Qendra Klinike Universitare e Kosovës ka ngritur një komision të posaçëm Ad-hoc për të kryer një hetim administrativ pas ankesave publike mbi rastin në Klinikën e Pediatrisë, ku një familje raportoi shqetësime gjatë trajtimit të fëmijës së tyre. Paralelisht, gjatë ditës së sotme ka nisur zëvendësimi i pajisjeve në këtë klinikë.

Si reagim ndaj pamjeve të publikuara nga një nënë, të cilat ekspozuan gjendjen në ambientet e Klinikës së Pediatrisë, Shtatë shtretër të konsumuar u hoqën dhe u zëvendësuan me të rinj. Autoritetet njoftuan se ky veprim shënon vetëm hapin e parë drejt përmirësimeve më të gjera, të cilat do të shtrihen edhe në reparte të tjera.

Fisnik Dobra, drejtor i shërbimeve të përbashkëta tekniko-administrative, deklaroi se ndërrimi i mobilierisë së dëmtuar është pjesë e një projekti afatgjatë. “Sot kemi zëvendësuar shtretërit e dëmtuar me të rinj, siç e patë dhe ju. Ky është thjesht fillimi i një kontrate të nënshkruar nga Agjencia Qendrore e Prokurimit më 10 qershor, e cila synon modernizimin e infrastrukturës. Në thelb, kemi të bëjmë me furnizimin e klinikave me inventar mjekësor,” sqaroi ai.

Për të adresuar shqetësimet e ngritura, menaxhmenti i QKUK-së krijoi një komision të brendshëm hetimor për të shqyrtuar rastin në fjalë. Nga kontrollet e brendshme, u konstatuan parregullsi që çuan në masa konkrete.

“Pas evidentimit të shkeljeve dhe verifikimeve të kryera nga institucioni, personave përgjegjës iu janë shqiptuar vërejtje, dhe një punonjës i sektorit teknik është pezulluar në mënyrë të përkohshme,” bëri të ditur QKUK përmes një komunikate.

Gjithashtu, për të garantuar një proces hetimor të drejtë dhe të paanshëm në lidhje me akuzat për mënyrën e trajtimit të pacientit, komunikimin dhe qëndrimin e stafit, janë marrë masa të ndërmjetme administrative ndaj katër infermierëve.

Ndërkaq, Alije Keka Sylaj, drejtoresha e Klinikës së Pediatrisë, reagoi në rrjetet sociale duke theksuar angazhimin e saj për të trajtuar me seriozitet maksimal çdo ankesë të prindërve. Ajo paralajmëroi se çdo punonjës shëndetësor që shkel normat profesionale, kodet etike apo përgjegjësitë e punës, do të përballet me pasoja.

The post Komision i Brendshëm për Hetim në QKUK, Ndërrohen Shtretërit e Dëmtuar në Pediatri appeared first on Albeu.com.

Një zyrtar që shërbente në Qendrën Korrektuese të Dubravës është pezulluar përkohësisht nga detyra nga Shërbimi Korrektues i Kosovës. Masa vjen pas nisjes së një procedure disiplinore për një shkelje të rëndë që dyshohet se ka ndodhur.

Komisioni Disiplinor mori vendimin për pezullimin e punonjësit me inicialet D. Q. më 14 korrik 2026. Sipas njoftimit zyrtar, kjo masë do të qëndrojë në fuqi derisa të merret një vendim përfundimtar për rastin.

Institucioni theksoi se pezullimi është rrjedhojë e hapjes së hetimit disiplinor për një shkelje të rëndë, dhe theksoi angazhimin e tij për të zbatuar ligjin dhe për të mbrojtur integritetin institucional. Në komunikatë, SHKK-ja shtoi se çdo rast që vë në dyshim shkelje të detyrimeve zyrtare trajtohet me seriozitet, por gjithashtu respektohet parimi i prezumimit të pafajësisë deri në një vendim të formës së prerë nga organet kompetente.

The post Zyrtari korrektues në Dubravë pezullohet për shkelje të dyshuar disiplinore appeared first on Albeu.com.

Kjo ka shkaktuar një përplasje të ashpër verbale me Albana Vokshin.

Albana Vokshi: “Kush je ti mo, nuk je kryetar këtu dhe nuk e drejton këtë komision, unë te dera dhe ti guxon të fillosh mbledhjen”.

Plarent Ndreca: “Një njeri normal nuk i bën këto. Mbylle atë mikrofon dhe të të vijë turp”.

