Gjatë fjalës së tij në një konferencë të lajmëruar më parë, kryedemokrati theksoi se kryeministri Edi Rama ka gënjyer qytetarët, për vendimin për çështjen Beccheti, pasi sipas tij, Shqipëria është e detyruar t’ja paguaj kokërr më kokërr paratë Becchetit.

Sipas Bashës, lufta e Ramës ndaj Becchetit ishte tërësisht personale dhe ishte e motivuar nga sulmi ndaj mediave kundërshtare.

“Që Edi Rama gënjen, nuk është lajm, por duke qenë se këtu bëhet fjalë për një dëm prej më shumë se 120 milionë euro, fshehja e tij pas sekretit, është qesharake, sepse vendimi është “fshehur” në hapësirën më sekrete të botës, në internet (tregohet në ekran). Pra, aq konfidencial është ky vendim, saqë unë, ju, qytetarët nga shtëpia, me një kompjuter apo me një smartphone, këtu në Shqipëri apo në Dealer-in e kompanive të tyre offshore apo çdo cep të botës mund të aksesojnë dhe të gjejnë këtë dokument “sekret” që kemi përpara nesh.

Tani, kush e dëmton shtetin shqiptar, ne që kërkojmë transparencë dhe llogaridhënie për një proces të përfunduar që ka prodhuar një dëm ekonomik që do të tejkalojë 120 milionë euro apo ai që e përdori shtetin për një luftë personale që do t’u kushtojë shqiptarëve më shumë se 120 milionë euro?!

Pyetja është retorike. Të dëgjojmë edhe çfarë ka thënë për këtë vendim të arbitrazhit (video ku thotë që nuk do të marrë gjë Becheti) Ndërkohë që e dinte që vendimi është përfundimtar, madje edhe studiot ligjore që janë paguar me shifra të majme për të mbrojtur Shqipërinë, ia kanë thënë, por ai vazhdon të gënjejë edhe sot, duke prodhuar justifikime të sabotueshme edhe nga një dhjetëvjeçar me telefon në dorë”, tha Basha./albeu.com/

The post “Rama tha se Beccheti do hajë atë që nuk thuhet”, reagon Basha: Gënjeshtër qesharake, për kapriço të tij do nxjerrim nga xhepi 120 milion euro (VIDEO) appeared first on Albeu.com.

Komentet Basha i bëri nga konferenca të cilën kishte lajmëruar për të sqaruar një sërë çështjesh me rëndësi sipas tij.

Basha gjithashtu foli edhe për komisionin Beccheti dhe mbi hetimin e inceneratorëve, të cilët I quajti si afera më e madhe korruptive e qeverisë.

Fjala e Bashës:

Në aksionin e saj politik në nisje të parlamentit, ndër të tjera Partia Demokratike ka kërkuar ngritjen e 3 komisioneve hetimore, një komision hetimor për masakrën zgjedhore, një komision hetimor për inceneratorët e mafies së plehrave dhe një komision hetimor për çështjen Becheti.

Siç e keni ndjekur, Komisioni Hetimor për Masakrën Zgjedhore është ngritur, dhe pavarësisht përpjekjeve për ta sabotuar atë, ai vijon dhe ne do ta çojmë deri në fund zbardhjen e asaj që ndodhi me votën e shqiptarëve, me qëllim krijimin e të gjitha kushteve të domosdoshme për të penguar përsëritjen e gërshetimit të partisë, shtetit, krimit dhe oligarkisë si një nyje në fytin e demokracisë shqiptare.

Ngritja e dy komisioneve të tjera, për inceneratorët dhe Bechetin, po vonohen momentalisht nga pakica në pushtet, me pretekste sa naive, po aq acaruese për qytetarët që e dinë mirë se çfarë fshihet pas tyre. Megjithatë, mund të vonojnë ngritjen e tyre, por nuk e pengojnë dot atë.

E nëse për mafien e inceneratorëve po kërkojnë riformulim të kërkesës tonë, në përpjekje për ta kthyer atë që duhet të jetë një komision hetimor, në një pseudo-grup pune për mjedisin, ndërkohë Rama shantazhoi jo më larg se dje krerët e bashkive për t’i çuar mbetjet te inceneratorët me pronarë offshore, për të furnizuar me paratë e qytetarëve llogaritë bankare në parajsat fiskale. Diçka që nuk do ta lejojmë në asnjë mënyrë.

Për komisionin Becheti, Edi Rama u tregua i prerë, duke na thënë se duhet ta harrojmë ngritjen e tij, sepse sipas Edi Ramës vendimi është i “mbuluar nga konfidencialiteti” dhe publikimi i tij dëmton interesat e Shqipërisë…

Që Edi Rama gënjen, nuk është lajm, por duke qenë se këtu bëhet fjalë për një dëm prej më shumë se 120 milionë euro, fshehja e tij pas sekretit, është qesharake, sepse vendimi është “fshehur” në hapësirën më sekrete të botës, në internet (tregohet në ekran). Pra, aq konfidencial është ky vendim, saqë unë, ju, qytetarët nga shtëpia, me një kompjuter apo me një smartphone, këtu në Shqipëri apo në Dealer-in e kompanive të tyre offshore apo çdo cep të botës mund të aksesojnë dhe të gjejnë këtë dokument “sekret” që kemi përpara nesh./albeu.com/

The post E FUNDIT/ Lulzim Basha mban konferencë: Të jeni të segurt se do ta faktojmë vjedhjen e zgjedhjeve (VIDEO) appeared first on Albeu.com.

Gjithashtu me fuqinë e votave, mazhoranca ka rrëzuar ditën e sotme në seancën parlamentare dy dekretet e Presidentit Meta për rishikimin e Buxhetit 2021 dhe ligjin për të ‘Huajt’.

Nga ana tjetër, mazhoranca ka pranuar kërkesën e Partisë Demokratike për ngritjen e një Komisioni Hetimor për zgjedhjet e 25 prillit, ndërsa për sa i përket Komisionit Hetimor për Inceneratorët, u vendos që të votohet në seancën e radhës.

Vendimet e Parlamentit:

Mazhoranca ka rrëzuar dekretin e Presidentit për rishikim e buxhetit 2021.

Rezultati:

Pro 43

Kundër 76

Abstenim 0

Dekreti për rishikimin e Ligjit të emigrantëve

43 vota pro

76 kundër

0 anbstenim

Ngritja e Komisionit për Becchetti-n

46 pro

76 kundër

0 abstenim/albeu.com

The post “Bie” komisioni Becchetti, Kuvendi rrëzon propozimin e opozitës dhe dekretet e Metës appeared first on Albeu.com.