Kështu lidhur me konçensionin e “check up” do të thirren për të dëshmuar nga Alma Cani, drejtoresha e QSUT-së, te drejtuesit e spitaleve rajonale.

Për të dëshmuar janë thirrur ish-drejtorët e spitaleve rajonale Durrës, Elbasan, Shkodër, Vlorë, drejtori i Koço Gliozhenit, Traumës dhe anëtarët e grupit të punës së check up.

Mbledhja e sotme, ndoshta nga më të qetat e zhvilluara në këtë komision, që drejtohet nga Albana Vokshi, ka zgjatur rreth 20 minuta, ç`ka duket se palët janë dakordësuar përsa i takon thirrjes së dëshmitarëve të rinj.

Albana Vokshi, kryetare e Komisionit Hetimor, tha se lista e dëshmitarëve do të nisë nga ata drejtues apo ish-drejtues që nuk preken nga mungesa e informacionit.

“Lista e dëshmitarëve e kemi diskutuar dje gjatë në mbledhjen e kryesisë, jemi dakordësuar që meqë një pjesë e materialeve nga SPAK sa i përket check up, që arrijnë deri në 2019, ka ardhur vetëm disa ditë para, kemi vendosur që ta nisim me ata persona në listën e dëshmitarëve që nuk preken nga mungesa e këtij informacioni.

Propozimi është që të thërriten ish-drejtorët e QSUT, drejtoresha aktuale, ish-drejtoresha e spitalit Durrës, traumës, Shkodrës, Elbasanit, Vlorës, drejtori i Koco Gliozhenit, anëtarët e grupit të punës së check up, kanë qenë disa mjekë dhe mjekët që i kishim në listë para se të mbyllej sesioni i kaluar por nuk e bënë dot dëshminë”, tha Vokshi.

Opozita dhe mazhoranca miratuan në seancën e 25 korrikut, zgjatjen e afatit për komisionin hetimor për dy koncesionet sterilizimin dhe check up. i vetmi deputet që votoi kundër ishte socialisti Erion Braçe.

Koncensionet e Sterilizimit dhe Check-up-it, janë prej disa kohësh çështje hetimore nga SPAK-u. Për çështjen e parë hetimet janë mbyllur, ndërsa janë nën arrest me burg ish-zv.ministri i shëndetësisë Klodian Rrjepaj dhe koncensionari Ilir Rrapaj, si dhe dyshohet për shkelje dhe shpërdorim detyre ish- ministri i shëndetësisë Ilir Beqaj.

Hetimet lidhur me koncensionin e Check-up-it vijojnë.

The post Komisioni Hetimor për Shëndetësinë/ Nga drejtoresha e QSUT te drejtuesit e spitaleve rajonale, ja dëshmitarët që do thirren appeared first on Albeu.com.

Anëtari socialist i komisionit hetimor, Ilir Metaj, thotë se nuk është e vërtetë, pasi PS nuk po bllokon asnjë kërkesë për informacion, por duhet të gjendet konsensusi mes palëve.

“Nuk është asgjë e vërtetë. Si mund të refuzim për kërkesa, kur kom i paraqit në mbledhjen e radhës. Që të kryhet mbledhja e radhës duhet të këtë rend dite dhe të ketë një diskutim mes palëve. Nëse s’ka konsensus të dyja palët vijnë me propozim për rend dite dhe hidhen në votim. S’ka refuzim nga ana jonë”, tha Metaj.

Deputeti socialist akuzon kryetaren Albana Vokshi se përpiqet që të imponojë në komision opinion e saj për dy koncesionet që po hetohen, sterilizimi dhe check up. Metaj thotë se PS është atyr për të ushtruar detyrën konform ligjit dhe jo për të refuzuar.

“Nuk është aty si drejtuese për të zaptuar komisionin, apo për të imponuar atë opinion që ka në kokë, çfarë mund të bëjë një kryetare në drejtim të komisionit, kur kanë përcaktuar edhe vendimin, ajo është moderatore, jo imponuese e punimeve të komisionit. Ne nuk refuzojmë asgjë, jemi aty për të ushtruar detyrën tonë dhe do e bëjmë deri në fund.

Është një komision që duhet të funksionojë në bazë të konsensusit në planin e hetimit, sikurse edhe me miratimin e provave që do merren në shqyrtim. Rendin e ditës duhet ta vendosim bashkarish, nëse nuk gjejnë konsensus, rendi i ditës hidhet në votim. Nëse kryetarja nuk i di ose bën sikur s’di, kjo është përgjegjësi e saj. Ne do bëjmë detyrën tonë deri në fund”, shprehet Metaj.

