E ftuar në Radarin Infromativ me Jonida Shehun në ABC, Voltana Ademi e cila si kryetare e Shoqatës së Bashkive të Shqipërisë çoi në Gjykatën Kushtetuese zgjedhjet duke kërkuar që të shpallet pavlefshmëria e tyre, argumentoi se ku bazohet kërkesa e tyre.

Komisioni i Venecias sipas Ademit ka kundërshtime në opinionin e saj, ndërkaq nënvizoi se i lë hapësirë Gjykatës Kushtetuese që të vendosë mbi  zgjedhjet.

“Kërkesa jonë bazohet në disa nene. Komisionit të Venecias i janë bërë 3 pyetje në lëmin e pyetjeve që i kemi bërë Gjykates Kushtetuese. Ne na është kërkuar nga “Kushtetuesja” të jepnim pyetjet tona. Kushtetuta jonë, kodi zgjedhor një sërë normash në Shqipërinë lënë për interpretim dhe ka hapësirë për interpretim. Venecia ka kundërshtime në opinionin e vetë, s’i mbyll shtigjet dhe i lë të hapura dhe kjo lë hapësirën për vendimmarrje në Gjykatë Kushtetuese.

Kushtetuesja ka marrë goxha kohë për ta studuar. Senanca e parë plenare ka qenë maratonë e gjatë ka pasur pyetje, diskutime, debate. Është përpjekur të jetë korrekte në aspektin profesional, prandaj i është drejtuar Venecias, dokumenti erdhi. Unë mendoj që ka bërë një mendim, edhe unë kam bërë një mendim tashmë, por tani gjithë kjo kohë ka shërbyer për një rilexim ligjor edhe më të detajuar.

Unë gjykoj se një nga çështjet që është shtruar për gjykim është nëse është Kushtetuesja që merret me gjykimin e një procesi të tillë. Kompetenca e Kushtetueses nuk përfshin shqyrtimin e vlefshmërisë së zgjedhjeve vendore, megjithatë se pengon të hetojë mbi legjislacionin e zgjedhjeve. Pra lë hapësirë komisioni i Venecias për gjykatën kushtetuese që të shprehë një opinion”.

Nëse Gjykata Kushtetuese nuk i shpall ilegjitime zgjedhjet, Ademi tha se do ta çojnë çështjen në Strasburg.

“Ne pretendojmë që ky proces ka qenë ilegjitim. Gjykata nëse do marrë një vendim, do marrë një vendim të qartë. Nëse s’jemi të kënaqur me vendimin do shkojmë në Strasburg. Nëse Kushtetuesja s’e merr fare në konsideratë të marrë një vendim në këtë rast bëhet e vështirë për të shkuar në Strasburg. Kur e kam bërë kërkesën kam shpresuar të kishim një gjykatë funksionale”, tha Ademi.

Përfaqësuesi i shoqatës së bashkive Jordan Daci në përfundim të seancës së mbajtur sot në Gjykatën Kushtetuese tha se nga ky proces nuk do të dalë asnjë palë e humbur, dhe përtej interpretimeve të Opinionit të Venecias zgjedhësve do t’u jepet një mundësi e re për të zgjedhur./abcnews.al

The post “30 qershori”, Ademi: “Venecia” i lë hapësirë “Kushtetueses” të vendosë, do të shkojmë deri në Strasburg appeared first on Albeu.com.

Gazetarja e ABC, Esiona Konomi ka lexuar draft-opinionin që Venecia i ka përgatitur Gjykatës Kushtetuese, dokument i cili zyrtarisht do të miratohet nesër nga vetë komisioni.

Në të thuhet se bojkoti i partive (siç bëri PD në 2019) nuk është arsye që zgjedhjet të mos mbahen çdo 4 vjet siç është periodiciteti i tyre.

Mendimi Komisionit të Venecias ju kërkua nga Gjykata Kushtetuese pasi ajo po shqyrton një padi të shoqatave të bashkive të drejtuar nga Voltana Ademi.

Padia kërkonte pavlefshmërësinë e zgjedhjeve, me argumentin se Presidenti i Republikës e anuloi dekretin për mbajtjen e tyre, në kushtet kur Opozita bojkotoi, dhe në gjysmën e bashkive nuk kishte garë. /Abcnews.al

The post Komisioni i Venecias lë në fuqi zgjedhjet e 30 qershorit 2019 appeared first on Albeu.com.