Demokrati deklaroi se; Çela më shumë i dukej si magazinier, pa mall.

“Do e nis nga Fieri, se e ke transferuar në këtë qytet hartën e re. Më lejo që ta nis nga Fieri këtë herë. I nderuar zoti prokurori, po më dukeni një magazinier, pa magazinë. Sepse dukeni sikur keni rolin e inventarizuesit, por s’bën dot hyrje dhe dalje. Sot meqë kemi bonus për t’u shprehur, pyetja ime do tëishte e drejtë; a sheh prokurori i përgjithshëm për të marrë pak kompetenca, jo ato të heqjes dhe vënies së prokurorive, se s’të lënë KLD. Pra të gjendet një e mesme.

Perceptimi i shqiptarëve për reformën në drejtësi, duket se është SPAK, por për mua kjo reformë ka dështuar. Ne kemi më shumë të dënuar për vepra penal, qoftë dhe kundërvajtjet, duke cënuar jetën e të rinjve. A duhet të kemi ne ndërhyrje në ligjin për Prokurorin e Përgjithshëm, që jo të kthehet atje ku ishte, por kompetenca kontrolluese ndaj prokurorëve më të ulët.

Duket sikur është vanitur kompetenca e kryeprokurorit. A keni konstatuar ju apo ju kanë thënë shoqata e avokatëve, që mërziten prokurorët kur bën memo, kur kërkon rikthimin e çështjeve. A ju ka qëlluar që të dënohen për dhunë në familje, të dënohen me paragrafin 4. Pra deklaron gruaja që në sy të fëmijës 1 muajsh, u qëllua me pëllëmbë nga burri. E pa fëmija 1 muajsh.

Ti mos u mërzit, (i kthehet Manjës) se ti prokuror ke qenë. Meqë qeveria ka ndërmend të votojë ligjin për hashashin, dënohet njeriu për 1 cigare hashash dhe një tjetër për 1 ton del nga burgu. Ça bëhet me këto raste?! A nuk duhet të kemi një parim. Zoti Ulsi, mos u mërzisni. Nuk mërzitem unë që jam hero dhe jo ti që je armik. Dale, një sekondë, mos u mërzisni, se ora e pilafit shkoi. Kaq kisha (qeshin në sallë)”, shprehet ai.

The post Ironia e Saimir Korreshit: Kryeprokurori si magazinier, s’bën dot hyrje-daljet, t’i shtohen kompetencat appeared first on Albeu.com.

Gjatë seancës dëgjimore në Komision, deputeti demokrat, Saimir Korreshi, i parashtroi ministrit të drejtësisë pyetjen: “Kur do ulet pazari për të marrë leje për të dalë nga burgu”?

Ministri u përgjigj duke thënë se kushdo që evidenton shkelje të tilla, është i ftuar t’i drejtohet organeve të drejtësisë penale.

“Lidhur me shërbimin e provës apo sistemin e burgjeve, ministri i drejtësisë është titullar politik, por gjithashtu ka detyrim përkatës për monitorim. Kurdoherë kur është përtej shkeljes administrative, çdo kush, jo më deputet është i ftuar ti drejtohet organeve të drejtësisë penale”, u shpreh ministri.

Pjesë nga diskutimi:

Saimir Korreshi: Për sa i përket burgjeve, kam një pyteje kur do ulet pazari për të marrë leje për të dalë nga burgu?

Besfort Lamallari: Lidhur me kodin civil pas përfunimit të punës me kodin penal do vijojmë rishikim edhe me kodin civil. Është herët të flasim për këtë proces.

Për problemin me noterinë, me shitjen e një apartamenti në 10 persona të ndrsyhëm..është bërë një marrëveshje pak kohë më parë mes Dhomës Kombëtare të Noterisë, ASHK-së dhe AZHT-së, qëllimi është ndarja e informacionit dhe pasqyrimi në regjistër në mënyrë që noterët të pamundëishen të regjistrojnë një kontratë nëse aty nuk është më parë leja hetimore…Noteri nuk mund të regjistrojë ansjë kontratë mes palevë nëse nuk janë lejet përkatëse.

Lidhur me shërbimin e provës apo sistemin e burgjeve, ministri i drejtësisë është titullar politik, por gjithashtu ka detyrim përkatës për monitorim. Kurdoherë kur është përtej shkeljes administrative, çdo kush, jo më deputet është i ftuar ti drejtohet organeve të drejtësisë penale.