Albana Vokshi: “Të të vijë turp ty dhe gjithë deputetëve që nisin mbledhjen, kur kolegët rrinë të dera”.

Plarent Ndreca: “Do ulesh të drejtosh mbledhjen apo të vijoj. Mos u sill si e fortë. Do sillesh si kryetare”.

Albana Vokshi: “Në vend se të mbroni kolegët…”.

Plarent Ndreca: “Kolegët që hedhin molotov nuk i mbrojmë ne”.

Albana Vokshi: “Do jesh i pari që do e hash! Ti do të jesh i dyti në radhë të shkosh aty ku ka shkuar Ilir Beqaj”.

Vokshi ka kërkuar që të dalë jashtë dëshmitari Gentian Opre, pasi është për procedurë, ndërsa Ndreca e ka kundërshtuar këtë.

Në shenjë revolte Albana Vokshi, i hodhi 4 herë mikrofonin Plarent Ndrecës, si dhe çdo send që ndodhej në tavolinë.

Gjithashtu, Vokshi këmbënguli të dalë dëshmitari me pretendimin se kemi ‘procedurë’. Vokshi duke i kërkuar të dalë jashtë dëshmitarit e kërcënoi.

“Nesër pasnesër do pendohesh për këtë. Ai do të përballet me ligjin, se po shkel urdhrin e kryetarit”, tha ajo.

Ndreca: “Unë nuk punoj me njerëz që sillen si rrugaç”.

Vokshi: “Kujt i thua rrugaç ti, të të vijë turp. Ju jeni rrugaç që bëni këto veprime. Hedhja e molotovit ishte mesazh i parë”.

Ndreca: “Jeni të mbaruar totalisht”.

Ilir Metaj: “Sekretaria, sillni ambulancën se kjo ka nevojë për ndihmë mjekësore”.

Plarent Ndreca: “Na lini të bëjmë mbledhjen”.

Ilir Metaj: “Je deformuar frikshëm për të qenë grua, mbushu me frymë”.

Albana Vokshi: “Ki kujdes me ato që thua”.

Ilir Metaj: “Ke nevojë për trajtim të thelluar, dështimi i protestës të ka marrë jashtëzakonisht keq”.

Albana Vokshi: “Vetëm mesazhin e parë keni marrë nga protesta”.

Ilir Metaj: “Qetesohu se je grua”.

The post Njoftoni një ambulancë/ Vijojnë përplasjet në Komision, Vokshi i hedh në tokë mikrofonin Ndrecës appeared first on Albeu.com.

Ministri i Brendshëm i është drejtuar me një shkresë këtij komisioni, ku argumenton se informacionet që ai disponon për këtë çështje bazohen në dokumentacion dhe të dhëna të klasifikuara si “sekret shtetëror” dhe se anëtarët e komisionit duhet të jenë të pajisur me Certifikatë Sigurie Personeli (CSP).

Balla vlerëson gjithashtu që mbledhja të zhvillohet me dyer të mbyllura në përputhje me detyrimet ligjore për mbrojtjen e këtij informacioni. Në kërkesën e tij ai sjell në vëmendje gjithashtu, se çështja “TIMS” është objekt hetimi penal e për pasojë të dhënat nuk mund të bëhen publike për shkak të nevojave hetimore që lidhen me këtë procedim penal në proces e sipër.

Bazuar në Ligjin nr.106/2023, “Për disa shtesa dhe ndryshime në ligjin nr. 8891, datë 2.5.2002, “Për organizimin dhe funksionimin e komisioneve hetimore të Kuvendit”, anëtarët e mazhorancës do të kërkojnë hedhjen në votim të këtij propozimi dhe pas vendimarrjes do të vijohet me seancën e dëshmisë së Ministrit të Brendshëm, kreut të Policisë së Shteti dhe ish-drejtorit të Departamentit të IT në Policinë e Shtetit.

The post Dëshmitë për ‘TIMS’ në Komisionin Hetimor, Balla kërkon seancë me dyer të mbyllura: Informacioni është i klasifikuar, çështja nën hetim penal appeared first on Albeu.com.

Në dokumentin dorëzuar kryeparlamentares Lindita Nikolla thuhet se qëllimi i komisionit është të identifikojë ndërhyrjet e shteteve të huaja, armiqësore, në proceset demokratike të Shqipërisë, përmes keqinformimit nga mediat tradicionale dhe ato sociale.