Kryetarja Albana Vokshi, në një konferencë për mediat, akuzoi Partinë Socialiste se po bllokon kërkesat për informacion.

The post Komisioni hetimor për Shëndetësinë, PS i përgjigjet Vokshit: Mos na impono opinionet tua appeared first on Albeu.com.

Ajo tha se PS ka kërkuar që në shkresat e ekspertëve të hiqen emrat e persoanve që kanë kryer Check-Up-in, gjë që sipas deputetes pengon zbardhjen e shkeljeve që fshihen pas këtij koncesioni.

“Mbledhja e parë e komisionit u organizua në datë 25 mars. Sot, një muaj që PS me urdhër të Ramës për të mos bërë transparencë dhe për të mbuluar korrupsionin galopantë në shëndetësi kanë vendosur të bllokojnë kërkesat për informacion.

Një muaj refuzojnë të kalojnë në komision kërkesat. Ekspertët e PD Franci Nuri dhe Meri Likaj janë dakordësuar për numrin më të madh të shkresave vetëm për 3 shkresa ekspertët e PS kërkuan të heqin fjalët korrupsion madhor si dhe refuzonin të jepeshin emrat e personave që kanë kryer Check-Up-in.

Më besoni këtu është shkelja më e madhe. Ka emra personash që nuk jetojnë më, jetojnë jashtë dhe nuk janë parë në Shqipëri. Është një bazë e mirë për të vërtetuar shkeljet që janë bërë”– tha Vokshi.

Ndër të tjera ajo tha se deputetët e PS kishin përdorur fjalë fyerëse ndaj kolegëve demokratë, ndërsa i kërkoi kryetares së Kuvendit, Lindita Nikolla që të marrë masa ndaj ligjvënësit socialist Petro Koçi.

“Ekspertët e PS kanë qenë bashkëpunues por dje e bllokuan sërish komisionin. Dje nënkryetari dhe sekretari gënjyen publikisht duke thënë se nuk i kishin marrë shkresat për informacion. Nuk duan të bëjnë transparente as për mediat as për publikun.

Sjellje ofenduese e nënkryetarit të komisionit dhe deputetëve të tjerë ndaj ekspertëve, jo vetëm ndaj ekspertëve të PD por edhe të PS që nuk u lejuan dje të marrin fjalën dhe të shpjegojnë procedurat. Plarent Ndreca ka fyer, kërcënuar dhe intimiduar ekspertët.

Petro Koçi ka kryer veprime të papraneshme ndaj Zheni Gjergjit. Ka përdorur një gjuhë shantazhuese dhe intimiduese ndaj kësaj zonje të nderuar. I bëj thirrje kryetares së Kuvendit të marrë masa ndaj Koçit për fyerjet që ka bërë dje ndaj Zheni Gjergjit”- tha Vokshi.

Mes debateve, mbledhja e djeshme e komisionit të Shëndetësisë, u shty për të enjten (25 prill) në orën 11:00.

The post Komisioni hetimor i Shëndetësisë, Vokshi akuza PS: Po përpiqen të mbulojnë korrupsionin me bllokimin e kërkesave për informacion appeared first on Albeu.com.

Kjo sepse deputetët e PS nuk janë paraqitur në mbledhjen e thirrur nga Albana Vokshi.

Në mbledhjen e pak ditëve më parë, përmes një shkrese zyrtare, Partia Socialiste i është përgjigjur opozitës, pas bojkotit, duke deklaruar se Komisioni Hetimor nuk ka arsye të mblidhet deri në hartimin e këtij plani hetimor.

Në këtë komision pritej që të miratohej plani i hetimit 3 javor si edhe kërkesat për informacion./albeu.com

The post Nuk u paraqitën deputetët socialistë, dështon sërish Komisioni Hetimor për Shëndetësinë appeared first on Albeu.com.

Ndërkohë, maxhoranca e ka bojkotuar mbledhjen dhe në njoftim thuhet “siç rezulton nga shkresa juaj keni kërkuar për diskutim të njëjtën çështje për të cilën Komisioni ka marrë vendim.”, ndërsa sqarohet më tej se; “Komisioni nuk ka arsye të mblidhet apo të vijojë me shqyrtimin e pikave të tjera në rend dite.”