The post Komisioni i Ligjeve/ Saimir Korreshi: Kur do të ulet pazari për të marrë leje për të dalë nga burgu? Ja si përgjigjet Ministri i Drejtësisë appeared first on Albeu.com.

Teksa sot në mbledhje raporton ministri, deputeti i PD-së, Ivi Kaso, pohoi se Lamallari duhej ta niste fjalimin e tij me një ndjesë publike, pasi kishte gënjyer.

Ai tha se nuk e ka miratuar PD-ja ligjin 7501.

“Do të ndalem te një pyetje. Ministri ka pak në këtë detyrë. Diçka që lidhet me ministrin dhe jo me periudhën e raportimit. Besoj se kjo seancë e ministrit, përveç raportimit, të kishte nisur me një ndjesë publike. Ai duke u bërë pjesë e një debati publik, ka dezinformuar. Ai ka pretenduar se ligji 7501 është miratuar nga PD dhe kjo nuk është e vërtetë. Jo vetëm nga paraqitja objektive e fakteve, në fall ministri u kap nga shtypi dhe jo nga opozita. Kjo deklaratë në kuadër të një deklarate politike s’do të bënte problem, por ministri përfaqëson institucionin më të lartë të Drejtësisë. Njerëzit e marrin për të vërtetë këtë deklaratë. Zoti ministër, a mendoni se i detyroheni një ndjesë opinionit publik për dezinfomin që bëtë se kush e miratoi ligjin 7501”?- tha Kaso.

Sakaq, ministri i Drejtësisë, theksoi se i ai i referohej një deklarate të 11 shkurtit të vitit 2014. Ndërsa shtoi se nuk dezinformuar asnjëherë publikun.

“Prej 8 vite e gjysmë jam pjesë e kësaj qeverie. Në asnjë moment nuk kam dezinformuar. I referohem fakteve. Mjafton që të shohësh një intervistë të 11 shkurtit 2014 ku merret përgjegjësia e atij ligji. Të merret dhe lexohet në mënyrë korrekte dhe jo të analizohet deklarata ime. Shqipëria europiane nuk është Shqipëria e problemeve të theksuara të pronës, apo ligjeve të shkruara gabim, por është vendi i ligjeve që përputhen me standardet e BE”, tha ai.

The post 7501-shin e miratoi PD/ Deklarata e Lamallarit shkakton debat te “Komisioni i Ligjeve”, Ivi Kaso përplaset me ministrin e Drejtësisë: Kërko ndjesë publike… appeared first on Albeu.com.

Gjatë fjalës së tij, Lamallari theksoi se janë rritur hetimet proaktive dhe sekuestrimet pasurore në krahasim me 5 vitet e fundit.

“Shqipëria ka pasur në 2024 rritjen më të lartë të hetimeve proaktive dhe sekuestrimet pasurore të 5 viteve të fundit. Hetime të nisura kryesisht nga prokurorët janë rritur me 12.3 për qind. Janë sekuestruar 65.5 mln euro pasuri. 569 çështje korrupsioni me 234 të pandehur janë çuar për gjykim, ndërsa SPAK ka regjistruar 65 hetime të nisura kryesisht”, tha ai.

Lamallari ka renditur edhe 5 objektivat për vitin 2025, mes të cilave përmendi edhe përdorimin e Inteligjencës Artificiale në hetimet proaktive:

Sundimi i ligjit dhe të drejtat e njeriut

Forcimi i luftës ndaj kriminalitetit

Integriteti dhe transparenca në punën e prokurorisë

Rritja e eficencës dhe kapaciteteve institucionale

Përdorimi i metodave bashkëkohore dhe ndërveprimi institucional, përdorimi I AI në hetime proaktive.

The post Ministri Lamallari në Komisionin e Ligjeve: 65.5 mln euro të sekuestruara dhe rritje 12% e hetimeve proaktive në 2024, AI pjesë e strategjisë për 2025 appeared first on Albeu.com.

Ndërkohë gjatë mbledhjes së Komisionit të Ligjeve të bashkisë së Tiranës, ku u shqyrtua kërkesa e këshilltarëve të Partisë Socialiste për shkarkimin e kryebashkiakut Erion Veliaj, mësohet se ka patur debate të forta mes këshilltarëve socialistë dhe atyre të opozitës.

