Seancë me pyetjet është për Ariola Kodra – Administratore e Integrated Energy BV SPV;  Faraudin Arapi – Administrator e Inceneratorit “Albtek  Energy”; Loren Duzha – Administrator i Inceneratorit  “Integrated Technology Ëaste Treatment Fier”.

Administratorja e kompanisë që menaxhon fushën e përpunimit të mbetjeve në Tiranë, Ariola Kodra ka thënë se kompania është brenda afateve të kontratës për punimet.

Sipas saj sot zona është më e pastër dhe katastrofa e mëparshme nuk ekziston më.

“Sot qytetarët e Tiranës kanë një hapësirë moderne të trajtimit të mbetjeve, sot ajo situatë katastrofë nuk ekziston më. Ne jemi brenda afateve të vendosura nga kontrata për mbarimin e punimeve. Kontrata paraprake përfshin rehabilitim, rregullim të infrastrukturës së zonës, gjelbërim etj”, tha Kodra.

Ajo është pyetur në lidhje me njohjet me Klodian Zoton, Stela Gugalljan dhe Mirel Mërtirin.

“Nuk jam e detyruar të kontaktoj me nënkotraktorë sepse kam një staf që kontaktoj. Unë kontaktet nuk i kam të drejta me nënkotraktorët, komunikoj nëpërmjet stafit tim. Unë s’e kam memorizuar këtë pjesën e takimit”, deklaroi Kodra./albeu.com

The post Komisioni i Inceneratorëve merr në pyetje 3 administratorët, Kodra: Si i njoh Zoton, Mërtirin dhe Gugallën appeared first on Albeu.com.

Kreu i PD-së Lulzim Basha ka reaguar për bojkotin e sotëm nga ana e PS-së në mbledhjen e Komisionit Hetimor për inceneratorët.

Basha është shprehur se ky veprim jo vetëm që është vetëm i jashtëligjshëm dhe antikushtetues, por demaskon kokat e vërteta që kërkojnë t’i fshihen drejtësisë, për dëmin prej 430 milionë euro që u kanë shkaktuar familjeve shqiptare.

“Bllokimi i Komisionit Hetimor për mafien e inceneratorëve nga Partia Socialiste, është jo vetëm i jashtëligjshëm dhe antikushtetues, por demaskon kokat e vërteta që kërkojnë t’i fshihen drejtësisë, për dëmin prej 430 milionë euro që u kanë shkaktuar familjeve shqiptare. Lufta kundër korrupsionit është jetike për Shqipërinë dhe përpjekjet e qeverisë më të korruptuar në rajon, për të penguar transparencën dhe hetimin parlamentar, nuk do ta ndalin misionin tim dhe të Partisë Demokratike në përballjen me armikun e mirëqenies së shqiptarëve”, shkruan Basha./albeu.com

The post Komisioni Hetimor për inceneratorët, Basha: Bllokimi nga PS tregon kokat e vërtetë që duan t’i fshihen drejtësisë appeared first on Albeu.com.