Muaji shtator sjell rikthimin e Kombëtares shqiptare në fushë, me kuqezinjtë që do të përballen me Bjellorusinë më 26 shtator dhe San Marinon më 29 shtator.

Për trajnerin Rolando Maran, një vëmendje të veçantë do të kërkojnë sulmuesit. Tekniku italian ka nisur vlerësimin e tyre që prej momentit kur mori drejtimin e skuadrës kuqezi.

Forma e lojtarëve merr edhe më shumë rëndësi në këtë fazë, sidomos duke parë mënyrën se si ka nisur sezoni i ri në kampionatet ku ata aktivizohen.

UZUNI “SHPËRTHEN” NË AMERIKË

Myrto Uzuni ishte protagonist kryesor në fitoren e pastër të Austin ndaj Pueblas në Leagues Cup, ku realizoi 3 gola. Pozicionimi i sulmuesit beratas dhe mënyra se si finalizoi aksionet tregojnë për një formë mbresëlënëse. Në total, gjatë sezonit të ri, Uzuni ka shënuar 4 gola dhe ka dhënë 1 asist.

SEFERI, NUMRI 2 I FATIT

Vetëm 2 ditë pas zyrtarizimit te Kayserispor, Taulant Seferi zbriti në fushë për debutimin ndaj Vanspor. Numri 2 u shfaq sërish si shenjë pozitive për të, pasi pikërisht 2 gola shënoi në ndeshjen e parë me ekipin e ri. Seferi e nisi takimin si titullar dhe realizoi golin e parë në minutën e 9-të, ndërsa të dytin e shënoi në minutën e 56-të. Një start i tillë është mesazhi më i qartë për urinë e tij për gola.

MIQËSORE? PËR MUÇIN GOLAT NUK KANË STATUS

Ernest Muçi po vijon nga aty ku e kishte lënë, duke shënuar gola dhe duke kërkuar të konsolidohet edhe më shumë në elitën e futbollit turk. Pavarësisht interesimit për largimin e tij nga Italia, Gjermania dhe Anglia, sulmuesi është i përqendruar te e tashmja. Këtë e dëshmojnë paraqitjet e tij në miqësoret e Trabzonsporit, ku shënoi ndaj Udineses dhe Zelesnicar, si edhe asistoi në ndeshjen kundër Goztepes.

MIRLIND DAKU, 2 GOLA PARA KALIMIT TE MOSKA

Mirlind Daku e filloi sezonin me 2 gola në 2 ndeshje, përpara se brenda pak ditësh të zyrtarizohej te Spartaku i Moskës pas largimit nga Rubin Kazan. Paraqitjet e tij tregojnë se sulmuesi i ka ndezur motorët dhe se është gati të japë kontribut edhe për Kombëtaren. Edhe pse nuk shënoi në sfidën e fundit me Spartakun, cilësitë e Dakut janë tashmë të njohura.

The post 9 golat që i japin sinjale pozitive Rolando Maranit, sulmuesit shkëlqejnë me klubet e tyre (STATISTIKAT) appeared first on Albeu.com.

Simon Simoni do ta vazhdojë karrierën në Superligën e Zvicrës, pasi është bërë zyrtarisht lojtari më i ri i FC Luzernit. Portieri i Kombëtares shqiptare i ka dhënë fund përfundimisht aventurës në Bundesligën gjermane me Eintracht Frankfurtin, duke nisur kështu një etapë të re.

Drejtuesit e klubit zviceran kanë prezantuar 22-vjeçarin, i cili ka nënshkruar një kontratë 3-vjeçare, të vlefshme deri në verën e vitit 2029.

Në sezonin 2022/23, Simoni ishte pjesë e Dinamos, ndërsa gjatë karrierës së tij ka luajtur edhe për FC K’lautern dhe Ingolstadt. Me ekipin e parë të Shqipërisë, portieri është aktivizuar vetëm në 1 ndeshje.

The post Simon Simoni largohet nga Eintracht Frankfurti, prezantohet te Luzerni appeared first on Albeu.com.

Lionel Scaloni duket se po kalon muajt e fundit te kombëtarja argjentinase. Në deklaratën e dhënë menjëherë pas humbjes në finale përballë Spanjës, trajneri i “Albicelesteve” përmendi edhe afatin kur do t’i japë fund qëndrimit të tij.