Këshilltarët e opozitës kanë kërkuar që, krahas kërkesës së PS-së, të merret në shqyrtim edhe kërkesa e tyre e depozituar disa muaj më parë, e cila ka të njëjtin objekt: shkarkimin e Veliajt për mungesë të zgjatur në detyrë.

Nga ana tjetër, përfaqësuesit e PS-së kanë këmbëngulur se rrethanat janë të reja dhe se aktualisht po shqyrtohet vetëm kërkesa e paraqitur nga grupi i tyre në Këshillin Bashkiak.

Në orën 15:00 pritet të mblidhet Kryesia e Këshillit Bashkiak, e cila do të diskutojë për vendimmarrjen e Komisionit të Ligjeve dhe nëse kjo kërkesë do t’i kalojë Këshillit të plotë për shqyrtim.

Mbledhja përfundimtare e Këshillit Bashkiak është caktuar për orën 16:00, ku pritet të diskutohet zyrtarisht kërkesa për shkarkimin e Erion Veliajt nga posti i kryetarit të Bashkisë Tiranë.

The post Këshilli Bashkiak/ Komisioni i Ligjeve miraton futjen në rend dite të kërkesës për shkarkimin e Veliajt appeared first on Albeu.com.

Kryetarja e komisionit, Klotilda Bushka, e ndërpreu duke thënë se analizat mbi zgjedhjet duhet të bëhen brenda partive.

Dogjani theksoi: “Në një vend ku nuk organizohen zgjedhje të lira dhe të ndershme dhe qytetarët nuk kanë mundësi të votojnë të lirë, nuk ka kuptim të mblidhemi si komision për të bërë ligje false, vetëm për t’u dukur si një vend demokratik, ndërkohë që në Shqipëri demokracia ka humbur dhe është vendosur një regjim diktatorial”.

Ndërkohë, Enkelejd Alibeaj, kërkoi që të mos miratohen ligje derisa populli të ketë vendosur që disa prej tyre të mos përfaqësohen më në Kuvend dhe t’i lëshohet kjo detyrë Kuvendit të ri.

Por Bushka u shpreh se disa ligje janë urgjente dhe duhet të miratohen sa më shpejt, ndërsa për të tjerat mund të ketë diskutime dhe dakordësi të përbashkët.

Diskutimi në Komisionin e Ligjeve:

Asllan Dogjani: Ne po mblidhemi për të nxjerrë ligje që janë thjesht një fasadë, ligje që bëhen më shumë për interes të pushtetarëve dhe njerëzve të lidhur me krimin, sesa për qytetarët e zakonshëm. Në një vend ku nuk garantohen zgjedhje të lira dhe të ndershme, dhe ku qytetarët nuk votojnë me liri, nuk ka kuptim të mblidhemi si komision për të krijuar ligje false, vetëm për t’u dukur si një shtet demokratik. Por në Shqipëri demokracia ka marrë fund dhe është instaluar një regjim diktatorial.

Bushka: Analizën e zgjedhjeve duhet ta bëjmë brenda partive politike, kjo nuk është kompetencë e Komisionit të Ligjeve. Ju lutem, të qëndrojmë tek pika e rendit të ditës.

Dogjani: Populli ka folur, por më shumë kanë folur kriminelët. Dobësia e demokracisë, paratë e drogës dhe frika ishin mjetet më të fuqishme në këto zgjedhje. Kërkesa ime për procedurë është se kjo lloj fitoreje që keni arritur, më keq se ajo e vitit ’96, përbën një rrezik serioz për demokracinë. Sepse gjatë fushatës zgjedhore u përdor krimi dhe manipulimi nuk mungoi as gjatë numërimit të votave. Ju madje keni përfshirë edhe artistë për manipulimin.