Objekt i punës së këtij komisioni të posaçëm thuhet në dokument do të jetë edhe zbatimi i ligjit për financimet e huaja të fushatave zgjedhore dhe të gjithë aktorëve të përfshirë në informimin publik.

“Duhet të organizojë seanca dëgjimore me përfaqësues të mediave tradicionale, sektorit të biznesit si dhe përfaqësues të shoqërisë civile për të nxitur një debat mbi rritjen e përgjegjësisë për të luftuar ndërhyrjen e huaja, duke përfshirë dezinformimin, jo ekskluzivisht vetëm nga autoritetet publike, por edhe në bashkëpunim me bizneset që operojnë në fushën e teknologjisë dhe mediave sociale dhe sektorin privat në përgjithësi, duke u kujdesur në të njëjtën kohë për të mos cenuar lirinë e shprehjes.”

Në përfundim të punës një vjeçare, ky komision do të dalë me raport dhe ku kuvendit do t’i propozojë ndryshime në ligj dhe ndëshkime administrative ndaj atyre që keqinformimin e përdorin për të ndikuar negativisht në procesin anëtarësues të Shqipërisë në Bashkimin Evropian.

 “Duhet të vlerësojë dhe masat ligjore për kufizime të forta në burimet e financimit, duke patur në konsideratë se aktorët e huaj kanë gjetur mënyra të ligjshme dhe të paligjshme për të anashkaluar detyrimet ligjore dhe kanë ofruar mbështetje të fshehtë për aleatët e tyre duke marrë hua në bankat e huaja, duke ofruar në natyrë sende me vlerë, përmes marrëveshjeve të blerjeve dhe atyre tregtare, kompanive guaskë, organizatave jofitimprurëse, donatorëve të lëvizjeve qytetare, teknologjive në zhvillim që ofrojnë anonimitet, reklamave në internet apo mediave ekstremiste online dhe përmes lehtësimit të aktiviteteve financiare.”

Përveç 13 anëtarëve, ku Partia Socialiste do të ketë shumicën dhe drejtimin, në përbërje do të jetë edhe një grup ekspertësh nga institucionet kryesore të sigurisë dhe medias.

Të gjitha institucionet përfshirë edhe ato të pavarura, si organet e drejtësisë, do të jenë të detyruara të japin çdo informacion apo  dokument të kërkuar nga komisioni i posaçëm kundër keqinformimit.

The post Një komision për dezinformimin, Parlamenti do të verifikojë ndërhyrjet e huaja në media appeared first on Albeu.com.

Në njoftim thuhet se nëse do të ketë ende anëtarë që nuk kanë votuar brenda këtij afati, qendrat e votimit do të qëndrojnë hapur derisa të votojë edhe demokrati i fundit.

Deklarata e plotë

Komisioni i Organizimit dhe Kontrollit të Operacioneve Elektorale pranë Partisë Demokratike njofton që ditën e djelë, datë 4 dhjetor 2022, janë duke u  zhvilluar votimet e Primareve për kandidatët për Kryetarë Bashkie të Partisë Demokratike të Shqipërisë.

Procesi i votimit ka nisur dhe po zhvillohet normalisht në të gjitha degët ë Partisë Demokratike ku zhvillohen Primaret sot!

Procesi i votimit do të mbyllet në orën 18:00. Nëse në orën 18.00 do të ketë anëtarë të PD që ende nuk kanë votuar, Qendrat e Votimit nuk do të mbyllen derisa të ketë votuar edhe personi i fundit.

Anëtarët e Këshillit Kombëtar të PD votojnë në njërën prej dy qendrave të votimit: në Selinë Qendrore të Partisë Demokratike ose në degët ku ata janë të deleguar pasi të kenë njoftuar pranë Komisionit.

Data 4 dhjetor është një ditë historike jo vetëm për PD por për të gjithë shqiptarët! Anëtarë e simpatizantë të PD do të zgjedhin me votën e tyre kandidatin e tyre për kryetar të bashkisë.

Komisioni i Organizimit dhe Kontrollit të Operacioneve Elektorale fton të gjithë anëtarët e simpatizantët e PD të bëhen pjesë e procesit të Primareve.

The post Primaret në PD/ Procesi i votimit deri në orën 18:00, qendrat nuk do të mbyllen derisa të ketë votuar edhe personi i fundit appeared first on Albeu.com.

Berisha i është përgjigjur Ramës duke i treguar sesi janë vjedhur 430 milionë eurot në inceneratore.