Mësohet se mbledhja është parashikuar që të nisë në orën 13:30. Kujtojmë se dy ditë më parë, anëtarët e Partisë Socialistët bojkotuan mbledhjen dhe nuk u paraqitën. Sakaq, dy mbledhjet e kaluara të këtij komisioni janë shoqëruar me debate të forta mes palëve.

QENDRIMI I PS

Të nderuar kolegë, përfaqësues të 1/3 së anëtarëve të Komisionit Hetimor “Lidhur me Shërbimet Publike të Sterilizimit dhe të Chek-up në Shëndetësi”, u njohëm me shkresën Tuaj të datës 03.04.2024.

1.Konstatojmë me keqardhje, se edhe nëpërmjet kësaj shkrese, ashtu si edhe ne seancat e mbledhjes së komisionit, po tentoni të injektoni frymën e imponimit, paragjykimit dhe nxitimit për të realizuar një proçes partiak politik e jo një “proces të rregullt ligjor”, bazuar mbi vlera e parime kushtetuese.

2.Nëpërmjet shkresës Tuaj kuptojmë, që nuk po ecni në shtratin ligjor të funksionimit të një organi kolegjial dhe posaçërisht Komisionit Hetimor i cili ka një rregullim të posaçëm.

3.Referuar nenit 13 të ligjit 8891, datë 02.05.2002 “Për Organizmin dhe Funksionimin e Komisioneve Hetimore të Kuvendit” mbledhja e një komisioni hetimor që të konsiderohet e vlefshme kërkohet prezenca e 50+1 e anëtarëve të komisionit. Si rrjedhojë Kryetarja e komisionit, përpara se të thërras një mbledhje duhet të sigurohet për prezencën e kourumit të kërkuar, për vlefshmërinë e mbledhje. E për ta siguruar këtë kourum, duhet të komunikojë me “shumicën e komisionit” për të kordinuar datën, orën, vendin dhe rendin e ditës së mbledhjes pasardhëse. Sigurisht që një gjë e tillë nuk realizohet me njoftime të njëanshme, që nuk kanë objektiv mirëfunksionimin dhe eficencën e punës së komisionit, por realizimin e shfaqjes mediatike të radhës, në funksion të agjendave partiake dhe jo atyre institucionale e kushtetuese.

4.Referuar shkresës Nr.1231 prot datë 03.04.2024 të nënshkruar nga 1/3 e anëtarëve të këtij Komisioni, pretendohet se anëtarët e maxhorancës kanë refuzuar të diskutonin pikën 4 të rendit të ditës që lidhej me “kërkesat për informacion”. Fakti që ngatërroni edhe pikat e rendit të ditës, është tregues tjetër i seriozitetit insitucional me të cilin trajtoni punën e komisionit. Pika 4 e rendit te ditës ishte “caktimi i mbledhjes pasardhëse”, që Kryetarja e komisionit refuzoi ta merrte në shqyrtim, për të dakortësuar me anëtarët prezent mbledhjen e ardhshme.

5.Pika 3 e rendit të ditës, nuk u miratua nga ana e komisionit, pasi neni 15 i ligjit Nr.8891 datë 02.05.2002 “Për organizimin dhe funksionimin e Komisioneve Hetimore të Kuvendit” përcakton qartazi procedurën që duhet ndjekur për zhvillimin e veprimtarisë normale të Komisioneve Hetimore parlamentare, nën frymën e Kushtetutës dhe ligjit të posaçëm. Komisioni mbledh të dhëna për çështjen nëpërmjet ekspertëve ligjorë të zgjedhur dhe vetëm ekspertët ligjorë kanë tagrin t’ia raportojnë gjetjet e tyre Komisionit si dhe propozojnë planin e hetimeve.

6.Ndërkohë që sic rezulton nga shkresa Juaj keni kërkuar për diskutim të njëjtën çështje për të cilën Komisioni ka marrë vendim.

7.Deri në hartimin e këtij plani hetimor, Komisioni nuk ka arsye të mbidhet apo të vijojë me shqyrtimin e pikave të tjera në rend dite.

8.Komisioni me vendim të ndërmjetëm miraton planin e hetimeve sipas propozimeve të ekspertëve deri në përfundimin e tyre. Plani i hetimeve përmban gjithë hapat proceduralë, veprimet hetimore që do të ndiqen nga komisioni për hetimin e çështjes, si dhe rrethin e personave që do të thirren. Pra vetëm pas miratimit të planit të hetimit të propozuar nga ekspertët, Komisioni deklaron fillimin e hetimeve dhe nuk mundet që kryetari i Komisionit Hetimor të paraqesë një plan të gatshëm hetimi pa u shprehur ekspertët, sipas procedurës që përcakton ligji specifik.