Alibeaj: Në këtë tavolinë jemi 10 shtetas shqiptarë që nuk fituam. Shqiptarët folën më 11 maj dhe kjo do të thotë që ne nuk përfaqësojmë më sovranin për të folur, diskutuar dhe votuar. Çdo procedurë nga sot e tutje nuk ka legjitimitet, sepse ne nuk jemi më deputetë me mandat. E them këtë kërkesë procedurale duke ditur që mandati i këtij Kuvendi përfundon më 10 shtator, dhe brenda kësaj periudhe aftësia jonë për të marrë vendime duhet të jetë e kufizuar. Kërkoj që të vazhdojmë vetëm me shqyrtimin e projektligjeve deri më 8 korrik, ndërsa votimi dhe miratimi të kalojnë tek Kuvendi i ri. Kjo do të ishte respekt për Kushtetutën dhe për vullnetin e popullit. Ne nuk kemi më autorizim për të vepruar në emër të qytetarëve.

The post Debat te Komisioni i Ligjeve/ Dogjani: Qytetarët nuk votuan të lirë, s’mund të miratojmë ligje false. Bushka: Analiza e zgjedhjeve bëhet në parti, jo këtu appeared first on Albeu.com.

Pjesë nga diskutimi:

Dhurata Çupi: “Nuk mund të bëjmë sikur kalojmë ligje, nëse keni interes të kaloni një ligj të lobuar nga qeveritarë apo biznese pranë qeverisë, bëjeni. Por duhet të jemi të përgjegjshëm. Këtu kemi aktin normativ për buxhetin dhe ligje të rëndësishme.

Kemi ligje të rëndësishme vetëm këtë vit, jemi mbledhur disa herë në Këshillin e legjislacionit për vendimet e Kushtetueses, duhet t’ju bëjë me turp e të ulni kokën. Shkurtoni rendin e ditës, nuk mund të kalojmë ligje kështu që Gjykata Kushtetuese të na i rrëzojë më pas. Ndaj merr masa”.

Çyrbja: “Sa i përket infrastrukturës në shkolla, jeni e lutur të vini me mua që të shihni investimet e bëra në shkollat e Durrësit”.

Çupi-kryetares së komisionit (Klotilda Bushka): “Nuk mund të bëhet komisioni i ligjeve një po një jo një ndoshta”.

Bushka: “Nuk e di si jeni mësuar ju por nuk mund të uzurponi komisionin”.

The post Përplasje tek Komisioni i Ligjeve/ Çupi: T’ju vijë turp e të ulni kokën, Bushka: S’mund të uzurponi komisionin appeared first on Albeu.com.

Demokrati Gazment Bardhi, ka kërkuar që të thirret në një seancë dëgjimore drejtori i kësaj shkolle.

“Nuk mund të bëjmë sikur nuk e kemi parë atë që ka ndodhur në konkursin e Shkollës se Magjistraturës.

Kemi parë në media, që lista e fituesve është shtuar 3 herë.

Ne si komision do duhet të thërrasim në pyetje Drejtorin e Shkollës së Magjistraturës.

Nëpërmjet këtij Komisioni të informohet edhe opinioni publik, të kuptohet se çfarë ka ndodhur me Shkollën e Magjistraturës. Është hera e parë që ky proces vishet me hije skandali.

Nga 70 fitues që  u zgjuan në  mëngjes,  shkoi ne 140 në darkë”, u shpreh Gazment Bardhi, në Komisionin e Ligjeve.

Por i menjëhershëm ishte reagimi i deputetit socialist, Pandeli majko, i cili kërkoi që të mos politizohet kjo çështje.

The post Skandali me provimet/ Magjistraura shkakton debat te Ligjet, Bardhi: Drejtori të vijë të raportojë. Majko: Mos e politizoni appeared first on Albeu.com.

Dumani ka dhënë shifra për punën e deritanishme ndërkohë që ka thënë se hetime dhe vendime të rëndësishme janë marrë për dënimin e zyrtarëve të lartë apo edhe luftën kundër korrupsionit.

“Janë regjistruar 28 procedime penale me 34 persona në hetim, me një rritje nga viti i kaluar, ku janë regjistruar 18 procedime penale me 9 persona në hetim. Në lidhje me përdorimin e mjeteve të posaçme të hetimit, përveç përgjimeve telefonike, po aplikohen në masë të konsiderueshme, të gjitha mjetet për një çështje apo çështje të ndryshme, si vëzhgime, simulime, dorëzim i kontrolluar, letërporosi, si edhe për herë të parë, agjentë të infiltruar. Në vitin 2022, pjesën më të madhe të procedimeve penale ku është kërkuar përgjimi, e kryesojnë çështjet e hetuara për veprën penale të korrupsionit me 69 procedime penale, ku janë interceptuar 1023 pajisje fundore.

