Në rendin e ditës, parashikohet se do të zhvillojë disa seanca dëgjimore, me përfaqësues të KLSH dhe përfaqësues të nismës “Thurje”, për të sqaruar rrethana të ndryshme, që lidhen me çështjen.

Rendi i ditës parashikon seancë dëgjimore me këto persona: Bexhet Zeqiri, Brunilda Zenelaj, Eduard Stafasani, Melina Kabo dhe Semiram Jakupi. Në orën 16:00 është Nisma “Thurje”, ku do të ketë seanca dëgjimore me Endrit Shabanin, Panajot Soko dhe Artan Konin.

Nënkryetari Plarent Ndreca, foli në lidhje me akuzat e Ina Zhupës se Milva Ekonomi është në konflikt interesi.

Ndreca tha se komisioni nuk është gjykatë dhe anëtarët nuk janë magjistratë.

Deputeti demokrat Saimir Korreshi, ka reaguar në lidhje me deklaratën e nënkryetarit të komisionit hetimor të “Shëndetësisë” Plarent Ndreca, se komisioni nuk është gjykatë.

Korreshi tha se komisioni në një farë mënyre është trupë gjykuese, ndërsa mbi faktin se Ndreca foli për mungesë paanshmërie, Korreshi tha se ky komision u ngrit me kërkesën e opozitës.

Pjesë nga diskutimi:

Zhupa: “Nga gjetjet e KLSH, del që një nga anëtarët e komisionit, në pozicionin e vetë si drejtoreshë e Fondit të sigurimit të detyrueshëm të kontrollit shëndetësor, ka nënshkruar kontratë koncensionare me Sani Service, për koncesionin e sterilizimit.

Për aq kohë sa ne do të marrim në pyetje anëtarët e KLSH që kanë audituar dhe u del emri edhe në raport dhe një nga anëtaret e komisionit, a do të duhet të qëndrojë anëtarja e komisionit dhe të marrë në pyetje ata që e kanë audituar kur ka qenë drejtoreshë e fondet? A ka një konflikt interesi këtu? A duhet ta lejojmë dhe anëtarja e ndjehet komode të qëndrojë dhe merr në pyetje ata që dikur e kanë audituar. Nëse do të qëndrojë të merret një vendim dhe për çështje kuorumi, në mënyrë që gjetjet dhe pyetjet që do të bëjmë të mos kenë problematike për shkak të kësaj rrethane.

PD e ka ngritur më përpara dhe nga diskutimet që bëmë këtu do të ngrihej ideja e konfliktit të interesit, dhe ky është rasti, Milva Ekonomi.

Ndreca: “Ngatërroni konfliktin e interesit me paanshmërinë. Zonja Ekonomi ka ushtruar një detyrë publike, pra nuk ka konflikt me interesat private të asnjërit prej zyrtarëve. Nëse flasim për paanshmëri, ne nuk jemi magjistratë dhe komisioni nuk është një gjykatë klasike”.

Korreshi: “Ky komision ka nisur sepse dyshojmë se i keni rruajtur lekët. Sa i përket paanshmërinë nuk mund ta paragjykosh ti. Jemi trupë gjykues këtu. Deri dje thonit jemi bashkëkryetar. Nuk kemi ardhur këtu për të hetuar njerëzit“.

The post Debate te Komisioni Hetimor i Shëndetësisë/ Korreshi-Ndrecës: Deri dje thoje jam bashkëkryetar, ndërsa sot… appeared first on Albeu.com.

“Po kërkojnë të mbulojnë korrupsionin dhe abuzimin kriminal të dy koncesioneve. E paimagjinueshme kjo që po ndodh në këtë komision. 8 deputetë e mazhorancës janë vënë në mbrojtje të këtij korrupsioni. Refuzojnë të dërgojnë kërkesat për informacion. Meqë deputetët e PS përsëri bojkotuan komisionin, u larguan për të penguar hetimin parlamentar, po thërras mbledhjen e radhës ditën e martë. Orarin do e caktojmë, rendi i ditës vijon të jetë miratimi i kërkesave për informacion dhe diskutim i planeve”, tha Vokshi.

Partia Socialiste kërkon që të miratohet plani i hetimit dhe më pas të vijojnë me kërkesat për informacion.

“S’duhet të humbin asnjë minutë kohë, të fillojmë nga hetimi. Radha e punës që është propozuar nga unë është që të miratojmë planin e hetimit, pastaj kërkesat për marrje provash”, tha Plarent Ndreca. 

Por nga ana tjetër opozita hedh akuza se mazhoranca po përpiqet që të bllokojë punën dhe hetimin e dy koncesioneve, sterilizimin dhe chechk up. Opozita thotë se fillimisht duhet të dërgojnë kërkesat për informacion dhe më pas miratohet plani përfundimtar i hetimit për të vijuar me punën.

“Ju keni ardhur për të mos hetuar, për të penguar hetimin”, tha Albana Vokshi. 

“Duhet të çojmë kërkesat për informacion dhe më pas të kemi një plan hetimor. Nuk thotë ligji që nga plani paraprak, kalohet te plani i hetimit dhe më pas te informacionet”, tha Ina Zhupa.

Plani hetimor i opozitës parashikon që në listën e dëshmitarëve të thirret kryeministri Edi Rama, ish ministrat Beqaj e Manastirliu, ministrja Koçiu etj.

Ndërsa nga mazhoranca kërkohet shtrirja e listës së dëshmitarëve me të gjithë ish ministrat e shëndetësisë që nga viti 2006, pra duke përfshirë ministrat e qeverisë Berisha 1 dhe koalicionit të mëvonshëm të tij me Metën, si dhe zyrtarë e auditues të KLSH. PS ka propozuar që hetimet të shtrihen që nga 2009. Sipas PS-së duhet të pyeten edhe Ministrat e Shëndetësisë që nga dhjetori i 2006 si dhe të gjithë ish drejtuesit e QSUT që nga 1 tetor 2009./albeu.com

The post Pas 3 orësh debate, PS braktis Komisionin Hetimor të Shëndetësisë appeared first on Albeu.com.