Balluku duket e qeshur dhe e dashur duke dashur të tregohet e shpenguar, sikur asgjë nuk ka ndodhur, teksa flet për projekte dhe investime hekurudhash në Shqipëri.
Megjithatë janë të shumë ata që SPAK-un ia kujtojnë në komentet poshtë videos. Duke qenë në Zvicër janë disa që i kujtojnë paraardhësin e saj Arben Ahmetaj që jeton në arrati në këtë vend pas procesit të hapur nga SPAK.

“Rri andej me Tigrin, dhe të mëson ai si të veprosh se ka eksperiencë ose ndryshe hajde këtu dhe shoqëro Vremelinë, kundërshtari yt. E drejta vonon, por nuk harron. Paç fat në jetë!” – shkruan njëri prej tyre.

“Lëri porosi Ben Tigrit të të gjejë ndonjë apartament me qera andej se do të duhet dhe ty me sa duket” – shkruan një tjetër.

“Paske shku dhe ti tek Ahmetaj” – shkruan dikush tjetër.

Mes komenteve të shumta që e urojnë për punët e bëra dikush tjetër shkruan: “Nesër je e ftume në SPAK”.

“Ke marrë vesh gjë se çfarë ka gatuar SPAK-u për drekë këtu në Shqipëri” – ironizon një tjetër.

“Kanë dalë ca lajme në Shqipëri, a ke dijeni?”, “Vollga Durrës a e kanë çuar SPAK-un në Bernë. Hap sytë andej”, “Shkove të bësh vend andej. Tako tigrin shko shijoji milionat” – e mbull dikush tjetër.

Vetë Balluku nuk ka bërë ende asnjë koment për këtë çështje.

The post “Lëri porosi Ben Tigrit të të gjejë ndonjë apartament me qera”, rrjeti “bën copë” Ballukun pas postimit të videos nga Zvicra appeared first on Albeu.com.

Sikurse tashmë e ka bërë “traditë“, kryeministri Edi Rama, ka nisur mëngjesin e së martës bashkëbisedimin nëpërmjet rubrikës “Sy m’sy”.

Kreu i qeverisë po u përgjigjet pyetjeve të parashtruar nga ndjekësit.

Rama e nisi fjalën me një sondazh të bërë në një TV, që tregonte se 50% e shqiptarëve mendonin se vendi po ecën në drejtimin e duhur.

Ai u ndal edhe te analizat e bëra, teksa tha se ka dëgjuar persona që flisnin çmendurira dhe se vendi është në autokraci.

“Kishte dalë ky sondazhisti i Trump në një nga kanalet televizive dhe isha kurioz se ai është interesant dhe i veçantë në fushatën amerikane.

Ishte kundër rrymës ndërkohë që shumica dërrmuese e sondazheve jepnin Kamala Harris fituese, ky këmbëngulte në të kundërt edhe pse marzhet ishin shumë të ngushta dhe në fund i dolën parashikimet e tij. Thashë hajde të shohim njëherë se si e sheh ky Shqipërinë dhe ai kishte inserte disa minuta.

O Perëndi e madhe çfarë më kanë dëgjuar veshët. Ishte një trishtim i madh se çfarë sheh dhe dëgjon populli shqiptar mbrëmjeve në pasqyrat e kënetës mediatike.

Një tmerr, merreni me mend një nga konkluzionet që kishte nxjerrë sondazhisti ‘Ne jemi realisht më të mirët në Shqipëri, e them pa asnjë rezervë, sepse punojmë çdo muaj prej vitit 2007 me sondazhe dhe anketime dhe e dimë se çfarë mendon opinioni publik prandaj dhe unë nganjëherë kur vjen dita jam në gjendje të bëj “parashikimet”, por janë lexime të opinionit për prirjen e votës dhe kemi kapacitetin që t’i lexojmë dhe kuptojmë fare mirë sondazhet e tjera. Në një pasqyrë të tij zotëria thoshte se vendi po shkonte në drejtimin e duhur, 50% mendonin kështu.

Ç’më kanë dëgjuar veshët me disa individë që nuk e di se çfarë i motivon që çohen në mëngjes. Nëse ushqejnë trurin gjatë ditës dhe fillojnë e bëjnë ndërmjetësimin mes realitetit politik dhe social, personazheve politike dhe sociale dhe popullit. Aty konkluzionet ishin njëri më çmendurak se tjetri. Njëri më i pabesueshëm se tjetri.