“Rama para komisionit pyeste ku janë 430 milionë dhe ku është vjedhja. Vjedhja është monstruoze. Për djegësin e Elbasanit pa asnjë tender me procedurë të pashpallur të pa publikuar askund. Është firmosur kontrata për 22 milionë euro me një kompani të sapokrijuar me qëllim që të vjedhin së bashku.

Një kompani italiane vjen dhe ndërton djegësin për 12 milionë teprojnë 1o milionë. Nëse ministrat nuk doni të vidhin këto para ja jepnin bashkisë së Elbasanit dhe i thoshin do të bësh tender për djegës. Hapej tenderi dhe kompanitë vinin.

Nga thesari nuk shkonin më 22 milionë për 10 ose 12. Ku shkuan 10 milionë, u ndanë mes ministrat e zyrtarëve e Zotove e Mërtirëve të tyre. Oreksi vjen duke ngrënë thotë një fjalë e popullit. Meqë këtu vodhën 10 milionë pa u hyrë ferra në këmbë kaluan te i Fierit ku morën 30 mln.

Në Ballkan ekziston vetëm një djegës, Shqipëria 3 djegëse, prandaj dhe varfëria rritet gjithnjë e më shumë.”, tha Berisha./albeu.com

The post Rama po dëshmon në Komision, Berisha: Vjedhja e 430 milionë eurove është monstruoze, Ballkani me një djegës ne me tre appeared first on Albeu.com.

Kryemadhi thekson se Veliaj i di shumë mirë kompetencat e Këshillit Bashkia, ku shton se për miratimin e një vendimi për 30 mije lekë të vjetra duhet vendim i Këshillit Bashkiat, por për një koncesion 30 – vjeçar jo më.

Postimi i Monika Kryemadhit:

“Erion Veliaj i kupton shumë mirë kompetencat e Këshillit Bashkiak. E kupton aq mirë sa edhe për 30 mijë lekë të vjetra duhet miratimi i Këshillit Bashkiak. Shikojeni si e ka thënë me zërin e vet, që si Kryetar Bashkie nuk miratonte dot ndihmën ekonomike pa këshilltarët e Këshillit.
Pra për 30 mijë lekë të vjetra duhet Këshilli, për pagesa ndaj koncesionit 30 vjeçar nuk i duhej. SPAK, po dëgjon?” /albeu.com

Vijon…

The post I përmendi emrin në Komision, reagon Kryemadhi: Për 30 mijë lekë të vjetra duhet Këshilli, për pagesa ndaj koncesionit 30 vjeçar nuk i duhej SPAK appeared first on Albeu.com.

Në krye të grupit të punës së PD-së për Reformën Zgjedhore do të jetë Enkelejd Alibeaj.

PD kërkon që të rikthehen koalicionet parazgjedhore.

Kërkesat e PD:

1. Ngritjen e një Komisioni të Posaçëm të Kuvendit për Reformën Zgjedhore.

2. Komisioni ka për detyrë hartimin e ndryshimeve kushtetuese dhe të kuadrit ligjor  zgjedhor për trajtimin e rekomandimeve të raporteve të OSBE/ODIHR-it për zgjedhjet e 25 prillit 2021 dhe zgjedhjeve të mëparshme të patrajtuara, rekomandimeve të institucioneve përgjegjëse për zgjedhjet, partive politike parlamentare dhe organizatave jofitimprurëse.

3. Anëtarësia e Komisionit formohet me pjesëmarrjen e partive parlamentare, me përbërje të barabartë mes shumicës dhe pakicës.

4. Komisioni e ushtron veprimtarin për një afat 6-mujor nga data e miratimit të këtij vendimi./albeu.com

The post PD dorëzon në Kuvend kërkesën për ngritjen e Komisionit të Reformës Zgjedhore appeared first on Albeu.com.

Kryesia e PD ka propozuar emrat për Komisionin që do të jetë përgjegjës për zgjedhjet për kryetarin e demokratëve.

Jemin Gjana është propozuar për kryetar ndërsa për anëtarë Albana Vokshi, Belind Këlliçi, Eno Bozdo, Mimoza Hasekiu, Albert Avduli dhe Gjokë Vuksani.

Ndërkohë që Ervin Minarolli dhe Lulzim Omuri janë propozuar për të qenë ndihmës/anëtarë në këtë Komision që do të ketë rolin e një ‘’KQZ’’-je në këto zgjedhje të brendshme të PD. /albeu.com/

The post Zgjedhjet për kryetarin e PD, kush janë emrat që janë propozuar për Komisionin appeared first on Albeu.com.