Ai tha se do të mbetet në drejtim deri në dhjetor dhe më pas me shumë gjasa do të largohet. “Dua të pushoj dhe të ndalem,” shtoi Scaloni, duke theksuar se në këto momente është thelbësore të ruhet shpirti dhe lidhja mes popullit argjentinas dhe ekipit. “Jam i lumtur për këtë,” përfundoi ai.

Në krye të Argjentinës, tekniku 48-vjeçar ka udhëhequr kombëtaren amerikano-latine drejt 4 trofeve të rëndësishëm, duke përfshirë Kupën e Botës 2022. Në 109 ndeshje në stol, ai ka 85 fitore, 14 barazime dhe 10 humbje.

The post Pas finales së humbur ndaj Spanjës, Scaloni: Largohem nga Argjentina në dhjetor appeared first on Albeu.com.

Rolando Maran feston sot 63-vjetorin e lindjes, një datë e veçantë për teknikun italian pasi është ditëlindja e tij e parë në rolin e trajnerit të Kombëtares shqiptare.

Federata Shqiptare e Futbollit nuk e ka lënë pa urim këtë rast. Përmes rrjeteve sociale, FSHF ka publikuar mesazhin: “Edhe 100 vite të lumtura mister Rolando Maran”.

Fillimi i aventurës së Maran në pankinën kuqezi nuk ka qenë pozitiv, pasi Shqipëria ka pësuar dy humbje në dy ndeshjet e para miqësore. Megjithatë, prova e vërtetë pritet të vijë në Nations League, kompeticion ku do të kuptohet më qartë edhe filozofia e trajnerit të ri. Para sfidave miqësore, italiani nuk kishte në dispozicion kohën e nevojshme për përgatitje.

The post FSHF uron publikisht Rolando Maran për 63-vjetorin, trajneri pret kthesën në Nations League appeared first on Albeu.com.

‘Ndihem shumë mirë, ka 10 ditë që ka mbaruar kampionati im, por ndihem shumë mirë. Sa erdhën të gjithë djemtë, jemi gati për këto dy ndeshje-tha Kristjan Asllani

Mesfushori kuqezi shtoi se ndoshta rezultati në këto miqësore ndoshta nuk ka rëndësi, por gjithsesi kanë vlerë duke qenë se kombëtarja është me trajner të ri

‘Nuk e di sa vlejnë, por nuk besoj se rezultati vlen në këto dy ndeshje, por është shumë mirë t’i luajmë këto dy ndeshje sepse kemi një trajner të ri dhe kështu do të shohim çfarë do të na kërkojë trajneri. Do jenë një test shumë i mirë, sidomos ndeshja me Izraelin dhe të shohim çfarë do ndodhë-shtoi futbollisti

Përsa i përket trajnerit Rolando Maran, Asllani e vlerësoi edhe pse nuk e kishte njohur më parë ndërkohë që nuk harroi të falenderojë edhe ish trajnerin Sylvinho

‘Nuk e njoh si emër, por kam folur 5 minuta më duket se është një trajner që e kupton shumë mirë futbollin dhe është shumë i qetë kur flet. Falenderoj edhe trajnerin Sylvinho që na ka ndihmuar shumë, kemi bërë 3 vjet shumë të mira me të, e falenderoj se më ka ndihmuar shumë edhe ai personalisht dhe tani ka ardhur ky trajner dhe sigurisht italianët punojnë shumë në anën taktike dhe të shohim si do shkojnë gjërat-tha Asllani

Në shtator nisin ndeshjet e Nations League dhe mesfushori kuqezi tha se objektivi është fitorja e grupit, por që në këtë moment do të mendohet vetëm për dy miqësoret e kësaj jave

‘Objektivi siç thanë të gjithë është vendi i parë sepse nuk është një grup i lehtë, por nuk është edhe aq shumë i fortë, por objektivi ynë është vendi i parë. Siç thamë do përgatisim këto dy ndeshje dhe më pas do të mendojmë për Nations League-shtoi mesfushori

Asllani më pas tha se kjo kombëtare ka shumë cilësi, por që do të bëhet akoma më e fortë si dhe për situatën e tij në klube, ndërkohë që kërkoi edhe praninë e tifozëve në stadium