Një konkluzion ishte që populli është i sëmurë që mendojnë se ky vend po shkon në drejtimin e duhur, një tjetër ishte që ose këtu ka një autokraci me pasqyra moçalesh mediatike që çdo natë flasin nga këto çmendurish.

Këta s’e kanë idenë se çfarë është autokracia, dhe s’do ju binte radha të dilnin në Tv, por as të kishin kompjuter nëse do ishim në autokraci. Një konkluzion tjetër është se Rama i ka blerë.

Këta që mua më hidhen në fyt dhe pse e them se gjysma e burrave janë çyryk në sensin metaforik. Nuk flas për kusht klinik, të shkosh pas kënetës je gjysmak. Gjysma tjetër janë ok”, tha Rama.

Kreu i PS u shpreh se beson që kushdo që ka bindjen që me “bufin e kënetës” Shqipëria ka një të ardhme, është në fakt “gjysmak”.

“Kur them gjysma e burrave janë çyryke them në kuptimin metaforik, ndarje që e bëj sepse e besoj që shtë se duhet të jesh gjysmak që të mendosh ende që me bufin Shqipëria ka një të ardhme.

Si shpjegohet që BE dhe organizatat prestigjoze ndërkombëtare japin konkluzione në drejtimin e duhur? Budallenj janë ata”?-  tha ai.

Por Rama duket se është acaruar nga komentuesit që e pyesin në lidhje me mungesën e aktiviteve të tij në Shtetet e Bashkuara të Amerikës.

The post Rama replikon me komentuesit në rrjete sociale: Si keni fytyrë e më pyesni mua a shkoj matanë Oqeanit SHBA? O pika… appeared first on Albeu.com.

Teksa i kthen përgjigje një komentuesi në “Facebook”, Rama e ka quajtur shpifje këtë deklaratë të Ahmetajt.

Më tej, ai tha se shpifja në librat e shenjtë është e ndaluar, e po ashtu ai i ka kërkuar komentuesit nëse ka prova.

“Ku e di ti këtë?

Të lejon Zoti yt të shpifësh. Shpifja në librat e shenjtë është e ndaluar. Do thuash e ke dëgjuar por kjo nuk do të thotë asgjë. Ke provë?  Qenka fiksuar shishja 33 mijë euro”, deklaroi kryeministri.

The post Ke pirë shishen e verës me vlerë 33 mijë euro/ Rama i kthehet komentuesit: Kjo është shpifje, ke prova? appeared first on Albeu.com.

Rama ka lexuar disa nga komentet kritike për të dhe qeverinë Rama, të cilët i ka akuzuar se janë komente nga profile fallso të hapura nga njerëz të “bufit të kënetës”, Berishës.

“Të bëhemi serioze, t’i lemë këto komente Vl. Të bëhemi seriozë, tani është momenti për të menduar si shqiptar. Mund të vazhdoni të bëni sa të doni nga këto. Këto komente i merr era, bëheni zëdhënës të bufit të kënetës, papagaj, gjinkalla dhe insekte të kënetës. Janë kot, janë humbje kohe, janë turpe pqë ju që hapni profile fallso. Ju lutem lërini broçkullat.

Ku e shikon ti që më ka zënë frika? Mua më zë frika që koha që kemi në dispozicion të mos shfrytëzohet maksimalisht. Kemi një dritare të hapur për të hyrë në BE. Është një dritare që është e hapur për ne, por që nuk do të jetë aty e hapur pafundësisht. Ne duhet ta shfrytëzojmë maksimalisht që të jemi të barabartë mes të barabartëve. Zoti na ka sprovuar duke pasur mbi kokë një sërë hajvanësh. Por tani është momenti për të menduar si shqiptar”, tha ZRama.

The post Kryqëzohet në rrjet/ Rama kapet me komentuesit: Jeni “vl” me profile false të kënetës appeared first on Albeu.com.

Në përgjigje të kritikave, Rama theksoi se nuk ishte ai që kishte “dredhur zinxhirët” por kishte punuar për të realizuar zhvillimet në Tiranë, ndërsa theksoi se çdo detyrë duhet të kryhet nga çdo udhëheqës.

“Aty ishin të tjerët para meje. Për detyrën i kishin vendosur edhe ata. Detyrën duhet të bëjnë të gjithë. Nuk e kam ulur qiellin në tokë, por Tiranën e kam ngritur nga varri dhe këtë nuk ma heq dot kush”, tha ai.

