po ashtu pritet të takohen me ndërmjetësimin e të dërguarit të BE-së për dialogun, Mirosllav Lajçak.

Diplomatët në BE i kanë thënë Radios Evropa e Lirë se nuk dëshirojnë të shohin tensione në pikat kufitare midis Kosovës dhe Serbisë, siç kishin parë shtatorin e vitit të kaluar. Prandaj, ata kanë bërë thirrje që të shfrytëzohen këto takime të fundit që të arrihet një marrëveshje.

Kryeministri i Kosovës, Albin Kurti, deklaroi më 18 prill se për Kosovën, është i padiskutueshëm dhe panegociueshëm “parimi i reciprocitetit si thelb i çfarëdo zgjidhjeje të ardhshme” për çështjen e targave.

Këto deklarata të Kurtit, në Serbi i kanë parë si kërcënim.

Duke rikujtuar takimin e fundit të grupeve punuese, që u zhvillua më 7 prill në Bruksel, zëdhënësi i BE-së për çështje të jashtme dhe siguri, Peter Stano, tha për Radion Evropa e Lirë se “rundet e reja të takimeve do të zhvillohen më 20 dhe 21 prill në Bruksel, pikërisht para se të skadojë mandati i tyre”.

“BE-ja i ka ndihmuar të dyja delegacionet për të identifikuar zgjidhjet, por është në përgjegjësi të palëve që të pajtohen për një zgjidhje. Ne presim nga to që të ketë përparim deri më 21 prill”, tha Stano.

Ai shtoi se “BE-ja dëshiron t’ua rikujtoj palëve edhe një herë se tani është urgjent që të arrihet një qëndrim i përbashkët. Secila marrëveshje për targat kërkon fleksibilitet politik dhe kompromis nga të dyja palët”.

Mandati i grupeve punuese skadon më 21 prill, pasi më 30 shtator me ndërmjetësimin e BE-së, palët arritën një marrëveshje të përkohshme të targave.

Marrëveshja e përkohshme pasoi vendimin e 20 shtatorit të Qeverisë së Kosovës që vendosi masën e reciprocitetit për çështjen e targave serbe, që nënkuptonte se me të hyrë në territorin e Kosovës, makinat me targa serbe, duhet të merrnin targa provuese. Ideja ishte që këto targa provuese të ishin të vlefshme për 60 ditë dhe të kushtonin pesë euro.

Deri atëherë, qytetarët e Kosovës, të cilët kishin targa RKS (Republika e Kosovës), përgjatë një dekade, kur hynin në territorin e Serbisë, paguanin rreth pesë euro për targat provuese, që vlenin për 60 ditë.

Vendimi i Qeverisë së Kosovës për targat më pas nxiti protesta dhe bllokada nga serbët lokalë, të cilët shtatorin e kaluar bllokuan rrugët që çonin në dy pikëkalimet kufitare që lidhin Kosovën dhe Serbinë, Jarinjë dhe Bërnjak.

Edhe pse në Bruksel deklarojnë se “nuk duan të komentojnë deklaratat që jepen në Serbi dhe Kosovë rreth mundësisë së rritjes së tensioneve, sidomos në veri [të Kosovës]”, ekziston frika se situata mund të përshkallëzohet, siç kishte ndodhur vitin e kaluar.

Në takimet e mëhershme në Bruksel, pala kosovare kishte thënë se nuk është e interesuar për një zgjidhje të përkohshme.

Por, të njëjtat burime në Bruksel besojnë se “ka hapësirë për kompromis”. Në BE shpresojnë që të gjendet një zgjidhje sepse diçka e tillë jo vetëm që do të ndihmonte lirinë e lëvizjes, por do të shënonte një kthesë pozitive në dialogun Kosovë-Serbi, që ndërmjetësohet nga blloku evropian.

Edhe pse nuk janë të sigurt nëse do të ketë zgjidhje në takimet në dy ditët e ardhshme në Bruksel, në BE thanë se “palët megjithatë kanë zvogëluar dallimet mes tyre dhe do të ishte për keqardhje nëse nuk shfrytëzohet rasti për kompromis”.

Sipas burimeve, Kosova dhe Serbia janë po ashtu afër arritjes së pajtimit për çështjet e energjisë dhe të pagjeturve. Por, për këto dy tema, siç thanë në Bruksel, kërkohet më shumë vullnet politik nga të dyja palët./REL

The post BE-ja kërkon nga Kosova dhe Serbia kompromis për çështjen e targave appeared first on Albeu.com.

“Ky është një variant që po diskutohet aktualisht dhe që mund të shihet me të vërtetë si një kompromis,” u citua të ketë thënë zëdhënësi i Kremlinit Dmitry Peskov nga agjencia shtetërore ruse e lajmeve RIA.

Kushtet e çmilitarizimit që Rusia do të priste nuk janë ende të qarta, por duket se sugjerohet se Ukraina do të duhet të mbajë statusin neutral dhe vendi do të kishte ende forcat e veta të armatosura.

Austria ka ushtrinë e saj, por është e detyruar të neutralizohet nga Traktati i Shtetit Austriak i vitit 1955 dhe kushtetuta e saj, e cila ndalon hyrjen në aleanca ushtarake dhe krijimin e bazave të huaja ushtarake në territorin austriak./albeu.com

The post Kremlini: “Çmilitarizimi” i Ukrainës si Austria mund të shihet si një kompromis appeared first on Albeu.com.

“Ne mund të bëjmë kompromis për mënyrën sesi do të vazhdojë jeta në këto zona,” tha Zelensky, duke shtuar se po flasin për zona që vetëm Rusia dhe askush tjetër nuk i ka njohur.

“Për mua, gjëja më e rëndësishme është se si do të jetojnë njerëzit në këto zona që duan të jenë pjesë e Ukrainës… Kështu që çështja është më e ndërlikuar sesa thjesht njohja,” shtoi ai.

Duke komentuar kushtet e vëna nga lideri rus një ditë më parë për t’i dhënë fund luftës, Volodymyr Zelensky tha se Ukraina nuk është gati për ultimatume. Ai shtoi se ajo që duhet të bëjë Putin është që të fillojë dialogun dhe jo të vijojë të “jetojë në flluskën e tij.”

Duke iu referuar NATO-s, presidenti ukrainas komentoi se e ka pranuar se “aleanca nuk është gati të pranojë Ukrainën” dhe “ka frikë të përballet me Rusinë”.

Kujtojmë se të hënën u zbuluan tre kushtet e Rusisë ndaj Ukrainës për të përfunduar luftën.

-Kushti i parë është vendosja e një kryeministri pro rus në Ukrainë, ndërkohë që Zelensky mban detyrën, por me kompetenca më të zvogëluara. Flitet se rusët parapëlqejnë Yuriy Boiko si kryeministër.

-Kushti i dytë është që Ukraina të njohë Krimenë si pjesë të Rusisë si edhe të njohë Luhanskun dhe Donjeckun si republika të pavarura.

-Kushti i tretë është ndryshimi i Kushtetutës dhe caktimi në të se Ukraina nuk do të bëhet pjesë e asnjë blloku perëndimor si NATO apo Bashkimi Evropian.

The post Kushtet e Putinit për t’i dhënë fund luftës, Zelensky: Mund të bëjmë kompromis për rajonin e Donbas-it appeared first on Albeu.com.