‘Për mendimin tim ky ekip ka shumë kualitet, shumë cilësi dhe për mendimin tim kjo skuadër është e fortë. Kemi shumë djem të rinj në kombëtare si Hasa, Shpendi, por kemi edhe Feta Fetai. Janë shumë lojtarë të fortë dhe kjo kombëtare do të bëhet akoma më e fortë, por unë besoj se kjo kombëtare ka shumë kualitet dhe kjo është gjë shumë e madhe. Situata ime? Kam pasur disa probleme në Torino, pastaj kur shkova te Besiktas i kam luajtur të gjitha ndeshjet, vetëm nuk i kam nisur nga fillimi, por jam i lumtur, ka qenë një eksperiencë shumë e bukur, shumë e madhe. kam luajtur shumë vite në Itali dhe ishte mirë për mua të ndryshoja shtet. Jam i lumtur por tani të mendoj për kombëtaren dhe të shoh. Tifozët? Tifozët na duhen, shpresojmë që të vijnë të na shohin në stadium, ne po i presim. duam t’iu japim një fitore në Air Albania sepse të luash aty është gjëja më e bukur në botë’-përfundoi Kristjan Asllani

The post Kombëtarja, Kristjan Asllani: Jemi gati për këto dy ndeshje. Duam të fitojmë grupin në Nations League. Presim tifozët në stadium appeared first on Albeu.com.

Atmosfera në kampin kuqezi është paraqitur mjaft e mirë, teksa lojtarët kanë vijuar përgatitjet nën drejtimin e stafit teknik. Në momentet e para të stërvitjes, futbollistët janë ndarë në grupe të vogla, siç ndodh zakonisht në seancat e hapura për mediat.

Mes lojtarëve që qëndruan së bashku u panë Armando Broja dhe Anis Mehmeti, të cilët aktivizohen në futbollin anglez. Ndërkohë, Kristian Shpendi dhe Luis Hasa, që luajnë në Itali, zhvilluan ushtrimet pranë njëri-tjetrit.

Në një grup tjetër ishin edhe futbollistët shqiptarë që vijnë nga Kosova dhe Maqedonia e Veriut. Naser Aliji, Mirlind Daku dhe Taulant Seferi u panë së bashku gjatë minutave të para të seancës stërvitore.

The post Kombëtarja kryen seancën e fundit stërvitore para Izraelit, lojtarët ndahen në grupe appeared first on Albeu.com.

Maran zë kështu vendin e Silvinjos në Kombëtare, ku natyrisht do të synojë që të arrijë rezultate si Silvinjo, të paktën në kualifikueset e Europianit dhe natyrisht për të bërë më mirë në Ligën e Kombeve apo edhe në Botëror, gjithmonë nëse kontrata e tij do të vazhdojë deri atëherë.

Pak ditë më parë, u publikua lista e Kombëtares me lojtarë të rinj dhe risi, teksa nuk kanë munguar risitë as në stafi n teknik.

Pas shumë vitesh si trajner i portierëve të Kombëtares, Ilir Bozhiqi, është larguar dhe vendin e tij në stafi n teknik, e ka zënë Alfred Osmani, i cili për shumë vite e ka mbajtur këtë rol te Shqipëria U21 dhe te skuadra e Tiranës.

GJENDJA E SKUADRËS- Kombëtarja shqiptare ka nisur përgatitjet për dy ndeshjet miqësore të muajit qershor ndaj Izraelit dhe Luksemburgut, por trajneri Maran nuk do të ketë në dispozicion mbrojtësin Ardian Ismajli. Qendërmbrojtësi kuqezi është larguar nga grumbullimi pas vlerësimeve të kryera nga stafi mjekësor, i cili ka konstatuar se futbollisti nuk ndodhet ende në gjendjen optimale fizike për të përballuar ngarkesën e dy sfi dave të ardhshme. Ismajli iu bashkua fi llimisht ekipit kombëtar, por rikthimi i tij në aktivitet ka qenë i vonshëm pas një dëmtimi muskulor që e mbajti jashtë fushave për disa javë.

Mbrojtësi arriti të luante vetëm në ndeshjen e fundit të sezonit me klubin e tij, ndërsa analizat e kryera në grumbullim treguan se ai ka nevojë për më shumë kohë rikuperimi. Pas diskutimeve mes lojtarit, stafi t teknik dhe ekipit mjekësor, u vendos që Ismajli të kthehet pranë klubit për të vijuar programin individual të rehabilitimit, me synimin që të rikthehet sa më shpejt në formën e tij më të mirë. Mungesa e Ismajlit përbën një tjetër pengesë në rrugëtimin e tij me Kombëtaren, pasi mbrojtësi ka humbur edhe disa ndeshje të kualifikueseve të Kupës së Botës gjatë viteve të fundit për shkak të dëmtimeve të ndryshme. Stafi i Kombëtares shpreson që 28-vjeçari të rikuperohet plotësisht në javët e ardhshme dhe të jetë i gatshëm për angazhimet zyrtare që e presin Shqipërinë në vazhdim.