Kryeministri shtoi se ata që nuk duan ta shikojnë këtë zhvillim, mund të mos e shohin fare, por Tirana nuk është më “Kandahar”, dhe Shqipëria ka arritur një nivel që sipas tij, nuk mund ta arrinte askush.

Për një koment të dytë që sugjeronte se çdo udhëheqës mund ta kishte realizuar zhvillimin e Tiranës, Rama u shpreh: “A thua se kushdo që të ishte do bënte piramida në 1997? A thua që kushdo që të ishte do ngrinte Tiranën nga varri në vitet 2000 dhe do të bëntë qytet evropian me miliona turistë në vit?” Ai theksoi se Tirana është ngritur falë angazhimit të tij dhe të PS, dhe jo nga ata që “sa herë kanë pasur diçka në dorë, kanë zhbërë”.

Në përgjigje të një komenti të tretë që kritikonin zgjerimin e rrugëve dhe gjelbërimin e qytetit, Rama shpjegoi se të gjitha rrugët janë zgjeruar dhe përmendi faktin se pemët që ndodhen në qytet janë mbjellë pas periudhës së diktaturës. “Historinë lërja historisë. Këtë Kandahar e bëra qytet evropian,” përfundoi ai.

The post Rama replika me komentuesit: Tiranën e ngrita unë, as sahati nuk punonte… appeared first on Albeu.com.

Edi Rama: Të mos më bëjë mua njeri “lule mos prek”, jam njeriu më i sulmuar.

Eh mos u bëni komplet qesharakë disa këtu, Çfarë mielli ke marrë, s’ta paskan dhënë të mirë, s’kam nevojë fare për atë, është tjetër droga ime.

Nuk e dini ju fare çfarë droge marr unë, që i vogël arti dhe më pas beteja politike. këto të tjerat janë muhabete që ata ua thonë mbase i kanë provuar vetë të gjitha.

Pa i mëshuar tavolinës nuk lëvizin gjërat si duhet. Kush nuk i mëshon tavolinës të ikë në punë të vetë. Ishte njëri për garën e Tiranës që thoshte “si mund të votoni Ramën kur është anormal”.

Një anormal duhet, s’kam asnjë problem me këtë, i mëshoj tavolinës, që ç’ke me atë punë.

Mandati i katërt është themelor për të vendosur emrin “Albania” në tryezë, për të vendosur flamurin atje, Albania i pari në rresht atje.

The post Çfarë mielli ke marrë, s’ta kanë dhënë të mirë, Rama replika me qytetarët: Mos u bëni qesharakë… appeared first on Albeu.com.

“Ka vetëm 2 rrugë të më largojë nga politika, ose më largon zemra, ose më largon populli i Shqipërisë.
Më 11 maj për fat të mirë do të votojë edhe një pjesë e shqiptarëve të larguar dhe jam shumë kurioz si do të votojnë kur thuhet që i largova unë.

Nuk jam unë i kapur pas pushtetit, por pas punës”, tha ai.

The post Jep dorëheqjen, Rama i përgjigjet komentuesit: Ka vetëm 2 rrugë që më largojnë nga politika… appeared first on Albeu.com.

“Shiko shkollat në Tiranë, Noc Rroku! Që kanë mbetur pa oborre, se ua kanë grabitur mafiozët e ndërtimeve”, shkruante një komentues.

Rama i ka bërë ftesë këtij të fundit, duke i thënë që të shkojnë bashkë dhe të shohin gjendjen e shkollave në Tiranë, teksa tha se janë bërë deri tani 45 të tilla.

“Patjetër Adrian, të ftoj të dalim bashkë një xhiro nëpër Tiranë dhe t’i shohim bashkë shkollat. Por na duhet të marrim bukë me vete dhe tre ditë leje nga puna se janë shumë. Janë 45 shkolla të reja në Tiranë pa llogaritur 10 të tjera që janë në proces. Dua t’i shohim gjatë javës që të shikosh dhe nxënësit që t’u mbushësh mendjen dhe disave këtu që pyesin ‘po a ka më nxënës për këto shkolla’.

Ndërsa historia e grabitjes së oborreve është e vjetër shumë ajo, po ashtu dhe kthimet e pronave në oborre shkolle, edhe ajo histori e vjetër tanimë. Isha kryetar bashkia kur u thash ‘harrojeni se mund të ndërtoni pallat në vend të shkollës sa të jem unë’. Prenë dhe pishat, pastaj i vunë zjarrin, por ne e ringritëm nga hiri si Feniksi shkollën më të vjetër të Tiranës”, shprehet kreu i qeverisë.