Një e dhënë e rëndësishme, është rritur gama e databazave shtetërore ku SPAK ka akses të drejtpërdrejtë. Në lidhje me rekomandimin mbi fokusimin në hetime më shumë në çështjet e korrupsionit të nivelit të zyrtarëve të lartë, nënvizojmë se me kërkesë të SPAK nga Gjykata e Posaçme gjatë vitit 2022, janë dhënë 4 vendimi dënimi, me 4 persona të dënuar, për ish-zyrtarë të nivelit të lartë. Ndërkohë, në periudhën 2022-2022, rezulton se në total, në SPAK janë hetuar 24 procedime penale me 25 persona në hetim, ndaj ish-zyrtarëve të lartë”, tha ai.

Në raportin e Prokurorisë së Posaçme Kundër Korrupsionit dhe Krimit të Organizuar thuhet se gjatë vitit 2022 janë shpallur në kërkim ndërkombëtar 42 persona. Ajo që vihet re është ngritja e grupeve të përbashkëta hetimore me vendet partnere. Në listë rezultojnë 11 grupe pune të reja me vendet si Italia, Gjermania, Britania e Madhe dhe disa shtete të tjera, ku në fokus është lufta kundër korrupsionit dhe krimit të organizuar.

Dumani në raportim tha se gjatë vitit 2022 janë nisur 107 procedime penale me 40 persona nën akuzë. Ai nuk la pa përmendur edhe rritjen e pasurive të konfiskuara.

The post Kreu i SPAK raporton te “Ligjet”: Janë rritur konfiskimet e pasurive të ardhura nga krimi appeared first on Albeu.com.

Pas diskutimeve në komision, kryetarja Klotilda Bushka e hodhi në votim draftin, duke kujtuar që në komisionin e ekonomisë do të shkojnë edhe sugjerimet për ndryshimin e koeficientit për kategorinë e deputetëve dhe ministrave, çka do të thotë rishikim edhe të pagave të tyre.

Bushka: Ne do kalojmë në miratimin nen për nen dhe në tërësi me sugjerimin e kolegut Xhoxhi që të rishikohet raporti i pagës për funksionet e seksioneve A, B, C dhe D të lidhjes 1 në kuadër të parimit të hierarkisë së pagës. Kjo do të jetë pjesë e sugjerimit të komisionit tonë për komisionin e ekonomisë. Ne nuk do bëjmë amendamente sepse do të jetë komisioni përgjegjës që do të bëjë shqyrtimin e këtyre çështjeve.

Gjatë mbledhjes së zhvilluar sot, e para pas zgjedhjeve të 14 majit, deputeti socialist, Fatmir Xhafaj u shpreh se rritja e pagave, me variantin siç ka ardhur nga qeveria, nuk e ruan hierarkinë e piramidës shtetërore.

Xhafaj: E garantoni këtë apo është një argument thjesht për ta bërë këtë gjë? Unë konstatoj se nuk ruhet kjo hierarki. Mund të vendosni koeficentë të caktuar, por hierarkia nuk ruhet. Do kemi njerëz që do marrin shumë më tepër se funksione të caktuara. A mund të kishte një formulë tjetër që të ndryshonit ligjet kuadër që të ndryshojnë pagat.

Ndërsa deputeti demokrat, Sajmir Koreshi u shpreh se shumë kategori janë lënë pas dore dhe se sidomos pensionistët nuk kanë pasur vëmendjen e duhur.

Korreshi: Marr shkas në lidhje me ligin, ka 10 vite që nuk është rritur asnjë 1000 lekë. 10700 lekë merr mamaja ime. Një bukë misri dhe një shishe kos bën 200 l, pra 6000 lekë në muaj. 4000 lekë janë ilaçe, tani mbeten 8 mijë lekë për drita ujë dhe me radhë. Të tjerët s’kanë leke për të blerë mbathje, për të ngrënë bukë./Albeu.com/

The post Deputetët e Komisionit të Ligjeve dhe Ekonomisë kërkojnë rritje pagash, Bushka: Do t’ia sugjerojmë Kuvendit appeared first on Albeu.com.