Autori i temës së famshme të filmit “Mission: Impossible” lë pas një trashëgimi unike muzikore, me mbi njëqind kolona zanore që kanë shënuar kinemanë dhe televizionin e shekullit të njëzetë.

Me origjinë argjentinase, por i birësuar në Amerikë, Schifrin arriti të përziente xhazin, ritmet latine dhe orkestrimet simfonike me një stil të pagabueshëm, duke fituar çmime prestigjioze dhe bashkëpunime me regjisorët më të mëdhenj në Hollvud.

Vdekja e tij shënon fundin e një epoke, por muzika e tij vazhdon të jetojë në çdo notë që shoqëron shikuesin në skenat më ikonike të ekranit të madh.

I lindur më 21 qershor 1932 në Buenos Aires, Schifrin arriti që në moshën gjashtë vjeç të zotëronte pianon dhe studionte për këtë instrument.

Takimi i tij me Dizzy Gillespie në mesin e viteve 1950 shënoi një pikë kthese: që nga ai moment, suita e xhazit “Gillespiana” e lançoi atë në skenën ndërkombëtare, duke i hapur dyert e Hollivudit.

Gjatë një karriere të gjatë, ai ka kompozuar mbi 100 kolona zanore si për kinema ashtu edhe për television, por ndër kryeveprat e tij mbetet Mission: Impossible.

Schifrin ka fituar katër çmime Grammy dhe ka marrë gjashtë nominime për Oscar. Në vitin 2018 ai mori një Oscar për arritje gjatë gjithë jetës.

Vetëm dy muaj më parë, Schifrin prezantoi kryeveprën e tij të fundit në Buenos Aires, simfoninë “Viva la Libertà”, të shkruar bashkë me Rod Schejtman.

The post E trishtë/ Ndahet nga jeta kompozitori i njohur (EMRI+FOTO) appeared first on Albeu.com.

Në faqen e internetit “https://homelandjustice.ru/” hakerat kanë ngarkuar dhjetra materiale që kanë ardhur në adresën e kreut të qeverisë, madje edhe ato që janë fshirë nga inbox.

Një ditë më parë në këtë faqe lexuesit u pyetën nëse ishin të interesuar të publikoheshin emailet e kryeministrit apo të ministrave.

Së fundmi janë publikuar edhe disa emaile të mbërritur nga një kompozitor i njohur shqiptar, Aleksandër Peçi në “inbox-in” e kryeministrit. Kompozitori i “ankohet” Ramës, ndërsa komenton një lajm të publikuar më 23 prill të vitit 2021, pak pas vrasjes së Pjerin Xhuvanit në Elbasan. Kompozitori i kërkon Ramës që të arrestohen personat e përfshirë dhe të mos lejohen të hyjnë në Parlament. Në një fragment në mesazhin e tij drejtuar Ramës ai përmend edhe deputetin Xhelal Mziu duke thënë se ka paralajmëruar vrasje të tjera.

Po ashtu Kompozitori në një tjetër email të dërguar kryeministrit Edi Rama, denoncon ish-presidentin Ilir Meta ku përmend sfurqet dhe hanxharët. Ai shkruan se këto mesazhe të MEtës u duhen çuar në Anglisht të gjithë ambasadorëve të BE.

The post Publikimi i e-maileve të Ramës, kompozitori i njohur “spiunon” te kryeministri, Metën, Mziun dhe Bardhin appeared first on Albeu.com.