Trump tha se SHBA-ja duhej të zotëronte Groenlandën, një pjesë autonome e Mbretërisë së Danimarkës, për të parandaluar Rusinë ose Kinën të pushtojnë territorin e Arktikut – një vend strategjik dhe të pasur me minerale, duke argumentuar se prania ushtarake amerikane në ishull nuk ishte e mjaftueshme.

Si Groenlanda ashtu edhe Danimarka thanë se Groenlanda nuk është në shitje, por Trump nuk e ka përjashtuar marrjen e saj me forcë.

“Pajtohem me kryeministren daneze, Mette Frederiksen se do të jetë fundi i NATO-s”, tha komisioneri i BE-së, Andrius Kubilius në një konferencë për sigurinë në Suedi.

Kubilius tha gjithashtu se neni 42.7 i Traktatit të Bashkimit Evropian i detyronte shtetet anëtare të vendoseshin në ndihmë të Danimarkës nëse përballeshin me agresion ushtarak.

“Do të varet shumë nga Danimarka, se si ajo do të reagojë, por padyshim që ekziston një detyrim i shteteve anëtare për të kërkuar ndihmë të ndërsjellë nëse një shtet tjetër anëtar përballet me një agresion ushtarak”, tha ai.

The post Komisioneri i BE-së: Marrja e Groenlandës nga ushtria amerikane do të ishte fundi i NATO-s appeared first on Albeu.com.

I riparuar në kontekstin e Programit “EU4Schools” prej më shumë se një viti, kopshti “1 Qershori” i shërben 163 fëmijëve, 10 edukatoreve dhe 12 mijë banorëve të komunitetit.

Gjatë kësaj vizite, Komisioneri Lenarčič vizitoi ambientet moderne të kopshtit, ndërveproi me fëmijët, si dhe ndoqi nga afër një orë mësimore ekstra-kurrikulare (simulim) se si fëmijët duhet të reagojnë në rast rreziku të një zjarri.

23 objekte arsimore janë rindërtuar ose riparuar deri më tani falë “EU4Schools” (“BE për Shkollat”) dhe i shërbejnë drejtpërdrejtë 7,325 fëmijëve/nxënësve e 445 mësuesve. Ndërkohë, puna vijon me intensitet të lartë në 16 objekte të tjera arsimore, të cilat janë në proces rindërtimi apo riparimi.

Programi financohet nga BE me 75 milion Euro dhe zbatohet nga UNDP Albania, duke u mbështetur në dy parime kyçe: “Rindërtojmë më mirë” dhe “Rindërtojmë së bashku”. Pjesë e tij janë institucionet arsimore në 11 bashkitë më të prekura, të cilat janë dëmtuar rëndë si pasojë e tërmetit shkatërrues që goditi Shqipërinë në nëntor të vitit 2019-të./albeu.com

The post Komisioneri i BE-së viziton kopshtin “1 Qershori” në Durrës, i riparuar në kuadër të Programit “EU4Schools” appeared first on Albeu.com.

Rama po zhvillon një konferencë e përbashkët për shtyp me Komisionerin, në të cilën po diskutohen hapat për hapjen e negociatave dhe përfitimet që do të ketë Shqipëria./albeu.com/

The post A ka shpresë për BE? Rama shfaqet krah Varhelyi-t (VIDEO) appeared first on Albeu.com.

Takimi erdhi në ditën e parë të pjesëmarrjes në Konferencën e sigurisë së Mynihut.

Gjatë takimit, Kurti ishte i shoqëruar nga ministrja e Punëve të Jashtme dhe Diasporës, Donika Gërvalla.

Një gjë të tillë e ka bërë të ditur kryeministria me anë të një komunikate të lëshuar për media, ndërsa bëhet e ditur se përgjatë takimit u diskutua çështja e punësimit të të rinjve përmes sistemit dual të arsimimit dhe angazhimit profesional, shkruan lajmi.net.

“Një nga dy prioritetet kryesore të qeverisë është punësimi, sidomos i të rinjve dhe grave. Përveç investimeve të huaja, ulja e papunësisë te të rinjtë duhet të trajtohet edhe nëpërmjet reformave në sistemin e arsimit. Prandaj, edhe synim e tashmë edhe veprim i yni është zhvillimi i një sistemi dual të edukimit që do të mundësonte lidhje ndërmjet tregut të punës dhe sistemit arsimor”, citohet të ketë thenë Kurti.

Më tej, siç njofton kryeministria, kreu i ekzekutivit kosovar i tha Hahnit se Kosovës duhet t’i liberalizohen vizat.

“Sa i përket liberalizimit të vizave, kryeministri Kurti përsëriti faktin, që edhe është evidentuar tashmë në raportin e Komisionit Evropian, se Kosova ka plotësuar kriteret për liberalizimin e vizave. Mos liberalizimi tanimë është e drejtë e mohuar”, thotë kryeministria.

“Ndërkaq, komisioneri Hahn tha se Bashkimi Evropian, përveç tjerash do të përkrahë teknikisht dhe financiarisht në projektet për arsim dhe aftësim profesional”, njoftohet më tej./albeu.com/

The post Kurti takohet me komisionerin Hahn: Kosovës duhet t’i liberalizohen vizat appeared first on Albeu.com.