9.Në shkresën e sipërcituar, 1/3 e anëtarëve të Komisionit Hetimor të Kuvendit për Shërbimin Publik të Sterilizimit dhe Shërbimin Publik të Check-up në Shëndetësi, ka përcaktuar në mënyrë të njëanshme mbledhjen e radhës së komisionit për në datën 05.04.2024 si dhe rendin e ditës, bazuar në nenin 32.2 të Rregullores së Kuvendit, që referon tek mbledhjet e komisioneve të përhershme parlamentare, jo tek komisionet hetimore parlamentare.

10.Bazuar në gjithë argumentimet e mësipërme, lind nevoja që jo vetëm datat e mbledhjeve të radhës, por edhe oraret e zhvillimit të tyre, vëndi i zhvillimit dhe rendi i ditës, të vendosen me mirëkuptim mes palëve , për të patur mbledhje të vlefshme të komisionit hetimor.

11.Njëkohësisht Ju bëjmë me dije, që ekspertët e propozuar nga ana jonë dhe të miratuar nga Komisioni, kanë filluar nga puna dhe po hartojnë një plan hetimi, që do i nënshtrohet më pas vendimarrjes në komision. Do ishtë në përputhje me frymën e ligjit që ekspertët e të dy palëve të kodinonin me njëri tjetrin për të realizuar një plan hetimi konsensual. Në momentin që ekspertët kanë realizuar planin e hetimit ne do kërkojmë mbledhjen e Komisionit për të miratuar këtë plan, si hapi procedurial i rradhës i parashikuar nga ligji 8891.

12.Duam t’Ju informojmë gjithashtu se nga ana e kryetares së Komisionit, në shkelje të plotë të detyrimeve të saj, nuk është depozituar në sekretarinë e komisionit, asnjë dokument i relatuar dhe diskutuar në mbledhjet e Komisionit, përfshirë këtu edhe deklaratat e konfliktit të interesit, që me aq pasion u valviten publikisht në mbledhjen e fundit. Dokumentacioni i cili relatohet dhe diskutohet në mbledhjet e komisionit, duhet depozituar në sekretarinë e tij, për tu njohur nga ana e ekspertëve tanë dhe konsideruar si i administruar zyrtarisht nga Komisioni, në të kundërt ai dokumentacion konsiderohet i pavlefshëm për efekt të punës së Komisionit.

13.Së fundi kërkojmë vëmendjen Tuaj në ndalimin e praktikës së përdorimit të logos dhe protokollit të Komisionit, sa kohë shkresa nuk është si pasojë e vendimarrjes së Tij. Vetëm shkresat e miratuara me vendim në mbledhje komisioni dalin me logon dhe protokollin e Komisionit. Komisioni Hetimor nuk është as 1/3, as 1/2 dhe as 2/3 e tij, por vendimarrja kolegjiale e vlefshme e tij.

Duke shpresuar mirëkuptimin Tuaj ligjor në mes kolegësh Ju përshëndesim!

The post Vokshi njofton mbledhjen, PS e bojkoton për 13 arsye Komisionin Hetimor për Shëndetësinë appeared first on Albeu.com.

Megjithatë, një vendim është marrë. Komisioni ka caktuar ekspertët, dy nga opozita dhe dy nga mazhoranca.

Komisioni Hetimor për Shëndetësinë,  ka caktuar sot ekspertët, dy nga opozita dhe dy nga mazhoranca.

Ekspertët:

Franci Nuri- Rithemelimi

Meri Lika- Rithemelimi

Bledar Skënderi- PS

Ermir Bejtja- PS

Opozita ka kërkuar dhe pranuar firmosjen nga anëtarët e komisionit të deklaratës për konfliktin e interesit, pasi deputetja Ina Zhupa, u shpreh se Milva Ekonomi dhe Plarent Ndreca janë përballë kësaj situate.

Mazhoranca refuzoi futjen në rend dite të deklarimit të për konfliktin e interesit.

Anëtarët e grupit parlamentar të PD dhe opozitës pra PL, kanë firmosur deklaratën për konfliktin e interesit.

Mbledhja vazhdon, po ashtu edhe debati.

The post Komisioni Hetimor për Shëndetësinë/ Caktohen 4 ekspertët, PS nuk pranon të firmosë konfliktin e interesit appeared first on Albeu.com.