Më tej, Rama dha edhe një mesazh për kundërshtarët e tij politikë, duke thënë se sërish do të humbin në zgjedhjet e 11 majit.

“Meqë përmende Noc Rrokun, e kam qejf Nocin… Noc Rrokun morën nga gjithë ai agresion ndaj shkollës ‘Kosova’. Njësoj do ta marrin në 11 maj, kur shqiptarët brenda dhe jashtë t’u tregojnë se Shqipëria nuk do të rrëshqasë kurrë teposhtë, por vetëm do të ngjitet lart e më lart drejt majës së 2023 në BE. Erdhi 11 maji, këtu do të jemi”, u shpreh Rama.

The post “Mafiozët e ndërtimeve”/ Rama “kapet” me komentuesin: E kam qejf “Noc Rrokun”, njësoj do ta marrin në 11 maj, këtu do të jemi… appeared first on Albeu.com.

“U bëre bozë çdo ditë në ekran”, ishte një nga komentet të cilit kreu i qeverisë zgjidhi t’i përgjigjet sot, duke sqaruar se ka zgjedhur këtë mënyrë komunikimi për të informuar qytetarët në lidhje me punët e bëra nga kjo qeveri, qofshin ato të mëdha e të vogla, punë që jo gjithmonë sipas tij gjejnë hapësirë mediatike.

“Puna ime është të udhëheq natyrisht edhe për të informuar. Dritaret e reja që kam hapur janë për të debatuar dhe informuar siç bëra për marrëveshjen e nënshkruar dje në Abu Dhabi.

Tani ti thua që një KM ka detyra të tjera, ndërsa për mua dita nis me ty. Sepse sa hap sytë nis të mendoj ç’të bëj sot për mandatin që kam marrë nga njerëzit për vendin tënd dhe timin.

Asnjë nga punët e mëdha ose të vogla nuk rri pa vëmendje dhe asnjërën nuk lë pa bërë. Këto videot janë një grusht minutash, ndërsa dita ime nis sa gdhihet dhe përfundon pas mesnate”, tha
ai.

The post Çdo ditë në ekran u bëre bozë/ Rama u përgjigjet komentuesve appeared first on Albeu.com.

Gjatë kontrollit, i është sekuestruar telefoni Ajola Xoxës dhe vëllait të Veliajt, Arbër Veliaj, si rrjedhojë e thellimit të hetimeve për pasurinë e kryebashkiakut dhe familjarëve të tij.

Në fakt ajo që tashmë dihet, është që Veliaj është nën hetim për një sërë dosjesh, duke nisur nga inceneratori i Tiranës që nuk ekziston, dosja “5D”, shembjet te “5 Maj”, shembja e Teatrit dhe hetimi i pasurisë.

Gjatë kohës që oficerët e BKH-së po ushtronin kontrolle dhe kishin seksuestruar telefonin e Ajola Xoxës, Veliaj ishte larguar nga Shqipëria drejt Hamburgut, me pretendimin e takimit me kryebashkiakun e Hamburgut.

Pasi rrjeti vloi pas lajmeve që qarkulluan, Veliaj i mbylli komentet.

Kështu komentuesit nuk kanë reshtur dhe ditën e sotme, në një postim të Veliajt në Ditën e Rinisë, duke e nxirë në komente.

“313 gati, mos ki merak. O hajdut që shkatërrove Tiranën, mos ki merak, të presin shokët e 5D”.
“Ke fytyrë dhe flet për rininë ti o vrasës i Ardit Gjoklajt?!”
“Në Yzberisht ke vite që thua do bëj dhe asnjë shkollë e kopsht”.
“Gëzuar dhe me krahë të lehta puna e SPAK-ut”.

Këto janë vetëm disa nga komentet, pasi duket se Veliaj ka nxjerrë në punë ditën e diel vartësit e tij për të kontrolluar komentet në rrjetet sociale.

Edhe njëherë, Veliaj po tregon se është frikacak dhe nuk ka guxim të përballet me të vërtetat që po i përlasen në fytyrë çdo ditë, si nëpërmjet protestave ashtu edhe virtualisht./Oranews

The post Komentuesit shpërthejnë keq, nxijnë faqen e Erion Veliajt, 313-ta gati, të presin shokët e “5D”… (FOTO) appeared first on Albeu.com.