RISITË– Për herë të parë në fushë me fanellën e Shqipërisë ka zbritur Luis Hasa i cili për shumë vite ka luajtur me ekipet e moshave të Italisë, duke pasur paraqitje të shumta edhe me Italinë U21. Mesfushori 22-vjeçar është një vlerë e shtuar te kuqezinjtë, teksa edhe në Itali ka bërë një sezon të mirë dhe është në qendër të merkatos, ku pritet rikthimi i tij te Napoli dhe më pas të vendoset për të ardhmen e lojtarit kuqezi. Sakaq, në skuadër ishin edhe Qirko, apo rikthime të rëndësishme si Mehmeti, Seferi, apo edhe lojtarët e konfi rmuar tashmë me fanellën e Shqipërisë. Sfida mes Shqipërisë dhe Izraelit, do të luhet ditën e nesërme në “Air Albania”, teksa 3 ditë më vonë do të luhet edhe miqësorja e dytë, ajo ndaj Luksemburgut.

The post Mungesat te Kombëtarja, Maran e nis me probleme seancën stërvitore para Izraelit appeared first on Albeu.com.

Në seancën hapëse stërvitore u stërvit i gjithë ekipi, me përjashtim të Naser Alijit, i cili zhvilloi një fazë rikuperimi pasi mbrëmë luajti 90 minuta me klubin e tij, Dinamo City.

Grupi i lojtarëve u stërvit fillimisht në palestër dhe më pas zbriti në fushë për ushtrime të ndryshme taktike.

Kombëtarja do të zhvillojë nesër stërvitjen zyrtare në stadiumin “Air Albania”, duke nisur nga ora 17:00.

Ndërkohë, në orën 16:30, trajneri Maran dhe një lojtar do të dalin para mediave në konferencën zyrtare për shtyp para ndeshjes ndaj Izraelit.

The post Kombëtarja nis përgatitjet për miqësoret ndaj Izraelit dhe Luksemburgut, zhvillon seancën e parë stërvitore appeared first on Albeu.com.

“Mendoj se çdo trajner ka idetë e veta përsa i përket pozicionimit të lojtarëve në fushë, nuk e di nëse do të jem më përpara apo në të njëjtin pozicion, e rëndësishme është që sa herë të jem në fushë me Kombëtaren të jap maksimumin dhe më të mirën për ekipin. Nuk e di saktësisht ku do të jem se trajneri ka idetë e veta për lojën, do të bëj maksimumin nëse do jem para ose do të jem më mbrapa.

Çdo trajner dëshiron ta krijojë ekipin në bazë të ideve që ka, mund të ketë ndryshime dhe është normale që të ketë përderisa trajneri është i ri. Shpresoj që këto dy ndeshje të jenë shumë të rëndësishme për ne, përsa i përket vazhdimësisë që do kemi në ndeshjet e Ligës së Kombeve në shtator, do të bëjmë maksimumin dhe të ndërtojmë identitetin tonë me trajnerin e ri.

Çdo lojtar që vjen në ekipin Kombëtar e meriton të jetë përderisa është këtu, çdo pozicion dhe çdo vend është i hapur për gjithsecilin dhe do të luajë ai që meriton të luajë”, tha Shehu në konferencën e zakonshme për shtyp.

The post Juljan Shehu: Të ndërtojmë identitetin tonë me trajnerin Maran, do të luajë ai që e meriton appeared first on Albeu.com.

“Panorama Sport”, mëson detaje ekskluzive nga tekniku italian. Maran ka vendosur që njësoj si De Biazi, sapo të fillojë kampionati, të shkojë në çdo skuadër shqiptare.

Ishte De Biazi që e ndoqi si praktikë vite më parë. Maran si mik i tij duket se do vazhdojë të njëjtën rrugë.

Sa u përket ndeshjeve të qershorit, janë vetëm dy lojtarë nga Abissnet Superiore. Bëhet fjalë për Pano Qirkon e Partizanit si edhe Naser Alijin nga Dinamo.

The post Trajneri Rolando Maran merr vendimin e rëndësishëm për të ardhmen e Kombëtares appeared first on Albeu.com.