Vaksina përforcuese do të aplikohet në popullsinë mbi 60 vjeç dhe tek ata persona që kanë mbi 6 muaj nga marrja e dozës së dytë.

Eksperti i Komitetit Teknik, Skënder Brataj, u bën thirrje qytetarëve për të kryer dozën përforcuese, si e vetmja mbrojtje ndaj formave të rënda të Covid-19 dhe humbjeve të jetës.

“Personat mbi 60 vjeç me sëmundje bashkëshoqëruese, ata me disa lloj sëmundjesh që godasin imunitetin, punonjësit e policisë, shëndetësisë dhe edukatorët”, tha Brataj për A2 CNN.

Ekspertët e imunizimit dhe më pas ata të Komitetit Teknik vendosën që doza e tretë të jetë ose vijim i të njëjtës vaksinë, ose alternim vaskinash për të ndikuar në rritjen e antitrupave.

Përmes marrëveshjes së re me Pfizer, Shqipëria ka blerë dhe 500 000 vaksina, gjysma e të cilave mbërritën në tetor. Pjesa tjetër do të vijë deri në fund të dhjetorit. Megjithatë, mbulesa vaksinale vijon të jetë e ulët, 40% e popullsisë ka marrë vetëm një dozë dhe 33% kanë kryer të dyja dozat.

Ndërkohë, infektimet nga koronavirusi dhe humbjet e jetës janë në nivele shqetësuese: 8 viktima thuajse çdo ditë dhe mbi 500 raste pozitive./albeu.com/

The post Kur nis aplikimi i dozës së tretë të vaksinës anti-Covid në Shqipëri dhe te kush persona do të aplikohet appeared first on Albeu.com.

Komitetit Teknik i Ekspertëve pritet të mblidhet sot, ku parashikohet të merren vendime të reja për uljen e moshës së vaksinimit anti-COVID.

“Komiteti i Ekspertëve ka rekomanduar uljen e fashës së grupmoshës së vaksinimit për adoleshentet plus 16 vjeç. Në diskutim gjithashtu është edhe inokulimi i vaksinës tek fëmijët mbi 12 vjeç me probleme shëndetësore, si dhe marrja e dozës së tretë nga një kategori e veçantë. Të gjitha këto do të diskutohen nga Komiteti Teknik i Ekspertëve, të cilët do të japin një përgjigje lidhur me këto rekomandime”, tha ministrja e Shëndetësisë Ogerta Manastirliu.

Ministrja Ogerta Manastiliu tha se të gjitha vaksinat të cilat po qarkullojnë në territorin e Shqipërisë janë të miratuara nga EMA, FDA apo OBSH.

“Të gjitha vaksinat që qarkullojnë në territorin e Shqipërisë, janë të aprovuara nga strukturat ndërkombëtare, siç janë EMA, FDA ose OBSH, e cila ka certifikuar koronavac. Të gjitha janë të kontrolluara të verifikuara, edhe për afatet e përdorimit të tyre, ndaj i garantoj qytetarëve që vaksinat janë të certifikuara.”, shtoi ajo.

The post Vaksinimi i adoleshentëve dhe doza e tretë, Komitetit Teknik i Ekspertëve vendos sot appeared first on Albeu.com.