Pas vendimit të Dhomave të Specializuara të Kosovës në Hagë për dënimin e katër ish-drejtuesve të Ushtrisë Çlirimtare të Kosovës, ka reaguar komisionerja e Bashkimit Evropian për Zgjerim, Marta Kos.

Përmes një postimi në rrjetin social X, Kos deklaroi se Dhomat e Specializuara të Kosovës përbëjnë një institucion të pavarur të drejtësisë, ndaj vendimet e tyre duhet të respektohen.

Komisionerja evropiane vuri në dukje njëkohësisht se të dënuarit gëzojnë të drejtën për t’i apeluar këto vendime.

“Vendimet e saj duhet të respektohen dhe të dënuarit kanë të drejtë apelimi”, shkroi Kos.

Ajo u kërkoi gjithashtu aktorëve të rajonit të ndihmojnë në avancimin e pajtimit dhe në tejkalimin e ndarjeve të trashëguara nga e kaluara.

The post Marta Kos për dënimin e ish-krerëve të UÇK-së: Vendimet e Hagës duhen respektuar appeared first on Albeu.com.