Në përplasjen me deputetin e mazhorancës Ulsi Manja, Bozdo akuzoi shumicën se nuk po merr parasysh qëndrimin e bashkive që preken nga reforma.

Deputeti i PD-së tha se mazhoranca ka ende kohë për të ndaluar procedurën dhe për të dëgjuar variantet e propozuara nga përfaqësuesit vendorë.

Në vijim, Bozdo kundërshtoi edhe argumentin se procesi duhet të përmbushë afate të lidhura me Bashkimin Europian.

Sipas tij, BE-ja nuk përcakton një standard për numrin e njësive të pushtetit vendor apo madhësinë e bashkive.

“Nuk është normale që të gjithë punët e këtij komisioni të bëhet me protesta. I ke të gjithë bashkitë në protestë poshtë, ata që shkrihen. Protestojnë se nuk janë dëgjuar dhe argumenti i tyre nuk është marrë parasysh. Zhduken 15 bashki në bazë të arsyetimeve të pabaza. Jeni ende në kohë të bllokoni procedurën. Duhet të bëni atë që me urdhër politik nuk e bëri dot Komisioni i Territoriales. Të dëgjonte të dilej me variantet më të mira. Opozita nuk ka pasur qëllim bllokimin përveçse propozimin e variantit më të mirë për qytetarët. I keni në rrugë që po protestojnë.

Cilët afate duhet të kapim? Kjo nuk kërkohet nga BE, nuk ka asnjë standard për pushtetin vendor apo numrin e njerëzve në bashki”, tha ai.

The post Enno Bozdo-Manjës: Dëgjoni protestuesit! Jeni në kohë të ndaloni procedurën e të rregullojmë gabimin e 2015-ës appeared first on Albeu.com.

Diskutimi nisi pasi Korreshi po fliste me tone të forta për gjyqtarët. Gogu i tha deputetit të PD-së se ende nuk e kishte kuptuar rolin e një deputeti dhe e cilësoi ligjërimin e tij si një barsoletë.

Korreshi reagoi duke deklaruar se këtë barsoletë e kishte marrë nga Sokol Sadushi, kryetari aktual i Gjykatës së Lartë.

Pjesë nga debati:

Toni Gogu: Kam përshtypjen se i vetmi person që nuk i ka kuptuar pasojat e veprimtarisë së vet përmes pyetjeve jeni ju. Ka një dallim të madh mes një deputeteje që ka hartuar një projekt, mirë apo keq, dhe e ka sjellë për zbatimin e vendimit, dhe një deputeti që tregon barsoleta për mosfunksionimin e gjykatave. Do t’ju sugjeroja të lexoni vendimin e GJK-së, të paraqisni një projekt dhe ndoshta ai mund ta trajtojë më mirë problemin.

Saimir Korreshi: O i nderuar, shumë i nderuar kryetar. Tha barsoletë.

Ulsi Manja: Fjala barsoletë nuk është e ndaluar në fjalor.

Saimir Korreshi: Prit tani, duro. Dua t’i them ministrit se barsoletën e kam marrë nga Sokol Sadushi. Është një barsoletë e thënë nga kryetari i GJL-së drejtuar kryetarit të KLGJ-së, pra është barsoletë. Ju e quani barsoletë atë kryetar të Gjykatës së Lartë që e mbani me shall sa herë zhvillohen mbledhje për partizanë. A e kuptoni se ku ndodhemi? Po diskutojmë për vendimet e GJK-së. Ne kërkuam një mbledhje për ta trajtuar çështjen brenda kuadrit ligjor, por ministria juaj nuk e miratoi. Pse? Epo, lëre fare rrugën e kompetencave, nuk ju përfill askush.

The post Përplasja në Komisionin e Ligjeve, Korreshi i përgjigjet Gogut për “barsoletën” dhe përmend Sokol Sadushin appeared first on Albeu.com.

Në një dalje për mediat, Bylykbashi tregoi detaje nga puna e këtij grupi.

“Prioritet për opozitën dhe punën është trajtimi i reformës zgjedhore. Amnistia Penale nuk ishte çështje që u diskutua. Ajo që ramë dakord është listimi dhe përcaktimi në një mbledhje tjetër të objektit të punës. Do ndiqen praktikat më të mira. E nevojshme të kemi mundësinë të punohet. Opozita e ka mbështetur gjithmonë amnistinë. Duhet të shohim zgjidhjet konkrete që të arrijë objektivat.

Reforma Zgjedhore ka qenë gjithmonë çështje e vullnetit politik, përveçse detyrim. Do t’i drejtohemi për ekspertizë edhe organizatave ndërkombëtare”, tha ai.

The post Konstituohet në Komisionin e Ligjeve Grupi i Dialogut, Bylykbashi: Do të kërkohet transparencë appeared first on Albeu.com.

Ndërsa po diskutohej për marrjen e huasë për OSHEE-në, në komision ka ikur energjia elektrike.

Megjithatë mbledhjet kanë vijuar dhe pa drita.

Kjo situatë e krijuar është shoqëruar me batuta mes deputetëve.

Ardian Çela i OSHEE-së ka filluar të qeshë dhe ka thënë: “Edhe aeroplani bie, edhe avioni bie, megjithatë shoh që mikrofoni është i ndezur, duhet parë çelësi i brendshëm”.

Ardhja e energjisë u vonua dhe ashtu në errësirë u votua në parim marrja e huasë për OSHEE-në.

Mësohet se shkak i ndërprerjes së energjisë është bërë një shkëndijë elektrike./albeu.com

The post Ikën energjia elektrike në Komisionin e Ligjeve, ndërsa diskutohej huaja për OSHEE (VIDEO) appeared first on Albeu.com.