Sipas të dhënave, kompania ka qenë e “zhytur” në borxhe dhe e ka pasur të pamundur daljen nga situata ku ishte futur.

Fluturimi AZ1586 nga Cagliari në Romë do të jetë ai i fundit për kompaninë shtetërore italiane, Alitalia, duke përmbyllur një histori të filluar në shtatorin e vitit 1946, fill pas përfundimit të Luftës së Dytë Botërore dhe rrëzimit të regjimit fashist.

Alitalia, kompani që deri në 2018 ishte e 12-ta në kontinent, do të mbyllë zyrtarisht operimin pikërisht ditën e sotme, për t’i lënë vendin një kompanie absolutisht më e vogël, një startup që për momentin ka emrin ITA. Për momentin, sepse kompania po diskuton me shtetin italian mundësinë e shitjes së emrit, edhe pse palët janë ende larg, nga momenti që vlerësohet në rreth 290 milionë euro.

Ndërkohë, ai emër do të vijojë përkohësisht edhe me kompaninë e re, për arsye praktike. Vetëm heqja dhe zëvendësimi i emrit në çdo aeroport dhe material, do të shpenzoheshin rreth 80 milionë euro.

ITA, edhe me emrin e vjetër, sërish do të jetë shumë ndryshe, me një flotë të reduktuar, dhe destinacione të kufizuara jashtë Italisë.

Menaxhimi i keq dhe borxhet e trashëguara ndër dekada janë padyshim shkaqet më domethënëse, të cilëve i bashkohet gjithsesi edhe një aspekt teknik, që lidhet me ndryshimin e transportit në vendin fqinj.

Rritja e trenit me shpejtësi të lartë ka përgjysmuar destinacionet kryesore të Alitalia në vend, veçanërisht atë Roma – Milano që përfaqësonte një nga asetet më të rëndësishme. Tashmë për 2 orë dhe 30 minuta arrihet në destinacion me tren, pa transferimet e bezdisshme nga qendra për në periferinë e qyteteve ku ndodhen aeroportet, pa masat e sigurisë, pa limitet e kileve në bord.

Rritja e trenit me shpejtësi të lartë ka përgjysmuar destinacionet kryesore të Alitalia në vend, veçanërisht atë Roma – Milano që përfaqësonte një nga asetet më të rëndësishme. Tashmë për 2 orë dhe 30 minuta arrihet në destinacion me tren, pa transferimet e bezdisshme nga qendra për në periferinë e qyteteve ku ndodhen aeroportet, pa masat e sigurisë, pa limitet e kileve në bord./albeu.com

The post Alitalia mes borxheve shpall falimentin, sot fluturimi i fundit i kompanisë italiane appeared first on Albeu.com.